Летрозол
Инструкция
-
русский
-
қазақша
Саудалық атауы
Летрозол
Халықаралық патенттелмеген атауы
Летрозол
Дәрілік түрі
Үлбірлі қабықпен қапталған 2,5 мг таблеткалар
Құрамы
Бір таблетканың құрамында
белсенді зат - 2,5 мг летрозол,
қосымша заттар: лактоза моногидраты (Flowlac 100), натрий кроскармеллозасы (AC-Di-sol), повидон (Plasdone K-29/32), коллоидты кремнийдің қостотығы (Aerosil 200), магний стеараты,
қабық құрамы: опадрай сары 03В82401 (құрамы: гипромеллоза, титанның қостотығы (Е 171), темірдің сары (III) тотығы (Е172), макрогол 400, тальк).
Сипаттамасы
Дөңгелек пішінді, бір жақ бетінде “H” және екінші жағында “5” деген өрнектелген жазуы бар, екі жақ беті сәл дөңес, шеттері кертілген, күңгірт сары түсті үлбірлі қабықпен қапталған таблеткалар.
Фармакотерапиялық тобы
Ісікке қарсы гормональді препараттар. Гормондар антагонистері және олардың аналогтары. Ферменттер тежегіштері. Летрозол.
АТХ коды L02BG04
Фармакологиялық қасиеттері
Фармакокинетикасы
Сіңірілуі - жоғары (ас сіңу жылдамдығын баяулатады); биожетімділігі - 99.9%. Қан плазмасы ақуыздарымен байланысуы - 60% (55%-ы альбуминмен). Эритроциттегі концентрациясы - оның плазмадағы құрамының 80%-ы. Тұрақты тепе-теңдік жағдайы кезінде болуы мүмкін таралу көлемі - 1.87 л/кг. Тәулігіне 2.5 мг дозада күнделікті қабылдаудан кейін тұрақты тепе-теңдік жағдайына сәйкес қандағы концентрациясына 2-6 апта ішінде жетеді. Ұзақ емделу кезінде жинақталмайды.
Метаболизмі – P450 цитохромы изоферменттерінің қатысуымен фармакологиялық тұрғыдан белсенді емес карбинол туындысын түзе отырып, негізінен бауырда жүреді.
Шығарылуы – метаболиттер түрінде негізінен бүйрекпен, сондай-ақ ішек арқылы жүзеге асады. T1/2 - 48 сағат. Бүйрек және бауыр жеткіліксіздігі кезінде фармакокинетикалық параметрлері өзгермейді. Плазмадан гемодиализ арқылы шығарылады.
Фармакодинамикасы
Летрозол – ісікке қарсы дәрі, эстрогендер синтезінің ферменті – ароматазаның стероидты емес селективті тежегіші, антиэстрогенді әсері бар. Ароматазаның белсенділігі P450 цитохромының (осы ферменттің суббірлігімен) простетикалық бөлімімен (геммен) бәсекелі байланысуы салдарынан төмендейді. Менопаузадан кейінгі кезеңде әйелдерде эстрогендер негізінен бүйрек үсті бездерінде синтезделетін андрогендерді (бірінші кезекте андростендион және тестостерон) эстрон мен эстрадиолға айналдыратын ароматаза ферменттері қатысуымен түзіледі.
Менопаузадан кейінгі кезеңде препаратты тәулігіне 0.1-5 мг дозада қабылдау эстрадиол, эстрон және эстрон сульфаты концентрациясын бастапқы құрамынан 75-95%-ға төмендетеді. Емдеу уақытында барлық емделушілерде эстрогендердің төменгі концентрациясы сақталып тұрады. Препарат менопауза кезінде дамыған сүт бездерінің эстрогенге тәуелді қатерлі ісіктері кезінде әйелдердің айналымдағы эстрогендер концентрациясын төмендете және олардың ісік тіндерінде синтезін бәсеңдете отырып, ісіктер регрессиясына (23% жағдайында) және рецидивтер мен өлім санының азаюына алып келеді. Ароматаза ферменттеріне қатысты жоғары ерекшелігі арқасында бүйрек үсті бездерінде стероидты гормондар синтезінің бұзылуларын туғызбайды.
Қолданылуы
- менопаузадан кейінгі кезеңде әйелдерде болатын сүт бездері обырын, ерте сатыдағы гормонды-позитивті сүт бездері обырын адъювантты емдеуде
- тамоксифенмен стандартты адъювантты емделуден өткен менопаузадан кейінгі кезеңде әйелдерде болатын сүт бездері обырының ерте кезеңінде
- осыған дейін антиэстрогендермен емделген әйелдерде менопаузадан кейінгі кезеңде болатын сүт бездері обырында
- әйелдерде менопаузадан кейінгі кезеңде эстрогендерге қатысты оң рецепторлары болатын сүт бездері обырының оқшауланған түрлерінде, мұнан соң ағзаны сақтап қалушы операция, егер бастапқыда мұндай операция көрсетілмеген болса, жасалынады.
Қолдану тәсілі және дозалары
Ішке, тамақтануға байланыссыз қабылдайды.
Летрозол препаратының күнделікті, ұзақ уақытқа ұсынылатын дозасы тәулігіне 1 рет 2.5 мг құрайды. Ұзартылған адъювантті ем ретінде 5 жыл бойы (5 жылдан асырмай) жалғасуы тиіс.
Ауру үдеуінің белгілері пайда болған кезде Летрозол препаратын тоқтату керек.
Егде жастағы емделушілерге препараттың дозасын түзету қажет етілмейді. Бүйрек немесе бауыр қызметтері бұзылған кезде (КК ≥10 мл/мин) препараттың дозасын түзету қажет емес. Дегенмен, бауыр қызметінің ауыр бұзылуы кезінде (Чайлд-Пью шкаласы бойынша С класы) емделушілер үнемі бақылауда болулары тиіс.
Жағымсыз әсерлері
Жиі
- бас ауыру, бас айналу, астения, депрессия, жоғары қажығыштық (оның ішінде астения және үрейлену)
- жүрек айну, құсу, диспепсия, іш қату, диарея, тәбеттің өзгеруі, дене салмағының төмендеуі немесе жоғарылауы, гиперхолестеринемия, анорексия, шөлдеу
- шеткергі ісінулер
- лейкорея, қынаптан қан кету, қынаптық қан аралас бөлінулер, сүт бездерінің ауыруы
- тері бөртпесі (оның ішінде эритематозды және макулопапулезді, везикулярлы бөртпе, псориаз тәрізді бөртулер), қан "құйылулары", алопеция
- демікпе, жөтел
- беткейлік және терең көктамыр тромбофлебиті, тахикардия, АҚ көтерілуі, тромбоэмболия
- қаңқа-бұлшықеттердің ауыруы (оның ішінде қолдың, арқаның, аяқ пен сүйектердің), артралгия, миалгия, остеопороз, сүйектің сынуы
- тер бөлінуінің күшеюі, шаштың жұқаруы
- несеп шығарудың жиілеуі, несеп шығару жолдарының жұқпалары
Кейде
- үрей, күйгелектік, ашушаңдық, ұйқышылдық, ұйқысыздық, жадының нашарлауы, дизестезия, парестезия, гипестезия, ми қан айналымының бұзылу көріністері
- лейкопения
- ауыздың құрғауы, стоматит, іштің ауыруы, бауыр ферменттері белсенділігінің жоғарылуы
- терінің қышуы, терінің құрғауы, есекжем
- катаракта, көздің "бұлыңғырлануы", дәм сезінудің бұзылуы
- артрит
- гипертермия, шырышты қабықтың құрғауы, жайылған ісінулер, ісіну ошағының ауыруы
Сирек
- өкпе артериясының эмболиясы, артерия тромбозы, инсульт
Жиілігі белгісіз
- ангионевротикалық ісіну, анафилактикалық реакциялар
- ангиоэдема, уытты эпидермальді некролиз, мультиформалы эритема
- саусақтың сыртылдауы
Адъювантты емдеу кезінде емделушілер летрозол және тамоксифен препаратын орташа алғанда 5 жыл қабылдағанда мынадай жағымсыз реакциялар байқалған: салыстырмалы түрде хирургиялық араласуды қажет ететін стенокардия, жүрек жеткіліксіздігі, артериялық гипертензия, ишемиялық инсульт/ми қан айналымының транзиторлық бұзылуы.
Кеңейтілген адъювантты емдеу кезінде Летрозол препаратын алған емделушілерде, сәйкесінше плацебо алған емделушілерге қарағанда көп дәрежеде сүйек сынуы және остеопороз байқалған.
Қолдануға болмайтын жағдайлар
- белсенді затқа немесе қосымша заттардың кез келгеніне жоғары сезімталдық
- менопауза алдындағы кезеңге тән эндокриндік статус (егер толық менопауза болуының көрсеткіштері болмаса)
- лактулозаны көтере алмаушылық, глюкоза-галактоза мальабсорбциясы
синдромы
- жүктілік, лактация кезеңі
- 18 жасқа дейінгі балалар мен жасөспірімдерге
Дәрілермен өзара әрекеттесуі
Препаратты циметидин және варфаринмен бір уақытта тағайындаған кезде клиникалық маңызды әсерлері айқындалмаған.
Қазіргі кезде препаратты ісікке қарсы басқа да дәрілермен біріктіре қолданудың клиникалық тәжірибесі жоқ.
Зерттеу нәтижелері бойынша Летрозол Р450 — CYP2A6 және CYP2C19 (соңғысын – орташа) цитохром изоферменттерінің белсенділігін бәсеңдетеді. CYP2A6 изоферменті дәрілік препараттардың метаболизмінде елеулі рөл атқармайды. Плазмадағы тепе-теңдік мәндерінен 100 есе асып түсетін концентрацияларда эксперимент жүргізгенде Летразолдың диазепам (CYP2C19 үшін субстрат) метаболизмін айтарлықтай бәсеңдету қабілеті болмайды. Осылайша, CYP2C19 изоферментімен клиникалық мәнді өзара әрекеттесу ықтималдығы аз. Дегенмен, летрозол мен негізінен жоғарыда аталған изоферменттердің қатысуымен метаболизденетін және тар ауқымды емдік индексі бар препараттарды бірге қолданғанда сақ болған жөн.
Басқа да дәрілік заттармен (бензодиазепиндер; барбитурат; диклофенак-натрий, ибупрофен; парацетамол; фуросемид; омепразол) өзге клиникалық мәнді өзара әрекеттесулері жайында деректер жоқ.
Айрықша нұсқаулар
Менопаузадан кейінгі анықталмаған статусымен емделушілерде лютеиндеуші гормон (ЛГ), фолликула стимуляциялаушы гормон (ФСГ) және/немесе эстрадиол деңгейлерін менопауза статусын нақты белгілеу мақсатында ем басталғанға дейін анықтап алған жөн.
Бүйрек жеткіліксіздігі
Креатинин клиренсі < 10 мл/мин емделушілерде Летрозолды қолдану туралы деректер жоқ. Летрозол препаратын қолданар алдында емдеудің ықтимал қаупі мен күтілетін әсері арасында мұқият бағалау жүргізілгені жөн.
Бауыр жеткіліксіздігі
Бауырдың ауыр жеткіліксіздігі бар емделушілерде летрозолдың жартылай шығарылу кезеңі дені сау адамға қарағанда шамамен екі-үш есе ұзақтау. Мұндай науқастар дәрігердің барынша мұқият бақылауын қажет етеді. Осылайшы, Летрозолды ықтимал қаупі мен күтілетін әсерін мұқият қарастырғаннан кейін сақтықпен тағайындаған жөн.
Сүйек тіндеріне әсерлері
Летрозол эстроген деңгейін төмендететін күшті препарат болып табылады. Адъювантты және кеңейтілген адъювантты емдеу кезінде 30 және 49 ай ұзақтықтағы бақылаудың орташа кезеңі, сәйкесінше, летрозолды ұзақ уақыт пайдаланумен астасатын сынықтар қаупін толық бағалауға жеткіліксіз болып табылады. Сыртартқысында остеопороз және/немесе сынулар немесе остеопороздың жоғары қаупі бар әйелдерге адъювантты немесе кеңейтілген адъювантты емдеудің алдында сүйек денситометриясы арқылы сүйектің минералдық тығыздығын нақты бағалау қажет және Летрозолмен емдеу кезінде және одан кейін остеопороз дамуына мониторинг жүргізілуі тиіс. Қажет болған жағдайда остеопорозды емдеу немесе алдын алудың басталуы және мұқият бақылануы тиіс.
Дәрілік заттың көлік құралдарын жүргізуге немесе қауіптілігі зор механизмдерді басқару қабілетіне әсер ету ерекшеліктері
Емделу кезеңінде зейінді жұмылдыруды, қимыл-қозғалыс және психикалық реакциялардың шапшаңдығын қажет ететін қауіптілігі зор қызмет түрлерімен айналысудан (оның ішінде автокөлікті жүргізу немесе механизмдерді басқарудан) бас тарта тұру қажет.
Артық дозалануы
Артық дозалану жағдайлары туралы жекелеген хабарламалар бар.
Емі: симптоматикалық және демеуші ем. Артық дозалануды емдеудің қандай да бір арнайы әдістері анықталмаған.
Плазмадан гемодиализ арқылы шығарылады.
Шығарылу түрі және қаптамасы
30 таблеткадан тығыздығы жоғары полиэтиленнен жасалған құтыда.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
10 таблеткадан пішінді ұяшықты қаптамада.
3 немесе 6 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 25 С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Босатылу шарттары
Рецепт арқылы
Өндіруші
Хетеро Лабс Лимитед,Үндістан.
22-110, I.D.A., Джидиметла, Хайдарабад – 500 055, Үндістан
Тіркеу куәлігінің иесі
«ABMG Expert» ЖШС, Қазақстан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Алматы қ., Гоголь к-сі, 86
«ABMG Expert» ЖШС
т.2508-445