Лордестин

• русский
• қазақша

• Скачать инструкцию медикамента

Саудалық атауы

Лордестин

Халықаралық патенттелмеген атауы

Дезлоратадин

Дәрілік түрі

Үлбірлі қабықпен қапталған таблеткалар, 5 мг

Құрамы

Бір таблетканың құрамында

белсенді зат: 5.788 мг дезлоратадин гемисульфаты (5 мг дезлоратадинге баламалы)

қосымша заттар: кремнийдің коллоидты сусыз қостотығы, магний стеараты, прежелатинделген крахмал, микрокристалды целлюлоза, кальций гидрофосфаты дигидраты,

қабықтың құрамы: опадрай AMB сары 80W22099: ішінара гидролизденген поливинил спирті, тальк, лецитин, хинолинді сары (Е104), ксантан шайыры, титанның қостотығы (Е171), темірдің сары тотығы (Е172), индигокармин (Е132).

Сипаттамасы

Дөңгелек пішінді, екі жақ беті дөңес, сары түсті үлбірлі қабықпен қапталған таблеткалар. Сындыратын тұсында таблетка түсі ақ немесе ақ дерлік.

Фармакотерапиялық тобы

Жүйелі қолдануға арналған басқа да антигистаминдік дәрілер.

АТЖ коды R06AX27

Фармакологиялық қасиеттері

Фармакокинетикасы

Препаратты ішке қабылдағаннан кейін дезлоратадин асқазан-ішек жолынан (АІЖ) жақсы сіңіріледі, бұл орайда дезлоратадин қан плазмасында анықталатын концентрацияларына 30 минут ішінде жетеді. 5 мг дозада бір рет қабылдағаннан кейін ең жоғары концентрациясына (Cmax) шамамен 3 сағаттан соң жетеді.

Дезлоратадин биожетімділігі дозаға пропорционал (5-20 мг дозалар ауқымында).

Дезлоратадиннің плазма ақуыздарымен байланысуы 83-87% құрайды.

5 мг-ден 20 мг дозаға дейін 14 күн бойы тәулігіне 1 рет қолданғанда дезлоратадиннің клиникалық мәнде жинақталу белгілері анықталмаған.

Дезлоратадин метаболизміне жауап беретін фермент бүгінге дейін табылмаған, сондықтан басқа препараттармен өзара әрекеттесуін толық жоққа шығаруға болмайды. Дезлоратадин CYP3A4, CYP2D6 изоферменттерінің тежегіші де, Р-гликопротеин субстраты да немесе тежегіші де емес.

Бір мезгілде ас ішу немесе бір мезгілде грейпфрут шырынын ішу дезлоратадиннің биожетімділігіне және таралуына (7,5 мг дозада тәулігіне 1 рет қабылдағанда) әсер етпейді.

Жартылай шығарылу кезеңі шамамен 27 сағат құрайды. Дезлоратадиннің жинақталу дәрежесі оның жартылай шығарылу кезеңіне (шамамен 27 сағат) және қолдану жиілігіне сәйкес келеді.

Фармакодинамикасы

Дезлоратадин Лордестиннің белсенді заты - шеткергі гистаминдік Н1-рецепторларға қатысты іріктелген антагонистік белсенділігі бар тыныштандырғыш әсер көрсетпейтін, ұзақ әсер ететін гистамин антагонисті болып табылады. Ішу арқылы қабылдағаннан кейін Лордестин шеткергі Н1-гистаминдік рецепторларды іріктеп бөгейді және гематоэнцефалдық бөгет арқылы өтпейді.

Препараттың аллергияға қарсы қасиеттері жуан/базофильді жасушалар арқылы ИЛ-4, ИЛ-6, ИЛ-8 және ИЛ-13 сияқты қабынуға қарсы цитокиндер шығарылуының бәсеңдеуімен, сондай-ақ эндотелий жасушаларындағы Р-селектин адгезиясы молекулаларының экспрессиясын бәсеңдетумен көрініс береді.

Қолданылуы

- аллергиялық ринитте, персистирлеуші және интермиттирлеуші түрлерін қоса, поллинозда (көздің қышуы, мұрын шырышынан бөліністер, түшкіру, қышыну, мұрын қуысы шырышты қабығының бітелуі және ісінуі, конъюнктива гиперемиясы, көзден жас ағу, жөтел, таңдай аумағының қышынуы)

- созылмалы идиопатикалық есекжем белгілерін басуда (бөртпе элементтерінің санын азайту, қышынуды кеміту)

Қолдану тәсілі және дозалары

Ересектерге 1 таблеткадан (5 мг) күніне 1 рет, тәуліктің белгілі бір уақытында, ас ішуге байланыссыз, аздаған су мөлшерімен жұтып қабылдауға тағайындайды. Таблеткаларды шайнамастан бүтіндей жұтқан жөн.

Жағымсыз әсерлері

- қатты қажу

- бас ауыру, бас айналу

- тахикардия, жүрек қағу

- ауыздың кеберсуі, диспепсия (соның ішінде, жүрек айну, құсу, диарея), іштің ауыруы

- жоғары сезімталдық реакциялары (тері бөртпесі, қышыма, есекжем, ангионевротикалық ісіну, анафилактикалық шок)

- гипербилирубинемия, «бауыр» ферменттері белсенділігінің жоғарылауы, гепатит

- дисменорея

- миалгия

- елестеулер, психомоторлық гиперреактивтілік, ұйқысыздық, ұйқышылдық

Қолдануға болмайтын жағдайлар

- дезлоратадинге, қосымша ингредиенттердің кез келгеніне немесе лоратадинге жоғары сезімталдық

- 18 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Кетоконазолмен, эритромицинмен, азитромицинмен, флуоксетинмен және циметидинмен бірге қолданғанда плазмадағы дезлоратадин концентрациясының клиникалық мәнді өзгерістері анықталмаған.

Лордестин этанолдың психомоторлық қызметті бәсеңдету әсерін күшейтпейді.

Айрықша нұсқаулар

Клиникалық зерттеулерде дезлоратадинді 14 күн бойы 20 мг дозаға дейін күнделікті қолдану жүрек-қантамыр жүйесі жағынан статистикалық немесе клиникалық елеулі өзгерістермен қатар жүрді.

Клиникалық-фармакологиялық зерттеуде он күн бойы тәулігіне 45 мг дозада дезлоратадин (емдік дозадан 9 есе жоғары) қолдану QT аралығының ұзаруын туындатқан жоқ.

Препаратты 5 мг тәуліктік дозада қолданғанда ұйқышылдықтың пайда болу жиілігі плацебо тобындағы жиіліктен асып кетпеді. Клиникалық зерттеулерде Лордестин тәуліктік 7,5 мг дозада бір рет қабылданғанда психомоторлық қызметке әсер ету белгілері білінбеді.

Дезлоратадинді бір рет қабылдаған ересек емделушілер қатысқан зерттеу аясында 5 мг дозада дезлоратадин қабылдау ұйқышылдық немесе ұшуды атқарумен байланысты тапсырмаларды қоса, ұшу кезіндегі жұмыс қабілетінің стандартты көрсеткіштеріне әсер етпеген.

Клиникалық фармакологиялық зерттеулерде дезлоратадинді алкогольмен бір мезгілде қабылдау алкогольден болатын жұмыс қабілетінің нашарлауын немесе ұйқышылдықтың күшеюін туындатпаған.

Лордестин ауыр бүйрек жеткіліксіздігінде сақтықпен пайдаланылады.

Жүктілік және лактация кезеңі

Лордестин тератогенді әсер көрсетпейді. Жүктілерде дезлоратадин қолдану қауіпсіздігі анықталмаған. Жүктілік кезеңінде дезлоратадин пайдалану ұсынылмайды.

Дезлоратадин емшек сүтіне өтеді, сондықтан бала емізетін әйелдерге Лордестин қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларда қолданылғанда Лордестиннің автокөлік жүргізу және механизмдерді басқару қабілетіне әсер етуі байқалмаған.

Алайда, емделушілерде ұйқышылдық болуы мүмкін екені ескеріліп, орталық жүйке жүйесі тарапынан жағымсыз әсерлер пайда болғанда сақтық шарасын қадағалау ұсынылады.

Артық дозаланғанда

Көп дүркін қабылданатын клиникалық зерттеулер аясында дезлоратадин 45 мг (емдік дозадан 9 есе жоғары) дейінгі дозада пайдаланылған кезде ешбір клиникалық елеулі құбылыстар байқалған жоқ.

Симптомы: ұйқышылдық.

Емдеу: асқазан шаю, белсенділендірілген көмір, белгісіне қарай емдеу. Препарат гемодиализ арқылы шығарылмайды. Перитонеальді диализ тиімділігі анықталмаған.

Шығарылу түрі және қаптамасы

10 таблеткадан ПВХ/ ПЭ/ ПВДХ үлбірден және алюминий фольгадан жасалған пішінді ұяшықты қаптамада.

1 немесе 3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеде.

Сақтау шарттары

150С-ден 250С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецепт арқылы

Өндіруші ұйымның атауы және елі

«Гедеон Рихтер-РУС» ЖАҚ, Ресей

Тіркеу куәлігі иесінің атауы және елі

«Гедеон Рихтер» ААҚ, Венгрия

1103 Будапешт, Дёмрёи к-сі, 19-21, Венгрия

Қаптаушы ұйымның атауы және елі

«Гедеон Рихтер-РУС» ЖАҚ, Ресей

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

ҚР-дағы «Гедеон Рихтер» ААҚ өкілдігі

E-mail: info@richter.kz

Телефон: 8-(727)-258-26-22, 8-(727)-258-26-23