Лозартан-ЛФ (Лозартан)

Лозартан-ЛФ.

Лозартан.

Дәрілік түрі, дозалануы

Үлбірлі қабықпен қапталған таблеткалар, 50 және 100 мг.

Жүрек-қантамыр жүйесі. Ренин-ангиотензин жүйесіне ықпал ететін препараттар. Ангиотензин II антагонистері. Лозартан.

АТХ коды: С09СА01.

• ересектерде, сондай-ақ 6-дан 18 жасқа дейінгі жасөспірімдерде эссенциальді гипертензияны емдеу;

• артериялық гипертензиядан және протеинуриямен біріккен ІІ типті қант диабетінен зардап шегіп жүрген ересек пациенттерде гипертензияға қарсы емдеу аясында күніне ≥0.5 г-мен бүйрек ауруларын емдеу;

• ересек пациенттерде жүрек функциясының созылмалы жеткіліксіздігін емдеу, егер препараттың жақпаушылығына байланысты, әсіресе жөтел туындағанда немесе қолдануға қарсы көрсетілімдері болғандықтан ангиотензин-өзгертуші фермент (АӨФ) тежегіштерімен емдеу мүмкін болмағанда. Егер жүрек функциясының жеткіліксіздігі бар пациенттің жағдайы АӨФ тежегіштерімен емдеу аясында тұрақтанса, оны лозартанмен емдеуге көшірмеу керек. Пациенттер белгіленген сызба бойынша жүрек функциясының созылмалы жеткіліксіздігіне ем алуы тиіс, олардың жағдайы тұрақты болуы тиіс, ал сол жақ қарыншадан лықсу фракциясы пациенттерде ≤40% құрауы тиіс;

• сол жақ қарыншаның гипертрофиясымен біріккен артериялық гипертензиядан азап шегіп жүрген ересек пациенттерде ЭКГ деректерімен айғақталған инсульттің даму қаупін төмендету үшін.

Қолдануды бастағанға дейінгі қажетті мәліметтер тізімі

• белсенді затқа немесе «Дәрілік препараттың құрамы» бөлімінде берілген қосымша заттардың кез келгеніне аса жоғары сезімталдық;

• бауыр функциясының ауыр жеткіліксіздігі;

• қант диабеті немесе бүйрек функциясының орташа/ауыр жеткіліксіздігі бар (ШСЖ < 60 мл/мин/1.73 м2) пациенттерде ангиотензин II рецепторларының блокаторларын алискиренмен бір мезгілде қолдану;

• жүктіліктің 2-ші және 3-ші триместрлері;

• 6 жасқа дейінгі балаларға.

Қолдану кезіндегі қажетті сақтық шаралары

Аса жоғары сезімталдық

Ангионевроздық ісіну: анамнезінде ангионеврозды ісінуі (беттің, еріннің, көмейдің және/немесе тілдің ісіну) бар пациенттер мұқият бақылауда болуы тиіс.

Артериялық гипотензия және су-электролиттік теңгерімнің бұзылулары

Күшейтілген диурездік ем жүргізу, тұзды пайдалануды шектеу, диарея және құсу нәтижесінде АҚК және/немесе натрий мөлшері төмендеген пациенттерде симптоматикалық артериялық гипотензия дамуы мүмкін. Осы жағдайлар лозартанды қабылдағанға дейін түзетілуі тиіс немесе препараттың бастапқы дозасы төмендетілуі тиіс. Сондай-ақ бұл 6-дан 18 жасқа дейінгі балаларға да қатысты.

Электролиттік теңгерімнің бұзылулары

Бүйрек функциясының бұзылулары бар және қатар жүретін қант диабеті бар немесе онсыз пациенттерде электролиттік теңгерімнің бұзылулары өте жиі кездесетіндігін ескеру керек.

Қант диабетінің ІІ типінен және нефропатиядан азап шегіп жүрген пациенттердің қатысуымен жүргізілген клиникалық зерттеулердің деректеріне сәйкес, лозартан қабылдаған топта гиперкалиемияның даму жиілігі, плацебо қабылдаған топпен салыстырғанда, жоғары болды. Сондықтан қан плазмасындағы калий мөлшерін және креатинин клиренсін, әсіресе жүрек функциясының жеткіліксіздігі бар және креатинин клиренсі 30-50 мл/мин болатын пациенттерде мұқият бақылау керек.

Лозартанды калий жинақтайтын диуретиктермен, құрамында калий бар қоспалармен, құрамында калий бар тұз алмастырғыштармен немесе құрамында триметоприм бар дәрілік препараттармен бірге қабылдау ұсынылмайды.

Бауыр функциясының бұзылуы

Фармакокинетикалық деректерге сәйкес, бауыр циррозы бар пациенттерде қан плазмасында лозартан концентрациясының едәуір жоғарылағаны байқалды, демек, анамнезінде бауыр функциясының бұзылулары бар пациенттерге препараттың өте төмен дозаларын тағайындау керек.

Бауыр функциясының ауыр бұзылулары бар пациенттерде препаратты қолдану тәжірибесі жоқ, сондықтан лозартанды бауыр функциясының ауыр бұзылулары бар пациенттерді емдеу үшін қолданбау керек.

Лозартан бауыр функциясы бұзылған балаларды емдеу үшін ұсынылмайды.

Бүйрек функциясының бұзылуы

Ренин-ангиотензин жүйесінің тежелуі салдарынан, препаратты қабылдаған кезде бүйрек функциясының жеткіліксіздігін қоса, бүйрек функциясының бұзылулары білінді (атап айтқанда, бүйрек функциясы ренин-ангиотензин-альдостерон жүйесінің белсенділігіне тәуелді пациенттерде, мысалы, жүрек функциясының ауыр жеткіліксіздігі бар пациенттерде немесе бүйрек функциясының бұрыннан бұзылулары бар пациенттерде). Ренин-ангиотензин-альдостерон жүйесіне әсер ететін басқа дәрілік препараттарды қолданғандағы сияқты, бүйрек артерияларының екі жақты стенозы бар немесе жалғыз бүйрек артерияларының стенозы бар пациенттерде қан сарысуындағы мочевина және креатинин концентрацияларының жоғарылағаны туралы мәлімделді. Лозартанды бүйрек артерияларының екі жақты стенозы немесе жалғыз бүйрек артериясының стенозы бар пациенттерге сақтықпен қолдану керек.

Бүйрек функциясы бұзылған бала жасындағы пациенттерді емдеу үшін қолдану

Шумақтық сүзілу жылдамдығы <30 мл/мин/1.73 м2 балаларды емдеу үшін лозартанды қолдану ұсынылмайды, өйткені пациенттердің осы тобында қолдану тәжірибесі туралы деректер жоқ.

Лозартанмен емдеу кезінде бүйрек функциясын ұдайы бақылау керек, өйткені ол төмендеуі мүмкін. Атап айтқанда, бұл лозартан бүйрек функциясын бұзуы мүмкін басқа жайттардың (жоғары температура, сусыздану) аясында пайдаланылатын жағдайларға жатады.

Лозартанды АӨФ тежегіштерімен қолдану бүйрек функциясын нашарлататыны дәлелденген. Сондықтан осы препараттарды бірге қолдану ұсынылмайды.

Бүйрек трансплантациясы

Жақын арада бүйрек трансплантациясын басынан кешірген пациенттерді емдеу үшін препаратты қолдану тәжірибесі жоқ.

Алғашқы гиперальдостеронизм

Алғашқы гиперальдостеронизмі бар пациенттер, әдеттегідей, ренин-ангиотензин жүйесін тежеу жолымен әсер ететін гипотензиялық препараттармен емдеуге жауап бермейді. Сондықтан лозартанды қолдану ұсынылмайды.

Жүректің ишемиялық ауруы және цереброваскулярлық аурулар

Басқа гипотензиялық препараттарды қолданған кездегі сияқты, артериялық қысымның шамадан тыс төмендеуі жүректің ишемиялық ауруы және цереброваскулярлық аурулары бар пациенттерде миокард инфарктісінің немесе инсульттің дамуына әкелуі мүмкін.

Жүрек функциясының жеткіліксіздігі

Ренин-ангиотензин жүйесіне ықпал ететін басқа препараттарды қолданған кездегі сияқты, бүйрек функциясы бұзылған немесе онсыз жүрек функциясының жеткіліксіздігі бар пациенттерде айқын артериялық гипотензияның және (көбіне жедел) бүйрек функциясының бұзылуларының даму қаупі бар.

Жүрек функциясының жеткіліксіздігі және бүйрек функциясының қатар жүретін ауыр бұзылулары бар пациенттерде, жүрек функциясының ауыр жеткіліксіздігі бар (NYHA жіктемесі бойынша IV класс) пациенттерде, сондай-ақ жүрек функциясының жеткіліксіздігі және симптоматикалық, өмір үшін қауіпті жүрек аритмиялары бар пациенттерде лозартанды қолданудың жеткілікті емдік тәжірибесі жоқ. Сондықтан лозартанды пациенттердің осы тобына сақтықпен қолдану керек. Лозартанның бета-адреноблокаторлармен біріктірілімін абайлап қолдану керек.

Аортальді және митральді клапандардың стенозы, обструктивті гипертрофиялық кардиомиопатия

Басқа вазодилататорларды қолданған кездегідей, аортальді және митральді клапандар стенозы немесе обструктивті гипертрофиялық кардиомиопатиясы бар пациенттерге препаратты аса сақтықпен тағайындайды.

Жүктілік

Жүктілік кезеңінде ангиотензин II рецепторларының антагонистерін қолдануға болмайды. Ангиотензин II рецепторларының антагонистерін қабылдап жүрген және жүкті болуды жоспарлап жүрген пациенттер жүктілік кезінде қолданудың қауіпсіздігі туралы айғақталған деректері бар баламалы гипотензивтік препараттарды қабылдауға көшірілуі тиіс. Жүктілік айғақталған жағдайда лозартанмен емдеуді дереу тоқтату және, қажет болғанда, баламалы емге көшу керек.

Ренин-ангиотензин-альдостерон жүйесінің (РААЖ) қосарлы блокадасы

Гипотензияның, гиперкалиемияның даму қаупі туралы және бүйрек функциясының әлсіздігі туралы (бүйрек функциясының жедел жеткіліксіздігін қоса) айғақтайтын деректер бар. Сондықтан АӨФ-тежегіштерін, ангиотензин II рецепторларының блокаторларын немесе алискиренді бір мезгілде пайдалану арқылы РААЖ қосарлы блокадалау ұсынылмайды.

Егер қосарлы блокада абсолютті түрде қажет деп саналса, мұндай ем бүйрек функциясына, электролиттер деңгейлеріне және артериялық қысымға жиі мониторинг жасайтын маманның бақылауымен ғана жүргізіледі. АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерде бір мезгілде қолданбау керек.

Лактоза жақпаушылығы

Лозартан-ЛФ, үлбірлі қабықпен қапталған 50 мг және 100 мг таблеткаларында лактоза моногидраты бар, лактоза жақпаған кезде бұған көңіл бөлу керек. Сирек кездесетін тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза тапшылығы бар пациенттер бұл дәрілік препаратты қабылдамауы керек.

Басқа дәрілік препараттармен өзара әрекеттесуі

Басқа гипотензивтік препараттар лозартанның гипотензиялық әсерін күшейтуі мүмкін. Жағымсыз реакциялар ретінде артериялық гипотензияның туындауын индукциялауы мүмкін (трициклді антидепрессанттар, психозға қарсы препараттар, баклофен және амифостин сияқты) басқа препараттармен бір мезгілде қолдану артериялық гипотензияның туындау қаупін арттыруы мүмкін.

Лозартан көбіне Р450 (CYP) 2С9 цитохромы жүйесінің қатысуымен карбон қышқылының белсенді метаболитіне дейін метаболизденеді. Клиникалық зерттеулерде флуконазол (CYP2C9 тежегіші) белсенді метаболиттің концентрациясын шамамен 50%-ға дейін төмендететіні анықталды. Лозартанмен және рифампицинмен (метаболизм ферменттерінің индукторымен) бір мезгілде емдеу қан плазмасында белсенді метаболит концентрациясының 40%-ға төмендеуіне әкелетіні анықталды. Осы әсердің клиникалық маңызы белгісіз. Лозартанды және флувастатинді (CYP2C9 әслсіз тежегіші) бір мезгілде қолданғанда препараттың концентрацияларында айырмашылықтар байқалған жоқ.

Ангиотензин II-ні немесе оның әсер етуін блокадалайтын басқа дәрілік препараттарды қолданған жағдайдағыдай, организмде калийді ұстап қалуға қабілетті препараттарды (мысалы, калий жинақтайтын диуретиктерді: амилоридті, триамтеренді, спиронолактонды), немесе калий мөлшерін арттыратын препараттарды (мысалы, гепаринді, құрамында триметоприм бар препараттарды), сондай-ақ құрамында калий бар тағамдық қоспаларды немесе тұз алмастырғыштарды бір мезгілде тағайындау қан сарысуында калий мөлшерінің артуына әкелуі мүмкін. Мұндай препараттарды бір мезгілде қолдану ұсынылмайды.

Литий препараттарын АӨФ тежегіштерімен бір мезгілде қолданғанда қан сарысуында литий концентрациясының қайтымды артуы туралы, сондай-ақ оның уыттылығы туралы мәлімделді. Сондай-ақ ангиотензин II рецепторларының антагонистерін қолданған кезде осыған ұқсас жағдайлар туралы өте сирек мәлімдемелер болды. Лозартанды литий препараттарымен біріктіруді абайлап қолдану керек. Егер мұндай біріктірілімді қолдану қажетті болып табылса, осы препараттармен емдеудің бүкіл кезеңі бойы қан сарысуындағы литий концентрациясын бақылау ұсынылады.

Ангиотензин II антагонистерін және қабынуға қарсы стероидты емес препараттарды (ҚҚСП) (мысалы, циклооксигеназа-2 (ЦОГ-2) селективті тежегіштерін, ацетилсалицил қышқылын қабынуға қарсы дозаларда және селективті емес ҚҚСП) бірге қолданғанда гипертензияға қарсы әсерінің бәсеңдегені байқалуы мүмкін. Ангиотензин II антагонистерін немесе диуретиктерді және ҚҚСП бірге қолдану бүйрек функциясы бұзылуларының даму қаупін, соның ішінде бүйрек функциясының жедел жеткіліксіздігінің даму қаупін арттыруы, сондай-ақ қан сарысуында калий мөлшерінің, әсіресе бұрыннан бүйрек функциясының бұзылулары бар пациенттерде, артуына әкелуі мүмкін. Препараттардың бұл біріктірілімі әсіресе егде жастағы адамдарға сақтықпен тағайындалуы тиіс. Пациенттер сұйықтықтың жеткілікті мөлшерін пайдалануы тиіс, сонымен қатар біріктірілген емді бастағаннан кейін бүйрек функциясына бақылау жүргізу, әрі қарай оны ұдайы жүргізу қажет.

Ренин-ангиотензин-альдостерон жүйесінің (РААЖ) қосарлы блокадасы

Клиникалық зерттеулердің деректері АӨФ тежегіштерін, ангиотензин ІІ рецепторларының блокаторларын немесе алискиренді бір мезгілде қолдану салдарынан ренин-ангиотензин-альдостерон жүйесінің (РААЖ) екі есе блокадалануы, РААЖ-ге әсер ететін препаратпен монотерапиямен салыстырғанда, гипотензияның, гиперкалиемияның туындау және бүйрек функциясының бәсеңдеу (бүйрек функциясының жедел жеткіліксіздігі қоса) жиілігінің жоғарылауымен астасатындығын көрсетті.

Диабеті бар пациенттерге немесе бүйрек функциясының жеткіліксіздігі (ШСЖ <60 мл/мин) бар пациенттерге алискиренді лозартанмен бірге тағайындамау керек.

Арнайы ескертулер

Ангиотензин-өзгертуші фермент тежегіштері, лозартан және басқа ангиотензин антагонистері артериялық қысымды төмендету үшін, басқа нәсіл өкілдеріне қарағанда, қара нәсілді пациенттерде едәуір азырақ тиімді екендігі анықталды; бұл артериялық гипертензиядан азап шегіп жүрген қара нәсілді пациенттер арасында, ренин мөлшері төмендеген адамдарда басым болуымен жүзеге асырылуы мүмкін.

Пациенттердің ерекше топтары

Айналымдағы қан көлемі (АҚК) төмендеген пациенттер

АҚК төмендеген (мысалы, диуретиктердің жоғары дозаларын қолдану салдарынан) пациенттер үшін бастапқы доза ретінде күніне бір рет 25 мг-ге** тең дозаны қарастыру керек.

Бүйрек функциясы бұзылған пациенттер және гемодиализде жүрген пациенттер

Бүйрек функциясы бұзылған пациенттер және гемодиализде жүрген пациенттер үшін бастапқы дозаны түзетудің қажеті болмайды.

Бауыр функциясы бұзылған пациенттер

Анамнезінде бауыр функциясының бұзылулары бар пациенттерге препараттың өте төмен дозаларын тағайындау керек. Бауыр функциясының ауыр бұзылулары бар пациенттерді емдеу үшін препаратты қолдану тәжірибесі жоқ, сондықтан лозартанды бауыр функциясының ауыр бұзылулары бар пациенттерге қолдануға болмайды.

Егде жастағы пациенттер

75 жастан үлкен пациенттерді емдеу үшін күніне бір рет 25 мг-ге** тең бастапқы дозаны қолдануды қарастыруға қарамастан, әдеттегідей, егде жастағы пациенттер үшін дозаны түзетудің қажет болмайды.

Балалар популяциясы

6 айлық - >6 жас

Қауіпсіздігі мен тиімділігі 6 айлықтан 6 жасқа дейінгі балаларда анықталған жоқ, сондықтан дозалануы жөнінде ешқандай да нұсқаулардың жасалуы мүмкін емес.

6-дан 18 жасқа дейін

Таблеткаларды жұта алатын және дене салмағы 20-дан 50 кг-ге дейінді құрайтын пациенттер үшін ұсынылатын доза күніне бір рет 25 мг** құрайды. Ерекше жағдайларда бұл доза күніне бір рет ең жоғары 50 мг-ге дейін арттырылуы мүмкін. Дозаны артериялық қысымның көрсеткіштеріне байланысты түзету керек.

Дене салмағы 50 кг-ден асатын пациенттер үшін әдеттегі доза күніне бір рет 50 мг құрайды. Қысылтаяң жағдайларда бұл доза күніне бір рет ең жоғары 100 мг-ге дейін арттырылуы мүмкін. Күніне 1.4 мг/кг-ден асатын (немесе 100 мг-ден асатын) дозаларды қолдану педиатриялық пациенттерде зерттелген жоқ.

Лозартан 6 жасқа дейінгі балаларға қолдану ұсынылмайды, өйткені пациенттердің осы топтарында деректер шектеулі.

Шумақтық сүзілу жылдамдығы <30 мл/мин/1.73 м2 болатын балаларға қолдануға болмайды, өйткені деректер жоқ.

Лозартан сондай-ақ бауыр бұзылулары бар пациенттерге де ұсынылмайды.

* Бұл препаратпен 12.5 мг дозаны қамтамасыз ету мүмкін емес.

** Бұл препаратпен бұл 25 мг дозаны қамтамасыз ету мүмкін емес.

Жүктілік немесе лактация кезінде

Жүктілік

Жүктіліктің 1-ші триместрі ішінде лозартанды қолдану ұсынылмайды.

Жүктіліктің 2-ші және 3-ші триместрі ішінде лозартанды қолдануға болмайды.

Жүктіліктің 1-ші триместрінде АӨФ тежегіштерін қолданған кезде тератогендік әсер ету қаупіне сенерлік эпидемиологиялық деректер жоқ; алайда оның аздап жоғарылайтынын жоққа шығаруға болмайды. Ангиотензин II рецепторларының антагонистерін қолдану қаупіне қатысты бақыланатын эпидемиологиялық зерттеу деректері әзірге алынбайды, бұл препараттардың осы класының мұндай қаупі болуы мүмкін деп санау керек. Ангиотензин II рецепторларының антагонистерімен емдеу міндетті түрде болып табылмайтын жағдайларда жүкті болуды жоспарлап жүрген пациенттер жүктілік кезінде қолданудың қауіпсіздігі туралы айғақталған деректері бар баламалы гипотензивтік препараттарға көшуі тиіс. Жүктілік айғақталған жағдайда лозартанмен емдеуді дереу тоқтату және, қажет болғанда, баламалы емге көшуі керек.

Жүктіліктің 2-ші және 3-ші триместрлерінде ангиотензин II рецепторларының антагонистерімен емдеу ұрыққа (бүйрек функциясының төмендеуі, олигогидрамнион, бассүйектің оссификациясының кідіруі) және жаңа туған нәрестенің организміне (бүйрек функциясының жеткіліксіздігі, артериялық гипотензия, гиперкалиемия) уытты әсерін тигізуі мүмкін екендігі белгілі.

Егер лозартанмен емдеу жүктіліктің 2-ші триместрінен басталса, жаңа туған нәрестенің бүйрек функциясына және бассүйегінің құрылысына ультрадыбыстық зерттеу жүргізу ұсынылады.

Анасы лозартан қабылдаған жаңа туған нәрестелер үшін артериялық гипотензияны дер кезінде анықтау және түзету мақсатында медициналық бақылау белгілеу керек.

Емшек емізу

Емшек емізу кезеңінде лозартанды қолдану туралы ақпарат жоқ болғандықтан, лозартанмен емдеу ұсынылмайды, егер пациент жаңа туған нәрестеге немесе мезгілінен ерте туған нәрестеге емшек емізіп жүрсе, пациентті емшек емізу кезінде қолдану қауіпсіздігі туралы айғақталған деректері бар баламалы препараттарға көшіру керек.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері басқару қабілетіне ықпалы

Көлік құралдарын басқару және механизмдермен жұмыс жасау қабілетіне ықпалы туралы зерттеулер жүргізілген жоқ. Дегенмен, гипотензивтік препараттарды қабылдаған жағдайда, әсіресе емнің бас кезінде немесе дозаны арттырған кезде, кенеттен бас айналу немесе ұйқышылдық туындауы мүмкін екендігін ескеру қажет.

Қолдану жөніндегі нұсқаулар

Дозалау режимі

Артериялық гипертензия

Көптеген пациенттер үшін әдеттегі бастапқы және демеуші доза күніне бір рет 50 мг құрайды. Гипертензияға қарсы ең жоғары әсерге емдеуді бастағаннан кейін 3-6 аптадан соң жетеді. Кейбір пациенттерде дозаны күніне бір рет (таңертең) 100 мг-ге дейін арттырғанда жақсы әсерге қол жеткізуге болады. Лозартанды басқа гипотензиялық препараттармен, әсіресе диуретиктермен (мысалы, гидрохлортиазидпен) біріктіріп қолдануға болады.

Протеинуриямен біріккен ІІ типті қант диабеті бар пациенттердегі артериялық гипертензияда күніне ≥0.5 г

Әдеттегі бастапқы доза күніне бір рет 50 мг құрайды. Бұл доза емдеуді бастағаннан кейін шамамен бір айдан соңғы артериялық қысымның көрсеткіштеріне байланысты күніне 100 мг-ге дейін арттырылуы мүмкін. Лозартанды гипотензиялық басқа препараттармен (мысалы, диуретиктермен, кальций өзекшелерінің блокаторларымен, альфа- немесе бета- адреноблокаторлармен және орталық әсері бар препараттармен), сондай-ақ инсулинмен және жиі қолданылатын гликемиялық басқа препараттармен (мысалы, сульфонилмочевина препараттарымен, глитазондармен және глюкозидаза тежегіштерімен) бірге қолдануға болады.

Жүрек функциясының жеткіліксіздігі

Жүрек функциясының жеткіліксіздігін емдеу үшін лозартанның бастапқы дозасы әдетте күніне бір рет 12.5 мг* құрайды. Әдеттегідей, дозаны препараттың жекелей жағымдылығын ескеріп, апталық аралықпен (мысалы, күніне 12.5 мг*, күніне 25 мг** , күніне 50 мг, күніне 100 мг және күніне бір рет ең жоғары 150 мг дозаға дейін) арттырады.

Артериялық гипертензиясы және сол жақ қарыншаның гипертрофиясы бар пациенттерде ЭКГ-мен айғақталған инсульттің даму қаупін төмендету

Әдеттегі бастапқы доза күніне бір рет 50 мг лозартанды құрайды. Содан кейін емдеуді гидрохлортиазидтің төмен дозасымен емдеумен толықтыру және/немесе лозартанның дозасын артериялық қысымның көрсеткіштеріне байланысты күніне бір рет 100 мг-ге дейін арттыру керек.

Енгізу әдісі және жолы

Таблетканы стакан сумен ішіп, жұту керек.

Препаратты тамақ ішуге қарамай қабылдай беруге болады.

Артық дозаланған жағдайда қабылдау қажет шаралар

Симптомдары

Адамда лозартанның артық дозалануына қатысты деректер шектеулі. Артық дозаланудың өте ықтимал симптомдары артериялық гипотензия және тахикардия деп есептеу керек. Парасимпатикалық (вагустық) стимуляция нәтижесінде брадикардия туындауы мүмкін.

Емі

Симптоматикалық артериялық гипотензия туындаған кезде демеуші ем жүргізу керек. Емдік шаралар препаратты қабылдағаннан кейінгі өткен уақытқа, симптомдардың типіне және ауырлығына байланысты. Бірінші кезектегі міндет жүрек-қантамыр жүйесінің жұмысын тұрақтандыру болып табылады. Препаратты ішке қолданған кездегі артық дозалану жағдайында белсенділендірілген көмірдің жеткілікті мөлшерін қабылдау ұсынылады. Осыдан кейін өмірлік маңызды функциялардың көрсеткіштерін мұқият бақылауды белгілеу керек. Қажет болған кезде өмірлік маңызды функцияларға түзету жүргізу керек. Лозартан да, оның белсенді метаболиті де организмнен гемодиализдің жәрдемімен шығарылмайды.

Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Дәрілік препаратты қабылдамас бұрын кеңес алу үшін дәрігерге немесе фармацевтіге барыңыз.

Дәрілік препаратты стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар

Жиі:

• анемия

• бас айналу

• вертиго

• ортостатикалық гипотензия, дозаға тәуелді ортостатикалық әсерлерді қоса (әсіресе қантамырішілік деггидратациясы бар пациенттерде, мысалы, жүрек функциясының ауыр жеткіліксіздігі бар пациенттер немесе диуретиктердің жоғары дозаларымен емдегенде)

• бүйрек функциясының бұзылуы, бүйрек функциясының жеткіліксіздігі;

• астения, шаршағыштық

• гиперкалиемия, қанда мочевина деңгейлерінің жоғарылауы гипогликемия

• сарысуда креатинин және калий деңгейлерінің жоғарылауы.

Жиі емес:

• ұйқышылдық, бас ауыру, ұйқының бұзылуы

• жүректің қағуын сезіну, стенокардия

• диспноэ, жөтел

• абдоминальді ауыру, іш қату, диарея, жүректің айнуы, құсу

• есекжем, қышыну, бөртпе

• ісінулер.

Сирек:

• парестезиялар

• синкопе, жүрекшелердің фибриляциясы, инсульт

• аланинаминотрансфераза деңгейінің жоғарылауы (АЛТ; әдеттегідей, емдеуді тоқтатқан кезде қайтымды).

Постмаркетингтік кезеңде келесі жағымсыз реакциялар байқалды

Сирек:

• аса жоғары сезімталдық реакциялары, анафилаксиялық реакциялар, ангионевроздық ісіну (соның ішінде көмейдің, жұтқыншақтың, беттің, еріннің, дауыс саңылауының және/немесе тілдің ісінуі (ол тыныс алу жолдарының обструкциясына әкеледі); кейбір пациенттердің анамнезінде басқа препараттарды, соның ішінде АӨФ тежегіштерін қолданумен байланысты ангионевроздық ісіну (Квинке ісінуі), васкулит (Шенлейн-Генох пурпурасын қоса) болды

• гепатит.

Жиілігі белгісіз:

• анемия, тромбоцитопения

• депрессия

• бас сақинасы, дисгевзия

• құлақтың шуылдауы

• жөтел

• диарея

• панкреатит, бауыр функциясының бұзылуы

• есекжем, қышыну, бөртпе, фотосезімталдық

• миалгия, артралгия, рабдомиолиз

• эректильді дисфункция, импотенция

• жалпы дімкәстану сезімі

• гипонатриемия

• арқаның ауыруы, несеп шығару жолдарының инфекциялары, тұмау тәріздес симптомдар.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Дәрілік препараттың құрамы

Бір таблетканың құрамында

белсенді зат – 50 немесе 100 мг лозартан калий,

қосымша заттар: магний стеараты, натрий стеарил фумараты, модификацияланған жүгері крахмалы, лактоза моногидраты, сусыз коллоидты кремнийдің қостотығы, микрокристалды целлюлоза.

қабықтың құрамы: опадрай II ақ (поливинил спирті, титанның қостотығы (Е 171), полиэтиленгликоль, тальк).

Сыртқы түрінің, иісінің, дәмінің сипаттамасы

Ақ түсті үлбірлі қабықпен қапталған, екі жақ беті дөңес, дөңгелек пішінді таблеткалар.

Шығарылу түрі және қаптамасы

Поливинилхлоридті және алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты үш қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Ылғалдан және жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәрігердің рецептісі арқылы

Өндіруші туралы мәліметтер

«Лекфарм» ЖШБҚ,

Беларусь Республикасы, 223141, Логойск қ., Минская к-сі, үй 2а, пәт.301.

Тел./факс: +375 1774 53801, www.lekpharm.by

Тіркеу куәлігінің ұстаушысы

«Лекфарм» ЖШБҚ,

Беларусь Республикасы, 223141, Логойск қ., Минская к-сі, үй 2а, пәт.301.

Тел./факс: +375 1774 53801, www.lekpharm.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Лекфарм» ЖШБҚ өкілдігі,

050000, Алматы қ., Бостандық ауданы, Әл-Фараби даңғылы 7,

"Нұрлы Тау" БО, корпус 4а, кеңсе 55,

тел. 8(727)-3110454, факс 8(727) -3110455,

электронды поштасы: baikenova@lekpharm.by