Лантиген Б

Лантиген Б

Жоқ

Бір мл препараттың құрамы

белсенді заттар: антигендік экстрактілер:

Staphylococcus aureus 79.6 ХБ,

Streptococcus pyogenes (A тобы) 126.2 ХБ,

Streptococcus pneumoniae (3 түр) 63.2 ХБ,

Haemophylus influenzae (b түр) 50.22 ХБ,

Branhamella catarrhalis 39.9 ХБ,

Klebsiella pneumoniae 39.8 ХБ,

қосымша заттар: полисорбат 80, натрий метилпарагидроксибензоаты, хлоргексидин диацетаты, тазартылған су.

Сұр-қоңыр түсті бұлыңғырланған суспензия

Тыныс алу ағзаларының ауруларын емдеуге арналған басқа препараттар.

АТX коды R07AX

Фармакокинетикасы

Препараттың табиғатына байланысты фармакокинетикалық зерттеулерді жүргізу мүмкін емес.

Фармакодинамикасы

Лантиген Б – бұл тыныс алу жолдарының (S. pneumoniae, S. pyogenes, B. catarrhalis, S. aureus, H. influenzae, K. pneumoniae) инфекцияларының едәуір жиі қоздырғыштары болып табылатын микроорганизмдердің бақыланатын аутолизм үдерісінен алынған бактериялық антигендер суспензиясы. Препарат тіл астына енгізген кезде жұтқыншақтың және ауыз қуысының шырышты қабаты арқылы бактериялық антигендердің сіңірілуінің арқасында жергілікті иммундық үдерістердің көтермеленуін туындатады.

Лантиген Б спецификалық иммунитетті көтермелеу жолымен әсер етеді, А типіндегі (IgA-S) секреторлық иммуноглобулиндер класының антиденелерін өндіруге әкеп соқтырады, жоғарғы тыныс алу жолдарының шырышты қабығының беткейіне микроорганизмдердің адгезиясын тежеу салдарынан, инфекциядан қорғауды қамтамасыз етеді.

Сондай ақ Лантиген Б IgM өнімділігіне, IL-1 моноциттермен өнімділігіне, гранулоциттердің бактерицидті және хемоуытты белсенділігіне, Т-жасушалары пролиферациясының жоғарылауына байланысты спецификалық емес жасушалық иммунитеттің жоғарылауы арқылы иммункөтермелегіш препарат ретінде әсер етеді.

Лантиген Б қолдану нәтижесінде:

- IgA, IgM, IgG айналатын және сілекей өндірімінің деңгейін жоғарылатады;

- респираторлық инфекциялардың айқындылығы, жиілігі қысқарады

- антибактериялық терапияға қажеттілік азаяды

Ересектерге

- тыныс алу жолдарында қайталанатын инфекцияны профилактикалау үшін; инфекциялық көріністер айқындылығын, жиілігін азайту үшін

Балаларға

- күтілген жастағылар үшін аурудың ең көп жағдайларында балаларда тыныс алу жолдарында қайталанатын инфекцияны профилактикалау үшін. Препарат инфекциялық көріністердің айқындылығы мен жиілігін азайтуы мүмкін

- тыныс алу жолдарының инфекцияларын емдеу кезінде басқа дәрілермен кешенді қолдану

3 айдан 10 жасқа дейінгі балаларға: дозаторды екі рет басқанда алынатын препарат мөлшеріне (15 тамшы) сәйкес келетін бір доза, тіл астына, күніне бір рет (таңертең) немесе дозаторға бір рет басқанда алынатын препарат мөлшеріне (7-8 тамшы) сәйкес келетін дозаның жартысын күніне екі рет (таңертең және кешке).

Сәбилерге және препаратты жұтпастан, ауыздарында ұстап тұра алмайтын балаларға ұйықтап жатқан кезде тамшыны астыңғы ерін мен астыңғы жақтың арасына енгізеді.

Ересектер мен 10 жастан асқан балаларға: дозаторды екі рет басқанда алынатын препарат мөлшеріне (15 тамшы) сәйкес келетін бір доза, тіл астына, күніне бір рет (таңертең және кешке). Пайдаланар алдында құтыны шайқау керек. Қалқып жүрген шөгінділер болуы мүмкін (тіпті сілкігеннен кейін де).

Суспензия сілекейде жақсылап еруі үшін әр дозаны ауызда жұтпастан, 2 минут бойы ұстау керек, осылайша, препараттың сіңуін жеңілдетеді.

Қабылдау ұзақтығы көрсетілген дозаға сәйкес балалар үшін бір құтыны (18 мл) немесе ересектер үшін екі құтыны (36 мл) құрайды. Емдеу ұзақтығы 2-3 апта.

Соңында, қайталанған курс көрсетілген дозаға сәйкес ересектер үшін 1 құты немесе балалар үшін жарты құтыны пайдаланады.

Қолдану жөніндегі нұсқаулық

Препаратты алғаш қабылдағаннан кейін сирек (қолданудың 1000-ға 1-ден сирек, бірақ 10 000-ға 1 ден жиі жағдайлары) уақытша жағымсыз реакциялар пайда болуы мүмкін.

- ринорея

- іш қату, іштің ауыруы

- еш себепсіз температураның көтерілуі (≥ 39°С)

- асқын сезімталдық реакциялары (есекжем, ангионевротикалық ісіну), бронхтық түйілу

- бронхтық демікпе ұстамалары және жөтел

- препараттың кез келген компоненттеріне аса жоғары сезімталдық

- аутоиммундық аурулар

- жедел ішек инфекциялары

- 3 айға дейінгі балалар жасы

- жүктілік және лактация кезеңі

Анықталмаған.

Иммундық реакциялары иммунсупрессивті терапия немесе кортикостероидтармен емдеген кезде, туа біткен немесе жүре пайда болған иммунтапшылығы бар пациенттерде төмендеуі мүмкін.

Кез келген вакцинаны ішке қабылдау мен Лантиген Б-ны қолдану аралығында 4 апталық үзілісті ұстану ұсынылады.

Лантиген Б препаратын қабылдау қызба жағдайында тоқтатылуы тиіс, әсіресе емнің басында.

Жедел респираторлық аурулардың басталуымен байланыспаған температурасы 39°С-ден аса көтерілу сияқты сирек жағымсыз әсерлер болуы мүмкін. Мұндай жағдайларда ем тоқтатылуы тиіс және қайта жаңғыртуға болмайды.

Басқа иммункөтермелегішті қатар қабылдауға жол бермеу керек.

Құрамында бактериялық экстрактілері бар дәрілік заттарды қабылдағаннан кейін анамнезінде бронхтық демікпе ұстамалары бар пациенттерге Лантиген Б-ны қабылдауға болмайды.

Жоғары сезімталдық реакциялары жағдайында емді дереу тоқтату керек және қайта жаңғыртуға болмайды.

Препараттың құрамына кіретін натрий метилпарагидроксибензоат аллергиялық реакцияны (баяу түрде болуы мүмкін), ал жекелеген жағдайларда бронхтық түйілуді туындатуы мүмкін.

Жүктілік және лактация кезеңі

Жүкті және емшек емізетін әйелдерде Лантиген Б-ны пайдалану жөнінде деректер жеткіліксіз. Препарат жүктілік және лактация кезеңінде қарсы көрсетілімде.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобильді және басқа да механизмдерді басқару қабілетіне препараттың әсері байқалмады. Бірақ, арнайы зерттеулер жүргізілмегенін ескеру керек.

Артық дозалану жағдайлары байқалмаған.

Шығарылу түрі және қаптамасы

Ішуге арналған тамшылар.

Препарат 18 мл-ден сары түсті шыны құтыда, пластик дозатормен, тығындалған қақпақпен қамтылған.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Препаратты жарамдылық мерзімі өткеннен кейін пайдалануға болмайды.

Рецепт арқылы

Өндіруші ұйымның атауы және елі

«Bruschettini S.r.l.», Италия

Via Isonzo 6, 16147 Genova – Italy. Тел.:+ 39 010 381 222.

Тіркеу куәлігі иесінің атауы және елі

«Сэлтфар СА», Швейцария

En Reutet, 1868 Collombey, Switzerland

Қаптаушы ұйымның атауы және елі

«Bruschettini S.r.l.», Италия

Via Isonzo 6, 16147 Genova – Italy. Тел.:+ 39 010 381 222.

Қазақстан Республикасы аумағында тұтынушылардан өнімнің сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Сэлтфар СА» өкілдігі, Алматы қ., Әл-Фараби даңғ. 5, Нұрлы Тау 1А, 301 кеңсе. Тел\факс +7 (727) 311 16 28.

Электронды поштасы: info@seltfarrep.kz.