Мадредол

Мадредол

Кеторолак

Инъекцияға арналған ерітінді, 30 мг/мл

Бір ампуланың (1 мл) ішінде:

белсенді зат – 30 мг кеторолак трометамолы;

қосымша заттар – динатрий эдетаты, этанол 96 %, натрий хлориді, натрий гидроксиді, инъекцияға арналған су.

Түссіз немесе бозғылт-сары түсті мөлдір сұйықтық.

Қабынуға қарсы және ревматизмге қарсы препараттар. Қабынуға қарсы стероидты емес препараттар. Сірке қышқылы туындылары.

Кеторолак

АТХ коды М01АВ15

Фармакокинетикасы

Б/і енгізгенде сіңуі – толық және жылдам. Б/і 30 мг енгізгеннен кейін Cmax – 1,74 – 3,1 мкг/мл, 60 мг енгізгеннен кейін – 3,23-5,77 мкг/мл, сәйкесінше Сmax - 15-73 минут және 30-60 минут.

Плазма ақуыздарымен байланысуы – 99 %.

Тәулігіне 4 рет тағайындағанда (субтерапиялықтан жоғары) парентеральді енгізгенде Css жету уақыты - 24 сағат және б/і 15 мг енгізгенде – 0,65 – 1,13 мкг/мл, 30 мг – 1,29 – 2,47 мкг/мл құрайды.

Таралу көлемі – 0,15 – 0,33 л/кг. Бүйрек жеткіліксіздігімен науқастарда препараттың таралу көлемі 2 есе көбеюі, ал оның R-энантиомерінің таралу көлемі - 20 %-ға көбеюі мүмкін.

Емшек сүтіне енеді: анасымен 10 мг кеторолак қабылдағанда сүттегі Cmax бірінші дозаны қабылдағаннан кейін 2 сағаттан соң жетеді және 7,3 нг/мл, кеторолактың екінші дозасын қабылдағаннан кейін 2 сағаттан соң (препаратты тәулігіне 4 рет қабылдағанда) – 7,9 нг/л құрайды.

Енгізілген дозаның 50 %-дан астамы бауырда фармакологиялық белсенді емес метаболиттер түзе отырып метаболизденеді. Негізгі метаболиттері бүйректермен шығарылатын глюкуронидтер және р-гидроксикеторолак болып табылады. 91 % бүйректермен, 6 % - ішек арқылы шығарылады.

T1/2 бүйрек функциясы қалыпты пациенттерде - орташа 5,3 с (30 мг б/і енгізгеннен кейін 3,5 – 9,2 сағат). T1/2 егде пациенттерде артады және жастарда қысқарады. Бауыр функциясы T1/2 әсер етпейді.

Бүйрек функциясының бұзылуымен пациенттерде креатининнің плазмадағы 19-50 мг/л (168 - 442 мкмоль/л) концентрациясында T 1/2 – 10,3 – 10,8 сағат, айқынырақ білінетін бүйрек жеткіліксіздігінде - 13,6 сағаттан астам.

Жалпы клиренсі егде жастағы пациенттерде б/і енгізгенде 30 мг – 0,023 л/сағ/кг құрайды (егде жастағы пациенттерде 0,019 л/сағ/кг; бүйрек жеткіліксіздігімен пациенттерде креатининнің плазмадағы 19 - 50 мг/л концентрациясында 30 мг б/і енгізгенде – 0,015 л/сағ/к).

Фармакодинамикасы

Мадредол қабынуға қарсы стероидты емес дәрілерге жатады.

Айқын ауыруды басатын әсер білдіреді, сондай-ақ қабынуға қарсы және орташа ыстықты түсіретін әсер білдіреді. Әсер ету механизмі простагландиндердің арахидон қышқылынан түзілуін катализдейтін ЦОГ1 және ЦОГ2 белсенділігін іріктемей бәсеңдетумен байланысты, ол өз кезегінде ауыру, қабыну және қызбаның патогенезінде маңызды роль атқарады. Басқа ҚҚСД айтарлықтай күштірек, ауыруды басатын әсерінің күшіне қарай морфинмен салыстыруға болады.

Б/і енгізгеннен кейін ауыруды басатын әсерінің басталуы сәйкесінше 0,5 сағаттан соң байқалады, ең жоғары әсеріне 1-2 сағаттан соң жетеді.

–негізінен жарақаттардағы, операциядан кейінгі кезеңдегі, түбіршектік синдромдағы, бұлшықеттік және буындардың ауыруындағы орташа және күшті қарқындылықпен ауыру синдромын қысқа уақытқа басуға арналған

Бұлшықет ішіне.

16-дан 64 жасқа дейінгі дене салмағы 50 кг асатын пациенттерге парентеральді қолданғанда б/і 1 рет 60 мг асырмай енгізеді (пероральді дозаны қоса); әдетте әрбір 6 сағат сайын 10-30 мг. Дене салмағы 50 кг кем немесе созылмалы бүйрек жеткіліксіздігімен ересек пациенттерге б\і 1 рет 30 мг асырмай енгізеді (пероральді дозаны қоса); әдетте – әрбір 4-6 сағатта 10-15 мг.

Б/і енгізу үшін ең жоғары тәуліктік дозасы 16-дан 64 жасқа дейінгі дене салмағы 50 кг асатын пациенттер үшін тәулігіне - 90 мг; дене салмағы 50 кг кем немесе созылмалы бүйрек жеткіліксіздігімен ересек пациенттерге, сондай-ақ егде жастағы пациенттерге (65 жастан асқан) - б/і енгізу үшін 60 мг.

Парентеральді енгізгенде емдеу курсының ұзақтығы 5 күннен аспауы керек.

Жиі

- гастралгия, диарея (әсіресе анамнезінде асқазан –ішек жолының эрозиялық- ойық жаралы зақымдануы бар 65 жастан асқан егде жастағы пациенттерде)

- бас ауыруы, бас айналуы, ұйқышылдық

- ісінулер (беттің, тізенің, тобықтың, саусақтардың, өкшенің, дене салмағының артуы)

Кейде

- стоматит, метеоризм, іш қату, құсу, асқазанның толып кету сезімі

- артериялық қысымның артуы

- тері бөртпесі (макулопапуллезді бөртуді қоса), пурпура

- енгізген жердегі ашыту немесе ауыру

- тершеңдік

Сирек

- жүрек айнуы, асқазан –ішек жолының эрозиялық- ойық жаралы зақымдануы (оның ішінде тесілумен және/немесе қан кетумен – абдоминальді ауыру, эпигастрия аймағындағы түйілу немесе ашыту, нәжісте қан болуы немесе мелена, қан құсу немесе «кофе қоюы» типтес құсу, жүрек айнуы, қыжылдау және басқалары), холестаздық сарғаю, гепатит, гепатомегалия, жедел панкреатит

- жедел бүйрек жеткіліксіздігі, гематурия және/немесе азотемиямен немесе онсыз бел ауыруы, гемолитикалық-уремиялық синдром (гемолиздік анемия, бүйрек жеткіліксіздігі, тромбоцитопения, пурпура), жиі несеп шығару, немесе несеп көлемінің артуы немесе төмендеуі, нефрит, шығу тегі бүйректік ісінулер

- естудің нашарлауы, құлақтағы шуыл, көрудің бұзылуы (оның ішінде көрудің бұлыңғырлануы)

- бронхтүйілуі немесе диспноэ, ринит, өкпенің ісінуі, көмейдің ісінуі (ентігу, тыныстың қиындауы)

- асептикалық менингит (қызба, қатты бас ауыруы, құрысулар, мойын және /немесе арқа бұлшықеттерінің сіресуі), аса жоғары белсенділік (көңіл күйдің өзгеруі, мазасыздық), елестеулер, депрессия, психоз

- естен тану

- анемия, эозинофилия, лейкопения

- операциядан кейінгі жарадан қан кету, мұрыннан қан кету, ректальді қан кету

- эксфолиативті дерматит (қалтыраумен немесе онсыз қызба, қызару, терінің тығыздануы немесе түлеуі, таңдай бадамша бездерінің ісінуі және/немесе ауыруы), есекжем, Стивенс-Джонсон синдромы, Лайелл синдромы

- анафилаксия немесе анафилактоидты реакциялар (бет терісі түсінің өзгеруі, терінің қышынуы, тахипноэ немесе диспноэ, қабақтың ісінуі, периорбитальді ісіну, ентігу, тыныстың қиындауы, кеуде қуысындағы ауырлық, ысқырып дем алу)

- тілдің ісінуі, қызба.

- кеторолакқа жоғары сезімталдық, бронх демікпесі, мұрын және мұрын маңайы қойнауларының қайталанатын полипозы және ацетилсалицил қышқылын немесе басқа да қабынуға қарсы стероидты емес препараттарды көтере алмаушылықтың (оның ішінде анамнезінде) толық немесе толық емес бірігуі, қабынуға қарсы стероидты емес препараттарды қабылдаумен туындаған есекжем, ринит (анамнезінде), дегидратация

- пиразолон қатарының дәрілік заттарын көтере алмаушылық, гиповолемия (оны туындатқан себептерге тәуелсіз), қан кету немесе оның дамуының жоғары қаупі, аортокоронарлы шунттаудан кейінгі жай-күй, расталған гиперкалиемия, ішектің қабыну аурулары

- өршу сатысындағы асқазан –ішек жолының эрозиялық- ойық жаралы зақымдануы, пептикалық ойық жара, гипокоагуляция (оның ішінде гемофилия)

- бүйрек және/немесе бауырдың ауыр жеткіліксіздігі (креатинин клиренсі 30 мл/мин кем)

- геморрагиялық инсульт (расталған немесе күдік туындататын), геморрагиялық диатез, қан түзудің бұзылуы

- жүктілік, босану және лактация кезеңі

- 16 жасқа дейінгі балалар (қауіпсіздігі мен тиімділігі анықталмаған)

- қан кетудің жоғары қаупіне байланысты хирургиялық операция алдында және кезіндегі ауыруды басу, созылмалы ауыру

Дәрілермен өзара әрекеттесу

Парацетамолмен бір мезгілде тағайындау кеторолактың нефроуыттылығын арттырады.

Басқа ҚҚСП, глюкокортикостероидтармен, этанолмен, кортикотропинмен, Ca2+ препараттарымен қабылдау асқазан-ішек жолының шырышты қабатында ойық жаралану қаупін және асқазан-ішектен қан кетудің дамуын арттырады.

Антикоагулянттық дәрілік заттармен - кумарин және индандион туындыларымен, гепаринмен, тромболитиктермен (алтеплаза, стрептокиназа, урокиназа), антиагреганттық дәрілік заттармен, цефалоспориндермен, вальпрой қышқылымен және ацетилсалицил қышқылымен бір мезгілде тағайындау қан кетудің даму қаупін арттырады.

Гипотензивтік және диурездік дәрілік заттардың әсерін төмендетеді (простагландиндердің бүйректегі синтезін төмендетеді).

Метотрексатпен бірге тағайындау гепато- және нефроуыттылығын арттырады (соңғының төмен дозаларын қолданғанда және оның плазмадағы концентрациясын бақылай отырып оларды бірге тағайындауға болады).

Басқа нефроуытты дәрілік заттармен (оның ішінде алтын препараттарымен) тағайындағанда нефроуыттылығының даму қаупі артады.

Өзекшелік сөліністі бөгейтін дәрілік заттар кеторолак клиренсін төмендетеді және оның плазмадағы концентрациясын арттырады.

Апиындық анальгетиктердің әсерін арттырады.

Миелоуытты дәрілік заттар гематоуытты препараттың біліністерін күшейтеді.

Инсулин және пероральді гипогликемиялық препараттардың гипогликемиялық әсерін арттырады (дозасын қайта есептеу керек). Натрий вальпроатымен бірге тағайындау тромбоциттер агрегациясының бұзылуын туындатады. Верапамил мен нифедипиннің қан плазмасындағы концентрациясын арттырады.

Инъекцияға арналған ерітіндіні тұнба түзілуіне байланысты морфин сульфатымен, прометазинмен және гидроксизинмен бір шприцте араластыруға болмайды.

Трамадол ерітіндісімен, литий препараттарымен фармацевтикалық сыйымсыз. Инъекцияға арналған кеторолак ерітіндісін басқа дәрілік препараттармен бір шприцте араластыруға болмайды.

Препаратты тағайындар алдында препаратқа немесе басқа да ҚҚСП бұрын аллергияның барын немесе болмағанын анықтап алу керек. Аллергиялық реакциялардың даму қаупіне байланысты бірінші дозаны дәрігердің мұқият бақылауымен жүргізеді.

Гиповолемия нефроуытты жағымсыз реакциялардың даму қаупін арттырады.

Қажет болғанда апиынды анальгетиктермен біріктірілімін тағайындауға болады.

Анестезияны демеуге арналған премедикацияға арналған дәрілік зат ретінде қолдануға ұсынылмайды.

Басқа ҚҚСД бір мезгілде қабылдағанда сұйықтың іркілуі, жүрек жеткіліксіздігінің декомпенсациясы, артериялық қысымның жоғарылауы байқалуы мүмкін.Тромбоциттер агрегациясына әсері 24 - 48 сағаттан соң тоқтайды. Парацетамолмен бір мезгілде 5 тәуліктен аса қолдануға болмайды.

Қан ұюының бұзылуымен науқастарға тек тромбоциттер мөлшерін тұрақты бақылай отырып тағайындайды, бұл әсіресе гемостазды мұқият қадағалауды талап ететін операциядан кейінгі науқастар үшін маңызды.

Дәрілік асқынудың даму қаупі емдеуді ұзартқанда (ұзаққа созылған ауырулармен науқастарда) және препараттың пероральді дозасын тәулігіне 40 мг жоғарылатқанда артады.

ҚҚСД-гастропатия даму қаупін азайту үшін антацидті дәрілік заттарды, мизопростолды, омепразолды тағайындайды.

Дәрілік заттың көлік құралын жүргізу және қауіпті механизмдерді басқару қабілетіне ықпал ету ерекшеліктері

Емдеу кезінде көлік құралын жүргізгенде және жадыны жұмылдыру мен психомоторлық реакциялар жылдамдығын талап ететін басқа да потенциальді қауіпті қызмет түрлерімен айналысқанда сақтық шараларын сақтау керек.

Симптомдары (бір рет енгізгенде): іштің ауыруы, жүрек айнуы, құсу, асқазан-ішек жолдарының эрозиялық-ойық жаралы зақымдануы, бүйрек функциясының бұзылуы, метаболизмдік ацидоз.

Емі: симптоматикалық (организмнің өмірлік маңызы бар функцияларын демеу). Диализ – тиімділігі аз.

Шығарылу түрі және қаптамасы

1 мл препараттан I типті янтарь түстес шыныдан жасалған ампулаларға салынған. 5 ампуладан пішінді ұяшықты қаптамаға салынған. 1 пішінді ұяшықты қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салынған.

25°C –ден аспайтын температурада сақтау керек.

Балалардың қолы жетпейтін жерде сақтау керек.

Жарамдылық мерзімі

3 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

Мефар Илач Санаи. А.Ш., Түркия

Стамбул қ-сы, Курткой, Пендик, Рамазаноглу, Ансар к-сі №20

Гранд Медикал Групп АГ, Швейцария

Қазақстан Республикасы аумағында тұтынушылардан препараттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

Қазақстан Республикасындағы «Гранд Медикал Групп АГ» өкілдігі

Алматы қ., Наурызбай батыр к-сі, 17, 211/3 кеңсе

Тел/факс: тел: 344-58-03