Лютеина (таблетки вагинальные, 50 мг)

• русский
• қазақша

• Скачать инструкцию медикамента

Саудалық атауы

Лютеина

Халықаралық патенттелмеген атауы

Прогестерон

Дәрілік түрі

Қынаптық 50 мг таблеткалар

Құрамы

Бір таблетканың құрамында

белсенді зат - 50 мг прогестерон,

қосымша заттар: жүгері крахмалы, лактоза моногидраты, гипромеллоза, лимон қышқылы моногидраты, магний стеараты

Сипаттамасы

Дөңгелек пішінді, екі беті дөңес, ақ түсті, бір жағында сындыру сызығы бар, диаметрі 9 мм таблеткалар

Фармакотерапиялық тобы

Жыныс гормондары және жыныс жүйесі модуляторлары. Прогестагендер. Прегнен туындылары. Прогестерон.

ATХ коды G03DA04

Фармакологиялық қасиеттері

Фармакодинамикасы

Лютеина препаратындағы прогестерон синтетикалық жолмен алынған аналық бездің сары денесі гормоны болып табылады.

Прогестеронның бала туу функциясына ең маңызды әсері Граафова көпіршіктері қабырғасының протеолизін күшейту арқылы овуляцияны жүзеге асыруы; ұрықтанған ұрық жасушаларының имплантациясына мүмкіндік беретін эндометрияның секреторлық өзгерістерінің жүзеге асуы; эстрогендер әсерінен туындаған эндометрияның шамадан тыс өсуін тежеу; жатыр түтігіндегі, жатыр мойнындағы және қынаптағы бұлшықеттің циклдық өзгерістерінің жүзеге асуы болып табылады. Жатыр бұлшықетінің және жатыр түтігінің бұлшықетінің қозғыштығы мен жиырылғыштығын азайтады. Андрогендік белсенділігі жоқ. ЛГ және ФСГ босап шығуының гипоталамустық факторлары секрециясына бөгегіш әсер береді, гипофиздің гонадотропты гормондар түзуін бәсеңдетеді және овуляцияны тежейді.

Фармакокинетикасы

Метаболизм

100 мг прогестеронды интравагинальді қолданудан кейін, гормон қан плазмасындағы ең жоғары концентрациясына енгізу сәтінен кейін шамамен 6-7 сағаттан соң жетеді, және бұл концентрация орташа 10,9 +/- 4,2 нг/мл құрайды.

Шығарылуы

Интравагинальді енгізілген прогестеронның қан плазмасынан элиминация фазасында жартылай шығарылу кезеңі шамамен 13 сағатты құрайды.

Таралуы

Прогестерон қынаптық енгізілуден кейін тікелей жатыр эндометриясына тасымалданады. Прогестеронның қынаптан жатырға өтуі эндометрия тіндерінде тікелей диффузия механизмі бойынша, жатыр мойны арқылы тасымалдану, көктамырлық және лимфалық тасымалданумен немесе лимфалық және көктамырлардан жатыр артериялық жүйесіне жеңілдетілген ағынға қарсы диффузия жолымен жүреді.

Қолданылуы

• эндометриозда

• жасанды жолмен ұрықтандырудағы лютеинді фазаны демеуде

• лютеин жеткіліксіздігіне байланысты бедеулікте

• прогестерон тапшылығы аясындағы дағдылы және қауіп төндіретін түсікте

• менопауза алдындағы кезеңде лютеин фазасы жеткіліксіздігінде

• эндометрияны қорғау мақсатында гормональді орын басушы ем қабылдаушы, менопаузадан кейінгі жатыры сақталған әйелдерде орын басушы гормональді емдеуде

Қолдану тәсілі және дозалары

Прогестеронды дозалау көрсетіліміне және емдік әсеріне қарай әркез жеке анықталуы тиіс.

• менопауза алдындағы кезеңде лютеин фазасы жеткіліксіздігінде етеккір оралымының екінші фазасында (табиғи немесе жаңғыртылған) 10-12 күн бойына тәулігіне 2 рет прогестеронды 25-50 мг-дан интравагинальді енгізеді

• гормоналды орын басушы емде тәулігіне 2 рет прогестеронды 25-50 мг-ден эстрогенмен үйлесімде интравагинальді енгізеді, үзіліспен емдеуде оралымның 15 күнінен 25-і күніне дейін немесе үздіксіз емдеуде күн сайын

• салдарлы аменореяда прогестерон сынамасында 5-7 күн бойына прогестеронды 50 мг дозада тәулігіне 2 рет интравагинальді енгізеді (қан кету прогестеронмен емдеу тоқтатылған сәттен бастап 7-10 күн ішінде пайда болуы тиіс)

• босану жолдарынан дисфункционалдық қан кетулерді емдеуде 50 мг-ден прогестеронды тәулігіне 2 рет 5-7 күн бойына интравагинальді енгізеді. Оралымның 15 күнінен 25-і күніне дейін 2-3 ай бойына 25-50 мг дозада тәулігіне 2 рет интравагинальді енгізу арқылы бірізді емдеу керек

• жатыр эндометриозында 6 ай бойына үздіксіз ем түрінде прогестеронды 50-100 мг-ден тәулігіне 2 рет интравагинальді енгізеді

• түсіп қалу қаупі бар түсіктерде, жүктілікті аяғына жеткізе алмау әдет болғанда, ановуляторлық және индукцияланған оралымдарда 50-150 мг-ден прогестеронды тәулігіне 2 рет интравагинальді енгізеді

Жүктілікті аяғына жеткізе алмау әдет болған жағдайда прогестерон енгізуді жүктілік жоспарланған оралым кезінде бастау керек. Емдеу жүктіліктің шамамен 18-20 аптасына дейін үздіксіз жалғастырылуы керек.

• жасанды ұрықтандыру бағдарламасында прогестеронды 300 мг-ден тәулігіне 2 рет интравагинальді енгізеді.

Емдеу эмбрион ауыстырылып салынғаннан кейін 77 күнге дейін үздіксіз жалғастырылады.

Емнің аяқталуы препараттың қабылданатын дозасының біртіндеп төмендетілуімен жүруі тиіс.

Жағымсыз әсерлері

Болуы мүмкін:

• ұйқышылдық, зейін шоғырландыру мен назар аударудың бұзылуы, қорқу сезімі, депрессиялық жай-күй, бас ауыруы және бас айналуы

• аллергиялық реакциялар (бөртпе, қышыну), тері және ақ қабықтың сарғаюы

• етеккір аралық қан кету, етеккір оралымының қысқаруы, сүт безінің жоғары сезімталдығы, ауыруы және домбығуы, сыртқы жыныс мүшелері тарапынан болатын құрғау, күйдіру, гениталдық қышыну , айқын вагинит, қынаптық микоз сияқты бұзылулар

• көрудің және сөйлеудің бұзылуы

• шеткергі ісінулер, көз алдының ісінуі

• балтыр бұлшықеттері ауыруы, ұю сезімі

• дене салмағының өзгеруі

• пароксизмальді ентігу, кеуденің ауыруы, қан түкірігі бар жөтел

• жүрек айнуы, құсу, іштің кебуі, іштің ауыруы, іш қатуы, диарея

Қолдануға болмайтын жағдайлар

• тромбозға бейімділік

• жедел флебит немесе тромбоэмболиялар

• жыныс жолдарынан этиологиясы түсініксіз қан кету

• толық емес аборт

• порфирия

• 18 жасқа дейінгі балалар және жасөспірімдер

• анықталған сүт безінің және жыныс ағзаларының қатерлі жаңа түзілімдері немесе оған күдік болуы

• лактация кезеңі, жүктіліктің II – III триместрі

• препарат компоненттеріне, оның ішінде арахис майына, сояға жоғары сезімталдық

• тұқым қуалайтын фруктоза көтере алмаушылық, LAPP – лактаза ферменті тапшылығы, глюкоза-галактоза мальабсорбциясы .

Препаратты жүрек-қан тамырлары жүйесі ауруларында, артериялық гипертензияда, созылмалы бүйрек жеткіліксіздігінде, қант диабетінде, бронх демікпесінде, эпилепсияда, бас сақинасында, депрессияда, гиперлипопротеинемияда сақтықпен   қолдану керек.

Дәрілермен өзара әрекеттесуі

Препаратты бірге қолдану диуретиктердің, гипотензиялық дәрілік заттардың, иммунодепрессанттардың, антикоагулянттардың әсерін күшейтеді. Окситоциннің лактогендік әсерін азайтады.

Айрықша нұсқаулар

Прогестерон интравагинальді енгізілгенде бауырдағы метаболизмді айналып өтіп, дереу қан айналымы жүйесіне түседі. Осыған байланысты, бауыр жұмысы бұзылуы бар емделушілерде қынаптық жолмен қабылданатын прогестерон дозасын өзгертудің қажеттілігі жоқ.

Ем бастар алдында гинекологиялық тексеру жүргізу және емшек бездерін саусақпен сипап тексеру керек. Препаратты контрацепция мақсатында қолдануға болмайды.

Прогестерон ауру симптомдарын күшейтуі мүмкін болғандықтан депрессиясы бар емделушілер ерекше бақылауда болуы тиіс.

Жүктілік және лактация кезеңі

Прогестеронды жүктіліктің бірінші триместрінде қолданудың қаупі жоқ. Маскулинизациялайтын, вирилизациялайтын, кортикоидты және анаболиялық әсері жоқ. Прогестеронды жүктіліктің екінші және үшінші триместрінде қолдану туралы клиникалық деректер жоқ. Бала емізу уақытында препарат қолдануға шектеу қойылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қынап арқылы қабылданылған прогестерон көлік құралдарын басқару, қозғалыстағы механизммен жұмыс істеу қабілетіне және психомоторлық реакциялар жылдамдығына әсер етпейді.

Артық дозалануы

Симптомдары: ұйқышылдық, бас айналуы, депрессия.

Емі: дозаны азайту немесе препаратты тоқтату, препарат дозасын азайтқан соң бұл симптомдар өздігінен толық жойылады.

Шығарылу түрі және қаптамасы

Ақ мөлдір емес поливинил-хлоридті/поливинилдихлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамаға 15 таблеткадан салынған.

2 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өтініш беруші

Adamed Limited Liability Company

Pienkov 149, 09-152, Czosnow, Польша

Өндіруші

Pharmaceutical Works Polfa in Pabianice Joint Stock Company

5, marsz.J.Pilsudskiego str., 95-200 Pabianice, Польша

Тіркеу куәлігінің иесі

Adamed Limited Liability Company

Pienkov 149, 09-152, Czosnow, Польша

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Польфа Пабьяницкий фармацевтикалық зауыты» АҚ ҚР өкілдігі

059000, Алматы қ., Абай көшесі, 109В үй, «Глобус» бизнес-орталығы, 13 қабат, 13-2 кеңсе. Тел/факс: +7(727) 2776977. E-mail: info.kz@adamed.com.pl