Ларицид

• русский
• қазақша

• Скачать инструкцию медикамента

Саудалық атауы

Ларицид

Халықаралық патенттелмеген атауы

Кларитромицин

Дәрілік түрі

Үлбірлі қабықпен қапталған таблеткалар, 500 мг

Құрамы

Бір таблетканың құрамында

белсенді зат – кларитромицин 500 мг,

қосымша заттар: натрий крахмалы гликоляты, желатинделген крахмал, микрокристалды целлюлоза РН 102, сусыз коллоидты кремнийдің қостотығы, повидон К-30, стеарин қышқылы, магний cтеараты, тальк,

қабықтың құрамы – Опадрай® сары ОY-S-22819: гидроксиметилпропилцеллюлоза 2910 15 сР, титанның қостотығы (Е171), гидроксиметилпропилцеллюлоза 2910 6 сР, гидроксипропилцеллюлоза, сорбитан моноолеаты, пропиленгликоль, сорбин қышқылы, ванилин, хинолинді сары (Е104).

Сипаттамасы

Сопақша пішінді, бір жағында сызығы және екінші жағында «LARICID» жазуы бар сары түсті үлбірлі қабықпен қапталған таблеткалар.

Фармакотерапиялық тобы

Жүйелі қолдануға арналған микробтарға қарсы препараттар. Макролидтер, линкозамидтер және стрептограминдер. Кларитромицин.

АТХ коды J01FA09

Фармакологиялық қасиеттері

Фармакокинетикасы

Ішке қабылдаған кезде кларитромицин асқазан-ішек жолынан жақсы сіңіріледі. Ас қабылдау абсорбцияны баяулатады, бірақ препараттың биожетімділігіне әсер етпейді.

Кларитромицин биологиялық сұйықтықтарға және организмнің тіндеріне жақсы өтеді, мұнда плазмаға қарағанда, 10 есе артық концентрацияға жетеді.

Кларитромициннің 20%-ға жуығы 14-гидроксикларитромициннің негізгі метаболитін түзіп, метаболизденеді.

Кларитромициннің 500 мг-н күніне үш рет қолданған кезде, қан плазмасында оның концентрациясы күніне екі рет 500 мг дозамен салыстырғанда жоғарылайды.

Ең жоғары концентрациялары тонзиллярлық тінде, бауырда және өкпеде байқалады. Қан плазмасының ақуыздарымен байланысуы - 80%. Дозасы 250 мг препаратты қабылдағаннан кейін кларитромициннің Т½ 3-4 сағатты құрайды, 500 мг дозада 5-7 сағатты құрайды. Кларитромицин асқазанның шырышты қабатына енеді, оның асқазанның шырышты қабатында және тініндегі мөлшері кларитромицинмен монотерапия кезіндегіге қарағанда, омепразолмен бірге қолданған кезде жоғары.

250 мг-ды күніне екі рет қолданған кезде өзгермеген препараттың 15-20 %-ы несеппен шығарылады. 500 мг доза кезінде күніне екі рет препараттың несеппен шығарылуы 36%-ға жуықты құрайды. 14-гидроксикларитромицин енгізілген дозадан 10-15% мөлшерінде несеппен шығарылатын негізгі метаболит болып табылады. Доза қалдығының көп бөлігі нәжіспен, басым бөлігі өтпен шығарылады. Бастапқы қосылыстың 5-10%-ы нәжісте анықталады.

Фармакодинамикасы

Ларицид – макролидтер тобынан жартылай синтетикалық антибиотик. Бактериялардың рибосомальді субъбірлігінің 50S-імен өзара әрекеттесе, микробтық жасушада ақуыздардың синтезін басады. Негізінен бактериостатикалық, жоғары дозаларда бактерицидті әсер етеді. Мынадай аэробты грамоң микроорганизмдердің кең ауқымына қатысты жоғары белсенді:

Staphylococcus aureus, Streptococcus pneumoniae, Streptococcus pyogenes, Listeria monocytogenes;

грамтеріс микроорганизмдердің: Haemophilus influenzae, Haemophilus parainfluenzae, Moraxella catarrhalis; Neisseria gonorrhoeae;

анаэробты бактериялардың және басқа микроорганизмдердің: Heliсobacter pylori, Mycoplasma pneumoniae, Chlamуdia pneumoniae (TWAR), Chlamydia trachomatis, Toxoplasma gondii, Mycobacterium spp. (Mycobacterium tuberculosis басқа).

Кларитромицинге Enterobacteriaceae, Pseudomonas species сезімтал емес, сондай-ақ грамтеріс бактериялардың лактозасын өндірмейтін басқалары.

Қолданылуы

- тыныс жолдарының жоғарғы бөлімінің жұқпалары (тонзиллит, фарингит, орташа отит және жедел синусит)

- тыныс жолдарының төменгі бөлімінің жұқпалары (жедел бронхит, созылмалы бронхиттің асқынуы, ауруханадан тыс және атипиялы пневмония)

- тері және жұмсақ тіндердің жұқпалары (фолликулиттер, целлюлиттер, эризипелоид және тілме)

- Mycobacterium avium немесе Mycobacterium intracellulare-ден туындаған, диссеминацияланған немесе оқшауланған микобактериялық жұқпалар, Mycobacterium chelonae, Mycobacterium fortuitum, Mycobacterium kansasii-ден туындаған, оқшауланған жұқпалар

- АИВ-жұқтырылған науқастарда Mycobacterium avium (МАК) кешенімен туындаған, диссеминацияланған жұқпалардың алдын алу үшін

- он екі елі ішектің немесе асқазанның ойық жарасымен науқастарда Helicobacter pylori эрадикациясы үшін (біріктірілген ем құрамында).

Қолдану тәсілі және дозалары

Ларицидтің ұсынылған дозасы күніне екі рет 250 мг-ды құрайды, аса ауыр жұқпалар кезінде дозаны күніне екі рет 500 мг-ға дейін ұлғайтуға болады. 6-14 күн терапияны талап ететiн ауруханадан тыс пневмонияны және синуситтерді емдеудi қоспағанда, әдеттегі емдеу ұзақтығы 5-тен 14 күнге дейін құрайды.

Ас препараттың биожетімділігіне әсер етпейтiн болғандықтан, Ларицидті ас қабылдауға тәуелсiз қолдануға болады.

Ересектерге ұсынылған доза:

Микобактериялық жұқпамен емделушілерді емдеу: ұсынылған доза күніне екі рет 500 мг-ды құрайды.

ЖИТС-пен науқастарда МАК-ты емдеу препараттың клиникалық және микробиологиялық тиімділігі қанша уақыт созылса, сонша ұзартылады. Ларицидті басқа да антимикобактериялық дәрілермен кешенде қолдану керек.

Басқа да туберкулездік емес микобактериялық жұқпаларды емдеу ұзақтығы дәрігермен жеке тәртіппен анықталады.

Микобактериялық жұқпалардың алдын алу: кларитромициннің ұсынылған дозасы күніне екі рет 500 мг-ды құрайды.

Он екі елі ішектің ойық жарасымен емделушілерде H. Pylori эрадикациясына арналған.

Үш еселік терапия:

• Ларицид/Ланзопразол/Амоксициллин

  Ересектерге ұсынылған доза – 500 мг Ларицид, 30 мг ланзопразол және 1 гр амоксициллин біріктірімі, 7-10 күн бойы күніне екі рет әрбір 12 сағат сайын қабылдануы тиіс.

• Ларицид/омепразол/амоксициллин

  Ересектерге ұсынылған доза – 500 мг Ларицид, 20 мг омепразол және 1 гр амоксициллин біріктірімі, олар бірге 10 күн бойы күніне екі рет әрбір 12 сағат сайын қабылдануы тиіс. Егер емделушiде ойық жара болса, емдеу басында 7-10 күн бойы күніне қосымша 20 мг омепразол қабылдау қажет.

  Екі еселік терапия

• Ларицид/омепразол

  Ересектерге ұсынылған доза – 500 мг Ларицид күніне үш рет (әрбір 8 сағат сайын) және 40 мг омепразол 14 күн бойы күніне бір рет біріктірімі. Егер емделушiде ойық жара болса, 14 күн бойы күніне қосымша 20 мг омепразол қабылдау қажет.

• Ларицид/Ранитидин висмут цитраты

  Ересектерге ұсынылған доза – 500 мг Ларицид күніне екі рет әрбір 12 сағат сайын және Ранитидин висмут цитраты 400 мг 14 күн бойы күніне екі рет біріктірімі әрбір 12 сағат сайын.

  Педиатрияда қолдану: балаларға және жасөспірімдерге кларитромицинді қолдану зерттелмеген, балаларға және 18 жасқа дейінгі жасөспірімдерге қолдануға болмайды.

  Бүйрек жеткіліксіздігімен емделушілерге қолдану: дозаны түзету ауыр бүйрек жеткіліксіздігімен емделушілерге талап етіледі (креатинин клиренсі < 30 мл/мин.). 30-60 мл/мин креатинин клиренсімен науқастарға кларитромицин дозасын 50%-ға азайту қажет, ал минутына 30 мл-ге дейін креатинин клиренсімен - 75%-ға. Емдеу ұзақтығы 14 күннен аспауы керек.

  Қалыпты бауыр қызметімен науқастарға дозаны түзетудің қажеттігі жоқ.

Жағымсыз әсерлері

Кларитромицинмен емдеу кезінде ең жиi және жалпы жағымсыз реакциялар iш ауыруы, диарея, жүрек айну, құсу және дәмдi бұрмалау болып табылады. Бұл жағымсыз реакциялар әдетте жай айқындалған және макролидті антибиотиктер қауiпсiздiгiнiң белгiлi профилiмен келісіледi.

- диарея, құсу, iш ауыруы, іш қату және жүрек айну, дәмдi сезiну өзгерісі, иiс және дәм сезу қаблетiнiң бұзылуы

- есекжем, анафилактикалық шокқа және Стивенс-Джонсон синдромына дейін ауырлығы орташа тері бөртпесі, уытты эпидермалық некролиз, эозинофилиямен және жүйелі әсерлермен (DRESS) бірге жүретін медикаментозды тері реакциясы, акне, Шенлейн-Генох ауруы

- тілдің қабынуы, стоматит және ауыз қуысының ашытқылық микозы, анорексия, панкреатит, тілдің және тістердің түсінің өзгеруі

- тромбоцитопения, лейкопения, нейтропения, эозинофилия, агранулоцитоз,

- бас айналу, бас ауыруы, үрейлену, абыржу

- мазасыздық, ұйқысыздық, түнгі шым шытырақ түстер, сананың шатасуы, елестер және психоз болуы мүмкiн

- сары аурумен және онсыз бауыр-жасушалық және/немесе холестатикалық бауыр дисфункциясы және бауыр ферменттерiнiң ұлғаюы, бауыр жеткiлiксiздiгi

- гипогликемия

- есту қабілетін жоғалту, құлақтағы шыңылы

- қарыншалық экстрасистолия, QT аралығының кеңеюi, «пируэт» типті полиморфалық қарыншалық тахикардияны қоса, қарыншалық тахикардия

- енгізу орнындағы ауыру, қабыну және флебит

- жұқпа, қынаптық жұқпалар

- демікпе, мұрыннан қан кету, өкпе тамырдарының эмболиясы

- эзофагит, гастроэзофагеальді рефлюксті ауру, гастрит, прокталгия, стоматит, глоссит, іштің кебуі, ауыз құрғау, кекіру, метеоризм

- бұлшықеттік жиырылулар, қаңқа- бұлшықеттік сіресу, миалгия

- қан креатинині мен мочевинаның жоғарылауы

- сырқаттану, қызба, астения, кеуденің ауыруы, қалтырау, жоғары қажығыштық

- альбумин-глобулин арақатынасының өзгеруі, қан сарысуындағы сілтілі фосфатаза және лактатдегидрогеназа деңгейінің жоғарылауы

- жалған жарғақшалы колит, тілме қабынуы, эритразма

- рабдомиолиз (кейбір хабарламаларда кларитромицинді статиндермен, фибраттармен, колхицинмен немесе алопуринолмен бір мезгілде қолданғанда, рабдомиолиздің туындауы туралы), миопатия

- бүйрек жеткіліксіздігі, интерстициальді нефрит

- протромбинді уақытты ұлғайту, несеп түсінің өзгеруі

Иммундық жүйенің бұзылуымен емделушілер.

Микобактериялық жұқпаларды емдеу үшін ұсынылатын уақытқа қарағанда, ұзақ уақыт бойы кларитромициннің жоғары дозаларын қабылдаған, ЖИТС-пен науқастарда және иммундық жүйенің бұзылуымен басқа емделушілерде препаратты қолдануға байланысты жағымсыз реакцияларды және негiзгi немесе қатар жүретін аурулардың симптомдарын әрдайым айыруға болмайды.

Қолдануға болмайтын жағдайлар

- макролидті антибиотиктерге немесе препараттың басқа компоненттеріне жоғары сезімталдық

- кларитромицинді және қандай да болсын мынадай препараттарды бірмезгілде қолдану: астемизол, цизаприд, пимозид, терфенадин (QT аралығының ұзаруына және қарыншалық тахикардияны, қарыншалардың фибрилляциясын және пируэтті қарыншалық тахикардияны (torsade de pointes) қоса, жүрек аритмияларының дамуына әкелуі мүмкін, эрготамин немесе дигидроэрготамин (эргоуыттылыққа әкелуі мүмкін), ловастатин, симвастатин (рабдомиолиздің туындау қаупінен)

- сыртартқыда QT аралығының ұзаруы немесе пируэтті қарыншалық тахикардияны (torsade de pointes) қоса, қарыншалық жүрек аритмиялары бар емделушілер

- бүйрек немесе бауыр жеткіліксіздігімен емделушілерге колхицинді және Р-гликопротеинді немесе CYP3A4 күшті тежегішін бірмезгілде қолдану

- бүйрек қызметінің айқын бұзылуы (минутына 30 мл-ден аспайтын креатинин клиренсі кезінде)

- макролидтер тобының антибиотиктеріне жоғары сезімталдық

- цизапридті, пимозидті, астемизолды және терфенадинді бірмезгілде қолдану

- порфирия

- жүктілік және лактация кезеңі

- бауыр қызметінің ауыр бұзылуы

- балалар және 18 жасқа дейін жасөспірімдер

Дәрілермен өзара әрекеттесуі

Келесi препараттарды өзара әрекеттесудiң ауыр зардаптарының дамуы мүмкiн болатындықтан, қолдануға болмайды.

Кларитромицинмен цизапридті, пимозидті, терфенадинді, астемизолды бiрге қолдану жүрек ритмінің бұзылуына әкелуі мүмкін (QT аралығының ұзаруы, қарыншалық тахикардия, қарыншалардың фибрилляциясы және torsade de pointes).

Кларитромицинді және эрготаминді немесе дигидроэрготаминді бiр мезгілде қолдану орталық жүйке жүйесiн қоса, вазоспазммен және қол-аяқтың және де тағы басқа тіндердiң ишемиясымен сипатталатын жедел эрготизмнің белгiлерiмен байланысады.

Кларитромициннің фармакокинетикасына басқа дәрiлердiң әсері.

CYP3A индукторлары болып табылатын дәрілер (мысалы, рифампицин, фенитоин, карбамазепин, фенобарбитал, шайқурайдың препараттары) могут индуцировать метаболизм кларитромициннің метаболизмін индукциялай алады. Бұл кларитромициннің субтерапиялық деңгейлерiне және оның тиiмдiлiгiнiң төмендеуiне әкелуi мүмкін. Рифабутинді және кларитромицинді бiр мезгілде қолдану рифабутиннің деңгейлерiнiң жоғарылауына және увеиттің пайда болу қаупінің бiр мезгілде жоғарылауымен қан сарысуында кларитромицин деңгейлерiнiң төмендеуiне әкелген.

Эфавиренц, невирапин, рифампицин, рифабутин және рифапентин қан плазмасындағы оның концентрациясын азайта, кларитромициннің метаболизмін жеделдете алады - күтiлетiн терапиялық тиімділікке қол жетпеуi мүмкiн.

Этравирин Кларитромициннің әсерi этравиринмен бәсеңсидi; алайда, 14-ОН-кларитромицин белсендi метаболитiнiң концентрациялары жоғарылайды. Себебі 14-ОН-кларитромицин Mycobacterium avium complex-іне (MAC) қарсы төмендетiлген белсендiлiкке ие болғандықтан, бұл патогенге қарсы жалпы белсендiлiк өзгертiле алады. Сондықтан МАС-ін емдеу үшiн кларитромицинге баламалы дәрiлердi қолдануды қарастыру керек.

Флюконазол - кларитромициннің дозасын өзгертудi талап етпейді.

Ритонавир. Кларитромицинді бiр мезгілде қабылдау плазмада кларитромициннің концентрациясын ұлғайтуға әкеле алады. Дозаларды түзету бүйректердiң қалыпты қызметімен емделушiлер үшiн міндетті емес. Алайда, кларитромициннің дозаларын минутына 30-60мл-ге жуық креатин клиренсімен және минутына тиісінше 30 мл-ге жуық креатин клиренсімен емделушiлерде 50%-ға және 75%-ға дейiн азайту қажет. Күніне 1 г-нан асатын кларитромициннің дозаларын ритонавирмен бiрге қолдануға болмайды.

Басқа дәрілердің фармакокинетикасына кларитромициннің әсері.

Антиаритмиялық дәрілер. Хинидинмен немесе дизопирамидпен кларитромицинді бiр мезгілде қолдану кезінде пайда болған пируэтті қарыншалық тахикардияның дамуы туралы хабарламалар бар. QT аралығының ұзаруын дер кезiнде анықтау үшiн ЭКГ-мониторингін өткiзу ұсынылады. Ларицидпен терапия уақытында қан сарысуында бұл препараттардың концентрацияларын қадағалау керек. Кларитромицинді, CYP3A ферментiнiң белгiлi тежегішін және негiзiнен CYP3A-ны метаболиздейтін препаратты бiрлесе қолдану қан плазмасында соңғысының концентрациясының жоғарылауына әкелуі мүмкін, ол өз кезегiнде, оның терапиялық әсерін және жағымсыз реакциялардың пайда болу қаупін күшейтiп немесе соза алады.

Әсiресе егер CYP3A-субстратының енсіз терапиялық диапазоны бар (мысалы, карбамазепин) және/немесе осы энзиммен экстенсивтi метаболизденетін болса, CYP3A субстраттарымен-дәрiлермен ем қабылдайтын емделушiлерге кларитромицинді қолдану кезінде сақ болу керек.

Дозаны өзгерту және кларитромицинді бiр мезгілде қолданатын емделушiлерде CYP3A-ны метаболиздейтін дәрiнiң сарысулық концентрациясының мұқият мониторингі мүмкіндігінше қажет болады.

Келесi дәрiлік препараттар немесе препараттардың топтары ылғи бiр CYP3A изоферментімен метаболизденетіні белгiлi (немесе болжанады): альпразолам, астемизол, карбамазепин, цилостазол, цизаприд, циклоспорин, дизопирамид, мүйіздің алкалоидтары, ловастатин, метилпреднизолон, мидазолам, омепразол, ішке қабылданатын антикоагулянттар (мысалы, варфарин), пимозид, хинидин, рифабутин, сильденафил, симвастатин, такролимус, терфенадин, триазолам және винбластин. Өзара әрекеттесудiң ұқсас механизмі фенитоинді, теофиллинді және Р450 цитохромы жүйесiнiң басқа изоферментiмен метаболизденетін вальпроатты қолдану кезінде атап өтiлген.

Омепразол

Кларитромицинді және омепразолды бiр мезгілде қабылдау Омепразолдың стационарлық плазмасының деңгейiн ұлғайтады және асқазан қышқылдығының бұдан әрі жоғарылауын туғызады.

Кларитромицинмен фосфодиэстеразаның тежегіштерін (сильденафил, тадалафил және варденафил) бiрлесе қолдану кезінде олардың плазмалық концентрацияларының ұлғаю ықтималдығы бар болады, бұл фосфодиэстераза тежегіштерінің дозасын азайтуды талап етуі мүмкін.

Кларитромицинмен теофиллинді немесе карбамазепиндi бір мезгілде қолдану кезінде қан плазмасында олардың концентрацияларының болмашы ұлғаюы бар болады. Кларитромицинмен толтеродинді қолдану кезінде оның дозасын төмендету талап етілуі мүмкін. Триазолбензодиазепиндерді (мысалы, альпразолам, мидазолам, триазолам) және кларитромициннің таблеткаларын (күніне екi рет 500 мг) бiрлесе қолдану кезінде дозаны дер кезiнде түзету үшiн емделушiнiң мұқият мониторингін өткiзу керек. Ларицидпен ішке қабылданатын мидазоламды біріктіріп қолданудан тартыну керек. Элиминациясы CYP3A-ға (темазепам, нитразепам, лоразепам) байланысты емес бензодиазепиндер үшiн кларитромицинмен клиникалық елеулі өзара әсердің дамуы күмәнді.

Өзара әрекеттесудің басқа түрлері

Колхицин: кларитромицинді және колхицинді бiр мезгілде қолдану кезінде колхициннің экспозициясы жоғарылауы мүмкін. Колхицин уыттылығының клиникалық симптомдарын анықтау үшiн емделушiлердiң күйiн бақылау қажет. Дигоксин: дигоксинмен бiрге кларитромицин қабылдайтын емделушiлердiң қан сарысуында дигоксиннiң концентрациясының жоғарылауы мүмкiн. Кейбiр емделушiлерде дигиталисті уыттылығының белгiлерi, соның iшiнде әлеуетті фатальді аритмиялар дамыған. Емделушiлердiң қан сарысуындағы дигоксиннiң концентрациясын оны кларитромицинмен қолданған кезде мұқият бақылау керек.

Зидовудин: қан сарысуында зидовудиннің тепе-теңдiк концентрациялары төмендеуі мүмкiн. Верапамил: артериялық гипотензияның, брадиаритмияның және кларитромицин мен верапамилді бiрлесе қолдану кезінде лактоацидоздың дамуы туралы хабарланған. Кларитромицин ішке қабылданатын контрацептивтермен өзара әрекеттеспейдi.

Айрықша нұсқаулар

Антибиотиктердi ұзақ немесе қайтадан қолдану сезімтал емес бактериялар мен зеңдердің шамадан тыс көбеюін туғыза алады. Асқын жұқпа туындаған кезде Ларицидті қолдануды тоқтатып, тиiстi емді бастау керек.

Ауыр бүйрек жеткiлiксiздiгiмен емделушiлерде препаратты сақтықпен қолдану керек.

Ларицидті қолдану кезінде бауыр ферменттерiнiң жоғары деңгейiн қоса, бауыр қызметінің бұзылуы туралы және сары аурумен немесе онсыз гепатоцеллюлярлық және/немесе холестатикалық гепатит туралы хабарлаған.

Тіпті ауыр дәрежеге дейін бауыр қызметінің бұзылуы бола алады, бiрақ әдетте қайтымды болып табылады. Кейбір жағдайларда күрделі негiзгi аурулармен және/немесе бiрге болатын медикаментозды еммен байланысқан, негiзiнде өлiммен аяқталуымен бауыр жеткiлiксiздiгi туралы хабарланған. Гепатиттiң мынадай әсер етулері мен симптомдары мысалы, анорексия, сарғаю, несептің қараюы, қышыну немесе iш ауыру пайда болған кезде Ларицидті қабылдауды дереу тоқтату қажет.

Clostridium difficile (CDAD) туындаған диареяның, ауырлығы жеңiл дәрежеден фатальді нәтижемен колитке дейін дамуы туралы түгелдей дерлiк антибактериялық препараттарды, соның iшiнде Ларицидті қолдану кезінде хабарланған. Ларицид қабылдайтын емделушiлерде myasthenia gravis симптомдарының күшеюi мүмкiн.

Бауыр қызметінің жеткiлiксiздiгiмен емделушiлерге препараттың қолдану кезінде сақ болу керек.

Кларитромицин мен колхицинді бiрлесе қолдану кезінде, әсiресе егде емделушiлерде, соның iшiнде бүйрек жеткiлiксiздiгiнiң аясында колхициндік уыттылықтың (соның iшiнде фатальді нәтижемен) дамуы туралы хабарланған.

Кларитромицинді және триазолбензодиазепиндерді мысалы, триазоламды, мидазоламды бiр мезгілде сақтықпен қолдану керек («Дәрiлік өзара әрекеттесулер» бөлiмін қараңыз).

QT аралығының ұзару қаупі болғандықтан, QT аралығының ұзаруының және torsades de pointes дамуына жоғары тенденциямен сабақтас денсаулық күйімен емделушiлерге Ларицидті сақтықпен қолдану керек.

Пневмония

Макролидтерге Streptococcus pneumoniae төзiмдiлiгiнiң болу мүмкiндiгiнен, госпитальдік емес пневмонияны емдеу үшiн Ларицидті тағайындау кезінде сезгiштiкке тест өткiзу маңызды. Госпитальдік пневмония жағдайында кларитромицинді басқа тиiстi антибиотиктермен біріктірімде қолдану керек.

Ауырлығы жеңiл және орташа дәрежедегі терінің және жұмсақ тіндердің жұқпалары

Осы жұқпалар Staphylococcus aureus және Streptococcus pyogenes микроорганизмдерімен жиiрек туындаған, олардың әрбiрi макролидтерге төзімді бола алады. Сондықтан сезімталдыққа тест жүргiзу маңызды. Бета-лактамды антибиотиктерді қолдану мүмкiн емес жағдайларда (мысалы, аллергия) бiрiншi таңдаудағы препараттар ретiнде басқа антибиотиктерді мысалы, клиндамицинді қолдана алады. Қазіргі кезде макролидтер терiнiң және жұмсақ тіндердiң Corynebacterium minutissimum (эритразма), acne vulgaris туғызған кейбiр жұқпаларды, тілме қабынуды емдеуде және пенициллиндермен емдеуді қолдануға болмайтын жағдайларда ғана роль атқарады.

Жоғары сезiмталдықтың ауыр жедел реакцияларының, мысалы, анафилаксия, Стивенс-Джонсон синдромы, уытты эпидермалық некролизі, Шенлейн-Геноха ауруы даму кезінде Ларицидпен емдеуді дереу тоқтатып, бiрден тиiстi емдеуді бастау керек.

Ларицидті СYP3A4 цитохромы ферментiнiң индукторларымен бiр мезгілде тағайындау кезінде сақтықпен қолдану керек («Дәрiлік өзара әрекеттесулер» бөлiмiн қараңыз).

Кларитромицинмен және басқа макролидтермен, сондай-ақ линкомицинмен және клиндамицинмен арасында айқаспалы төзiмдiлiктiң мүмкiндiгiне назар аудару керек.

Кез келген антимикробтық терапияны, соның ішінде кларитромицинді қолдану H. pylori жұқпасын емдеу үшiн микробты төзiмдiлiктiң дамуына әкелуi мүмкін.

Бүйрек қызметінің жеткіліксіздігі бар емделушілерде қолдану: препараттың бұл түрі бүйрегінің ауыр жеткіліксіздігі бар (креатинин клиренсі минутына <30 мл) емделушілерге қолданылмайды, өйткені ол дозаны талапқа сай азайтуға мүмкіндік бермейді. Мұндай емделушілерде кларитромициннің дереу босап шығатын таблеткалары (Клацид, 250 мг таблеткалар) қолданылады. Ауырлығы орташа бүйрек жеткіліксіздігі бар емделушілер үшін (креатинин клиренсі 30-60 мл/мин) дозаны күніне ең жоғары доза - кларитромициннің ұзақ әсер ететін 1 таблеткасына дейін 50 азайтады.

Ішке қабылданатын гипогликемиялық дәрілер/Инсулин

Ларицидті және ішке қабылданатын гипогликемиялық дәрілерді және/немесе инсулинді біріктіріп қолдану айқын гипогликемияны туғыза алады. Гипогликемиялық дәрілермен, мысалы, натеглинид, пиоглитазон, репаглинид және розиглитазонмен бiр мезгілде қолдану кезінде кларитромицин СYP3A энзимін тежей алады, бұл гипогликемияны туғыза алады. Глюкоза деңгейiнің мұқият мониторингі ұсынылған.

Ішке қабылданатын антикоагулянттар

Варфаринмен кларитромицинді бiрлесе қолдану кезінде күрделі қан кетудiң, ХҚҚ (халықаралық қалыптастырылған қатынасы) көрсеткiшінiң және протромбин уақытының елеулi жоғарылауы туындауының қаупі бар болады. Емделушiлер кларитромицинді және ішке қабылданатын антикоагулянттарды бiр мезгілде қабылдап болғанша, ХҚҚ көрсеткiшін және протромбин уақытын жиi бақылау қажет.

ГМГ-КоА-редуктаза тежегіштері

Ловастатинмен немесе симвастатинмен кларитромицинді біріктіріп қолдануға болмайды («Қолдануға болмайтын жағдайлар» бөлімін қараңыз).

Басқа макролидтер секілді кларитромицин ГМГ-КоА-редуктазасы тежегіштері концентрациясының жоғарылауына әкелген. Бұл дәрiлердi бiрлесе қолдану кезінде емделушiлерде рабдомиолиздің дамуы туралы сирек хабарланған. Миопатия белгiлері мен симптомдарының бар болуы жөнiнде емделушiлерді бақылау қажет.

Аторвастатинмен немесе розувастатинмен кларитромицинді бiрлесе қолдану кезінде емделушiлерде рабдомиолиздің дамуы туралы сирек хабарланған. Аторвастатиннің немесе розувастатиннің дозасын бiр мезгілде қолдану жағдайында барынша азайту қажет. Статиннің дозасын түзетуге немесе CYP3A метаболизміне тәуелдi болмайтын (мысалы, флувастатин немесе правастатин) статинді қолдануға қатысты тиiстi шешiм қабылдау керек.

Педиатрияда қолдану

Балаларға және жасөспірімдерге кларитромицинді қолдану зерттелмеген, балаларға және 18 жасқа дейінгі жасөспірімдерге қолдануға болмайды.

Жүктілік және лактация кезеңі

Кларитромицинді жүктілік және бала емізу кезеңінде қолдану қауіпсіздігі анықталмаған. Сондықтан препаратты, пайда/қауіп арақатынасының мұқият бағалануынсыз, осы санаттағы әйелдерде қолдану ұсынылмайды. Кларитромицин емшек сүтімен бөлініп шығады.

Дәрілік заттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері

Әсер ету туралы деректер болмай тұр. Дегенмен автокөлікті және басқа механизмдерді басқару алдында жүйке жүйесі тарапынан жағымсыз реакциялардың, мысалы, құрысу, бас айналу, вертиго, елестер, сананың шатасуы, бағдардан жаңылысу және т.б. туындау мүмкіндігін назарда ұстау қажет.

Артық дозалануы

Симптомдары: жүрек айну, құсу, іш ауыруы, диарея.

Емі: Ларицидті қабылдауды тоқтату, асқазанды шаю және симптоматикалық ем жүргізу қажет. Гемодиализ немесе перитонеальді диализ қан сарысуында кларитромициннің болуына елеулі әсер етуі күмәнді.

Шығарылу түрі және қаптамасы

7 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді ұяшықты қаптама медицинада қолданылуы жөніндегі

мемлекеттік және орыс тіліндегі нұсқаулықпен бірге картоннан жасалған

пәшкеге салынған.

Сақтау шарттары

Жарықтан қорғалған жерде, 25 °С- ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Биофарма Илач Сан. ве Тидж. А.Ш., Түркия

Стамбул қаласы, Санджактепе, Акпинар ауданы, Османгази көшесі, №156

Тіркеу куәлігі иесінің атауы мен елі

Биофарма Илач Сан. ве Тидж. А.Ш., Түркия

Қазақстан Республикасы аумағында тұтынушылардан өнім (тауар) сапасы жөнінде түскен шағымдарды қабылдайтын ұйымның мекенжайы

«AVITA (АВИТА)» ЖШС, 050000, Қазақстан Республикасы, Алматы қ., Сейфуллин к-сі 458-460/95, 315 кеңсе. Тел./факс +7 727 279 47 32

E-mail: info@avitafarma.kz, infoavita@mail.ru