Ломилан® (таблетки, 10 мг)

• русский
• қазақша

• Скачать инструкцию медикамента

Саудалық атауы

Ломилан®

Халықаралық патенттелмеген атауы

Лоратадин

Дәрілік түрі

10 мг таблеткалар

Құрамы

Бір таблетканың құрамында

белсенді зат - 10 мг лоратадин

қосымша заттар: лактоза моногидраты, жүгері крахмалы, желатинделген крахмал, магний стеараты

Сипаттамасы

Дөңгелек пішінді, бір жағында сызығы бар, ақтан ақ дерлік түске дейінгі таблеткалар

Фармакотерапиялық тобы

Жүйелі әсер ететін басқа да антигистаминдік препараттар

АТХ коды R06 АХ 13

Фармакологиялық қасиеттері

Фармакокинетикасы

Препарат ішке қабылдаған кезде тез және оңай сіңеді, оның сіңуі науқастың жасына және ас қабылдауға байланысты емес. Қан плазмасында ақуыздармен берік байланыста болады (96-99). Ішке қабылдағаннан кейін 15 минуттан соң қанда ең жоғары концентрациясына жетеді. Жартылай шығарылу кезеңі – 8-11 сағат. Организмде лоратадин дезкарбоксилоратадинге дейін гидроксилденеді және глюкурондалады. Метаболиттер несеппен және нәжіспен бірге шығарылады. Метаболиттердің соңғы Т½ - 17-24 сағат. Бүйрек қызметінің ауыр жеткіліксіздігінде биожетімділігі 60-70-ға дейін төмендейді, ал бауырдың алкогольмен зақымдануында Т½ артады.

Ломиланның® әсері 1-1,5 сағаттан соң біліне бастап, ең жоғары шегіне 4-6 сағаттан соң жетеді және 36-48 сағатқа дейін созылады.

Фармакодинамикасы

Ломилан® тыныштандырғыш әсер етпейтін Н2-рецепторларының бөгегіштеріне жатады. Оның антихолинергиялық белсенділігі жоқ, серотониннің және тромбоцитті белсенділендіретін факторлардың әсеріне ықпалын тигізбейді. Осы препараттың артықшылығы сол, ол сондай-ақ психомоторикаға да, қимыл үйлесімділігіне де ықпал етпейді және ОЖЖ депрессиялық әсер етпейді.

Шеткергі Н2-рецепторлармен іріктеп байланыса отырып, Ломилан® мидағы осыған ұқсас түзілімге әсер етпейді. Астемиозолмен және терфенадинмен салыстырғанда шеткергі Н2-рецепторлармен байланысу беріктілігі бірнеше есе жоғары.

Қолданылуы

• маусымдық және созылмалы аллергиялық ринитте

• созылмалы идиопатиялық есекжемде

Қолдану тәсілі және дозалары

Ересектер және 12 жастан асқан балалар (дене салмағы 30 кг астам):

10 мг тәулігіне бір рет (1 таблетка)

6-дан 12 жасқа дейінгі балалар (дене салмағы 30 кг дейінгі):

5 мг тәулігіне бір мәрте (½ таблетка)

Ең жоғары тәуліктік доза ересектер үшін 10 мг (1 таблетка), балаларға 5 мг (½ таблетка).

Бауыр қызметі бұзылған емделушілерге емдеу аз дозамен жүргізіледі, өйткені оларда Ломиланның® анағұрлым төмендеу клиренсі байқалуы мүмкін.

Күнара 10 мг (1 таблетка) құрайтын бастапқы доза ересектер мен 12 жастан асқан балаларға (дене салмағы 30 кг асатын) ұсынылады, ал 6-дан 12 жасқа дейінгі балаларға (дене салмағы 30 кг дейінгі) күнара 5 мг (½ таблетка) дозаны қолдану ұсынылады.

Бүйрек жеткіліксіздігі бар емделушілер және егде жастағыларға дозаны түзетудің қажеті жоқ.

Ломилан® таблеткаларын тамақтануға байланыссыз, аздаған мөлшердегі сумен ішеді.

Қабылдаудың ұзақтығын емдеуші дәрігер белгілейді.

Жағымсыз әсерлері

Пайда болуының жиілігі жағынан жағымсыз әсерлерін жіктеуде төменде келтірілген әдіс пайдаланылады.

Өте жиі: >1/10

Жиі: >1/100-ден <1/10 дейін

Кейде: >1/1,000-ден < 1/100 дейін

Сирек: >1/10.000-нан <1/1.000 дейін

Өте сирек: <1/10.000, белгісіз (қолда бар деректермен анықтау мүмкін емес)

Жиі

- бас ауыру

- шаршағыштық, ұйқышылдық

- ашушаңдық

Кейде

- ұйқысыздық

- тәбеттің жоғарылауы

Өте сирек

- тахикардия, жүрек соғуының жиілеуі, синкопе (транзиторлық естен тану), аритмия

- ауыздың құрғауы, жүрек айну, құсу, гастрит

- бөрту, шаштың түсуі

- анафилактикалық реакция

- бауыр қызметінің бұзылуы

Қолдануға болмайтын жағдайлар

- препарат компоненттерінің кез келгеніне аса жоғары сезімталдық

- тұқым қуалайтын фруктозаны көтере алмаушылық, Lapp – лактаза ферментінің тапшылығы, глюкоза- галактоза мальабсорбциясы

- 6 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Циметидинді, кетоконазолды, флуконазолды, эритромицинді, флуоксетинді бір мезгілде қолдану лоратадиннің сарысулық қанығу деңгейін арттыруы мүмкін. Алайда көрсетілген дәрілік заттармен бір мезгілде қабылдаған кездегі жағымсыз реакциялардың қаупі туралы сенімді деректер жоқ.

Препарат клемастин және терфенадинмен салыстырғанда алкогольдің әсерін күшейтеді. Барлық белгілі CYP3A4 немесе CYP2D6 тежегіштерімен өзара әрекеттесуі жүруі ықтимал, осының нәтижесінде Ломиланның® деңгейі жоғарылайды, бұл жағымсыз құбылыстардың пайда болу жағдайлары ұлғаюына әкелуі мүмкін.

Айрықша нұсқаулар

Ломилан® препаратын аллергиялық тері сынамаларын жүргізерден кем дегенде екі күн бұрын тоқтатқан жөн, өйткені дәрілік препарат теріні аса жоғары сезімталдыққа тексеру нәтижелерін бұрмалауы мүмкін.

Таблеткадағы 10 мг Ломилан® құрамында лактоза бар. Галактозаны көтере алмаушылық, Лапп лактозасы тапшылығы немесе глюкоза-галактоза сіңуінің бұзылуы сияқты сирек тұқым қуалайтын аурулары бар емделушілерге осы дәрілік препараттың құрамында лактоза болуына байланысты тағайындалмайды.

Бауыр зақымдануы кезінде қандағы ең жоғары концентрациясы және жартылай шығарылу кезеңі ауру ауырлығының ұлғаюына байланысты жоғарылайды, сондықтан бауыр қызметінің ауыр бұзылуымен емделушілерге препаратты тағайындаған кезде, аз бастапқы дозасы ұсынылады.

Препаратты Р-450 цитохромы (циметидин) тежегіштерімен бір мезгілде сақтықпен тағайындайды.

Жүктілік және лактация

Препаратты жүктілік кезеңінде қолданудың қауіпсіздігі зерттелмеген. Ломилан® емшек сүтіне енеді, сондықтан оны лактация кезеңінде тағайындамайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ломилан® ұсынылған дозасында психомоторлы реакциялар жылдамдығына әсер етпейді. Алайда ықтимал жағымсыз әсерлерін ескере отырып, көлік құралын немесе қауіптілігі зор механизмдерді басқару қабілетін жекелей бағалау қажет.

Артық дозалануы

Симптомдары: жағымсыз құбылыстардың күшеюі.

Емі: арнайы у қайтарғысы жоқ. Асқазанды шаю (препаратты қабылдағаннан кейінгі алғашқы 2 сағатта), адсорбенттер тағайындау, қажет болғанда – симптоматикалық ем жүргізу қажет. Гемодиализ тиімсіз.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

Лек Фармасьютикалс д.д., Веровшкова 57, Любляна, Словения

Тіркеу куәлігінің иесі

Лек Фармасьютикалс д.д., Словения

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Сандоз Фармасьютикалс д.д.» АҚ Қазақстан Республикасындағы өкілдігі

Қазақстан Республикасы, 050051, Алматы қ., Луганский к-сі 96, «Керуен» бизнес-орталығы, Телефон нөмірі + 727 258 10 48, факс: +7 727 258 10 47

e-mail: kzsdz.drugsafety@sandoz.com  

Қазақстан бойынша тегін қоңырау шалу - 8 800 080 0066