Магнерот®
Инструкция
-
русский
-
қазақша
Саудалық атауы
Магнерот®
Халықаралық патенттелмеген атауы
Жоқ
Дәрілік түрі
500 мг таблеткалар
Құрамы
1 таблетканың құрамында
белсенді зат – 500.0 мг магний оротаты дигидраты (32.8 мг магний)
қосымша заттар: сусыз коллоидты кремнийдің қостотығы, натрий кросскармеллозасы, микрокристалды целлюлоза, жүгері крахмалы,
повидон К-30, лактоза моногидраты, натрий цикломаты, тальк, магний стеараты
Сипаттамасы
Жалпақ цилиндр пішінді, бір жақ бетінде ойығы мен сызығы бар, ақ түсті таблеткалар.
Фармакотерапиялық тобы
Минералды қоспалар. Басқа да минералды заттар. Магний препараттары. Магний оротаты.
АТХ коды А12СС09
Фармакологиялық қасиеттері
Фармакокинетика
Мөлшері магнийді тамақпен стандартты қабылдау көлемінен асып түсетін жалпы магний дозасының шамамен 35-40%-ын организм сіңіреді. Магний тапшылығы оның сіңірілуін көтермелейді.
Органикалық қышқылдарды (аспарагин, оротат) бір мезгілде қабылдаған кезде магнийдің сіңірілуі жоғарылайды.
Магний бүйрекпен сыртқа шығарылады және магний түсуінің деңгейіне жылдам бейімделеді: магний тапшылығы кезінде азаяды, сонымен қатар магний шамадан тыс түскенде ұлғаяды.
Фармакодинамикаcы
Магнерот – магний препараты. Магний маңызды макроэлемент болып табылады, 300-ден астам ферментативті реакцияларға қатысады, жасушалар өткізгіштігі мен жүйке-бұлшықет өткізгіштігін реттейді, көптеген энергетикалық үдерістерді қамтамасыз ету үшін қажет, ақуыз, май, көмірсу мен нуклеин қышқылдарының зат алмасуына қатысады. Магний жүйке-бұлшықет импульсінің берілуін бәсеңдетіп, жүйке-бұлшықеттің қозу үдерісіне қатысады. Магний кальцийдің табиғи физиологиялық антагонисі ретінде ерекше қызығушылық туғызады. Магний миокард жасушаларының қалыпты қызмет етуін бақылайды; миокардтың жиырылу қызметін реттеуге қатысады. Стресс жағдайларында бос иондалған магнийдің жоғары мөлшері бөлініп шығып, осыған байланысты магнийдің қосымша мөлшері стресске төзімділіктің жоғарылауына ықпал етеді.
Қолданылуы
- миокард инфарктісін кешенді емдеуде және алдын алуда
- стенокардияда
- магний тапшылығынан туындаған жүрек аритмиясында
- түйілу жағдайында, оның ішінде ангиоспазм
- артериитте, артериолитте
- атеросклерозда
- дислипидемияда
Қолдану тәсілі және дозалары
Таблеткаларды сұйықтықтың аздаған мөлшерімен ішіп ішке қабылдау керек.
Алғашқы 7 күн бойы күніне 3 рет 2 таблеткадан, одан кейін күнделікті 2-3 рет 1 таблеткадан тағайындайды. Курстың ұзақтығы кем дегенде 4-6 апта. Қайталау курсы – дәрігер кеңесінен кейін.
Жағымсыз әсерлері
- тұрақсыз нәжіс және диарея (жоғары дозада қабылдаған кезде), әдетте препараттың дозасын төмендеткенде өздігінен қайтады
Қолдануға болмайтын жағдайлар
- препаратқа және оның компоненттеріне жоғары сезімталдық
- несептас ауруы, бүйрек қызметінің бұзылуы
- 18 жасқа дейін
- диабеттік кетоацидоз
- асциті бар бауыр циррозы
- гипотиреоз
Дәрілермен өзара әрекеттесуі
Бір мезгілде қабылдағанда Магнероттың® құрамына кіретін магний темірдің, тетрациклиндер және натрий фторидінің сіңірілуін қиындатады, осыған байланысты бұл препараттарды қабылдау арасындағы аралық 2-3 сағатты құрауы тиіс.
Айрықша нұсқаулар
Магнеротты® емделуші организміндегі ұдайы магний тапшылығы жағдайында, ұзақ уақыт, бүкіл өмір бойы қабылдауға болады. Асқазан-ішек жолының аурулары; магний құрамы төмен тағам өнімдерін қолдану немесе құрамында фосфат бар алкогольдік емес сусындарды ішу, тұзды тамақты көп қабылдау; созылмалы маскүнемдік (бүйрек өзекшелерінде магнийдің сіңуі төмендеуінен және организмнен магний шығуының күшеюінен); кейбір дәрілік заттарды қабылдау (ішу арқылы қабылданатын контрацептивтер, диуретиктер, миорелаксанттар, глюкокортикостероидтар, инсулин); магнийді шамадан тыс қолдануды қажет ететін жағдай (гиподинамия, стресс, әсіресе шудың стресс әсері, жүктілік) организмде магний тапшылығын туындатуы мүмкін екенін ескеру керек.
Магний метаболизмінің бұзылу себептерінің бірі әдетте минералдарды қабылдау ескерілмейтін ұзақ ашығу немесе емдәм; шамадан тыс дене жүктемелері және соған байланысты, мысалы, спортшылардың терлеуі, магний жоғалтуға әкеледі, бұл тұз теңгерімін қалпына келтіруге ұсынылған құрамында тұз бар сусындарды қабылдаумен одан әрі ушығады; кальцийдің жақсы сіңуі үшін магний антагонисі болып табылатын D витаминін қабылдау болып табылады.
Жүктілік және лактация кезеңі
Жүктілік және лактация кезеңінде (бала емізуде) препаратты көрсетілімдеріне қарай қолдануға болады, себебі бұл кезеңдерде магнийге қажеттілік елеулі артады. Егер оның құрамы теңгерілмеген (тапшы) болса, ол елеулі асқынуларға, оның ішінде жүктіліктің үзілуіне әкелуі мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Магнерот® препараты автомобиль жүргізу немесе қандай да бір машиналар мен механизмдерді пайдалану қабілетіне әсер етпейді.
Артық дозалануы
Симптомдары: сипатталған жағымсыз реакциялардың көрініс беруі күшеюі мүмкін.
Емі: симптоматикалық.
Шығарылу түрі
10 таблеткадан поливинилхлоридті (поливинилдихлоридті) үлбірден және алюминий фольгадан жасалған пішінді ұяшықты қаптамаға салынған.
2 немесе 5 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Мауерманн Арцнаймиттель КГ, Германия,
Вёрваг Фарма ГмбХ және Ко.КГ, Кальвер штрассе, 7, 71034, Бёблинген, Германия үшін.
Тіркеу куәлігі иесінің атауы мен елі
Вёрваг Фарма ГмбХ және Ко.КГ, Кальвер штрассе, 7, 71034, Бёблинген, Германия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
Қазақстан Республикасы және Орта Азиядағы Вёрваг Фарма ГмбХ және Ко. КГ өкілдігі
050022, Алматы, Бөгенбай батыр к-сі 148, 303 кеңсе
тел./факс: (727) 255 83 48, 255 85 18
e-mail: info@woerwagpharma.kz