ЛОРИТИС ФАСТ

ЛОРИТИС ФАСТ

Лорноксикам

Үлбірлі қабықпен қапталған бір таблетканың құрамында:

белсенді зат - 8 мг лорноксикам,

қосымша заттар: сусыз кальций гидрофосфаты, натрий гидрокарбонаты, микрокристалды целлюлоза (101 тип), гидроксипропилцеллюлоза (ауысу деңгейі төмен, LH21), гидроксипропилцеллюлоза (ауысу деңгейі төмен, ұсақ дисперсті ұнтақ), кальций стеараты

қабықтың құрамы: гидроксипропилметилцеллюлоза (Е 5), пропиленгликоль, титанның қостотығы (E 171), тальк.

Ақ немесе ақ дерлік, екі жағы дөңес, үлбірлі қабықпен қапталған таблеткалар.

Қабынуға қарсы және ревматизмге қарсы препараттар. Қабынуға қарсы стероидты емес препараттар. Оксикамдар. Лорноксикам.

АТХ коды M01AС05

Фармакологиялық қасиеттері Фармакокинетикасы

Фармакодинамикасы

Лорноксикам анальгетикалық әсерге ие болатын, қабынуға қарсы стероидті емес препарат (ҚҚСП). Лорноксикамның әсер ету механизмінің негізінде циклооксигеназа-1 және циклооксигеназа-2 изоферментінің белсенділігін теңдестірілген бәсеңдету есебінен простагландиндер синтезінің бәсеңдеуі жатыр. Бұдан басқа лорноксикам белсендендірілген лейкоциттерден оттегі радикалдарының босатылуын тежейді.

Лорноксикам орталық жүйке жүйесіне апиынға ұқсас әсер етпейді, сондықтан тыныс алуды баспайды, сондай-ақ іш қату және миотикалық әсер туындатпайды. Сондай-ақ науқастарда лорноксикамға дәрілік тәуелділіктің пайда болу мүмкіндігін болжауға негіздеме жоқ.

- шығу тегі әр түрлі ауыру синдромын қысқа мерзімді емдеуде

- остеоартрит кезінде ауыруды және қабынуды симптоматикалық емдеуде

- ревматоидты артрит кезінде ауыруды және қабынуды симптоматикалық емдеуде

Қалыпты және айқын ауыру синдромы кезінде ұсынылған доза ішке 8-16 мг-дан тәулігіне 2-3 рет. Ең жоғарғы тәуліктік доза – 16 мг.

Қабыну және дегенеративті ревматизмдік аурулар кезінде ұсынылатын бастапқы доза тәулігіне 12 мг. Орташа доза тәулігіне 8-16 мг құрайды, пациенттің жағдайына байланысты; қабылдау жиілігі – тәулігіне 2 рет; ең жоғарғы тәуліктік доза – 16 мг.

ЛОРИТИС ФАСТ таблеткаларын тамақтанудың алдында ішке бір стақан суды іше отырып қабылдайды.

АІЖ аурулары кезінде бауыр және бүйрек бұзылыстары бар науқастарда, егде жастағы тұлғаларда (65 жастан асқан) ең жоғарғы тәуліктік доза тәулігіне 2-3 рет 12 мг құрайды.

АІЖ тарапынан жағымсыз әсерлердің даму қаупін төмендету үшін ең төменгі тиімді дозаны мүмкін болатын ең қысқа курспен пайдаланған жөн.

- бас ауыруы, бас айналу

- іштің ауыруы, диспепсия, жүрек айну, құсу, диарея

Жиі емес:

- анорексия, салмақтың өзгеруі

- ұйқысыздық, депрессия

- конъюнктивит

- бас айналу, құлақ шуылы

- жүрек қағысының бұзылуы, тахикардия, жүрек жеткіліксіздігі, ісінулер (шеткері және жайылған)

- ринит

- іштің қатуы, метеоризм, кекіру, ауыздың құрғауы, ауыз қуысындағы ойық жаралар

- бауыр трансаминазалары деңгейінің артуы, бауыр функциясының бұзылуы

- бөртпе, қышыну, эритематозды бөртпе, есекжем және Квинке ісінуі, алопеция, тершеңдік, гиперемия

- артралгия

- дімкәстік, беттің ісінуі

Сирек:

- мелена, қан құсу, эзофагит, гастрит, гастроэзофагеальді рефлюкс, дисфагия

- асқазан және ішектің шырышты қабығының эрозиялық-ойық жаралы зақымдануы, соның ішінде тесілумен және қан кетумен

- афтоздық стоматит, глоссит, фарингит, демікпе, жөтел, бронх түйілуі

- анемия, тромбоцитопения, лейкопения, қан кету уақытының артуы

- жоғары сезімталдық, анафилаксиялық реакция және анафилаксия

- сананың шатасуы, ашушаңдық, қозу, ұйқышылдық, парестезия, тремор, бас сақинасы

- дәмнің бұзылуы

- көрудің бұзылуы

- гипертония, қан кернеулері, қан кету, гематомалар

- сүйектің ауыруы, бұлшықеттің түйілуі, миалгия

- никтурия, несеп шығарудың бұзылуы, қан сарысуында креатинин және мочевина азоты деңгейінің артуы

- астения

- дерматит және экзема, пурпура

Өте сирек:

- нейтропения, агранулоцитоз, апластикалық және гемолитикалық анемия

- әсіресе жүйелік қызыл жегі немесе дәнекер тіндердің аралас аурулары бар пациенттерде пайда болатын асептикалық менингит

- бауыр жеткіліксіздігі, гепатит, сарғаю, холестаз

- ісіну синдромы, буллезды реакция, Стивенс-Джонсон синдромы, Лайелл синдромы

- жедел бауыр жеткіліксіздігі, интерстициальдық нефрит, нефроздық синдром.

- лорноксикамға, ацетилсалицил қышқылына немесе басқа ҚҚСП жоғары сезімталдық

- анамнезде бронх демікпесі, есекжем және риниттің болуы

- тромбоцитопения

- ауыр жүрек жеткіліксіздігі

- асқазан-ішек, цереброваскулярлық және басқа қан кетулер немесе қан кетуге күдіктену, қан ұюйының бұзылуы

- асқыну сатысындағы асқазанның және он екі елі ішектің ойық жаралы ауруы, анамнезде ҚҚСП қабылдауға байланысты АІЖ қан кету

- айқын бауыр жеткіліксіздігі

- айқын бүйрек жеткіліксіздігі (сарысу креатининінің деңгейі > 300 мкмоль/л)

- 18 жасқа дейін балалар және жастар

- жүктілік және лактация кезеңі

ЛОРИТИС ФАСТ препаратын бір уақытта:

- циметидинмен қолданған кезде қан плазмасындағы лорноксикамның концентрациясы артады; ранитидин және антацидтік препараттармен өзара әрекеттесуі анықталмаған;

- антикоагулянттармен немесе тромбоциттер агрегациясының тежегіштерімен қолданған кезде – қан кету уақытының артуы және қан кету қаупінің артуы мүмкін (халықаралық қалыптастырылған қатынасты ХҚҚ бақылау қажет);

- β-адреноблокаторларымен және АӨФ тежегіштерімен қабылдаған кезде олардың гипотензивті әсерін азайтуы мүмкін;

- диуретиктермен қолданған кезде – несеп айдайтын әсері және гипотензивті әсері төмендейді;

- дигоксинмен қолданған кезде – дигоксиннің бүйректік клиренсін төмендетеді;

- хинолиндік антибиотиктермен қолданған кезде құрысу синдромының даму қаупі артады;

- басқа қабынуға қарсы стероидты емес препараттармен және глюкокортикоидтармен қолданған кезде – АІЖ қан кету қаупі артады;

- метотрексатпен қолданған кезде сарысудағы метотрексат концентрациясы артады;

- серотонинді кері қармаудың селективті тежегіштерімен қолданған кезде (мысалы, циталопраммен, флуоксетинмен, пароксетинмен, сертралинмен) АІЖ қан кету қаупін арттырады;

- литий тұздарымен қолданған кезде плазмадағы литийдің ең жоғарғы концентрациясын арттыруды туғызуы және осылайша литийдің белгілі жағымсыз әсерлерін күшейтуі мүмкін;

- циклоспоринмен қолданған кезде циклоспориннің нейроуыттылығы артады;

- сульфонилмочевина туындыларымен қолданған кезде соңғысының гипогликемиялық әсерін күшейтуі мүмкін;

- пеметрекседпен қолданған кезде пеметрекседтің клиренсін төмендетуі мүмкін;

- алкогольмен, кортикотропинмен, калий препараттарымен қолданған кезде АІЖ тарапынан жағымсыз әсерлер қаупінің артуы мүмкін;

- цефамандолмен, цефоперазонмен, цефотетанмен, вальпрой қышқылымен қолданған кезде қан кету қаупі артады.

Бүйрек жеткіліксіздігі:

Бүйрек функциясы бұзылған пациенттерде (сарысу креатининінің деңгейі 150-300 мкмоль/л), жүрек жеткіліксіздігінде, бауыр функциясы бұзылған кезде және айналыстағы қан көлемінің төмендеуін тудыратын басқа жағдайларда және бүйрек қан ағымында, тұрақты клиникалық мониторинг, бүйрек (мысалы, сарысу креатининінің деңгейі бойынша) және бауыр функциясына бақылау жүргізеді.

Ұзақ уақыт емдеу (3 айдан астам):

Қан жағдайына (гемоглобин), бүйрек функциясына (креатинин) және бауыр ферменттеріне үнемі бағалау жүргізу ұсынылады.

65 жастан асқан немесе дене салмағы 50 кг кем немесе ауқымды операциялық араласулар жасалған пациенттерге ЛОРИТИС ФАСТ аздаған дозасын енгізу ұсынылады. Жиынтық тәуліктік доза 8 мг аспауы керек.

ЛОРИТИС ФАСТ препаратын ұзақ қолданған кезде шеткергі қан көрінісін, сондай-ақ бауыр және бүйрек функциясының көрсеткіштерін бақылау қажет.

Анамнезде асқазан-ішек ойық жаралары және қан кетулер

Клиникалық бақылау жүргізу ұсынылады. Асқазанның пептидтік ойық жарасы және он екі елі ішектің ойық жаралы ауруында ЛОРИТИС ФАСТ терапиясын протондық помпа тежегіштерін (пантапрозол) қабылдау аясында жүргізген жөн.

Басқа ҚҚСП бір уақытта қолдану ұсынылмаған.

Анамнезде гипертензия және/немесе жүрек жеткіліксіздігі бар пациенттерге сақ болған жөн, препарат судың және натрийдің іркілуін, шеткері ісінулерді және артериялық гипертензияны туындатуы мүмкін.

Бауыр зақымдануының белгілері пайда болған кезде (тері қышынуы, терінің сарғаюы, жүрек айну, құсу, іштің ауыруы, несептің бұлыңғырлануы, «бауыр трансаминазалары» деңгейінің артуы) препаратты қабылдауды тоқтатып, емдеуші дәрігерге қаралу қажет.

Басқа оксикамдар секілді ЛОРИТИС ФАСТ тромбоциттер агрегациясын басады, сондықтан қан кету уақытын арттыруы мүмкін. Бұл препаратты қолданған кезде қан кету белгілерін уақытылы табу үшін қан ұю жүйесінің (мысалы, хирургиялық араласу жасалатын науқастар) абсолютті қалыпты қызмет етуін қажет ететін, қан ұю жүйесінің бұзылулары бар немесе қан ұюды бәсеңдететін дәрілік заттарды қабылдайтын (төмен дозадағы гепаринді қоса) науқастардың жағдайын мұқият бақылау қажет.

Сирек тұқым қуалайтын глюкозаны және галактозаны көтере алмаушылық немесе галактоза мальабсорбциясы бар пациенттерге ЛОРИТИС ФАСТ препаратын қолдануға болмайды.

Препаратты қолдану әйел фертильділігіне теріс әсер етуі мүмкін және жүктілікті жоспарлап жүрген әйелдерге ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу және ұйқышылдық туғызуға қабілетті болғандықтан, көлік құралын және жоғары назар салуды талап ететін басқа механизмдерді басқарудан тартыну қажет.

Симптомдары: жүрек айну және құсу, церебральді симптомдар (бас айналу, кома және құрысуларға апаратын атаксия). Бауыр және бүйрек функциялары өзгеруі, қан ұюы бұзылуы мүмкін.

Емі: дәріні қабылдауды тоқтату қажет, симптоматикалық ем. Қысқа жартылай шығарылу кезеңіне байланысты, лорноксикам организмнен жылдам шығарылады. Лорноксикам диализге ұшырамайды. Қазіргі уақытқа дейін арнайы антидоты белгісіз. ЛОРИТИС ФАСТ препаратын қабылдағаннан кейін белсенділендірілген көмірді қабылдау осы препараттың сіңірілуын төмедетуі мүмкін. ЛОРИТИС ФАСТ препараты туындатқан асқазан-ішек бұзылуларын жою үшін простагландин немесе ранитидин баламасын қолдануға болады.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салынған.

2 пішінді қаптамадан медициналық қолдануы жөніндегі мемлекеттік және орыс тіліндегі нұсқаулықпен бірге картон қорапшаға салынған.

Құрғақ, жарықтан қорғалған жерде 25° С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін препаратты пайдалануға болмайды.

Рецепт арқылы

Өндіруші

«ABDI IBRAHIM», Стамбул, Түркия

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалайтын ұйымның мекенжайы

«Абди Ибрахим Глобал Фарм» ЖШС, Қазақстан Республикасы, Алматы облысы, Іле ауданы, Өнеркәсіптік аймақ 282, тел.: +7 (727) 232-44-85, электрондық поштасы: info@aigp.kz