Магния сульфат (Химфарм)

Магний сульфаты

Жоқ

Дәрілік түрі, дозалануы

Вена ішіне, бұлшықет ішіне енгізуге арналған ерітінді, 25%, 5 мл

Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділерге қоспалар. Электролитті ерітінділер. Магний сульфаты

АТХ коды B05XA05

• магний препараттарын ішу арқылы қабылдау мүмкін болмағандағы гипомагниемияда

• эклампсиядан туындаған одан әрі құрысуды болдырмау үшін

Қолданудың басталуына дейінгі қажетті мәліметтер тізбесі

• әсер етуші затқа немесе қосымша заттарының кез келгеніне аса жоғары сезімталдық

• бүйректің ауыр жеткіліксіздігі

Қолдану кезіндегі қажетті сақтандыру шаралары

Магний сульфаты бүйрек жеткіліксіздігі бар пациенттерде сақтықпен пайдаланылуы тиіс, дозаны төмендету талап етіледі.

Магний сульфатын бауыр комасында бүйрек жеткіліксіздігі даму қаупі мүмкіндігінде тағайындау ұсынылмайды.

Миастения кезінде, миастениялық криздің жай-күйі өршуін немесе жеделдеуін болдырмау үшін сақтықпен қолданылады. Қаупі мен пайдасын бағалау жекелеген жағдайларда емдеу басталғанға дейін жүргізілуі тиіс.

Сарысудағы кальций деңгейінің мониторингі магний сульфатын қабылдайтын пациенттерде дағдылы рәсім болуы тиіс.

Басқа дәрілік препараттармен өзара әрекеттесуі

Магний тұздарын да дигиталис гликозидтерді қабылдайтын адамдарға сақтықпен тағайындау керек.

Барбитураттар, есірткілік анальгетиктер, ұйықтататын препараттар тыныс алу орталығының бәсеңдеу ықтималдығын арттырады.

Парентералдық енгізу кезінде магний тұздары деполяризацияламайтын миорелаксанттардың (мысалы, тубокурариннің) әсерін күшейтеді және ұзартады.

Нифедипин немесе нимодипин сияқты кальций өзекшелерінің бөгегіштерін бір мезгілде қабылдау кальций иондарының теңгерімсіздігіне сирек әкелуі мүмкін және бұлшықет функциясының бұзылуына әкелуі ықтимал.

Парентералдық магний мен аминогликозидті бактерияға қарсы дәрілердің нейробұлшықеттерді бөгейтін әсерлері аддитивті болуы мүмкін.

Арнайы сақтандырулар

Педиатрияда қолдану

Дәрілік затты балаларға қолдануға болады.

Жүктілік немесе лактация кезінде

Жүктілік кезіндегі қауіпсіздігі анықталмаған, алайда эклампсиясы бар пациенттің шұғыл жағдайында магний сульфаты осы жағдайды жеңілдету үшін тағайындалуы мүмкін, бірақ бұл анасының да, баласының да өміріне қауіпті.

Барлық басқа препараттар жағдайындағы сияқты, егер бұл өмірлік маңызды қажеттілік болмаса, жүктілік немесе бала емізу кезінде магний сульфатын тағайындау ұсынылмайды. Бұл ретте дәрігердің бақылауымен енгізу қажет.

Магний плацента арқылы өтеді.

Жүкті әйелдерде қолданған кезде іштегі нәрестенің жүрегінің жиырылу жиілігін бақылау керек және босанудан кейін 2 сағаттың ішінде қолданудан аулақ болған жөн.

Магний сульфаты жүкті әйелдерге 5–7 күннен астам уақыт бойы үздіксіз енгізген кезде қаңқа тарапынан жағымсыз әсерлерді туғызуы мүмкін.

Анасы магний сульфатын 5–7 күннен астам уақыт бойы қабылдаған кезде гипокальциемияны, қаңқаның деминерализациясын, остеопенияны және басқа қаңқа тарапынан жағымсыз әсерлерді қоса алғанда, іштегі нәрестеге жағымсыз әсерлерді құжаттайтын жағдайлар туралы ретроспективті эпидемиологиялық зерттеулер мен есептер бар.

Бақыланған әсерлердің клиникалық мәні белгісіз.

Жүктілік кезінде магний сульфатының ұзақ немесе қайталап әсер етуінде жаңа туған нәрестелерге кальций мен магнийдің аномалиялық деңгейіне және қаңқа тарапынан жағымсыз әсерлерге қатысты мониторинг жүргізу қажет.

Препаратты қолдану қажет болған жағдайда бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын басқару және механизмдермен жұмыс істеу қабілетіне әсеріне зерттеу жүргізілген жоқ.

Қолдану жөніндегі нұсқаулар

Дозалану режимі

Вена ішіне

а) Гипомагниемия кезінде магний тапшылығын емдеу

Пациенттердің ерекше топтары

Ересектер және егде жастағылар:

Дозаны клиникалық жағдайға байланысты жеке белгілейді. Дозаны емдік әсерді және қан сарысуындағы магний иондарының концентрациясын ескере отырып, нақтылайды.

Тапшылықтың орнын толтыру үшін (несеппен жоғалтуды ескере отырып) 160 ммоль дейінгі магний иондары (160 мл 25% ерітінді) вена ішіне баяу инфузиямен (5% глюкозада) ең көбі 5 күн ішінде қажет болуы мүмкін. 25% ерітіндіні бұлшықет ішіне енгізу тәсілін пайдалану туралы деректер жоқ.

Балалар:

Тапшылық кезіндегі магний қоспасы: 100 мг/ кг (0.4 мл/кг 25% ерітінді немесе 0.4 ммоль / кг магний иондары) бір рет, қажет болған жағдайда 12 сағаттан кейін қайталайды.

Магнийдің төмен деңгейлерінен туындаған құрысулар: 20–40 мг/кг (0.08–0.16 мл/кг 25 % ерітінді немесе 0.08–0.16 ммоль/кг магний иондары) қажет болған жағдайда әрбір 4–6 сағат сайын қайталайды.

Бүйрек жеткіліксіздігі:

Бүйрек жеткіліксіздігі кезінде дозалар төмендетілуі мүмкін. Бүйректің экскреторлық қабілетін арттыруға жол бермеу үшін сақ болу керек. Дозасы 48 сағат ішінде 20 г аспауы тиіс (80 мл 25% ерітінді немесе 80 ммоль магний иондары).

б) Эклампсия туындатқан одан әрі құрысулардың алдын алу үшін

Вена ішілік демеуші ем

Алдымен 4 г/20 мл немесе 16 ммоль/20мл магний иондарының жүктеме дозасын вена ішіне (16 мл 25% ерітінді) немесе кейбір жағдайларда 5 г/25 мл немесе 20 ммоль/25 мл вена ішіне (20 мл 25% ерітінді) жоғарыда сипатталғандай, содан кейін соңғы құрысудан соң ұзақтығы 24 сағат болатын 1 г/с инфузиясын енгізеді.

Қайталанатын құрысулар: емдеудің вена ішілік сызбасы кезінде құрысулар қайталанған кезде тағы 2-4 г/8-16 мл 25% ерітіндіні немесе 8-16 ммоль/8-16 мл магний иондарын (әйелдің салмағына байланысты, егер 70 кг (8 мл 25% ерітінді) кем болса 2 г, 5 минутқа вена ішіне тағайындайды.

Дозаның тиісті төмендетілуі бүйрек функциясы бұзылған пациенттер үшін жүзеге асырылуы тиіс; бүйрек функциясы ауырлықтың ауыр дәрежесінде

бұзылған кезде дозаның болжамды төмендеуі 48 сағат бойы ең көп дегенде 20 г (80 ммоль магний иондары) құрайды.

Енгізу әдісі және жолы

Бұлшықет ішіне немесе вена ішіне.

Бұлшықетішілік ем шеткері веналарға қол жеткізу мүмкін болмаған кезде ғана пайдаланылуы тиіс.

Үйлесімсіздік

Кальций препараттарымен, этанолмен (жоғары концентрацияларда), карбонаттармен, гидрокарбонаттармен және сілтілік металл фосфаттарымен, мышьяк қышқылы, барий, стронций тұздарымен, клиндамицин фосфатымен, гидрокортизон натрий сукцинатымен, полимиксин В сульфатымен, прокаин гидрохлоридімен, салицилаттармен және тартраттармен фармацевтикалық тұрғыда үйлеспейді (шөгінді түзіледі). Толық парентералдық қоректендіруге арналған қоспалардағы 10 ммоль/мл-ден жоғары Mg2+ концентрацияларында май эмульсиялары таралуы мүмкін.

Емдеу ұзақтығы

Емдеу ұзақтығын емдеуші дәрігер анықтайды

Артық дозалану жағдайында қабылдау қажет болатын шаралар

Симптомдары

Артық дозаланудың клиникалық белгілері гипермагниемия симптомдары болады.

Емі

Қандағы магний деңгейін төмендету үшін тиісті шаралар қабылдануы тиіс. Гипермагниемиямен байланысты жүйке-бұлшықет блокадасын 2.5-5 ммоль кальцийге баламалы дозада вена ішіне енгізу керек болатын кальций глюконаты сияқты кальций тұздарының көмегімен жоюға болады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Өткізіп қабылданбай қалған дозаның орнын толтыру үшін екі есе дозаны қабылдамаңыз.

Тоқтату симптомдары қаупінің болуына нұсқау

Қатысты емес

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданбас бұрын кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Белгісіз (қолда бар деректер негізінде баға беру мүмкін емес)

• аса жоғары сезімталдық реакциялары

• ысынулармен, шөлмен, артериялық гипотензиямен, ұйқышылдықпен, жүрек айнуымен, құсумен, сананың шатасуымен, түсініксіз сөйлеумен, көзге қосарлы көрінумен, жүйке-бұлшықет блокадасына байланысты сіңір рефлекстері жойылуымен, бұлшықет әлсіздігімен, тыныс алудың бәсеңдеуімен, электролит-су теңгерімі бұзылуымен (гипофосфатемиямен, гиперосмолярлық дегидратациямен), ЭКГ өзгерістерімен (PR, QRS және QT аралықтары ұзаруымен), брадикардиямен, жүрек аритмиясымен, комамен және жүрек тоқтауымен сипатталатын гипермагниемия.

• гипокальциемия, салдарлық тетания белгілерімен

• электролит-су теңгерімінің бұзылуы (гипофосфатемия, гиперосмостық дегидратация)

• Магний сульфатының жоғары дозаларын қолданған кезде анадағы және шаранадағы гипокальциемия туралы бірлі-жарым хабарламалар бар

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

5 мл препараттың құрамында

белсенді зат – магний сульфаты гептагидраты 1.25 г,

қосымша зат – 0.1 М хлорсутек қышқылы немесе 0.1 М натрий гидроксиді ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз немесе сәл боялған сұйықтық.

Шығарылу түрі және қаптамасы

5 мл препараттан сындыру нүктесі немесе сақинасы бар, шприцпен толтырылатын шыны ампулаларға құйылған.

Әр ампулаға заттаңба жапсырылады.

Препараты бар 5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.

Препараты бар 1 пішінді ұяшықты қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады. Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі: пішінді ұяшықты қаптамаларды медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салады, нұсқаулықтар саны қаптамалардың санына қарай қоса салынады.

5 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz