Лоперамида гидрохлорид

• русский
• қазақша

• Скачать инструкцию медикамента

Саудалық атауы

Лоперамид гидрохлориді «ЛХ»

Халықаралық патенттелмеген атауы

Лоперамид

Дәрілік түрі

0,002 г таблеткалар

Құрамы

Бір таблетканың құрамында

белсенді зат - 0,002 г лоперамид гидрохлориді,

қосымша заттар: лактоза моногидраты, жүгері крахмалы, магний стеараты, стеарин қышқылы, төмен молекулярлы медициналық поливинилпирролидон.

Сипаттамасы

Ақтан сарғыш реңді ақ түске дейінгі таблеткалар

Фармакотерапиялық тобы

Диареяға қарсы препараттар. Асқазан-ішек жолының моторикасын төмендететін препараттар. Лоперамид

АТХ коды А07DА03

Фармакологиялық қасиеттері

Фармакокинетикасы

Лоперамид ішектен жеңіл және толықтай дерлік сіңеді. Қан плазмасындағы ең жоғары концентрациясы 4 сағаттан кейін анықталады. Гематоэнцефалдық бөгет арқылы нашар өтеді. Негізінен нәжіспен, ішінара несеппен шығарылады.

Фармакодинамикасы

Лоперамид диареяға қарсы әсер етеді.

Препараттың сонымен қатар антисекреторлық әсері бар, анальді сфинктердің тонусын көтереді.

Препараттың ішек қабырғалары апиындық рецепторларымен байланысуы салдарынан ацетилхолиндер мен простагландиндердің босап шығуын тежеу есебінен ішек тегіс бұлшық етінің тонусы мен моторикасын төмендетеді. Препарат анальді сфинктердің тонусын көтереді. Препараттың әсері жылдам басталады және 4-6 сағат жалғасады. Препарат гематоэнцефалдық бөгет арқылы өтпейді.

Қолданылуы

• шығу тегі әр түрлі жедел және созылмалы диареяны

симптоматикалық емдеуде (аллергиялық, психосоматикалық, дәрілік, сәулелік, тамақтану режимі мен тамақтың сапалы құрамының өзгеруі, метаболизм және сіңірілудің бұзылуы кезінде, илеостома қойғанда, сондай-ақ тоқ ішек тітіркену синдромының сепсистік емес түрінде, ойық жаралы колитте)

• табиғаты жұқпалы диарея кезінде қосымша дәрі ретінде

Қолдану тәсілі және дозалары

Диареяның жедел жағдайларында ересектерге арналған бастапқы доза: 2 таблетканы құрайды. 6 жастан асқан балалар үшін 1 таблетка, одан кейін әрбір үлкен дәреттен кейін 1 таблеткадан (2 мг). Созылмалы диареяда ересектерге арналған бастапқы доза - 2 таблетка (4 мг), балалар үшін – күн сайын 1 таблеткадан (2 мг), содан соң қалыпты консистенциядағы нәжіс түзілгенше тәулігіне 1-2 рет демеуші дозаны белгілейді. Жедел және созылмалы диареяда ең жоғары тәуліктік доза – ересектер үшін 6 таблеткадан (15 мг) және балалар үшін - дене салмағының 20 кг-на үш таблеткадан (6 мг-дан) аспайды. Қалыпты нәжіс пайда болғаннан кейін немесе 12 сағаттың ішінде нәжіс болмаған кезде препаратты қабылдауды тоқтатады.

Жағымсыз әсерлері

- бас ауыру, бас айналу, қатты шаршағыштық, ұйқышылдық немесе ұйқысыздық, сананың көмескіленуі/естен тану, құрысулар, діріл

- іштің түйілуі және шаншуы, диспепсия, жүрек айну, құсу, илеус, метеоризм, іш қату

- ауыздың кеберсуі

Сирек

- несеп іркілісі

- буллезді бөртулер, соның ішінде Стивенс-Джонсон синдромы, мультиформалы эритема, уытты эпидермалық некролиз

Өте сирек

- ішектің салданып бітелуі, уытты мегаколонның жедел түзілуі

- анафилактикалық шок және анафилактоидтық реакциялар

- QT аралығының ұзаруы, кенеттен жүрек өлімі, елеулі қарыншалық аритмия

Қолдануға болмайтын жағдайлар

- препарат компоненттеріне жоғары сезімталдық

- ішек бітелуін, мегаколон және уытты мегаколонды қоса, елеулі асқынулар туындауының ықтимал қаупіне байланысты перистальтиканы бәсеңдету қажет етілмейтін жай-күйлер

- әсер ету ауқымы кең антибиотиктерді қолданумен байланысты жедел ойық жаралы колит немесе жалған жарғақшалы колит - жедел дизентерия және Salmonella, Shigella және Campylobacter тұқымдас микроорганизмдер туғызған басқа да бактериялық энтероколиттер

- жүктілік және лактация кезеңі

- 6 жасқа дейінгі балаларға

Дәрілермен өзара әрекеттесуі

Лоперамид гидрохлоридін, әсерінің өзара күшеюін болдырмау мақсатында м-холинолитикалық препараттармен (атропин) бір мезгілде тағайындау ұсынылмайды. Лоперамид гидрохлоридін (16 мг дозада) Р-гликопротеиндер тежегіштерімен (хинидин, ритонавир) бірге бір мезгілде тағайындау қан плазмасындағы лоперамид деңгейінің 2-3 есе жоғарылауына әкелген. Лоперамидті ұсынылған дозаларда (2 мг-ден 16 мг-ге дейін) қолданғанда болатын аталған фармакокинетикалық өзара әрекеттесудің клиникалық мәні белгісіз.

Айрықша нұсқаулар

Диареяны емдегенде жоғалтқан су мен электролиттердің орнын алмастыруға арналған шараларды жүргізіп, диета ұстану қажет. Бауырдың қызметі бұзылған кезде препаратты қолдануға қатысты дәрігермен кеңесу қажет.

Қолдану кезіндегі сақтандырулар

Лоперамид іш өтулерді тек симптоматикалық емдеуге арналған. Егер аурудың себебі белгілі болса, этиотропты препараттарды қолданған дұрыс. Препарат ішектің жұқпалы аурулары кезінде бактерияға қарсы емдеуді алмастыра алмайды. Оны жедел дизентерияның (айқын қызбаны, қанды нәжісті) бастапқы кезінде емдеу үшін қолданбайды. Жедел диареяда, егер 48 сағаттың ішінде жақсару басталмаса, препаратты қолдануды тоқтату және кеңесу үшін дәрігерге жүгіну қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Лоперамид автокөлікті басқарғанда немесе басқа механизмдермен жұмыс істегенде реакциялар жылдамдығына әсер етпейді. Дегенмен шаршау, ұйқышылдық немесе бас айналу пайда болған жағдайда автокөлікті басқару немесе күрделі техникамен жұмыс істеу ұсынылмайды.

Артық дозалануы

Симптомдары: ОЖЖ-нің бәсеңдеуі (ступор, қозғалыс үйлесімділігінің бұзылулары, ұйқышылдық, миоз, бұлшықеттік гипертония, тыныс алудың тарылуы), ішектің бітелуі.

Емі: у қайтарғы ретінде налоксонды пайдаланады. Лоперамидтің әсер ету ұзақтығы налоксонға қарағанда жоғары болатынын ескере отырып, антагонисі қайта енгізілуі мүмкін. Артық дозаланудан кейін бірден белсенділендірген көмір енгізеді және асқазанды шаяды; қажет болғанда тыныс алу қызметін демейді.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 10 таблеткадан салынған. Бір немесе екі пішінді ұяшықты қаптама медицинада қолданылуы жөніндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Лекхим-Харьков» АҚ, Украина, 61115. Харьков қ., 17-ші Партсъезд к-сі, 36

Тіркеу куәлігінің иесі

«Лекхим-Харьков» АҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Medicus Centre» ЖШС

050000, Алматы қ., Мусоргский к-сі, 2А

тел: +007(7272) 71-48-12, 71 48 13

e-mail: postavki@medicus.kz