Летрозол Актавис

• русский
• қазақша

• Скачать инструкцию медикамента

Саудалық атауы

Летрозол Актавис

Халықаралық патенттелмеген атауы

Летрозол

Дәрілік түрі

Үлбірлі қабықпен қапталған 2,5 мг таблеткалар

Құрамы

Бір таблетканың құрамында

белсенді зат - 2,5 мг летрозол,

қосымша заттар: лактоза моногидраты, микрокристалды целлюлоза, жүгері крахмалы, А типті натрий крахмалы гликоляты, магний стеараты

қабықтың құрамы: Опадрай сары II 85F32410 (поливинилді спирт, титанның қостотығы (Е171), макрогол 3350, тальк, темірдің сары тотығы (Е172)).

Сипаттамасы

Дөңгелек пішінді, екі беті дөңес, сары түсті үлбірлі қабықпен қапталған таблеткалар.

Фармакотерапиялық тобы

Ісікке қарсы гормональді препараттар. Гормондар антагонистері және олардың аналогтары. Ферменттер тежегіштері.Летрозол.

ATХ коды L02BG04

Фармакологиялық қасиеттері

Фармакокинетикасы

Сіңуі. Летрозол асқазан-ішек жолынан жылдам және толық сіңеді (биожетімділігінің орташа шамасы 99,9% құрайды). Сіңу жылдамдығын тамақ елеусіз төмендетеді (летрозолдың қандағы ең жоғарғы концентрациясына жету уақытының орташа мәні /Тсmax/ летрозолды ашқарынға қабылдағанда 1 сағатты және тамақпен бірге қабылдағанда 2 сағатты құрайды; летрозолдың қандағы ең жоғарғы концентрациясының орташа мәні /Тсmax/ ашқарынға қабылдағанда 129  20,3 нмоль/л және тамақпен бірге қабылдағанда 98,7  18,6 нмоль/л құрайды), алайда летрозолдың сіңу дәрежесі ( “концентрация-уақыт” қисығы астындағы ауданды бағалау бойынша) өзгермейді. Сіңу жылдамдығындағы аздаған өзгерістердің клиникалық елеулі мәні жоқ, сондықтан летрозолды тамақ ішуге байланыссыз қабылдауға болады.

Таралуы.Летрозолдың қан плазмасының ақуыздарымен байланысуы шамамен 60% құрайды (негізінен альбуминмен - 55%). Летрозолдың эритроциттердегі концентрациясы оның қан плазмасындағы деңгейінің 80% жуығын құрайды. 2,5 мг 14C-таңбаланған летрозолды қабылдағаннан кейінгі қан плазмасындағы радиоактивтіліктің шамамен 82%-ы өзгермеген белсенді заттың үлесіне қалады. Осыған орай, летрозол метаболиттерінің жүйелік әсері төмен болады. Летрозол тіндерде жылдам әрі кең таралады. Оның таралу көлемі тепе-тең күйдегі кезеңінде 1,87  0,47 л/кг жуықты құрайды.

Метаболизмі және шығарылуы. Летрозол фармакологиялық белсенді емес карбинолды қосылыс түзе отырып, елеулі түрде метаболизмге ұшырайды. Летрозолдың метаболиялық клиренсі 2.1 л/сағ құрайды, бұл бауыр қан ағымынан төмен (90 л/сағ жуық). Летрозолдың өзінің метаболитіне өзгеруі P450 цитохром 3A4 және 2A6 изоферменттерінің әсерінен екендігі анықталған. Басқа аздаған сәйкестендірілмеген метаболиттерінің түзілуі, сондай-ақ өзгермеген препараттың несеппен және нәжіспен шығарылуының летрозолдың жалпы элиминациясында аздаған рөлі бар. Дені сау еріктілерге постменопауза кезінде 2,5 мг 14C-таңбаланған летрозолды енгізгеннен кейінгі 2 апта ішінде несепте - 88,2  7.6%, нәжісте - – 3,8  0,9% радиоактивтілік анықталды. 216 сағатқа дейінгі кезеңде несепте анықталған радиоактивтіліктің 75% (летрозол дозасы шамасының 84,7  7,8%) карбинолды метаболиттің глюкуронидті конъюгаттарына, 9% жуығы - сәйкестендірілмеген екі метаболитке және 6% - өзгермеген летрозолға қатысты.

Қан плазмасынан жартылай шығарудың соңғы кезеңі 2 тәулікке жуықты құрайды. 2,5 мг препаратты күнделікті қабылдаудан кейін летрозол тепе-теңдік концентрациясына 2-ден 6 аптаға дейінгі аралық шегінде жетеді, мұның өзі осы дозаны бір рет қабылдағаннан шамамен 7 есеге артық. Сонда да тепе-теңдік концентрациясының мәні, бір реттік қабылдаған препарат дозасынан кейінгі тіркелген шамаларды есептеу негізінде алдын ала айтуға болатын тепе-теңдік концентрациясының мәнінен 1,5 - 2 есеге артық. Бұл летрозолды күнделікті 2,5 мг дозада қабылдау, оның фармакокинетикасының дозаға байланысты емес екенін көрсетеді.

Летрозолдың тепе-теңдік концентрациясы емдеу барысында ұзақ уақыт сақталатын болғандықтан, летрозолдың жинақталуының ұзаққа созылмайтыны жөнінде тұжырым жасауға болады.

Летрозолдың фармакокинетикасы жас ерекшелігіне байланысты емес.

Емделушілердің жеке топтарындағы фармакокинетикасы

Бүйрек қызметінің дәрежесі әр түрлі емделушілерде жүргізілген зерттеулерде (24-сағаттық креатинин клиренсі 9- дан 116 мл/мин дейін ауытқыды), 2,5 мг дозада бір рет қабылдаған летрозолдың фармакокинетикасына әсері байқалған жоқ. Осыған ұқсас, бауыр қызметінің дәрежесі әр түрлі емделушілерде жүргізілген зерттеулерде, бауыр қызметінің бұзылуы орташа адамдарда AUC орташа шамасы сау адамдарға қарағанда 37% жоғары екендігі анықталды, бірақ бауыр қызметі бұзылмаған адамдарда байқалған мәндердің ауқымында қалып отырды. Летрозолдың фармакокинетикасын салыстырмалы зерттеулерде, дозаны бір рет ішу арқылы қабылдаған, тәжірибе жүргізіліп отырған бауыр циррозы бар және бауыр қызметінің бұзылуы ауыр (Чайлд-Пью классификациясы бойынша С бағалануы) сегіз ер адамда дені сау еріктілерге (n = 8) қарағанда AUC және t1/2 тиісінше 95 және 187% жоғарылады. Осылайша, мұндай емделушілер үшін летрозолды сақтықпен, потенциалды қаупін/пайдасын қарағаннан кейін тағайындаған жөн.

Фармакодинамикасы

Летрозол Актавис - ісікке қарсы дәрі, ароматазаның (эстрогендер синтезінің ферменті) стероидты емес іріктелген тежегіші, антиэстрогендік әсер көрсетеді.

Ісіктердің өсуі эстрогендердің қатысуына және қолданылатын гормональды емдеуге байланысты жағдайларда, олардың эстроген-арқылы стимуляциялаушы әрекеті ісіктің өсуін басуға қажетті шарт болып табылады. Постменопауза кезінде әйелдерде эстрогендер негізінен ароматаза ферментінің әсерімен түзіледі, ол бүйрекүсті бездері андрогендерін (бірінші кезекте, андростендион мен тестостерон) эстронға және эстрадиолға өзгертеді. Сондықтан ароматаза ферментін спецификалық тежеу арқылы шеткергі тіндер мен ісік тіндерінде эстрогендердің биосинтезін басуға болады.

Летрозол ароматаза белсенділігінің стероидты емес тежегіші болып табылады. Ол цитохром P450 гемімен ароматазаны бәсекелесе байланыстыру арқылы ароматаза ферментін тежейді, бұл эстрогендер бар барлық тіндерде оның биосинтезінің төмендеуіне алып келеді.

Постменопауза кезінде дені сау әйелдерде Летрозол Актавистің 0,1, 0,5 және 2,5 мг құрайтын бір реттік дозасы, қан сарысуында эстрон мен эстрадиолдың деңгейін бастапқы деңгейден тиісінше, 75-78% және 78%-ға төмендетеді. Ең жоғарғы төмендеуіне 48-78 сағаттан кейін жетеді.

Постменопауза кезінде сүт безі обырының таралған түрі бар әйелдерде Летрозол Актависті күнделікті 0,1- ден 5 мг дейін дозада қабылдау, қан плазмасында эстрадиол, эстрон және эстрон сульфаттың барлық емделушілерде бастапқы деңгейінен 75-95%-ға төмендеуіне әкеледі. Препаратты 0,5 мг және одан жоғары дозада қабылдағанда, көп жағдайда эстрон мен эстрон сульфаты концентрациясы гормондарды анықтау үщін қолданылатын тәсілдің сезімталдық шегінен төмен болып шығады, бұл препараттың берілген дозасы арқылы эстрогендер синтезін айқынырақ басуға болатынын көрсетеді. Эстрогендер синтезінің басылуы барлық емделуші әйелдерде емдеу курсы бойына сақталды.

Летрозол Актавис ароматаза белсенділігінің жоғары спецификалық тежегіші болып табылады. Бүйрекүсті бездерінде стероидты гормондардың синтезінің бұзылуы анықталған жоқ. Постменопауза кезінде Летрозол Актависпен емдеу 0,1-5 мг тәуліктік дозада жүргізілген емделушілердің қан плазмасында кортизолдың, альдостеронның, 11-деоксикортизолдың, 17-гидроксипрогестеронның, адренокортикотропты гормонның (АКТГ), сондай-ақ рениннің белсенділігінің клиникалық елеулі өзгерісі анықталған жоқ. Летрозол Актависпен 0,1; 0,25; 0,5; 1; 2,5 және 5 мг тәуліктік дозада емдеуден 6 және 12 апта өткеннен кейін АКТГ - мен стимуляциялау тестін жүргізгенде, альдостерон немесе кортизол синтезінің қандай да болсын байқалатын төмендеуі анықталмады. Сондықтан, глюкокортикоидтар мен минералокортикоидтарды қосудың қажеті жоқ.

Дені сау әйелдерде постменопауза кезінде летрозолды 0,1, 0,5 және 2,5 мг дозада бір рет қабылдаудан кейін, андрогендердің (андростендион және тестостерон) плазмалық концентрациясының ешқандай өзгерісі анықталмаған немесе постменопауза кезінде летрозолды 0,1- ден 5 мг дейін тәуліктік дозада қабылдаған науқас әйелдерде де андростендионның плазмалық деңгейінің өзгерісі анықталмады, бұл эстрогендер биосинтезін бөгеудің андрогендердің ізашарларының жинақталуына әкелмейтінін көрсетеді. Летрозол Актавис қабылдаған емделушілердің қан плазмасында ЛГ және ФСГ деңгейінің өзгерісі байқалған жоқ, сондай-ақ, тиреотропты гормонның (ТТГ), трийодотирониннің (T3) және тироксиннің (T4) сіңу тестісінің деңгейі бойынша бағаланатын қалқанша без қызметінің өзгеруі де анықталмады.

Қолданылуы

- постменопауза кезінде әйелдердегі сүт безінің обырын адъювантты емдеуде, сүт безі гормонға-позитивті обырының ерте сатысында

- алдын ала 5 жыл бойы тамоксифенмен стандартты адъювантты емдеу жүргізілген әйелдерге, постменопауза кезінде сүт безінің гормонға тәуелді обырын ерте сатысында кеңейтілген адъювантты емдеуде,

- постменопауза кезеңінде әйелдердегі сүт безінің гормонға тәуелді таралған обырын бірінші желілік емдеуде

- алдында антиэстрогендермен ем қабылдаған, табиғи немесе жасанды туындаған постменопаузалық статустағы әйелдерде, сүт безінің таралған обыры қайталанғаннан кейін немесе аурудың өршіген кезінде

Қолдану тәсілі және дозалары

Ересектер және егде жастағы емделушілер

Летрозол Актавистің ұсынылатын дозасы тәулігіне бір рет 2.5 мг құрайды. Егде жастағы емделушілер үшін дозаны түзету қажет емес.

Адъювантты емдеу кезінде емді 5 жыл бойы немесе ісік қайталанғанға дейін жалғастыра беру ұсынылады. Адъювантты емдеу кезінде клиникалық тәжірибеге 2 жыл бойы (емнің орташа ұзақтығы 25 айды құрайды) қол жетімді болады.

Кеңейтілген адъювантты емдеуде клиникалық тәжірибеге 4 жыл бойы қол жетімді (емнің орташа ұзақтығы).

Таралған немесе метастаздалған ауруы бар емделушілерде Летрозол Актависпен емдеу ісіктің өршу белгісі білінгенше жалғастырылуы керек.

Бауыр және/немесе бүйрек қызметі бұзылған емделуші әйелдерде

Креатинин клиренсі 30 мл/мин асатын бүйрек жеткіліксіздігі бар емделушілерде препарат дозасын түзету қажет емес.

Креатинин клиренсі 30 мл/мин төмен болатын бүйрек жеткіліксіздігінде немесе бүйрек жеткіліксіздігі жағдайында ауыр емделушілерде мәліметтер жеткілікті емес.

Жағымсыз әсерлері

Әртүрлі жағымсыз әсерлердің пайда болу жиілігін бағалау кезінде мынадай градациялар пайдаланылды: өте жиі (1/10), жиі (1/100-ден <1/10-ға дейін), кейде (>1/1 000-нан <1/100-ге дейін), сирек (>1/10 000-нан <1/1 000-ға дейін), өте сирек (<1/10 000).

Өте жиі

- қан тебу, қатты тершеңдік, шаршағанды сезіну, оның ішінде астения

- артралгия

Жиі

- жүрек айнуы, құсу, диспепсия, анорексия, тәбеттің артуы, іш қатуы, диарея, дене салмағының артуы, гиперхолестеринемия

- бас ауыруы, бас айналуы, депрессия

- шаштың түсіп қалуы, бөртпе, оның ішінде эритематозды, макулопапулезды, псориазға ұқсас және везикулярлы бөртпе

- миалгия, сүйектердің ауыруы, остеопороз, сүйектердің сынуы

- дімкәстік

- шеткергі ісінулер

Кейде

- жүрек қағуы, тахикардия

- тромбофлебит, оның ішінде беткейлік және терең тромбофлебит, гипертензия, жүректің ишемиялық паталогиясы

- үрейлену сезімі, оның ішінде ашушаңдық, күйгелектік

- ұйқышылдық, ұйқысыздық, жадының нашарлауы, дизестезия, оның ішінде парестезия, дәм сезудің бұзылуы, ми қан айналымының бұзылуы

- стоматит, ауыздың кеберсуі

- іштің ауыруы

- бауыр ферменттері деңгейінің жоғарылауы

- несеп бөліну жүйесінің жұқпасы, несеп шығару жиілігінің артуы

- қынаптан қан кету, бөліністер, қынаптың құрғауы, кеуденің ауыруы

- лейкопения

- жайылған ісінулер

- катаракта, көздің тітіркенуі, көрудің бұзылуы

- артрит

- қышыма, терінің құрғауы, есекжем

- дене температурасының жоғарылауы, шырышты қабықтың құрғауы, шөлдеу

- дене салмағының азаюы

- ісіктің ауыруы (адъювантты және кеңейтілген адъювантты емдеу кезінде қолданылмайды)

- ентігу, жөтел

Сирек

- өкпе эмболиясы, артериялық тромбоз, цереброваскулярлық инфаркт

Өте сирек

- ангионевротикалық ісіну, анафилактикалық реакция

Қолдануға болмайтын жағдайлар

- белсенді затқа немесе кез-келген қосымша заттарына жоғары сезімталдық

- менопауза алдындағы кезеңге тән эндокринді статус (егер көрсеткіштері болмаса менопаузаның толық болуы)

- лактулозаны көтере алмаушылық, глюкоза-галактоза мальабсорбция синдромы

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

Циметидин және варфаринмен өзара әрекеттесуін клиникалық зерттеулер Летрозол Актависті осы препараттармен бір мезгілде қолданудың клиникалық маңызды дәрілік өзара әрекеттесуге әкелмейтінін көрсетті.

Сондай-ақ клиникалық зерттеулердің деректер базасына шолу жасау басқа жиі тағайындалатын препараттармен клиникалық маңызды өзара әрекеттесуінің әлдебір белгілері жоқ екенін көрсетті.

Қазіргі таңда Летрозол Актависті басқа ісікке қарсы перпараттармен біріктіре пайдалануға қатысты әлдебір клиникалық тәжірибе жоқ.

In vitro, Летрозол Актавис 2А6 изоферменттерінің белсенділігін және орташа ретте 2С19, Р450 цитохромының белсенділігін басады. Сөйтіп, метаболизмі көбіне олардың изоферменттеріне байланысты болатын және терапиялық индексі тар болып табылатын препараттарды бірге қолданғанда, сақ болған жөн.

Айрықша нұсқаулар

Постменопаузаның айқындалмаған статусы бар емделушілерде менопауза статусын дәл анықтау мақсатында, емдеу басталғанға дейін лютеинизирлейтін гормон (ЛГ), фолликулостимуляциялайтын гормон (ФСГ) және/немесе эстрадиол деңгейін анықтау керек.

Бүйрек жеткіліксіздігі

Летрозол Актависті креатинин клиренсі < 10 мл/мин болған емделушілерде қолдану туралы деректер жоқ. Летрозол Актавис препаратын қолданар алдында, ықтимал қауіп пен күтілетін емдеу әсері арасында мұқият бағалау жүргізу қажет.

Бауыр жеткіліксіздігі

Бауыр жеткіліксіздігі ауыр емделушілерде летрозолдың жартылай шығарылу мерзімі дені сау адамға қарағанда шамамен екі-үш есе ұзақтау. Мұндай науқастарды дәрігердің неғұрлым мұқият бақылауға алуы қажет. Сонымен, Летрозол Актависты сақтықпен және ықтимал қауіпті және күтілетін әсерін мұқият қарастырғаннан кейін тағайындау керек.

Сүйек тініне әсері

Летрозол Актавис эстрогеннің деңгейін төмендететін қуатты препарат болып табылады. Адъюванттық және кеңейтілген адъюванттық емдеуде 30 және 49 айға созылатын бақылаудың орташа кезеңі, сәйкес ретте летрозолды пайдаланудың ұзақ мерзімімен астасатын сынықтар қаупін толық бағалау үшін жеткіліксіз болып табылады. Сыртатқысында остеопорозы және/немесе сынығы болған немесе остеопороздың жоғары қаупі бар әйелдерде адъюванттық немесе кеңейтілген адъюванттық емдеуді бастар алдында, сүйек денситометриясы арқылы сүйектің минералды тығыздығын дәл бағалау қажет және Летрозол Актависпен емдеу барысында және одан кейін остеопороздың дамуына мониторинг жүргізілуі тиіс. Қажет болған жағдайда, остеопорозды емдеу немесе оның алдын алудың басталуы және мұқият бақылануы тиіс.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Летрозол Актависті қолданудың емделушілердің автокөлік жүргізу немесе механизмдерді басқару қабілетін бұзу ықтималдығы аз.

Алайда, Летрозол Актависті пайдаланғанда қалжырау және бас айналудың жиі емес жағдайлары байқалды, көлік құралдарын басқару мен машиналарды пайдаланғанда сақ болған жөн.

Артық дозалануы

Летрозол Актависті артық дозалау оқиғалары туралы жеке хабарламалар тіркелген. Арнайы у қайтарғысы белгісіз.

Симптомдары: артық дозаланған жағдайда препараттың жағымсыз әсерлерінің күшеюі мүмкін.

Емдеу: симптоматикалық ем жүргізу.

Шығарылу түрі және қаптамасы

ПВХ/ПВДХ/алюминий фольгадан жасалған пішінді ұяшықты қаптамаға 10 таблеткадан салынған.

3 немесе 10 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі жазылған нұсқаулықпен бірге картон пәшкеге салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Дәріханалардан босатылу шарттары

Рецепт арқылы

Өндіруші

С.К. Синдан-Фарма С.Р.Л., Румыния

11-ші Айон Михалаче бульвары, 1 сектор, 011171, Бухарест, Румыния

Тіркеу куәлігінің иесі

Актавис Групп, Исландия.

Қаптаушы ұйымның атауы мен елі

С.К. Синдан-Фарма С.Р.Л., Румыния

11-ші Айон Михалаче бульвары, 1 сектор, 011171, Бухарест, Румыния

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Алматы қаласындағы Актавис Интернешнл Лтд өкілдігі

Қазақстан Республикасы, 050009, Алматы қ., Мұқанов к-сі, 241-1А.

Тел./факс: 8 (727) 313 74 30, 313 74 31;

Электронды поштасы: actavis@actavis.kz; сайт: www.actavis.com