Лоризан® (таблетки, 0.01 г)
Инструкция
-
русский
-
қазақша
Саудалық атауы
Лоризан®
Халықаралық патенттелмеген атауы
Лоратадин
Дәрілік түрі
0,01 г таблеткалар
Құрамы
Бір таблетка құрамында
белсенді зат – 10 мг лоратадин, 100 % затқа шаққанда,
қосымша заттар: лактоза моногидраты (гранулак-70), картоп крахмалы, кальций стеараты.
Сипаттамасы
Ақ түсті жалпақ бетті, ойығы бар таблеткалар.
Фармакотерапиялық тобы
Жүйелі қолдануға арналған басқа да антигистаминді препараттар.
АТЖ коды R06A Х13.
Фармакологиялық қасиеттері
Фармакокинетикасы
Ішке қабылдағаннан кейін жылдам сіңеді. Қанда 15 минуттан кейін анықталады және бір реттік пероральді дозаны қабылдағаннан кейін
1 сағат ішінде ең жоғары деңгейіне жетеді. Препараттың аллергияға қарсы, антиэкссудативті және қышымаға қарсы әсері 30-60 мин кейін дамиды, ең жоғары мәніне 8-12 сағаттан кейін жетеді және 24 сағат сақталады. Созылмалы бүйрек жеткіліксіздігі, бауыр қызметі бұзылуы фармакокинетикасына әсер етпейді.
Лоратадин несеппен және нәжіспен шығарылады.
Фармакодинамикасы
Ұзақ әсер ететін, шеткергі гистаминді Н1-рецепторларды таңдап бөгейтін аллергияға қарсы препарат. Лоратадиннің аллергияға қарсы, антиэкссудативті, қышымаға қарсы әсері бар. Қылтамырлардың өткізгіштігін төмендетеді, тегіс бұлшық еттің түйілуін қойдырады, тіндер ісінуі дамуының алдын алады. Әдеттену туғызбайды. Басқа көптеген антигистаминді дәрілерден айырмашылығы лоратадин гематоэнцефалды тосқауыл арқылы өтпейтіндіктен седативті әсер етпейді.
Лоратадин тератогенді, мутагенді және канцерогенді әсер етпейді.
Қолданылуы
- аллергиялық ринитте (маусымдық және жыл бойына болатын)
- аллергиялық конъюнктивитте
- жедел есекжемде
- Квинке ісінуінде
- жәндіктер шағып алғандағы аллергиялық реакцияларға
- қышитын дерматоздарға (жанаспалы аллергодерматит, созылмалы экзема)
Қолдану тәсілі және дозалары
Препаратты тамаққа дейін пероральді қабылдайды. Ересектер мен дене салмағы 30 кг-дан астам балаларға тәулігіне 1 рет 1 таблеткадан (10 мг) тағайындайды.
Бауыр қызметінің ауыр бұзылулары немесе бүйрек жеткіліксіздігі бар емделушілерге препарат тағайындағанда ұсынылатын бастапқы доза күн ара 10 мг құрайды.
Жағымсыз әсерлері
- жүрек айнуы, құсу, ауыздың құрғауы
- гастрит
- аритмия
- ұйқышылдық, шаршау, бас ауыруы
- психомоторлық асқын белсенділік
- миалгия, артралгия
- бауыр қызметі бұзылуы, гепатит
- тахикардия, жүрек соғысының күшею сезімі
- аллергиялық реакциялар
–бөртпе, анафилаксия
Өте сирек
– алопеция, құрысулар
Қолдануға болмайтын жағдайлар
- лоратадинге және/немесе препараттың басқа компоненттеріне жоғары сезімталдықта
- тұқым қуалайтын галактоза көтере алмаушылықта, Лаппа лактаза тапшылығында немесе глюкоза-галактоза мальабсорбциясында
- жүктілікте және лактация кезеңінде
- дене салмағы 30 кг дейінгі балаларда
Дәрілермен өзара әрекеттесуі
Циметидин, эритромицин және кетоконазол препараттың қан сарысуындағы концентрациясын ұлғайтады. Дозаға тәуелді седативті әсер даму мүмкіндігіне байланысты басқа да Н1-рецепторлар бөгегіштерімен, барбитураттармен, бензодиазепиндермен, опиоидты рецепторлар агонистерімен, нейролептиктермен, үшциклдық антидепрессанттармен, этанолмен, анксиолитиктермен, седативті және ұйықтататын дәрілермен бір уақытта тағайындағанда сақтық жасау керек.
Айрықша нұсқаулар
Лоризан® седативті антигистаминді дәрі болмаса да, кейбір емделушілерде дозаға тәуелді седативті әсер байқалуы мүмкін.
Препарат жүрек жиырылу жиілігіне, артериялық қысым деңгейіне әсер етпейді.
Тері диагностикалық аллергосынамасын жасауда нақты нәтиже алу үшін лоратадин қабылдауды талдау жасар алдында 48 сағаттан кешікпей тоқтату керек.
Бауырдың алкогольдік зақымдануында қандағы ең жоғары концентрациясы және жартылай шығарылу кезеңі аурудың ауырлығы ұлғаюына байланысты жоғарылайды. Препаратты бауыр қызметінің ауыр бұзылулары немесе бүйрек жеткіліксіздігі бар емделушілерге тағайындағанда лоратадин клиренсінің төмендеу мүмкіндігіне байланысты бастапқы доза тәулігіне 5 мг құрайды немесе күн аралатып 10 мг-дан ұсынылады. Егде жастағы емделушілерде препараттың қандағы ең жоғары концентрациясы 50 % жоғарылайды, Лоризанның® және оның белсенді метаболитінің жартылай шығарылу кезеңі тиісінше - 18,2 және 17,5 сағат болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Қызметі көлік құралдарын басқарумен және әр түрлі механизмдермен жұмысқа қатысты болатын емделушілерге препараттың седативті әсері даму қаупіне байланысты сақтықпен қолдану керек.
Артық дозаланғанда
Симптомдары: бас ауыруы, ұйқышылдық, тахикардия.
Емдеу: симптоматикалық.
Шығарылу түрі және қаптамасы
Поливинилхлоридті үлбірден және баспаланып лакталған алюминий фольгадан жасалған пішінді ұяшықты қаптамаға 10 таблеткадан салынған.
1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
Түпнұсқалық қаптамасында, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін пайдалануға болмайды!
Дәріханадан босатылу шарттары
Рецепт арқылы
Өндіруші
«Киевмедпрепарат» ААҚ Украина,
01032, Киев қ., Саксаганск к., 139
Тіркеу куәлігі иесінің атауы мен елі
«Киевмедпрепарат» ААҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Артериум» корпорациясының Қазақстан Республикасындағы өкілдігі
050060, Алматы қ., Әл-Фараби д. 97, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: office@arterium.kz