Максигра® White (Силденафил)

Максигра® White

Силденафил

Дәрілік түрі, дозасы

Шайнайтын таблеткалар, 25 мг, 50 мг, 100 мг

Несеп-жыныс жүйесі және жыныс гормондары. Урологиялық препараттар. Басқа урологиялық препараттар. Эректильді дисфункция кезінде қолданылатын препараттар. Силденафил.

АТХ коды: G04BE03

Жеткілікті түрде қанағаттанатын жыныстық қатынас үшін жыныс мүшесін эрекцияға жеткізуге немесе оны сақтауға қабілетсіздігімен сипатталатын эректильді дисфункция.

Максигра® White препараты сексуальді стимуляция кезінде ғана тиімді.

Қолдануды бастағанға дейін қажетті мәліметтер тізбесі

• белсенді затқа немесе қосымша заттардың кез келгеніне жоғары сезімталдық

• азот тотығының донаторы (амилнитрит) немесе кез келген түрдегі нитраттар болып табылатын препараттарды бір мезгілде қабылдау

• гуанилатциклаза стимуляторларымен (риоцигуат) бір мезгілде қабылдау

• көру жүйкесінің алдыңғы артериитті емес ишемиялық нейропатиясының салдарынан, бұл көріністің бұдан бұрын ФДЭ-5 тежегішін қолданумен байланысты екендігінен немесе еместігінен тыс, бір көздің көрмей қалуы

• бауырдың ауыр жеткіліксіздігі

• көздің торқабығының тұқым қуалайтын дегенеративтік аурулары (мысалы, тұқым қуалайтын пигментті ретинит (осы пациенттердің аздаған бөлігінде көздің торқабығы фосфодиэстеразасы функциясының тұқым қуалайтын аурулары бар))

• артериялық гипотензия (АҚ < 90/50 мм с. б.)

• жүрек-қантамырлардың ауыр аурулары (мысалы, жүрек функциясының ауыр жеткіліксіздігі, тұрақсыз стенокардия)

• соңғы 6 айда миокард инфарктісін және инсультті бастан кешу

• тұқым қуалайтын лактоза жақпаушылығы, Lapp (ЛАПП)- лактаза тапшылығы, глюкоза-галактоза мальабсорбциясы

• фенилкетонурия (препараттағы аспартамның құрамына байланысты).

Басқа дәрілік препараттармен өзара әрекеттесуі

Басқа дәрілік заттардың силденафилге әсері

Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсінің төмендегені байқалады. Алайда жағымсыз құбылыстардың жиілігі осы пациенттерде көбейген жоқ. Егер силденафилмен емдеу CYP3A4 тежегіштерін қолдану аясында жүргізілсе, силденафилдің бастапқы дозасын 25 мг-ге дейін азайтқан жөн.

P450 цитохромының күшті тежегіші болып табылатын ритонавирдің АИТВ протеаза тежегіші тепе-тең жағдайда (тәулігіне екі рет 500 мг) силденафилмен (бір реттік 100 мг доза) бір мезгілде қабылдау қан плазмасында силденафилдің ең жоғары концентрациясының (Cmax) 300%-ға (4 есеге) артуына, сондай-ақ силденафилдің AUC мәнінің 1000%-ға (11 есеген) артуына әкеледі. 24 сағаттан кейін қан плазмасындағы силденафилдің деңгейі, сильденафилді ғана қабылдағаннан кейінгі шамамен 5 нг/мл-мен салыстырғанда, шамамен 200 нг/мл құрайды. Бұл деректер P450 цитохромы субстраттарының кең ауқымына ритонавирдің айқын әсерлерімен сәйкес келеді. Жоғарыда көрсетілген деректерге негіздей отырып, силденафилді ритонавирмен бір мезгілде қолдану ұсынылмайды.

Силденафил ритонавирдің фармакокинетикасына әсер етпейді.

Силденафилдің ең жоғары дозасы қандай жағдайда болмасын 48 сағат ішінде 25 мг-ден аспауы тиіс.

CYP3A4 тежегіші болып табылатын саквинавирдің АИТВ протеазасы тежегішін тепе-тең жағдайда (тәулігіне үш рет 1200 мг) силденафилмен (бір реттік 100 мг дозада) бір мезгілде қолдану силденафилдің Cmax мәнінің 140% артуына, сондай-ақ силденафилдің AUC мәнінің 210% артуына әкеледі. Силденафил саквинавирдің фармакокинетикасына әсер етпейді.

Кетоконазол және итраконазол сияқты CYP3A4 өте күшті тежегіштерінің өте айқын әсерлері бар.

Силденафилді бір рет қабылдаған кезде эритромицинмен, орташа CYP3A4 тежегішімен бірге силденафилдің жүйелі әсерінің ұлғаюы байқалады.

Азитромицин AUC, Cmax, Tmax көрсеткіштеріне, элиминация жылдамдығының константасына немесе силденафилдің немесе оның негізгі айналымдағы метаболитінің кейінгі жартылай шығарылу кезеңіне әсер етпейді.

P450 цитохромның тежегіші және CYP3A4 спецификалық емес тежегіші болып табылатын циметидинді силденафилмен бір мезгілде қолдану қан плазмасындағы силденафил концентрациясының ұлғаюын тудырады.

Грейпфрут шырыны ішек қабырғасында CYP3A4 арқылы болатын метаболизмнің әлсіз тежегіші болып табылады және қан плазмасында силденафил деңгейінің орташа жоғарылауын туындатуы мүмкін.

Антацидтік заттарды (магний гидроксиді/алюминий гидроксиді) бір мезгілде қабылдау силденафилдің биожетімділігіне ықпалын тигізбейді.

CYP2C9 тежегіштері (толбутамид, варфарин және фенитоин), CYP2D6 тежегіштері (серотонинді кері қармап қалатын селективті тежегіштер, трициклді антидепрессанттар), тиазидтік және тиазидке ұқсас диуретиктер, ілмектік және калий жинақтайтын диуретиктер, ангиотензин-өзгертуші фермент (АӨФ) тежегіштері, кальций өзекшесінің блокаторлары, бета-адренергиялық рецепторлардың блокаторлары және P450 метаболизмдік белсенділігінің индукторлары (рифампицин, барбитураттар) силденафилдің фармакокинетикасына ықпалын тигізбейді.

Эндотелин бозентан антагонистін силденафилмен бір мезгілде қолдану силденафилдің AUC және Cmax төмендеуіне әкеледі. Рифампицин сияқты күшті CYP3A4 индукторларымен бір мезгілде қолдану қан плазмасындағы силденафил концентрациясының анағұрлым айқын төмендеуіне әкеледі.

Никорандил калий өзекшелері активаторының және нитраттың гибриді болып табылады. Нитратты компонент есебінен ол силденафилмен күрделі өзара әрекеттесуге потенциалды түрде қабілетті.

Силденафилдің басқа дәрілік заттарға әсері

Силденафилдің теофиллин немесе дипиридамол сияқты фосфодиэстеразаның спецификалық емес тежегіштерімен өзара әрекеттесуі жөніндегі деректер жоқ.

Силденафил нитраттардың гипотензиялық әсерінің жоғарылауына, атап айтқанда артериялық қысымның едәуір төмендеуіне әкеледі. Сондықтан азот тотығының донаторларымен (амилнитрит) немесе кез келген түрдегі нитраттармен бір мезгілде қолдануға болмайды.

Риоцигуат ФДЭ-5 тежегіштерінің гипотензиялық әсерін күшейтеді. Риоцигуатты ФДЭ-5 тежегіштерімен, оның ішінде силденафилмен бір мезгілде қолдануға болмайды.

Альфа-адреноблокаторлармен ем қабылдап жүрген пациенттерде силденафилді бір мезгілде қолдану кейбір сезімтал пациенттерде симптоматикалық артериялық гипотензияның туындауына әкеп соғуы мүмкін. Бұл силденафилді қабылдағаннан кейін 4 сағат ішінде пайда болуы мүмкін.

Доксазозинмен емдеу жәрдемімен тұрақталған пациенттерде силденафил мен доксазозинді бір мезгілде қолданғанда пациенттерде симптоматикалық постуральді артериялық гипотензияның пайда болуының сирек жағдайлары жөнінде мәлімделді. Бұл мәлімдемелерге бас айналу және естен тану алдындағы жағдайлар да қамтылды, бірақ естен тану емес.

Силденафилді (50 мг дозада) толбутамидпен (250 мг дозада) немесе варфаринмен (40 мг дозада) бір мезгілде қолданғанда, олардың екеуі де CYP2C9-бен метаболизденеді, айтарлықтай өзара әрекеттесулер байқалған жоқ.

Силденафил ацетилсалицил қышқылын қабылдаудан туындаған қан кету уақытын ұлғайтуға ықпал етпейді.

Силденафил (50 мг дозада) қандағы алкогольдің орташа ең жоғары деңгейі 80 мг/дл кезінде алкогольдің гипотензиялық әсерін күшейтуге ықпал етпейді.

Гипертензияға қарсы дәрілік препараттармен (диуретиктер, бета-блокаторлар, АӨФ тежегіштері, ангиотензин II антагонистері, тамыр кеңейтетін және орталық әсер ететін гипертензияға қарсы дәрілік заттар, адренергиялық нейроблокаторлар, кальций өзекшесінің блокаторлары және альфа-адренорецепторлар блокаторлары) бір мезгілде қолдану жағымсыз әсерлер бейініндегі айырмашылықтарды анықтамайды. Артериялық гипертензиясы бар пациенттерде амлодипинмен силденафилді (100 мг дозада) бір мезгілде қолданғанда, силденафилді пайдалану кезінде байқалатын шамаға ұқсас, арқада жатып систолалық артериялық қысымның қосымша төмендеуі.

Силденафил тепе-тең жағдайларда (100 мг дозада) АИТВ протеаза тежегіштерінің, саквинавирдің және ритонавирдің фармакокинетикасына ықпалын тигізбейді, олардың екеуі CYP3A4 субстраты болып табылады.

Бозентанмен бір мезгілде қолданған кезде силденафил бозентанның AUC және C max жоғарылауын тудырады.

Арнайы ескертулер

Эректильді дисфункцияны диагностикалау және оның ықтимал алғашқы себептерін анықтау үшін фармакологиялық емдеу ықтималдылығын қарастырғанға дейін ауру тарихын білу және медициналық тексеру жүргізген жөн.

Жүрек-қантамыр ауруларының қауіп факторлары

Эректильді дисфункцияны емдеуді бастар алдында, емдеуші дәрігер пациенттерінің жүрек-қантамыр жағдайын бағалауы керек, өйткені жыныстық белсенділікпен байланысты жүрек асқынуларының белгілі бір қауіп дәрежесі бар.

Силденафилді тағайындар алдында дәрігерлер белгілі бір негізгі аурулары бар, әсіресе олар сексуальді белсендікпен біріккен кезде, пациенттердің жағдайына осы препараттың қантамырларды кеңейтетін әсерінің болуы мүмкін жағымсыз зардаптарын мұқият тексеруі керек. Тамыр кеңейтетін дәрілерге жоғары сезімталдық тобына сол жақ қарыншаның шығыс бөлігі тарылған пациенттер (мысалы, аорта клапанының стенозы, гипертрофиялық обструктивті кардиомиопатия), сондай-ақ артериялық қысымды автономды бақылаудың бұзылуының ауыр дәрежесі түрінде көрініс табатын көптеген жүйелі атрофияның сирек синдромы бар пациенттер жатады.

Максигра ® White нитраттардың гипотензиялық әсерін күшейтеді.

Тіркеуден кейінгі кезең барысында силденафилді қолдану кезінде миокард инфарктісін, тұрақсыз стенокардияны, кенеттен жүректен болатын өлімді, қарыншалық аритмияны, цереброваскулярлық қан кетуді, транзиторлы ишемиялық шабуылды, артериялық гипертензияны және артериялық гипотензияны қоса, күрделі жүрек-қантамырлық асқынулар жағдайлары тіркелді. Осы пациенттердің көбісінде, бірақ барлығында емес, жүрек-қантамыр ауруларының бұдан бұрынғы қауіп факторлары болған. Осы құбылыстардың көбісі жыныстық қатынас кезінде немесе одан кейін көп ұзамай тіркелген, сондай-ақ силденафилді қабылдағаннан кейін көп ұзамай, сексуальді белсенділіксіз бірнеше құбылыстар да тіркелген. Осы құбылыстардың силденафилді қабылдаумен, сексуальді белсенділікпен, бұрыннан бар жүрек-қантамыр ауруымен, осы факторлардың біріктірілімімен немесе басқа факторлармен тікелей байланысының бар-жоқтығын анықтауға мүмкіндік жоқ.

Приапизм

Эректильді дисфункцияны емдеуге арналған дәрілік препараттарды, соның ішінде силденафилді жыныс мүшесінің анатомиялық деформациясы (ангуляция, кавернозды фиброз немесе Пейрони ауруы сияқты) бар пациенттерге, сондай-ақ приапизмның (орақ-жасушалы анемия, көптеген миелома немесе лейкемия сияқты) дамуына бейім аурулары бар пациенттерге абайлап қолданған жөн.

Силденафилді қолданғанда ұзаққа созылған эрекция және приапизм жағдайлары болуы мүмкін. Эрекция 4 сағаттан астамға созылған жағдайда пациент шұғыл медициналық жәрдемге жүгінуі керек. Приапизмді шұғыл емдеу болмаған жағдайда ол жыныс мүшесі тіндерінің зақымдануына және потенцияның қайтымсыз жоғалуына әкеп соғуы мүмкін.

Эрекцияның бұзылуын емдеуге арналған басқа дәрілермен бірге қолдану

ФДЭ5 басқа тежегіштерімен немесе өкпедегі артериялық гипертензияны емдеуге арналған құрамында силденафил бар басқа препараттармен (мысалы, Ревацио) немесе эрекцияның бұзылуын емдеуге арналған басқа дәрілермен біріктірілген Максигра® White препаратының қауіпсіздігі мен тиімділігі зерттелген жоқ, сондықтан осындай біріктірілім қолдануға ұсынылмайды.

Көру қабілетіне әсері

Силденафилді және ФДЭ-5 басқа тежегіштерін қабылдаумен байланысты көрудің бұзылу жағдайлары, атап айтқанда сирек аурулар – көру жүйкесінің алдыңғы артериитті емес ишемиялық нейропатиясы жағдайлары байқалуы мүмкін. Көру жітілігінің кез келген кемістігі пайда болған жағдайда Максигра® White препаратын қабылдауды тоқтату және дәрігерге қаралу қажет.

Альфа-адреноблокаторлармен бір мезгілде қабылдау

Альфа-адреноблокаторлар тобының препаратын қабылдап жүрген пациенттерде силденафилді сақтықпен қолдану ұсынылады, өйткені оларды бір мезгілде қолдану кейбір сезімтал пациенттерде симптоматикалық артериялық гипотензияға әкелуі мүмкін. Бұл силденафилді қабылдағаннан кейін 4 сағат ішінде байқалуы мүмкін. Постуральді артериялық гипотензияның даму қаупін азайту үшін альфа-адреноблокаторлармен ем қабылдап жүрген пациенттерде силденафилмен емдеуді бастамас бұрын гемодинамикалық тұрақтылық жағдайына қол жеткізген жөн. Силденафилді 25 мг дозадан бастай отырып қабылдау мүмкіндігін қарастыру керек. Бұдан басқа, дәрігерлер постуральді гипотензия симптомдары пайда болған жағдайда пациенттерге қандай әрекеттер жасау керектігі жөнінде нұсқау бергені жөн.

Қанның ұйығыштығына ықпалы

Силденафил натрий нитропруссидінің агрегацияға қарсы әсерін күшейтетіні анықталды. Қан ұйығыштығының бұзылулары немесе белсенді пептидтік ойық жарасы бар пациенттерде силденафилді қолданудың қауіпсіздігі жөнінде мәліметтер жоқ, сондықтан силденафилді пайда/қаупі арақатынасына мұқият баға бергеннен кейін ғана қолданған жөн.

Педиатрияда қолдану

Препаратты балалар мен 18 жасқа дейінгі жасөспірімдерде қолдануға болмайды.

Жүктілік және лактация кезеңі

Максигра® White препаратын әйелдерде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Силденафил автокөлік құралдарын басқару немесе қауіптілігі зор механизмдермен жұмыс істеу қабілетіне аз ғана әсер етуі мүмкін.

Автокөлік құралын басқарар немесе механизмдермен жұмыс жасар алдында пациенттерге, бас айналу және көру сезімінің бұзылуы сияқты препараттың жағымсыз әсерлерімен байланысты, олардың организмінің Максигра® White препаратын қабылдауға қалай әсер беретіндігін түсіндірген жөн.

Қолдану жөніндегі нұсқаулар

Дозалау режимі

Ересектерде қолдану

Максигра® White препаратының ұсынылатын дозасы жыныстық қатынастан шамамен 1 сағат бұрын ішке 50 мг құрайды. Тиімділігін және жағымдылығын ескере отырып, доза 100 мг дейін арттырылуы немесе 25 мг дейін азайтылуы мүмкін. Ұсынылатын ең жоғары доза 100 мг құрайды.

Қабылдаудың ең жоғары ұсынылған жиілігі - күніне 1 рет.

Пациенттердің ерекше топтары

Егде жастағы пациенттер

Егде жастағы пациенттерде (≥65 жас) дозаны түзету талап етілмейді.

Бүйрек функциясы бұзылған пациенттер

Бүйрек функциясының жеңіл және орташа бұзылу дәрежесінде (креатинин клиренсі 30-80 мл/мин) дозаны түзету талап етілмейді. Бүйрек функциясы ауыр бұзылған (креатинин клиренсі < 30 мл/мин) пациенттерде силденафил клиренсінің төмендеуіне байланысты Максигра® White препаратын 25 мг дозада қолдану мүмкіндігін қарастыру керек. Препараттың тиімділігі мен жағымдылығына сүйене отырып, қажет болса дозаны кезең-кезеңімен 50 мг-ға және 100 мг-ға дейін ұлғайтуға болады.

Бауыр функциясы бұзылған пациенттер

Бауыр функциясы бұзылған пациенттерде силденафил клиренсінің төмендеуіне байланысты (мысалы, цирроз) препаратты 25 мг дозада қолдану мүмкіндігін қарастыру керек. Препараттың тиімділігі мен жағымдылығына сүйене отырып, қажет болса дозаны кезең-кезеңімен 50 мг-ға және 100 мг-ға дейін ұлғайтуға болады.

Бала және жасөспірім пациенттер

Силденафил балалар мен 18 жасқа дейінгі жасөспірімдерде қолданылмайды.

Басқа дәрілік заттарды қабылдайтын пациенттерде қолдану

Силденафилмен бір мезгілде қабылдау ұсынылмайтын ритонавирді қоспағанда, препаратты CYP3A4 тежегіштерімен қатар ем алатын пациенттерде бастапқы 25 мг дозада қолдану мүмкіндігін қарастыру керек.

Альфа-адреноблокаторлармен ем қабылдап жүрген пациенттерде, постуральді артериялық гипотензияның даму қаупін төмендету мақсатында, силденафилмен емдеуді бастамас бұрын альфа-адреноблокаторларды қабылдап жүрген пациенттердің жағдайын тұрақтандырған жөн. Бұдан басқа, силденафилді 25 мг дозадан бастап қолдану мүмкіндігін қарастыру керек.

Енгізу жолы және тәсілі

Пероральді қолдану үшін. Таблеткаларды жұтар алдында шайнау керек.

Максигра ® White препаратын тамақпен бірге немесе онсыз қабылдауға болады. Дегенмен, тамақпен бірге қабылдаған жағдайда препараттың әсер ете бастауы үшін көбірек уақыт кетуі мүмкін.

Емдеу ұзақтығы

Дәрігердің нұсқауларына сәйкес.

Артық дозалану жағдайында қабылдануы қажет шаралар

Максигра® White препаратының жоғары дозаларын (200 мг) қабылдау препараттың тиімділігінің артуына әкелмейді, ол тек жағымсыз реакциялар (бас ауыру, гиперемия, бас айналу, диспепсия, мұрынның бітелуі және көру жүйкесінің бұзылуы) жиілігінің артуына әкеледі.

Артық дозаланған жағдайда стандартты симптоматикалық шараларды қабылдаған жөн. Гемодиализ силденафил клиренсін жеделдетпейді, өйткені силденафил қан плазмасының ақуыздарымен белсенді байланысады және несеппен шығарылмайды.

Дәрілік препараттың бір немесе бірнеше дозасын жіберіп алған кезде қажетті шаралар

Өткізіп алған препараттың орнын толтыру үшін препараттың қосарлы дозасын қабылдауға болмайды.

Дәрілік препаратты қолданар алдында дәрігермен немесе фармацевтпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

• бас ауыруы

Жиі

• бас айналуы

• мұрынның бітелуі

• түрлі түстің бұрмаланып көрінуі (хлоропсия, хроматопсия, цианопсия, эритропсия, ксантопсия), көру бұзылыстары, көрудің жіті болмауы

• гиперемия, кернеулер

• диспепсия, жүрек айнуы

Жиі емес

• ринит

• аса жоғары сезімталдық

• ұйқышылдық, гипестезия

• көзден жас ағумен байланысты бұзылулар (көздің құрғауы, көз жасы безі функциясының бұзылуы, көзден жас ағудың көбеюі), көздің ауыруы, фотофобия, фотопсия, көз қантамырларының гиперемиясы, көру сезімінің айқындылығы, конъюнктивит 

• кеңістіктік бағдардан адасу (вертиго), құлақтың шуылдауы

• тахикардия, жүрек қағуын сезіну

• артериялық гипертензия, артериялық гипотензия

• мұрыннан қан кету, мұрынның қосалқы қуыстарының бітелуі

• іштің жоғарығы бөлігінің ауыруы, гастроэзофагеальді рефлюкс ауруы, құсу, ауыз ішінің кеберсуі

• бөртпе

• миалгия, аяқ-қолдың ауыруы

• гематурия

• кеуде қуысының ауыруы, қатты қажу, қызу сезімі

• жүректің жиырылу жиілігінің ұлғаюы

Сирек

• ми қан айналымының жедел бұзылуы, транзиторлы ишемиялық шабуыл, құрысу ұстамасы, құрысу ұстамаларының қайталануы, естен тану

• көру жүйесінің алдыңғы артериитті емес ишемиялық нейропатиясы, көздің торқабығындағы қантамырлардың окклюзиясы, көздің торқабығына қан құйылу, артериосклероздық ретинопатия, көздің торқабығының ауруы, глаукома, көру ауқымының кемістігі, диплопия, көру жітілігінің нашарлауы, миопия, астенопия, шыны тәріздес дененің беткейлік көмескіленуі, көздің нұрлы қабығының ауруы, мидриаз, көру аумағында құбылмалы дөңгелектердің болуы, көздің ісінуі, көздің ісуі, көру бұзылысы, конъюнктивальді гиперемия, көздің тітіркенуі, көзде әдеттен тыс сезім, қабақтардың ісінуі, аққабық түсінің өзгеруі

• кереңдік

• кенеттен жүректен туындаған өлім, миокард инфарктісі, қарыншалық аритмия, жүрекшелер фибрилляциясы, тұрақсыз стенокардия

• кеудеде кернеу сезімі, мұрынның ісінуі, мұрынның шырышты қабығының құрғауы

• оральді гипестезия

• Стивенс-Джонсон синдромы, уытты эпидермальді некролиз

• пенистен қан кету, приапизм, гематоспермия, эрекцияның күшеюі

• тітіркену.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http:www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – силденафил цитраты 35.12 мг, 70.24 мг немесе 140.48 мг

(25.00 мг, 50.00 мг немесе 100.00 мг силденафилге баламалы),

қосымша заттар: калий полакрилині, сусыз коллоидты кремний, лактоза моногидраты, повидон К-30, аспартам, натрий кроскармеллозасы, жалбыз хош иістендіргіші, магний стеараты, калий гидроксиді немесе хлорсутек қышқылы

Сыртқы түрінің, иісінің, дәмінің сипаттамасы

Ақ түсті, екі беті дөңес, бір жағында «25» белгісі бар үшбұрыш пішінді таблеткалар (25 мг доза үшін).

Ақ түсті, екі беті дөңес, бір жағында «50» бедерлемесі бар үшбұрыш пішінді таблеткалар (50 мг доза үшін).

Ақ түсті, екі беті дөңес, бір жағында «100» бедерлемесі бар үшбұрыш пішінді таблеткалар (100 мг доза үшін).

Шығарылу түрі және қаптамасы

Максигра® White 25 мг 1 немесе 2 таблеткадан ПВХ/ПТФЭ үлбірден және алюминий фольгадан жасалған пішінді ұяшықты қаптамаға салынады.

Максигра® White 50 мг және 100 мг 2 немесе 4 таблеткадан ПВХ/ПТФЭ үлбірден және алюминий фольгадан жасалған қаптамаға салынады.

1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, жарықтан қорғалған жерде, 30°С-ден төмен температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Генефарм АҚ, Греция

Маратонос Авеню 18-і км, 15351 Паллини Аттика

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды поштасы: infomed@santo.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі: +7 7252 (610150)

Автожауапбергіш нөмірі: +7 7252 (561342)

Электронды поштасы: complaints@santo.kz; phv@santo.kz