Лоридамин (1.5 Миллиграмм на миллилитр) (Бензидамин)

Лоридамин

Бензидамин

Дәрілік түрі, дозасы

Шаюға арналған ерітінді 1.5 мг/мл, 120 мл

Ас қорыту жүйесі және зат алмасу. Стоматологиялық препараттар. Ауыз қуысының ауруларын жергілікті емдеуге арналған басқа препараттар. Бензидамин.

АТХ коды А01AD02

• Ауыз қуысы мен ЛОР-ағзаларындағы ауырсыну синдромымен қатар жүретін (тонзиллит, гингивит, фарингит, стоматит, афта және т.б. сияқты) қабыну жағдайларын симптоматикалық емдеу.

• Консервативті стоматологиялық емшаралардан немесе тіс экстракциясынан кейін жергілікті симптоматикалық емдеу.

Қолдануды бастағанға дейін қажетті мәліметтер тізбесі

- белсенді затқа немесе «Дәрілік препараттың құрамы» бөлімінде көрсетілген қосымша заттардың кез келгеніне аса жоғары сезімталдық.

- 18 жасқа дейінгі балалар мен жасөспірімдер.

Қолданған кездегі қажетті сақтандыру шаралары

Препаратты ұзақ уақыт қолдану препаратқа немесе препараттың құрамындағы қосымша заттарға жоғары сезімталдыққа әкелуі мүмкін. Бұл жағдайда емдеуді тоқтату керек.

Кейбір жағдайларда ауыр қабыну процесі ұрттың немесе жұтқыншақтың шырышты қабығының ойық жаралануын тудыруы мүмкін. Егер емдеудің 3 күнінде жақсару байқалмаса немесе қабыну симптомдары күшейсе, емдеуші дәрігерден немесе стоматологтан кеңес алу қажет.

Салицил қышқылына немесе басқа қабынуға қарсы стероидты емес препараттарға сезімталдығы жоғары пациенттерде бензидаминді қолдану ұсынылмайды.

Бронх демікпесі бар пациенттерге (оның ішінде анамнезінде) препаратты қабылдау аясында бронхтүйілуі дамуы мүмкіндігіне байланысты препаратты сақтықпен қолдану керек.

Жұту рефлексі бұзылған адамдарда шаюға арналған ерітіндіні қолдану ұсынылмайды, өйткені шаюға арналған ерітіндіні қолдану тұншығуға әкелуі мүмкін.

Басқа дәрілік препараттармен өзара әрекеттесуі

Препараттың өзара әрекеттесуін зерттеу үшін арнайы зерттеулер жүргізілген жоқ.

Арнайы ескертулер

Препараттың құрамында 80 мг/мл этил спирті бар, бұл оны өкпеден шыққан ауада анықтауға мүмкіндік береді.

Препарат құрамында баяу түрдегі аллергиялық реакцияларды тудыруы мүмкін метилпарагидроксибензоат бар.

Препарат құрамында балаларға арналған дәрілік препараттарда қолдануға тыйым салынған хинолинді сары 70% (Е104) және патенттелген көк 85% (Е131) бояғыштары бар.

Педиатрияда қолдану

Лоридаминді 18 жасқа дейінгі балалар мен жасөспірімдерге қолдануға болмайды. 

Жүктілік немесе лактация кезінде

Жүкті әйелдерде бензидаминді қолдану туралы деректер жоқ. Жануарлардың репродуктивті уыттылығы туралы зерттеулер жеткіліксіз. Лоридаминді жүктілік кезінде қолдану ұсынылмайды.

Бензидамин гидрохлоридінің емшек сүтімен бөлінуі туралы жеткілікті ақпарат жоқ, сондықтан бала емізу кезінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданудың автокөлікті басқару немесе механизмдермен жұмыс істеу кезінде зейін қоюдың төмендеуіне әсер етуі екіталай.

Қолдану жөніндегі нұсқаулар

Дозалау режимі

Ересектер: күніне 3 рет 15 мл ерітіндіден. Ауыз қуысы мен тамақты шаю әдетте тамақтанғаннан кейін жүргізіледі. 1 шаю емшарасының ұзақтығы кемінде 30 секунд.

Пациенттердің ерекше топтары

Балалар

Лоридамин, жергілікті қолдануға арналған ерітіндіні 18 жасқа дейінгі балалар мен жасөспірімдерде қолдануға болмайды. 

Енгізу әдісі мен жолы

Шаюға арналған ерітіндіні ауыз қуысы мен тамақты шаю үшін пайлаланады, әдетте сұйылтылмаған түрде.

Сұйылтылған түрінде қолдану үшін дозалау стаканына 15 мл су қосылады. Ерітіндіні сұйылтылған түрде қолдану тек гигиеналық мақсатта, күнделікті қолдану үшін ұсынылады.

Шаюдан кейін ерітіндіні түкіріп тастау қажет.

Емдеу ұзақтығы

Емдеу ұзақтығы дәрігердің кеңесінсіз 7 күннен аспауы тиіс.

Артық дозаланған жағдайда қабылдануы тиіс шаралар

Улану бензидаминнің көп мөлшерін (> 300 мг) кездейсоқ жұтқан кезде ғана мүмкін болады.

Симптомдары: бензидаминді ішке қабылдау кезінде артық дозаланудың жиі кездесетін симптомдарына жүрек айнуы, құсу, іштің ауыруы және өңештің тітіркенуі жатады. Орталық жүйке жүйесі тарапынан бас айналуы, елестеулер, қозу, үрейлену және ашушаңдық дамуы мүмкін. Балалардағы артық дозалану кезінде қозу, құрысулар, тершеңдік, қимыл-қозғалыс үйлесімінің бұзылуы, дененің жекелеген бөліктерінің немесе бүкіл дененің дірілдеуі (тремор) және құсу (бензидамин дозасын 3 мг пастилкадағы дозадан 100 есе көп қабылдағаннан кейін) өте сирек байқалды.

Емі: сұйықтық тапшылығының орнын толтыра отырып, симптоматикалық және демеуші ем жүргізіледі. Организмнің жай-күйін мұқият бақылау қажет.

Дәрілік препаратты қолдану тәсілін түсіндіру үшін кеңес алуға медициналық қызметкерге жүгіну ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Жиі емес

- фотосезімталдық

Сирек

- аса жоғары сезімталдық реакциялары

- ашытуды сезіну және ауыздың құрғауы (ксеростомия)

Өте сирек

- ларингоспазм

- ангионевроздық ісіну

Белгісіз (қолда бар деректер негізінде бағалау мүмкін емес)

- анафилаксиялық реакциялар

Жағымсыз дәрілік реакциялар туындаған кезде медицина қызметкеріне, фармацевтке жүгіну немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (іс-қимылдар) бойынша ақпараттық деректер базасына тікелей хабарлама жіберу қажет:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді зат - 1.5 мг бензидамин гидрохлориді,

қосымша заттар: глицерин, этанол 96%, сахарин, натрий гидрокарбонаты, метилпарагидроксибензоат, хинолинді сары бояғыш 70% (E104), патенттелген көк бояғыш 85% (E131), полисорбат 20, ментол хош иістендіргіші, тазартылған су.

Сыртқы түрінің, иісінің, дәмінің сипаттамасы

Жалбызға тән иісі бар жасыл түсті мөлдір ерітінді.

Шығарылу түрі және қаптамасы

120 мл-ден ақ пластик қалпақшалармен тығындалған түссіз шыныдан жасалған құтыларда.

1 құтыдан пластмассадан жасалған дозалайтын стақанмен және медициналық қолдану жөніндегі қазақ және орыс тіліндегі нұсқаулықпен бірге жиынтықта картоннан жасалған қорапшаға салынады.

3 жыл

Қаптаманы алғашқы ашудан кейінгі сақтау мерзімі 6 ай.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

«Флумед-Фарм» КП ЖШҚ, Молдова Республикасы

Четатя Албэ көш. 176, Кишинев мун.

Тел.: (+373 22) 52 14 52

Эл. пошта: flumed-farm@hushmail.com

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауап берушінің нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz; infomed@santo.kz