ЛИМЕНДА-Л

Лименда-Л

Жоқ

Қынаптық суппозиторийлер

1 суппозиторийдің құрамында

белсенді заттар: 750 мг метронидазол, 200 мг миконазол нитраты, 100 мг лидокаин гидрохлориді бар,

қосымша заттар: макрогол цетостеарил эфирі, витепсол S55.

Сарғыштау-ақ түсті торпеда тәрізді суппозиторийлер.

Гинекологиялық ауруларды емдеуге арналған антисептиктер мен микробқа қарсы препараттар. Гинекологиялық ауруларды емдеуге арналған антисептиктер мен микробқа қарсы препараттар (кортикостироидтармен біріктірілімін қоспағанда). Имидазол туындылары. Имидазол туындыларының біріктірілімдері.

АТХ коды G01АF20

Фармакокинетикасы

Метронидазолдың интравагинальді қолданылған кездегі биотиімділігі ішке қабылдаумен салыстырғанда 20%-ды құрайды. Қынапқа енгізгеннен кейін тепе-теңдік жағдайына жеткен кезде метронидазолдың плазмадағы концентрациясы 1,6-7,2 мкг/мл құрады. Миконазол нитратының енгізудің осы тәсілі кезіндегі жүйелі сіңірілуі өте төмен (дозасының шамамен 1,4%-ы), миконазол нитраты плазмада анықталмайды.

Метронидазол бауырда метаболизденеді. Гидроксильдік метаболиті белсенді болып табылады.

Метронидазолдың жартылай шығарылу кезеңі 6-11 сағатты құрайды. Дозасының шамамен 20%-ы өзгеріссіз күйде бүйрекпен шығарылады.

Лидокаин зақымданған тері мен шырышты қабықтың бетіне жаққан кезде сіңіріледі және бауырда жылдам метаболизденеді. 3 күн бойы күн сайын қынап ішіне енгізгеннен кейін лидокаиннің плазмадағы деңгейлері 0,04-1 мкг/мл құрайды. Метаболиттері мен дәрілік препарат өзгеріссіз күйде (енгізілген дозасының 10%-ы) бүйрек арқылы шығарылады.

Фармакодинамикасы

Лименда-Л құрамында микробқа қарсы әсер ететін метронидазол мен миконазол және жергілікті жансыздандырғыш әсермен қамтамасыз ететін лидокаин бар біріктірілген препарат болып табылады.

Метронидазол микробқа қарсы және протозойға қарсы дәрі болып табылады, ол Gardnerella vaginalis-ке және анаэробты стрептококктар мен Trichomonas vaginalis-ті қоса, анаэробты бактерияларға қатысты тиімді.

Миконазол нитратының белсенділік ауқымы кең және әсіресе патогендік зеңдерге, соның ішінде Candida albicans-ке қатысты тиімді, бұдан өзге, миконазол нитраты грамоң бактерияларға қатысты тиімді.

Лидокаин нейрон жарғақшасын тұрақтандырып, импульстердің туындауы мен өтуіне қажетті иондардың ағып шығуын тежейді, сол арқылы жергілікті жансыздандырғыш әсер береді.

- қынаптық кандидозда

- бактериялық вагинозда

- трихомонадтық вагинитте

- аралас инфекциялардан туындаған вагиниттерде.

Препаратты 7 күн бойы түнде қынап ішіне 1 суппозиторийден салады.

Қайталанатын вагиниттер немесе емдеудің басқа түрлеріне резистентті вагиниттер кезінде Лименда-Л препаратын 14 күн бойы қолдану керек.

Қынаптық суппозиторийлерді қаптамасындағы бір реттік саусақ қаптарының көмегімен қынапқа терең енгізу керек.

Сирек жағдайларда

- жоғары сезімталдық реакциялары (тері бөртпесі) және қатты қажу, бас айналуы, бас ауыруы, тәбеттің болмауы, жүрек айнуы, құсу, іштің ауыруы немесе түйілуі, диарея, дәм сезудің өзгеруі, іш қатуы, ауыздың құрғауы, ауыздың темір татуы сияқты жағымсыз әсерлер.

Миконазол нитраты қынаптың тітіркенуін (күйдіріп ашытуы, қышынуы) туғызуы мүмкін. Ондай симптомдарды лидокаиннің жергілікті жансыздандырғыш әсері арқылы басуға болады. Қатты тітіркенген жағдайда емдеуді тоқтату керек.

- препарат компоненттеріне жоғары сезімталдық

- бауыр функциясының ауыр бұзылулары

- эпилепсия

- порфирия

- жүктіліктің алғашқы триместрі.

Лименда-Л препаратын пероральді антикоагулянттармен бірге қолданғанда антикоагулянттық әсердің күшеюі байқалады.

Фенитоинмен бірге қолданған кезде фенитоин концентрациясының артуымен бір мезгілде метронидазолдың қандағы концентрациясының төмендегені білінеді.

Циметидинмен бірге тағайындалған кезде метронидазолдың қандағы концентрациясы жоғарылауы және неврологиялық жағымсыз әсерлердің даму қаупі артуы мүмкін. Литиймен бірге қолдану литийдің уыттылығын арттыруы мүмкін.

Лименда-Л астемизол мен терфенадиннің плазмадағы концентрациясын арттырады.

Тек қынап ішіне қолдануға арналған.

Лименда-Л препаратын жыныстық қатынаста болмаған қыз балаларға қолдану ұсынылмайды.

Дисульфирамтәрізді реакциялардың болуы мүмкіндігіне байланысты, емдеу кезінде, кемінде курс аяқталғаннан кейінгі 24-48 сағат бойына алкоголь қабылдаудан бас тарту қажет.

Суппозиторийлердің негізі резеңкені зақымдауы мүмкіндігіне байланысты, суппозиторийлерді контрацептивтік диафрагмалармен және мүшеқаптармен бір мезгілде пайдаланған кезде сақтық таныту керек.

Трихомонадтық вагиниті бар пациент әйелдерде жыныстық серігін қатар емдеу қажет.

Бүйрек жеткіліксіздігі кезінде метронидазолдың дозасы азайтылуы мүмкін.

Бауыр функциясының елеулі бұзылулары кезінде метронидазолдың клиренсі нашарлауы мүмкін. Бауыр энцефалопатиясынан зардап шегіп жүрген пациенттерде метронидазолдың күнделікті дозасы 1/3-іне дейін төмендетілуі тиіс.

Бауыр функциясы төмендеген пациенттерде лидокаиннің жартылай шығарылу кезеңі екі немесе одан да көп есе артуы мүмкін. Бүйрек функциясының төмендеуі лидокаиннің фармакокинетикасына әсер етпейді, бірақ метаболиттерінің жинақталуын туғызуы мүмкін.

Бауыр ферменттерінің, глюкозаның (гексокиназалық әдіс), теофиллин мен прокаинамидтің қандағы деңгейін анықтау кезінде нәтижелер өзгеруі мүмкін.

Педиатрияда қолданылуы

Препаратты балалар мен 18 жасқа дейінгі жасөспірімдерде қолданудың тиімділігі мен қауіпсіздігі туралы деректер жоқ.

Жүктілік және лактация

Препаратты анасы үшін күтілетін пайдасы шарана үшін ықтимал қауіптен асып түсетін жағдайда, жүктіліктің алғашқы триместрінен кейін дәрігердің қадағалауымен қолдануға болады.

Емдеу кезінде бала емізуді тоқтата тұру керек, өйткені метронидазол емшек сүтіне өтеді. Бала емізуді емдеу аяқталғаннан кейін 24-48 сағаттан соң қайта бастауға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік жүргізу мен механизмдерді басқару қабілетіне әсер етпейді.

Метронидазолды қынап ішіне қолданған кездегі артық дозалануына қатысты деректер жоқ. Қынапқа енгізгеннен кейін метронидазол жүйелі әсерлерді туғызу үшін жеткілікті мөлшерлерде сіңірілуі мүмкін.

Симптомдары: жүрек айнуы, құсу, іштің ауыруы, диарея, жайылған қышыну, ауыздың темір татуы, қимыл-қозғалыс бұзылулары (атаксия), бас айналуы, парестезиялар, құрысулар, шеткері невропатия (соның ішінде жоғары дозаларда ұзақ уақыт қолданғаннан кейін), лейкопения, несептің қараюы.

Емі: байқаусызда ішке қабылданып қойған жағдайда қажеттілігіне қарай асқазанды шаюды жүргізуге болады. Арнайы антидоты жоқ. Симптоматикалық және демеуші ем ұсынылады.

Шығарылу түрі және қаптамасы

7 суппозиторийден ПВХ/ПЭ-ден жасалған пішінді ұяшықты қаптамада.

1 пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Зентива Саглык Юрюнлери Сан. ве Тидж. А.Ш.», Түркия

(Кючюккарыштыран Мевкии, 39780 Люлебургаз, Кыркларели).

Тіркеу куәлігі иесінің атауы мен елі

«РОТАФАРМ ИЛАЧЛАРЫ ЛИМИТЕД ШИРКЕТИ», ТҮРКИЯ

(“ROTAPHARM İLAÇLARI LİMİTED ŞİRKETİ”, TURKEY).

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын ұйымның мекенжайы:

«ТРОКА-С Фарма» ЖШС, ҚР, Алматы, Түрксіб ауданы, Сүйінбай даңғылы, 222б

Тел/факс: 8 (7272) 529090

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«TROKA-S PHARMA» ЖШС атынан Төлеуішева Сандуғаш, Алматы, Сүйінбай даңғылы 222-б

Ұялы тел +7 701 786 33 98, (24 сағат байланыста).

е-mail: pvpharma@worldmedicine.kz