Магнегита (20 мл)

• русский
• қазақша

• Скачать инструкцию медикамента

Саудалық атауы

Магнегита

Халықаралық патенттелмеген атауы

Гадопентет қышқылы

Дәрілік түрі

Инъекцияға арналған ерітінді 500 мкмоль/мл 10 мл, 15 мл және 20 мл

Құрамы

1 мл ерітіндінің құрамында

белсенді зат – 500 мкмоль (78,63 мг) гадолинийге баламалы,

469,01 мг гадопентетат димеглумин бар,

қосымша заттар: пентет қышқылы, меглумин, инъекцияға арналған су.

Сипаттамасы

Мөлдір түссіз ерітінді.

Фармакотерапиялық тобы

Контрастылы заттар. Ядролық-магнитті резонансқа арналған контрастылы заттар. Парамагнитті контрастылы заттар. Гадопентет қышқылы.

ATХ коды V08CA01

Фармакологиялық қасиеттері

Магнегита ерітіндісінің физикалық-химиялық сипаттамалары

Көктамыр ішіне енгізгеннен кейін гадопентетат димеглумин тез бірнеше минут ішінде жасушадан тыс кеңістікте таралады. Сау тіндерде жинақталмайды, интактылы гематоэнцефалдық және гематотестикулярлық бөгеттер арқылы өтпейді, сонымен бірге өзгерген тіндерде жинақталады (киста, тыртық, қан тамырлық торлардың бұзылуы), ісіктерді, абсцесстерді, жеделге жуық инфарктты анықтауға мүмкіндік береді. Гадопентетат димеглуминінің болмашы мөлшері плаценталық бөгет арқылы өтеді, бірақ тез шығарылады. Қан плазмасы ақуыздарымен байланысуы елеусіз.

Препарат метаболизденбейді. Жартылай шығарылу кезеңі 90 минутты құрайды. Гадопентетат димеглуминнің негізгі бөлігі шумақтық сүзіліс жолымен өзгермеген күйде шығарылады, болмашы мөлшері фекалиймен (енгізілген дозаның кемінде 1%-ы) және емшек сүтімен (енгізілген дозаның 0,04 %-ға дейін) шығарылады. Енгізілген дозаның 83%-ы енгізілгеннен кейін - 6 сағат ішінде, препараттың 91%-ы - 24 сағат ішінде шығарылады. 1,73 м2 үшін қалыптандырылған гадопентетат димеглуминінің бүйрек клиренсі шамамен 120 мл/минутты құрайды.

Емделушілердің айрықша популяцияларының сипаттамасы

Егде емделушілер (65 жас және одан жоғары)

Жасына байланысты бүйрек қызметіндегі физиологиялық өзгерістер себебінен жартылай шығарылудың терминальді кезеңі және жүйелі экспозициясы егде тұлғаларда жоғары болған. Жалпы клиренс 89 мл/мин. дейін төмендетілген.

Бауыр қызметінің бұзылуы

Препараттың тек бүйрек арқылы шығарылуына байланысты гадопентетат фармакокинетикасы бауыр қызметінің жеңіл және орташа бұзылуы бар емделушілерде өзгермеген. Бауыр қызметінің ауыр бұзылуы бар емделушілерге қатысты деректер жоқ.

Бүйрек қызметінің бұзылуы

Бүйрек қызметінің бұзылуымен науқастарда гадопентетаттың жартылай шығарылу кезеңі шумақтық сүзілістің төмендеуі салдарынан артады.

Бүйрек қызметінің (креатинин клиренсі > 30 мл/мин) жеңіл және орташа бұзылуы бар науқастарда гадопентетат 2- күн ішінде толығымен несеппен шығарылады.

Бүйрек қызметінің ауыр бұзылуы бар науқастарда енгізілген дозаның 73,3±16,1% 2-күн ішінде несеппен шығарылады.

Бүйрек қызметінің бұзылуы бар емделушілерде гадопентетат организмнен гемодиализ көмегімен шығарылуы мүмкін. Гадопентат димеглуминді 0,1 ммоль/кг дозада қабылдаған бүйрек қызметінің бұзылуы бар емделушілерге жүргізілген клиникалық зерттеулерде диализ курсы күніне 3 сағаттан келесі 3-күн бойы жүргізілді. Осы емделушілерде диализдің әрбір сеансынан кейін гадопентетат концентрациясы 70% төмендеген, ал соңғы сеанстан кейін концентрациясы бастапқы көрсеткіштің 5%-дан азын құрады.

Фармакодинамикасы

Магнегита - магнитті-резонансты томографияға арналған парамагнитті контрастты препарат. Контрастылайтын әсері гадопентетат ди-N-метилглюкамин тұзы - пентет қышқылды гадолиний кешеніне (диэтилентриаминпента сірке қышқылы - ДТПА) негізделген. Протонды магниттік-резонансты көзбен шолуды алу үшін сканерлеудің тиісті бір ізділігін қолданған кезде гадолиний ионы атомдардың қоздырылған ядроларының спин-торлы релаксациясының уақытын қысқартады, ол сигналдың қарқындылығын ұлғайтады және белгілі тіндер бейнесінің контрастылығын арттырады. Гадопентет димеглумині тіпті төмен концентрацияда релаксацияның уақытын едәуір қысқартатын айқын парамагнитті қасиеттері бар қосылыс болып табылады. Парамагнитті әсер немесе релаксациялық қабілет плазма протондарының спин-торлы релаксациясының уақытына әсері бойынша анықталады. ДТПА төтенше жоғары тұрақтылығымен гадолинийдің парамагнит ионымен мықты кешен түзеді.

Гадопентетат димеглумині жоғары гидрофильділікпен сипатталады. Бұл зат қан плазмасының ақуыздарымен іс жүзінде байланыспайды және ферменттердің белсенділігін тежемейді (мысалы, миокардиальді Na+-K+-АТФ-азаны), сондай-ақ комплементтің жүйесін белсендірмейді, тиісінше анафилактоидты реакцияларды туғызуға өте төмен потенциальді қабілетке ие. Гадопентетат димеглумині үлкен концентрациясында эритроциттердің морфологиясына болмашы әсері бар және болмашы тамырішілік гемолиз туғызуы мүмкін. Препаратты енгізу ГЭБ бұзылған учаскелердің (мысалы, глиобластома), сондай-ақ өзге ми сыртындағы, бас сүйекішілік немесе жұлынішілік түзілістерді контрастты етеді, бұл нативті сканирлеуге қарағанда зерттеудің диагностикалық құндылығын арттырады.

Қолданылуы

Препарат диагностикалық мақсатқа ғана арналған!

- ми мен жұлынның магнитті-резонансты томографиясы (МРТ) (краниальді және спинальді томография)

- бет сүйегін, мойын, кеуде қуысы мүшелерін, (жүрек, сүт бездері), іш қуысы мүшелерін (ұйқы безі, бауыр), іш перде кеңістігін (бүйрек), кіші жамбас мүшелерін (простата, қуық, жатыр), тірек-қозғалыс аппаратын зерттеулерді қоса бүкіл дененің магнитті-резонансты томографиясы (МРТ)

- стеноздарды, окклюзияларды және коллатералдарды анықтауға арналған магниттік-резонансты ангиография (коронарлы артериялардан басқа)

Қолдану тәсілі және дозалары

Препарат көктамырдың ішіне енгізуге ғана арналған.

Препаратты тікелей қолданар алдында еккішке толтыру керек. Егер контрастылы затты бүркіп жіберетін автоматты жүйенің көмегімен енгізсе, онда болатын іске пайдалану үшін оның жарамдылығы жүйенің өндірушісімен расталған болуы тиіс. Пайдаланылатын медициналық бұйымдарды қолдану бойынша нұсқаулықты қатаң сақтау керек.

МРТ-тексеруін инъекциядан соң бірден бастау керек.

Жоғары контрастты зерттеулер үшін сканирлеуде ең жарамдылары Т1-жүзінді импульсты тізбектер болып табылады. Миды перфузиялық зерттеу үшін Т1- жүзінді импульсты тізбектер қолдану ұсынылады.

0,14 Тл-ден 1,5 Тл-ге дейінгі диапазонында Магнегитаны қолдану жөніндегі ұсыныстар магнит өрісінің кернеуіне тәуелді емес.

Жоғары контрасттылықпен МРТ жүргізуді дереу бастауға болады (инъекциядан соң дереу қолданылатын импульстық бірізділік және зерттеу схемасына қарай). Әдетте оңтайлы контрасттылау шамамен бірінші минуттарда бақыланады және Магнегитаны енгізуден кейін 45 минут бойына (бұл уақыт зақымдану ерекшеліктеріне және тіндердің сипатына байланысты) сақталады.

Аспирация қатерін азайту мақсатында тексеруге 2 сағат қалғанда емделуші ас қабылдаудан тартынуы керек. Сыртартқысында аллергиялық реакциялар бар болғанда антигистаминді және/немесе глюкокортикоидты заттарды қолданып, премедикация жүргізуге болады. Контрастты заттың инъекциясын енгізу кезінде емделуші көлденең күйде жатуы керек. Препаратты енгізгеннен кейін емделуші 30 минут бойы дәрігердің бақылауында болуы керек.

Ересектер мен 2 жастан жоғары балаларға ұсынылған доза дене массасының 0,2 мл/кг-ын құрайды. Патологиялық ауру ошағының болуына маңызды клиникалық күдік туған жағдайда зақымданған ошақтың тамырлануы аз болған кезде және жеткілікті контрастылықты алу үшін, салыстырмалы әлсіз Т1-жүзінді бейнелерді алған кезде ересектерді қайта зерттеу дене салмағына 0,2-0,4 мл/кг дозамен 30 минут ішінде жүргізілуі мүмкін.

Метастаздық зақымдану немесе ісіктің рецидиві кезінде неғұрлым дәл диагностикалау үшін ересек емделушілерге дене салмағына 0,6 мл/кг доза енгізілуі мүмкін.

Әдіске және зерттеу учаскесіне байланысты қан тамырларын көзбен көру үшін ең жоғары доза қажет болуы мүмкін (мысалы, ангиография кезінде).

Ересектерге ең жоғары доза – дене салмағына 0,6 мл/кг.

2 жастан асқан балаларға ең жоғары доза - дене салмағына 0,4 мл/кг.

2 жасқа дейінгі балаларға

Магнегитаны 4 апталық жаңа туған нәрестелерге және бүйрек жеткіліксіздігі бар бір жасқа дейінгі балаларға қолдануға болмайды. Магнегитаның дене салмағының әр килограмына 0,2 мл аспайтын дозасын тек «пайда-қауіп» арақатынасын мұқият бағалаудан кейін ғана пайдалануға болады. Клиникалық деректер болмауына байланысты зерттеу жүргізу кезінде қайта енгізуде бір дозадан артық пайдалануға болмайды. Препаратты қолмен енгізген жөн.

Егде емделушілер (65 жас және одан үлкен жастағылар)

Егде емделушілерде доза түзету қажеттігі жоқ.

Ұсынылған және ең жоғары дозалар:

Бүйрек жеткіліксіздігі орташа емделушілер (СКФ 30-59 мл/мин/1,73 м2)

Бүйрек қызметінің бұзылуы орташа емделушілерге көзбен көрудің альтернативті әдістерін және дене салмағы 0,2 мл/кг-дан аспайтын дозаларда жүргізу мүмкіндігін қарастыруды қоса, қауіп/пайда арақатынасын мұқият бағалау керек. Соңынан гемодиализді жүргізетін болғанда ғана бүйрек қызметі бұзылуы бар емделушілерге контрастты затты қолдануға болады.

Бауыр қызметі бұзылуы бар емделушілер

Бауыр қызметінің орташа бұзылуы бар емделушілерде дозаны түзету талап етілмейді. Бауыр қызметінің ауыр бұзылуы бар емделушілер туралы деректер жоқ.

Жағымсыз әсерлері

Магнегитаны қолдануға байланысты жағымсыз әсерлері әдетте әлсіз айқындалған және транзиторлық сипаты бар. Дегенмен ауыр және өміріне қатер төндіретін жағымсыз реакциялардың даму ықтималдығын жоққа шығаруға болмайды.

Жиі емес (≥1/1,000 - <1/100)

- бас ауруы, бас айналу, парестезия, дисгевзия

- жүрек айнуы, құсу

- ысыну

Сирек (≥1/10,000 - <1/1,100)

- қозу, бағдар жоғалту, сөйлеудің және иіс сезудің бұзылуы, құрысу,

тремор, ұйқышылдық, сананың шатасуы, кома

- көз ауруы, көрудің бұзылуы, жас ағу

- құлақ ауруы, естудің бұзылуы

- клиникалық мәнді транзиторлық аритмия және артериялық қысымның тербелісі, жүректің тоқтап қалуы;

- вазовагальді реакциялар, кейін гипо­тензия мен естен тануға, рефлекторлық тахикардия мен цианозға әкелетін шеткергі вазодилатациямен бірге жүретін қан айналымының бұзылуы, бұл естен тануға әкелуі мүмкін

- тыныс алу жилігінің транзиторлық бұзылуы, ентігу, диспноэ, дем алудың тоқтауы, өкпенің ісінуі, респираторлық дистресс-синдромы

- дәм сезудің өзгеруі, ауыздың құрғауы, тіс ауруы, ауыз қуысының жұмсақ тіндерінің ауруы, гиперсаливация, іш ауруы, диарея

- қан сарысуында бауыр ферменттерінің, билирубиннің, темірдің транзиторлық артуы

- терінің қызаруы (вазодилатация есебінен), бөртпе, экзантема

- арқа ауруы, буын ауруы

- несепті ұстай алмау, несеп шығарудың жиілеуі, бұрынғы бүйрек қызметі бұзылуымен ауыратын емделушілерде қан сарысуында креатинин деңгейінің артуы және жедел бүйрек жеткіліксіздігі

- кеуде ауруы, дімкәстік, қалтырау, тершеңдік, күштің азаюы, дене температурасының өзгеруі, қызба

- инъекция орнында терінің реакциясы (қан құйылу, оқшауланған ауыруы бар экстравазация, суықты сезіну, жылуды жеңіл сезіну, ісіну, қабыну, некроз, флебит және тромбофлебит)

- өте жоғары сезімталдық реакциялары және анафилактикалық реакциялар:

ангионевротикалық ісіну, конъ­­юнктивит, жөтел, тері қышымасы, ринит,

түшкіру, есекжем, бронхтың түйілуі, ларин­госпазм, ларингеальді және фарингеальді ісіну, гипотензия, анафилактикалық шок

Өмірге қауіпті және/немесе өліммен аяқталатын нефрогенді жүйелік фиброз (НЖФ) жағдайлары туралы хабарланды.

Анафилактикалық реакциялардың білінуі препараттың дозасына және енгізілу тәсіліне байланысты емес. Контрастты заттар енгізуде баяу типті реакциялар сирек кездеседі.

Қолдануға болмайтын жағдайлар

- әсер етуші затқа немесе препарат ингредиентерінің біреуіне өте жоғары сезімталдық

- бүйрек қызметінің ауыр бұзылуы (СКФ 30 мл/мин/1,73 м2 төмен).

- бауыр трансплантациясынан кейінгі операциядан соңғы кезең

- 4 аптаға дейінгі жаңа туған нәрестелер

Дәрілермен өзара әрекеттесуі

Өзге препараттармен өзара әрекеттесуіне зерттеулер жүргізілмеді. Аталған препаратты басқа дәрілік заттармен араластыру ұсынылмайды. Бета-блокатор қабылдайтын емделушілерде контрастты заттарды қолдану өте жоғары сезімталдық реакцияларын туғызуы мүмкін.

Диагностикалық зерттеуге әсер етуі:

Магнегитаның ерітіндісі құрамында бос пентет қышқылының аз мөлшері бар болғандықтан препаратты енгізгеннен кейін қан сарысуында темірдің сандық мөлшерін анықтаудың комплексонометрлік тестілерінің нәтижелері 24 сағат ішінде төмендеуі мүмкін.

Айрықша нұсқаулар

Магнитті-резонансты томография жүргізу кезінде осы әдіске арналған кәдімгі қауіпсіздік шараларын сақтау қажет, мысалы, емделушілерде кардио- немесе нейростимуляторлар, ферромагнитты имплантаттар және инсулинді сорғыштар болмауы керек.

Магнегита интратекальді қолданылмайды, препарат тек бір рет қолдануға арналған.

Науқас жатқан күйде контрастты затты енгізуді жүзеге асырған жақсы. Енгізгеннен кейін емделушінің күйін 30 минут ішінде бақылау талап етіледі, себебі осы уақыт ішінде жағымсыз реакциялардың көпшілігі болуы мүмкін.

Аспирация қатерін азайту мақсатында тексеруге 2 сағат қалғанда емделуші ас қабылдаудан тартынуы керек.

Қозудың, мазасызданудың және ауырудың айқын күйі контрастты затты қолдану кезінде жағымсыз реакциялардың қатерін ұлғайтуы мүмкін. Мұндай емделушілер седативті препараттарды қолдануы керек.

Препаратты тек білікті медициналық қызметкердің ғана енгізуіне рұқсат беріледі, ал жағымсыз реакцияларға (жоғары сезімталдық реакцияларына, құрысуға) қарсы шараларды қабылдау үшін қажетті дәрілік заттар мен құралдар (мынадай, мысалы өкпені жасанды желдетуге арналған интубациялық түтік пен аппарат) жеткілікті болуы керек. Магнегита гемодиализ жолымен организмнен шығарылуы мүмкін.

Контрастты заттың зерттеу кезінде қолданылмаған қалдықтарын бұдан әрі пайдалануға болмайды.

Өте жоғары сезімталдық Көк тамыр ішіне енгізу үшін магнегитаны қолданған кезде, өзге де контрастты препараттарды қолданған кездегідей анафилактоидты реакциялар, өте жоғары сезімталдық реакциялары немесе жүрек-қан тамырлары, респираторлық немесе тері реакциялары түрінде білінетін өзге де идиосинкразиялық реакциялар болуы мүмкін. Өте сирек анафилактикалық шокты қоса, ауыр реакциялар болуы мүмкін. Мұндай реакциялардың көпшілігі препаратты енгізгеннен кейін 30 минут ішінде туындайды. Сирек жағдайларда мерзімі өткен (енгізгеннен кейін бірнеше сағаттан немесе тәуліктен соң) реакциялар туындауы мүмкін. Жоғары сезімталдық реакциялары туындаған жағдайда контрастты затты енгізуді дереу тоқтатып, қажет болған кезде көктамыр ішілік ем жүргізу керек. Барлық зерттеу уақытында көк тамыр ішіне иілгіш катетерді енгізуге кеңес беріледі. Сыртартқысында контрастты заттарға аллергиялық реакциялары, бронх демікпесі бар немесе өзге аллергиялық реакцияларға бейім емделушілерде қатер/пайда арақатынасын ерекше мұқияттылықпен бағалау керек, себебі тәжірибе көрсеткендей, мұндай емделушілерде өте жоғары сезімталдық реакциялары жиі туындайды. Мұндай емделушілерге премедикация үшін антигистаминді заттарды және/немесе глюкокортикоидтарды тағайындау көрсетілген. β-блокаторларын қабылдайтын емделушілер

Бета- блокаторларын қабылдайтын емделушілер жоғары сезімталдық реакциялары туындаған жағдайда бета-агонисттермен терапияға жауап бермейді.

Жүрек-қан тамырлары аурулары

Жүрек-қан тамырлары ауруларымен емделушілер, күрделі жүректің ауыр жеткіліксіздігі және жүректің коронарлық ауруы секілді салдарымен, кейде өліммен аяқталатын жоғары сезімталдық реакцияларына неғұрлым бейім.

Орталық жүйке жүйесінің бұзылуы

Эпилепсиядан немесе бассүйекішілік мидың зақымдануы бар емделушілерде зерттеу уақытында құрысу белсенділігін күшеюінің жоғары қаупі байқалады, бірақ гадопентетат димеглуминін қолдану кезінде бұл сирек байқалады.

Құрысу белсенділігі бар емделушілерде зерттеу жүргізгенде ертерек сақтық шараларының алдын алу керек, мұқият мониторингпен, қажетті

реанимациялық жабдықтармен және дәрілік заттармен қамтамасыз ету керек.

Бүйрек қызметінің бұзылуы

Барлық емделушілерге, әсіресе 65-тен жоғары жастағыларға магнегитаны тағайындау алдында лабораториялық тестілерді қолданып, бүйрек дисфункциясын анықтауға скрининг жүргізілуі керек. Жедел және созылмалы айқын бүйрек жеткіліксіздігі бар емделушілерде (шумақтық сүзілістің жылдамдығы <30 мл/мин/1,73м2) және гепато-ренальді синдромның салдарынан әртүрлі айқын жедел бүйрек жеткіліксіздігі бар емделушілерде, бауыр трансплантациясының операциялық кезеңінде гадопентетат димеглуминін және өзге де құрамында гадолиний бар контрастты заттарды қолданумен ассоцияланған нефрогенді жүйелік фиброз (НЖФ) жағдайлары туралы хабарланды. Орташа бүйрек қызметінің бұзылуы бар емделушілерде НФЖ даму қаупі белгісіз. Сондықтан орташа бүйрек қызметінің бұзылуы бар емделушілерде (шумақтық сүзілістің жылдамдығы 30 - 59 мл/мин/1,73 м2) препаратты тек пайда/қауіп арақатынасын мұқият бағалағаннан кейін қабылдау керек. Магнегитаны қолданудан соң жылдамдатып гемодиализ жүргізілуі мүмкін. Магнегитаны енгізу кезінде гемодиализдік ем қабылдап жатқан емделушілерге қатысты ағзадан контрасттылық заттарды шығаруды күшейту үшін Магнегитаны енгізуден кейін гемодиализді дереу бастаудың қажеттілігін қарастыру керек.

Жаңа туған және 1-ге дейінгі жастағы балаларға

Магнегитаны 4 аптаға дейінгі жаңа туған нәрестелерге және бүйрек жеткіліксіздігі бар бір жасқа дейінгі балаларға қолдануға болмайды. Нәрестелерге және 1-ге дейінгі жастағы емшектегі балаларға зерттеу жүргізу үшін бүйрек қызметінің толығымен дамып болмағандығына байланысты Магнегитаны "қарсы емес" және "қарсы" деп мұқият салмақтағаннан кейін ғана қолдану керек.

Жүктілік және лактация

Жүктілік кезінде гадопентетат димеглуминін қолдануға қатысты жеткілікті деректер жоқ. Жануарларға экспериментальді зерттеулер репродуктивті функцияға теріс әсерін көрсетті. Гадопентетат димеглуминді қолдануды талап ететін әйелдердегі клиникалық жай-күйден басқа жағдайларда, жүктілік уақытында Магнегита пайдаланылмауы тиіс.

Гадопентетат димеглумин емшек сүтіне өте шектелген мөлшерде өтеді (енгізілген дозаның кемінде 0,04 %). Емшек емізу балаға қауіпті болуы мүмкін. Магнегитаны қолданғаннан кейін 24 сағат бойына емшек емізуді тоқтату керек.

Дәрілік құралдың автокөлікті немесе қауіпті механизмдерді басқару қабілетіне әсер ету ерекшеліктері.

ОЖЖ, жүрек-қан тамырлары жүйесі тарапынан немесе өзге мүшелер мен жүйелердің тарапынан жағымсыз реакциялардың туындау мүмкіндігіне байланысты Магнегитаны қолданып тексеруден кейін 24 сағат ішінде автокөлікті басқарудан және потенциальді қауіпті механизмдермен жұмыс істеуден бас тарту ұсынылады.

Артық дозалануы

Артық дозалану жағдайлары туралы хабарланбаған.

Симптомдары: препараттың гиперосмостығына байланысты мынадай, мысалы, өкпе артериясында қысымның жоғарылауы, осмостық диурез, гиперволемия, дегидратация және тамырлардағы жергілікті ауыруға негізделген әсерлер дамуы мүмкін.

Емі: Гемодиализ тиімді. Бүйрек қызметін, әсіресе бүйрек жеткіліксіздігі бар емделушілерде бүйрек қызметін бақылау қажет.

Шығарылу түрі және қаптамасы

10 мл, 15 мл немесе 20 мл препараттан бромбутилді резеңкеден жасалған тығынмен жабылған және "flip-off" пластик қақпағы бар алюминий қалпақшалармен қаусырылған шыны құтыларға салынған.

1 немесе 10 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Жарықтан және рентген сәулесінен қорғалған жерде, 25°C-ден аспайтын температурада түпнұсқалық қаптамасында сақтау керек. Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Фармак ЖАҚ,

Украина, Киев қ-сы, Фрунзе к-сі 63

Тіркеу куәлігінің иесі

Агфа ХэлсКеа Имэйджинг Эйджентс ГмбХ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасындағы «Агфа ХэлсКеа Н.В."» өкілдігі

Қазақстан Республикасы

Алматы, Тимирязев к-сі 42, 25 павильон, 3 секция

Тел.\факс: +7(727) 269 55 05, 245 89 43