Лоридамин

Лоридамин

Бензидамин

Ауызға қолдануға арналған спрей 0.15 %, 30 мл

1 мл препараттың құрамында

белсенді зат - бензидамин гидрохлориді 1.500 мг

қосымша заттар: натрий гидрокарбонаты, полисорбат 20, этил спирті 96 %, глицерин, сахарин, метилпарагидроксибензоат, бұрыш жалбызының майы, тазартылған су.

Мөлдір түссіз сұйықтық.

Ас қорыту жолы және зат алмасу. Стоматологиялық препараттар. Ауыз қуысын жергілікті емдеуге арналған препараттар. Бензидамин.

АТХ коды А01AD02

Фармакокинетикасы

Жергілікті қолданғанда препарат шырышты қабық арқылы жақсы сіңіріледі және өзінің беткейлік эпителий қабаты арқылы өту қабілетінің арқасында тиімді концентрацияларға жете отырып қабынған тіндерге өтеді.

Препарат экскрециясы негізінен метаболиттер немесе конъюгация өнімдері түрінде бүйрекпен және ішек арқылы жүреді.

Жергілікті қолдануға арналған дәрілік түрлері жүйелі әсерге ие емес.

Фармакодинамикасы

Бензидамин стероидты емес қабынуға қарсы препарат, индазолдар тобына жатады. Қабынуға қарсы және жергілікті ауыруды басатын әсер көрсетеді, кең ауқымды микроорганизмдерге қарсы антисептикалық әсерге ие.

Препараттың әсер ету механизмі жасушалық жарғақшалардың стабилизациясымен және простагландиндер синтезінің тежелуімен байланысты.

Бензидамин соңынан жасуша құрылымын зақымдай, метаболизмдік үдерістерді бұзып және жасушаларды еріте отырып микроорганизмдердің жарғақшалары арқылы жылдам өтуі есебінен бактерияға қарсы және спецификалық микробқа қарсы әсер көрсетеді.

Жасуша қабырғаларының және мицеттердің метаболизмдік тізбектерінің құрылымдық модификацияларын туындатады, осылайша олардың көбеюіне кедергі жасайды, бұл бензидаминді инфекциялық этиологияны қоса, ауыз қуысындағы қабыну үдерістері кезінде қолдануға негіз болған.

Ауыз қуысы мен тамақтағы ауыру синдромымен (мысалы, гингивит, стоматит, фарингит) қатар жүретіндерді қоса, тітіркенулер мен қабыну жағдайларын симптоматикалық емдеу, сондай-ақ консервативті стоматологиялық ем-шаралардан кейін немесе тіс экстракциясынан кейін.

Жергілікті қолдану үшін.

Ересектер мен 12 жастан асқан балаларға күніне 2-6 рет 4-8 бүрку.

6-12 жас аралығындағы балаларға күніне 2-6 рет 4 бүрку.

3-6 жас аралығындағы балаларға әрбір 4 кг салмаққа 1 бүркуден, бірақ күніне 2-6 рет 4 бүркуден (ең жоғарғы бір реттік доза) асырмау керек. Ұсынылған дозадан асырмаңыз.

Жағымсыз әсерлер

Жағымсыз реакциялар кездесу жиілігі бойынша жіктелген:

Өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10 000 <1/1000 дейін), өте сирек (<1/10 000), белгісіз (қолда бар деректер бойынша анықтауға болмайды).

Өте сирек (<1/10 000)

- аса жоғары сезімталдық реакциялары (тері қышуы, есекжем, бөртпе,

фотосенсибилизация)

- ауыздың құрғауы, ұйып қалу, ауыз қуысының шымылдауы

- ларингоспазм немесе бронх түйілуі

Әсер етуші затқа (бензидамин гидрохлориді) немесе қосымша заттардың кез келгеніне аса жоғары сезімталдық.

Препараттың басқа дәрілік заттармен клиникалық тұрғыдан маңызды өзара әрекеттесуі анықталмаған.

Бұл препаратты, әсіресе ұзақ уақыт бойы қолдану жоғары сезімталдықтың дамуына әкелуі мүмкін. Мұндай жағдайда препаратты қолдануды тоқтатып, дәрігерге барған жөн, ол тиісті емдеуді тағайындайды.

Препарат әсіресе ауыз қуысын шая алмайтын пациенттерге ұсынылған.

Жүктілік және лактация кезеңі

Жүктілік және лактация кезеңінде препаратты жергілікті қолдануға қарсы көрсетілімдері жоқ.

Препараттың көлік құралдарын және қауіптілігі жоғары механизмдерді басқару қабілетіне әсер ету ерекшеліктері

Көлік құралдарын басқару және механизмдермен жұмыс істеу қабілетіне әсер етпейді.

Қазіргі уақытта бензидаминмен артық дозалану жағдайлары туралы хабарланбады.

Шығарылу түрі және қаптамасы

30 мл препараттан пульверизатормен жабдықталған күңгірт шыныдан жасалған құтыларға құйылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецептісіз

КП «Флумед-Фарм» ЖШҚ, Молдова Республикасы, МД-2002, Кишинев қ., Четатя Албэ көшесі, 176

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон номері +7 7252 (610151)

Автожауапбергіш номері +7 7252 (561342)

Электронды поштаcomplaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон номері +7 7252 (610150)

Электронды пошта phv@santo.kz; infomed@santo.kz