Макронорм

Макронорм

Макрогол

Дәрілік түрі, дозалануы

Ішке қабылдау үшін ерітінді дайындауға арналған ұнтақ

Ас қорыту жолы және зат алмасу. Іш қатуларды емдеуге арналған препараттар. Осмостық іш жүргізетіндер. Басқа препараттармен біріктірілген макрогол.

АТХ коды А06AD65

- жуан ішектің эндоскопиялық немесе рентгенологиялық зерттеулеріне дайындық

- жуан ішектегі операциялық араласуларға дайындық

Қолданудың басталуына дейінгі қажетті мәліметтер тізбесі

• препараттың компоненттеріне жоғары сезімталдық

• сусыздану немесе жүректің ауыр жеткіліксіздігі сияқты жалпы жағдайдың ауыр бұзылулары

• обырдың асқынған түрі немесе шырышты қабықтың зақымдануымен қатар жүретін жуан ішектің басқа аурулары

• ішек бітелуінің дамуына немесе асқазан-ішек обструкциясына бейімділік

• асқорыту жолының тесілуі немесе тесілу қаупі

• асқазанды босатудың бұзылуы (мысалы, гастропарез)

• уытты колит немесе уытты мегаколон, шығу тегі белгісіз іштің ауыруы

• Крон ауруын және ойық жаралы колитті қоса, ішек жолы қабынуының ауыр жедел кезеңі

• 18 жасқа дейінгі балалар мен жасөспірімдер

Басқа дәрілік препараттармен өзара әрекеттесуі

Дәрігер пациенттің ішке қабылдайтын кез келген басқа дәрілік препараттар туралы хабардар болуы тиіс. Макронормды қабылдаған кезде басқа препараттарды қолдану орынсыз, өйткені олар шығарылуы мүмкін және олардың сіңуі төмендетілуі немесе толық тоқтатылуы мүмкін. Оларды Макронормды енгізгенге дейін 2 сағаттан астам уақыт бұрын қабылдау керек. Пероральді препараттарды іш жүргізетін дәрілерді қабылдағанға дейін және кейін медициналық тексеру толық аяқталғанға дейін қолданудан аулақ болу керек. Өмірлік маңызы бар дәрілік препараттарды пероральді түрде қабылдаудан тартыну керек, басқа дәрілік түрде қолдану керек.

Арнайы сақтандырулар

Жалпы жағдайы әлсіреген егде жастағы адамдарға бұл препаратты тек қана дәрігердің бақылауымен қолдану керек.

Макронормды қолданудан туындаған диарея бір мезгілде қабылданатын препараттардың сіңуінің елеулі бұзылуына әкелуі мүмкін.

Бұл препараттың құрамында макрогол (полиэтиленгликоль немесе ПЭГ) бар. Макроголдың негізіндегі препараттарға аллергиялық реакциялар туралы хабарланды: анафилаксиялық шок, бөртпе, ангиоісіну (Квинке).

Макронорм электролиттік бұзылулары бар (мысалы, бүйрек функциясының бұзылуы, жүрек жеткіліксіздігі бар немесе диуретиктерді бір мезгілде қабылдайтын пациенттерде) пациенттерде немесе гипонатриемияны және гипокалиемияны қоса, су-электролиттік теңгерімнің бұзылу қаупін арттыратын қатарлас препараттарды қабылдайтын пациенттерде сақтықпен қолданылуы тиіс. Препарат аспирацияға бейімі бар пациенттерде немесе жататын науқастарда немесе аспирациялық пневмонияға байланысты жұту актісінің өзгерген неврологиялық функциясы бар пациенттерде сақтықпен және дәрігердің бақылауымен ғана қолданылуы тиіс. Мұндай пациенттерге препарат отырған күйде назогастральді зонд арқылы енгізілуі тиіс. Жүрек немесе бүйрек жеткіліксіздігі бар пациенттерде судың артық жүктемесіне байланысты өкпенің жедел ісіну қаупі бар.

Препараттың құрамында натрий бар. Тұзды шектеумен қатаң диетадағы пациенттерде назарға алу керек.

Макронормның құрамында қант жоқ, сондықтан оны қант диабеті бар найқастарға тағайындауға болады.

Педиатрияда қолданылуы

Препарат тек қана ересектерге арналған. 18 жастан кіші балаларда Макронормның қауіпсіздігі мен тиімділігі анықталған жоқ.

Жүктілік және лактация

Жүкті әйелдерді препаратты қолдануы бойынша деректер жоқ немесе өте шектеулі. Макронормды жүктілік кезінде пайдалануды егер күтілетін пайда қауіптен жоғары болса ғана қарастыру керек.

Макронормды емшек емізу кезінде қолдану бойынша деректер жоқ немесе өте шектеулі. Макрогол 4000 емшек сүтімен бөлінетіні белгісіз. Препаратты емшек емізу кезінде пайдалануды егер күтілетін пайда қауіптен жоғары болса ғана қарастыру керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын басқару және/немесе механизмдерді пайдалану қабілетіне әсер етуі бойынша зерттеулер жүргізілген жоқ.

Қолдану жөніндегі нұсқаулар

Дозалану режимі

Препарат тек қана ересектерге арналған.

Әрбір пакет 1 литр суда сұйылтылады. Ұнтақ суда толық ерігенше араластыру керек. Болжалды доза дене салмағының 15-20 кг 1 литр ерітіндіні құрайды, бұл орташа есеппен 3-4 литр ерітіндіге сәйкес келеді.

Қолдану тәсілі. Қалпына келтірілген ерітіндінің толық дозасы (пациенттің дене салмағына байланысты орташа алғанда 3-тен 4 литрге дейінгі ерітінді) қабылданған жағдайда препаратты бір кезеңді және, екі кезеңді де сызба бойынша да қабылдауға болады.

- Бір кезеңді қолдану тәсілінде: 3-4 литр ерітіндіні емшараның алдында кешке қабылдау керек. Алғашқы екі литрді қабылдағаннан кейін 1 сағат үзіліс болуы мүмкін.

- Екі кезеңді қолдану тәсілінде: 2 литр ерітіндіні емшараның алдында кешке және 1 немесе 2 литрді – емшара күні таңертең қабылдау керек. Немесе 3 литр ерітіндіні емшараның алдында кешке және 1 литрді емшара күні таңертең қабылдау керек. Макронормды соңғы қабылдау емшараға дейін 3-4 сағат бұрын болуы тиіс.

Препаратты қабылдаудың ұсынылған нормасы – 1 сағатта 1-1.5 литр (әрбір 10-15 минут сайын шамамен 250 мл-ден).

Дәрігер пациенттің клиникалық жағдайына және потенциалды қатарлас ауруларына сәйкес препаратты қабылдаудың ұсынылған нормасын әр адамға жеке реттеуі мүмкін.

Енгізу әдісі және жолы

Ішке қабылдау керек

Жағымсыз реакциялар сипаттамасы

Диарея Макронормды қолданудан күтілетін әсер болып табылады.

Препаратты қабылдауды бастағанда жүрек айнуы және құсу туралы хабарланды, олар әдетте ұзақ уақыт қабылдағанда өткен.

Төмендегі кесте клиникалық зерттеулер кезінде байқалатын қолайсыз реакцияларды, сондай-ақ маркетингтен кейінгі көздерден алынған қолайсыз оқиғаларды көрсетеді. Жиілігі мынадай шкалаға сәйкес анықталады: өте жиі (≥ 1/10); жиі (≥1/100 - ден < 1/10-ға дейін); жиі емес (≥1/1000-ден < 1/100-ге дейін); сирек (≥1/10000-нан < 1/1000-ға дейін); өте сирек (< 1/10000), белгісіз (қолда бар деректердің негізінде бағалау мүмкін емес).

Артық дозалану

Симптомдары: диарея.

Емі: препаратты тоқтату, симптоматикалық.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір пакеттің ішінде

белсенді заттар: макрогол 4000 - 64,0 г, калий хлориді - 0,75 г, натрий хлориді - 1,46 г, сусыз натрий сульфаты - 5,70 г, натрий гидрокарбонаты - 1,68 г

қосымша заттар: натрий сахарині

Сыртқы түрінің сипаттамасы

Шығарылу түрі және қаптамасы

Препарат алюминий фольгамен және полиэтиленмен ламинацияланған қағаздан жасалған пакеттерге салынған.

4 пакет медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.

2 жыл

Жарамдылық мерзімі өткеннен кейін қолдануға болмайды.

25С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«СУЛТАН» ЖШС

041613, Алматы облысы, Талғар ауданы, Еркін ауылы, Б.Момышұлы к., 5-үй

Тел./факс: 8 (727) 3054865, 3054836

Электронды пошта: toosultan@list.ru

Тіркеу куәлігінің ұстаушысы

«СУЛТАН» ЖШС

041613, Алматы облысы, Талғар ауданы, Еркін ауылы, Б.Момышұлы к., 5-үй

Тел./факс: 8 (727) 3054865, 3054836

Электронды пошта: toosultan@list.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«СУЛТАН» ЖШС

041613, Алматы облысы, Талғар ауданы, Еркін ауылы, Б.Момышұлы к., 5-үй

Тел./факс: 8 (727) 3054865, 3054836

Электронды пошта: toosultan@list.ru