Магнетаб (Рубикон)

МНН: Дигидрат лактата магния, Пиридоксина гидрохлорид

Производитель: Рубикон ООО

Анатомо-терапевтическо-химическая классификация: Комбинация различных солей магния

Информация о регистрации

Номер регистрации в РК: РК-ЛС-5№023968

Информация о регистрации в РК: 22.04.2024 - бессрочно

Инструкция

русский
қазақша

Скачать инструкцию медикамента

Саудалық атауы

Магнетаб

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді заттар: магний лактат дигидраты - 334 мг (34.00 мг магнийге баламалы),

пиридоксин гидрохлориді - 5 мг

қосымша заттар: натрий крахмалгликоляты (А типі), магний стеараты, микрокристалды целлюлоза

Сипаттамасы

Екі беті дөңес, ақ емесе ақ дерлік түсті цилиндрлі таблеткалар.

Фармакотерапиялық тобы

Ас қорыту жолы және зат алмасу. Минералды қоспалар. Басқа да минералды заттар. Магний препараттары. Әртүрлі магний тұздарының біріктірілімі

АТХ коды A12CC30

Фармакологиялық қасиеттері

Фармакокинетикасы

Магний тұздарының асқазан-ішектік абсорбциясы ішінара пассивті механизм арқылы жүреді, онда тұздың ерігіштігі шешуші орын алады. Бұл абсорбцияның дәрежесі 50 % аспайды. Организмде магний негізінен жасушаішілік кеңістікте (99 % жуық) таралады, олардың 2/3 жуығы сүйек тінінде таралады, ал ширек бөлігі тегіс және көлденең-жолақ бұлшықет тінінде болады. Магнийдің шығарылуы несеппен жүреді, аз дегенде магнийдің қабылданатын дозасының 1/3.

Пиридоксин жіңішке ішекте сіңіріледі. Фармакологиялық тұрғыдан белсенді метаболиттер (пиридоксальфосфат және пиридоксаминофосфат) түзе отырып бауырда метаболизденеді. Таралу көбінесе бұлшықетте, бауырда және ОЖЖ. Плацента арқылы ана сүтіне өтеді. Бүйрекпен шығарылады

ФармакодинамикасыМагний көбінесе жасушаішілік катион болып табылады, нейрондардың қозғыштығы мен нейробұлшықеттік қозудың берілуін төмендетеді, көптеген ферментативтік үдерістерге қатысады.

Магний ағзалар мен тіндердің маңызды элементі болып табылады; организмдегі магнийдің жалпы мөлшерінің жартысы сүйек тінінде жиналады.

Сарысудағы магний деңгейлері:

- 12 және 17 мг/л (1 - 1,4 мЭкв/л немесе 0,5 - 0,7 ммоль/л) арасында: магнийдің орташа тапшылығын көрсетеді;

- 12 мг/л (1 мЭкв/л немесе 0,5 ммоль/л) төмен: магнийдің ауыр тапшылығын көрсетеді.

Тапшылық мынадай болуы мүмкін:

- бастапқы, туа біткен метаболизм аномалиясы (созылмалы туа біткен гипо- магниемия) салдарынан;

- салдарлы, мыналардың салдарынан:

• талапқа сай келіп түспеу (тойып тамақтанбаудың ауыр түрі, алкоголизм, ерекше парентеральді қоректену);

• асқазан-ішек сіңірілуінің бұзылыстары (созылмалы іш өту, асқазан-ішек жыланкөз, гипопаратироидизм);

• магнийдің бүйрек арқылы шамадан тыс жойылуы (ауыр полиурия, диуретиктерді шамадан тыс тұтыну, созылмалы пиелонефрит, бастапқы гиперальдостеронизм, цисплатинмен емделу).

Пиридоксин (В6 дәрумені) көптеген метаболизмдік үдерістерге қатысады, магнийдің АІЖ-нан сіңірілуінің жақсаруына және оның жасушаларға өтуіне ықпал етеді.

Қолданылуы

Жеке, сондай-ақ басқа да тапшылық жағдайларымен астасқан организмдегі расталған магний тапшылығын емдеу.

Келесі симптомдардың біріктірілімі магний тапшылығын растауы мүмкін:

– күйгелектік, ашушаңдық, аздаған үрей, өтпелі шаршағыштық, ұйқының аздаған бұзылуы,

– асқазан-ішек түйілуі немесе жиі жүрек қағуы (жүрек сау болғанда) сияқты үрей белгілері,

– бұлшықет құрысуы, шаншу.

Қолдану тәсілі және дозалары

6-12 жас аралығындағы балаларға: тәулігіне 3 рет 1 таблетка.

Ересектер мен 12 жастан асқан балаларға: тәулігіне 3 рет 1 немесе 2 таблетка;

Профилактика үшін:

ересектер мен 12 жастан асқан балаларға: тәулігіне 1 рет 1 немесе 2 таблетка.

Таблетканы тамақтану кезінде, бір стақан сумен ішіп қабылдау керек.

Дозаны кез келген ұлғайтуды дәрігермен келісу керек.

Емді қандағы магний концентрациясы қалпына келгеннен кейін бірден тоқтату керек.

Жағымсыз құбылыстар

Иммундық жүйе тарапынан болатын бұзылыстар:

Өте сирек (< 0,01 %): тері реакцияларын қоса, аллергиялық реакциялар;

Асқазан-ішек жолы тарапынан болатын бұзылыстар:

Жиілігі белгісіз (қолда бар деректер бойынша туындау жиілігін бағалау мүмкін емес): диарея, іштің ауыруы, жүрек айнуы, құсу, метеоризм.

Қолдануға болмайтын жағдайлар

- препарат компоненттеріне жоғары сезімталдық;

- бүйректің айқын жеткіліксіздігі (креатинин клиренсі 30 мл/минут кем);

- гипермагниемия,

- В6 дәруменінің гипервитаминозы;

- миастения гравис;

- 6 жасқа дейінгі балалар;

Дәрілермен өзара әрекеттесуі

Орташа дәрежедегі бүйрек жеткіліксіздігінде сақтықпен қолданады, өйткені гипермагниемияның даму қаупі бар.

Дәрілермен өзара әрекеттесуі

Қолдануға болмайтын біріктірілімдер

- Леводопамен: леводопаның белсенділігі пиридоксинмен тежеледі (егер бұл препаратты қабылдау ароматтық L-амин қышқылдарының шеткері декарбоксилазасы тежегіштерін қабылдаумен бірікпесе). Егер леводопа ароматтық L-амин қышқылдарының шеткері декарбоксилазасы тежегіштерімен бірге қабылданбаса пиридоксиннің кез келген мөлшерін қабылдаудан аулақ болу керек.

Ұсынылмайтын біріктірілімдер

- Құрамында фосфаттар немесе кальций тұздары бар препараттарды бір уақытта қолдану магнийдің ішекте сіңірілуін нашарлатуы мүмкін.

- флюорохинолондар мен тетрациклиндер тобының антибиотиктермен.

Назар аударылуы тиіс біріктірілімдер

- Тетрациклиндерді ішке тағайындағанда тетрациклин мен Магнетабты ішке қабылдау арасында кемінде үш сағат аралықты сақтау қажет, өйткені магний препараттары тетрациклиндердің сіңірілуін төмендетеді.

Айрықша нұсқаулар

Ауыр дәрежедегі магний тапшылығы немесе мальабсорбция синдромы жағдайында емді магний препараттарын вена ішіне енгізуден бастайды.

Қатарлас кальций тапшылығы жағдайында кальций препараттарын немесе құрамында кальций бар тағамдық қоспаларды қабылдауды бастауға дейін магний тапшылығын жою ұсынылады.

Іш жүргізетін дәрілерді, алкогольді жиі тұтынғанда, ауыр физикалық және психикалық жүктемелер кезінде магнийге қажеттілік өседі, бұл организмдегі магний тапшылығының дамуына әкелуі мүмкін.

Пиридоксинді ұзақ уақыт бойы (бірнеше ай бойы немесе кейбір жағдайларда - бірнеше жыл) жоғарғы дозаларда (күніне 200 мг аса) қолданғанда сенсорлық аксональді нейропатия дамуы мүмкін, ол ұю, проприоцептивтік сезімталдықтың бұзылуы, қол-аяқтың дистальді бөліктерінің треморы және біртіндеп дамитын сенсорлық атаксия (қимыл үйлесімінің бұзылуы) сияқты симптомдармен қатар жүреді. Бұл бұзылыстар әдетте қайтымды және В6 дәруменін қабылдағаннан кейін кетеді.

Жүктілік және лактация кезеңі

Жүкті немесе бала емізетін әйелдердегі қолдану қауіпсіздігіне қатысты қолжетімді деректердің жоқтығына байланысты ең жоғарғы ұсынылатын емдік дозалардан асырмаған жөн (яғни компоненттердің әрқайсысының, атап айтқанда магнийдің ұсынылған тәуліктік нормасы: күніне 250 мг; В6 дәруменінің ұсынылған тәуліктік нормасы: күніне 25 мг).

Дәрілік препараттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Қолданылмайды.

Артық дозалануы

Симптомдары

Бүйрек функциясы қалыпты болғанда магнийдің оны ішке қабылдағандағы артық дозалануы әдетте уытты реакциялардың туындауына әкелмейді. Алайда бүйрек жеткіліксіздігінде магниймен улану дамуы мүмкін. Айқындығы қандағы магний концентрациясына байланысты артық дозалануы симптомдары: артериялық қысымның төмендеуі; жүрек айнуы, құсу; орталық жүйке жүйесінің бәсеңдеуі, рефлекстердің төмендеуі; электрокардиограммадағы өзгерістер; тыныс алудың бәсеңдеуі, кома, жүрек тоқтауы және тыныс алу салдануы; ануриялық синдром.

Емі

Регидратация, жедел диурез. Бүйрек жеткіліксіздігінде гемодиализ немесе перитонеальді диализ қажет.

Шығарылу түрі

10 таблеткадан үлбірден (ПВХ) және алюминий фольгадан жасалған пішінді ұяшықты қаптамада.

5 немесе 9 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан, ылғалдан қорғалған жерде 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Рубикон» ЖШҚ, Беларусь Республикасы, 210002, Витебск қ-сы, М.Горький к-сі, 62Б,

тел/факс: +375 (212) 34-06-29, www.rubikon.by, e-mail: secretar@rubikon.by

Тіркеу куәлігінің иесі