Левомицетин (0,5г)

Левомицетин

Хлорамфеникол

0,5 г таблеткалар

Бір таблетканың құрамында

белсенді зат - левомицетин (хлорамфеникол) – 0,5 г

қосымша заттар: кальций стеараты, повидон (төмен молекулалы медициналық поливинилпирролидон 12600 ± 2700), картоп крахмалы

АТХ коды J01ВA01

Фармакокинетикасы

Сіңірілуі - 90 % (жылдам және толық дерлік). Биожетімділігі - 80 %. Плазма ақуыздарымен байланысуы - 50-60 %, шала туылған нәрестелерде - 32 %. Қабылдағаннан кейін ең жоғарғы концентрациясына жету уақыты - 1-3 сағат. Таралу көлемі - 0,6-1 л/кг. Қандағы емдік концентрациясы қабылдағаннан кейін 4-5 сағат бойы сақталады. Организмнің сұйықтықтары мен тіндеріне жақсы өтеді. Оның көбірек концентрациялары бауыр мен бүйректе қалыптасады. Өтте енгізілген дозасының 30 %-ға дейінгісі анықталады. Жұлын сұйықтығындағы ең жоғарғы концентрациясы бір рет ішке енгізгеннен кейін 4-5 сағаттан соң анықталады және ми қабықтарының қабынуы жоқ кезде плазмадағы ең жоғарғы концентрациясының 21-50%-ына және ми қабықтарының қабынуы бар кезде - 45-89 %-ға жетуі мүмкін. Плацентарлық бөгет арқылы өтеді, шарананың қан сарысуындағы концентрациясы анасының қанындағы осындайдың 30-80 %-ын құрауы мүмкін. Емшек сүтіне өтеді.

Негізгі мөлшері (90%) бауырда метаболизденеді. Ішекте ішек бактерияларының әсерінен белсенді емес метаболиттерін түзе отырып гидролизденеді.

24 сағат ішінде бүйрекпен - 90 %-ы (шумақтық сүзіліс жолымен - 5-10 %-ы өзгеріссіз күйде, өзекшелік сөлініс жолымен белсенді емес метаболиттер түрінде - 80%-ы), ішек арқылы - 1-3%-ы шығарылады. Ересектердегі жартылай шығарылу кезеңі - 1,5-3,5 сағат, бүйрек функциясының бұзылуы кезінде - 3-11сағат. 3-тен 16 жасқа дейінгі балалардағы жартылай шығарылу кезеңі - 3-6,5 сағат. Гемодиализ барысында нашар шығарылады.

Фармакодинамикасы

Әсер ету ауқымы кең бактериостатикалық антибиотик, т-РНҚ аминқышқылдарының рибосомаларға тасымалдану сатысындағы микроб жасушасындағы ақуыз синтезі үдерісін бұзады. Пенициллинге, тетрациклиндерге, сульфаниламидтерге төзімді бактериялар штамдарына қатысты тиімді.

Грамоң және грамтеріс бактериялардың көпшілігіне қатысты белсенді: Escherichia coli, Shigella dysenteria, Shigella flexneri, Shigella boydii, Shigella sonnei, Salmonella spp. (соның ішінде Salmonella typhi, Salmonella paratyphi), Staphylococcus spp., Streptococcus spp. (соның ішінде Streptococcus pneumoniae), Neisseria meningitidis, Neisseria gonorrhoeae, Proteus spp. штамдарының бірқатарына, Burkholderia pseudomallei, Rickettsia spp., Treponema spp., Leptospira spp., Chlamydia spp. (соның ішінде Chlamydia trachomatis), Coxiella burnetii, Ehrlichia canis, Klebsiella pneumoniae, Haemophilus influenzae.

Қышылға төзімді бактерияларға (соның ішінде Mycobacterium tuberculosis), анаэробтарға, метициллинге төзімді стафилококтар штамдарына, Acinetobacter spp., Enterobacter spp., Serratia marcescens, индолоң Proteus spp. штамына, Pseudomonas aeruginosa spp., қарапайымдылар мен зеңдерге әсер етпейді.

Микроорганизмдердің төзімділігі баяу дамиды.

Сезімтал микроорганизмдерден туындаған несеп шығару және өт шығару жолдарының инфекцияларында

Ішке (тамаққа дейін 30 минут бұрын, ал жүрек айнуы мен құсу дамыған жағдайда – тамақтан кейін 1 сағаттан соң) тәулігіне 3-4 рет. Ересектерге арналған бір реттік дозасы - 0,25-0,5 г, тәуліктік дозасы - 2 г.

3 жастан асқан балаларға препараттың қан сарысуындағы концентрациясын бақылай отырып, әр 6 сағат сайын 12,5 мг/кг-ден (негіз) және әр 12 сағат сайын 25 мг/кг-ден (негіз) тағайындайды.

Емдеудің орташа ұзақтығы - 8-10 күн.

- ас қорыту жүйесі тарапынан: диспепсия, жүрек айнуы, құсу (дамуы ықтималдығы тамақтан кейін 1 сағаттан соң төмендейді), диарея, ауыз қуысы мен аңқаның шырышты қабығының тітіркенуі, дерматит, дисбактериоз (қалыпты микрофлораның бәсеңдеуі)

- қан түзу ағзалары тарапынан: ретикулоцитопения, лейкопения, гранулоцитопения, тромбоцитопения, эритроцитопения, апластикалық анемия, агранулоцитоз

- жүйке жүйесі тарапынан: психомоторлық бұзылыстар, депрессия, сананың шатасуы, шеткергі неврит, көру жүйкесінің невриті, көру және есту елестеулері, көру және есту жиілігінің төмендеуі, бас ауыруы

- аллергиялық реакциялар: тері бөртпесі, ангионевротикалық ісіну

- басқа да: салдарлы зең инфекциясы

- хлорамфениколға және препараттың басқа компоненттеріне аса жоғары сезімталдық

- сүйек кемігі қан түзілуінің бәсеңдеуі

- жедел алма-кезекті порфирия

- глюкоза-6-фосфатдегидрогеназа тапшылығы

- бауыр және/немесе бүйрек жеткіліксіздігі

- жүктілік

- бала емізу кезеңі

- 3 жасқа толмаған және дене салмағы 20 кг аз балалар

Сақтықпен

Бұрын цитоуытты препараттармен немесе сәулемен ем қабылдаған пациенттерге

P 450 цитохромының ферменттік жүйесін бәсеңдетеді, сондықтан фенобарбиталмен, фенитоинмен, тікелей емес антикоагулянттармен бір мезгілде қолданғанда аталған дәрілік заттар метаболизмінің әлсірегені, шығарылуының баяулауы және олардың плазмадағы концентрацияларының жоғарылағаны байқалады. Пенициллиндер мен цефалоспориндердің бактерияға қарсы әсерін төмендетеді.

Эритромицинмен, клиндамицинмен, линкомицинмен бір мезгілде қолданғанда, хлорамфениколдың аталған дәрілік заттарды байланысқан күйден ығыстыруы немесе олардың бактериялық рибосомалардың 50 S суббірлігімен байланысуына кедергі келтіруі мүмкіндігінің есебінен әсерінің өзара әлсірегені байқалады. Бауырдағы зат алмасуына әсер ететін қан түзілуін бәсеңдететін дәрілік заттарды (сульфаниламидтер, цитостатиктер) сәулемен емдеумен бір мезгілде тағайындау жағымсыз әсерінің даму қаупін арттырады. Пероральді гипогликемиялық дәрілік заттармен тағайындағанда олардың әсерінің күшейгені байқалады (бауырдағы метаболизмін бәсеңдетудің және олардың плазмадағы концентрациясын есебінен).

Миелоуытты дәрілік заттар препараттың гематоуыттылығын күшейтеді.

Препаратпен емдеуді науқастың қан көрінісін және бауыр мен бүйректің функциялық жағдайын бақылау арқылы жүргізу керек. Қан түзілуі бәсеңдеген жағдайда препарат міндетті түрде тоқтатылады.

Этанолды бір мезгілде қабылдағанда дисульфирам тәрізді реакция (бет гиперемиясы, іш пен асқазан тұсының түйілуі, жүрек айнуы, құсу, бас ауыруы, артериялық қысымның төмендеуі, тахикардия, ентігу) болуы мүмкін.

Жүктілік және лактация

Препаратты жүктілік және лактация кезеңінде қолдану қарсы көрсетілімді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезінде көлік құралдарын басқару мен жоғары зейін шоғырландыруды және психомоторлық реакциялардың жылдамдығын қажет ететін қауіптілігі зор басқа қызмет түрлерімен шұғылданудан бас тарту қажет.

Симптомдары: психомоторлық бұзылыстар, сананың шатасуы, көру және есту елестеулері, есту және көру жітілігінің төмендеуі.

Емі: гемосорбция, симптоматикалық ем.

10 таблеткадан полиэтилен жабыны бар қағаздан жасалған пішінді ұяшықсыз қаптамаға салынған.

100 пішінді ұяшықсыз қаптама медициналық қолдану жөніндегі мемлекеттік және орыс тілдеріндегі нұсқаулықтардың тең санымен бірге картоннан жасалған қорапқа салынады.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Биосинтез» ААҚ, Ресей

440033, Пенза қ., Дружба к-сі, 4, тел/факс (8412) 57-72-49,

e-mail: certificate@biosintez.com

Тіркеу куәлігі иесінің атауы мен елі

«Биосинтез» ААҚ, Ресей

Қазақстан Республикасы аумағында тұтынушылардан сапасына қатысты шағымдарды (ұсынымдарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«APRIORI» ЖК, Қазақстан Республикасы,

050000, Алматы қ., Мұқанов к-сі, 104, № 5 кеңсе, тел. +7 (727) 327-15-61,

e-mail: pvnet.priori@gmail.com