Лоратадин
Инструкция
-
русский
-
қазақша
Саудалық атауы
Лоратадин
Халықаралық патенттелмеген атауы
Лоратадин
Дәрілік түрі
10 мг таблеткалар
Құрамы
Бір таблетканың құрамында
белсенді зат-10 мг лоратадин (100% затқа шаққанда),
қосымша заттар: микрокристалды целлюлоза, стеарин қышқылы, лактоза моногидраты, картоп крахмалы.
Сипаттамасы
Жайпақ цилиндр пішіндегі ойығы бар, ақ немесе ақ дерлік түсті таблеткалар.
Фармакотерапиялық тобы
Жүйелі әсер ететін басқа да антигистаминдік препараттар. Лоратадин.
АТХ коды R06AX13
Фармакологиялық қасиеттері
Фармакокинетикасы
Асқазан-ішек жолынан жылдам және толықтай сіңеді. Ең жоғарғы концентрациясына жету уақыты – 1,3-2,5 сағат; тамақтану оны 1 сағатқа баяулатады. Плазманың ақуыздрымен байланысуы - 97%.
CYP3A4 цитохормы изоферменттерінің және азырақ дәрежеде CYP2D6 қатысуымен белсенді метаболит дескарбоэтоксилоратадинді түзе отырып бауырда метаболизденеді.
Лоратадин мен метаболиті плазмадағы тепе-тең концентрациясына енгізудің 5-ші тәулігінде жетеді.
Гематоэнцефальді бөгет арқылы өтпейді.
Лоратадиннің жартылай шығарылу кезеңі (Т1/2) - 3-20 (орташа алғанда 8,4) сағат, белсенді метаболитінікі - 8,8-92 сағ (орташа алғанда 28 сағ); егде емделушілерде тиісінше – 6,7-37 сағ (орташа алғанда 18,2 сағ) және 11-38 сағ (17,5 сағ). Бауырдың алкогольдік зақымдануында Т1/2 ауырудың ауырлығына пропорциональді артады.
Бүйрек арқылы және өтпен шығарылады.
Бүйрегінің созылмалы жеткіліксіздігі бар пациенттерде және гемодиализ жүргізгенде фармакокинетикасы іс жүзінде өзгермейді.
Фармакодинамикасы
Н1-гистаминдік рецепторлардың (ұзақ әсер ететін) бөгегіші. Жуан жасушалардан гистамин мен С4 лейкотриеннің босап шығуын бәсеңсітеді. Аллергиялық реакциялардың дамуын болғызбайды және өтуін жеңілдетеді. Аллергияға қарсы, қышымаға қарсы, эксудаттарға қарсы әсерге ие. Қылтамырлардың өткізгіштігін азайтып, тіндер ісінуінің дамуын болғызбайды, тегіс бұлшықеттің түйілуін қайтарады.
Аллерияға қарсы тиімділігі 30 минуттан кейін дамиды, ең жоғарғы деңгейіне 8-12 сағаттан кейін жетеді және 24 сағатқа созылады. Орталық жүйке жүйесінің қызметіне әсер етпейді және әдеттенуді туғызбайды.
Қолданылуы
- аллергиялық (маусымдық және жыл бойы болатын) ринитте
- аллергиялық конъюнктивитте
- созылмалы идиопатикалық есекжемде
- қышитын дерматозда
- жәндіктер шағуына аллергиялық реакцияларда.
Қолдану тәсілі және дозалары
Ішке. Тамақтануға дейін 30 минут бұрын.
Дене салмағы 30 кг-дан астам ересектер мен балаларға тәулігіне 1 рет 10 мг-дан.
Бауыр жеткіліксіздігінде бастапқы доза тәулігіне 5 мг.
6 жастағы және одан асқан дене салмағы 30 кг-дан төмен балаларға тәулігіне 1 рет 5 мг-дан.
Емдеу ұзақтығын емдеуші дәрігер анықтайды.
Жағымсыз әсерлері
- бас ауыруы
- қатты шаршағыштық
- ауыздың құрғауы, жүрек айнуы, гастрит
- ұйқышылдық
- тәбеттің артуы
- аллергиялық реакциялар
- тершеңдік
- артралгия, миалгия
- алопеция
- бауыр функциясының бұзылуы
- жүйке қозғыштығының жоғарылуы
- гиперкинездер
- тахикардия
Қолдануға болмайтын жағдайлар
-
препараттың компоненттеріне жоғары сезімталдық
-
жүктілік, лактация кезеңі
-
6 жасқа дейінгі балалар
Дәрілермен өзара әрекеттесуі
CYP3A4 тежегіштері (соның ішінде кетоконазол мен эритромицин) мен CYP2D6 (циметидин мен басқалары) қандағы лоратадиннің концентрациясын арттырады. Микросомальді тотықтану индукторлары (фенитоин, этанол, барбитураттар, рифампицин, фенилбутазон, үшциклдық антидепрессанттар) препараттың тиімділігін төмендетеді.
Айрықша нұсқаулар
Жалған нәтижелерді болғызбау үшін терінің диагностикалық аллергосынамаларын жүргізуге дейін 48 сағат бұрын препаратты қабылдауды тоқтату керек.
Бауырдың алкогольдік зақымдануында қандағы ең жоғарғы концентрациясы мен жартылай шығарылу кезеңі аурудың ауырлығы артуымен жоғарылайды. Бауыр функциясының ауыр бұзылуымен немесе бүйрек жеткіліксіздігі бар пациенттерге препаратты тағайындағанда ұсынылатын бастапқы дозасы тәулігіне 5 мг құрайды немесе лоратадиннің клиренсі азаюына байланысты күнаралатып 10 мг-ден тағайындайды. Егде жастағы адамдарда препараттың қандағы ең жоғарғы концентрациясы 50%-ға жоғарылайды, препарат пен оның белсенді метаболитінің жартылай шығарылу кезеңі – тиісінше 18,2 және 17,5 сағатқа жоғарылайды.
Дәрілік заттың көлік құралдарын немесе әлеуетті қаупі бар механизмдерді басқару қабілетіне әсер ету ерекшеліктері
Емделу кезеңінде автокөлікті жүргізгенде және зейінді жоғары жұмылдыруды және психомоторлық реакция жылдамдығын қажет ететін әлеуетті қаупі бар қызмет түрлерімен айналысқанда абай болу қажет.
Артық дозалануы
Симптомдары: ұйқышылдық, тахикардия, бас ауыруы.
Емі: спецификалық у қайтарғысы жоқ. Демеуші және симптоматикалық емді мүмкіндігінше жылдамырақ бастау қажет. Есінен танбаған науқастарға құсқызатын дәрілер тағайындау, одан кейін белсенділендірілген көмір енгізу және көп мөлшерде сұйықтық беру керек. Егер құсқызып көру әрекеті іске аспаса немесе қарсы көрсетілімдер болса, зонд арқылы асқазанды шаю керек.
Шығарылу түрі және қаптамасы
Поливинилхлоридті үлбірден немесе баспалық лакталған алюминий фольгадан жасалған пішінді ұяшықты қаптамада 10 таблеткадан. 1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау шарттары
Құрғақ, жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Жарамдылық мерзімі
2 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс 8 (10375177)734043
Тіркеу куәлігінің иесі
«Борисов медициналық препараттар зауыты» ашық акционерлік қоғамы, Беларусь Республикасы
Қазақстан Республикасының аумағында тұтынушылардан дәрілік заттың сапасы жөнінде шағымдарды (ұсыныстарды) қабылдайтын, дәрілік заттың қауіпсіздігін тіркеуден кейін бақылауға жауапты ұйымның мекенжайы
“Борисов медициналық препараттар зауыты” ашық акционерлік қоғамы Беларусь Республикасы, Минск обл., Борисов қ., Чапаев к-сі, 64, тел/факс
8 (10375177)734043, электрондық поштасы market@borimed.com