Ланвис®
Инструкция
-
русский
-
қазақша
Саудалық атауы
Ланвис®
Халықаралық патенттелмеген атауы
Тиогуанин
Дәрілік түрі
40 мг таблеткалар
Құрамы
Бір таблетканың құрамында
белсенді зат - тиогуанин 40 мг,
қосымша заттар: лактоза моногидраты, картоп крахмалы, акация, стеарин қышқылы, магний стеараты.
Сипаттамасы
Жасылдау сары реңді, екі беті дөңес, бір жағында сызығы және ойып жазылған WELLCOME U3B жазуы және екінші жағы тегіс өртең түсті таблеткалар.
Фармакотерапиялық тобы
Ісікке қарсы препараттар. Антиметаболиттер. Пурин аналогтары. Тиогуанин.
АТХ коды L01BB03
Фармакологиялық қасиеттері
Фармакокинетикасы
Сіңірілуі
Ішу арқылы 100 мг/м² қабылдағаннан кейін ең жоғарғы концентрациясына 2-4 сағаттан соң жетеді және 0,03-0,94 микромоль (0,03-0,94 нмоль/мл) ауқымында қалады. Препараттың концентрациясы тамақпен бірге ішкенде, сондай-ақ құсқан кезде төмендейді.
Метаболизмі
Катаболизмінің екі негізгі жолы бар: 2-амино-6-метил-тиопуринге дейін метилдену және 2-гидрокси-6-меркаптопуринге дейін аминсізденіп, ары қарай 6-тионесеп қышқылына дейін тотығу.
Фармакодинамикасы
Ланвис® – бұл пуриндік антиметаболит ретінде әсер ететін гуаниннің сульфгидрильді аналогы. Ол өзінің нуклеотиді – тиогуанин қышқылына дейін белсенділенеді.
Тиогуаниннің метаболиттері пурин синтезін және пуриндік нуклеотидтің өзара өзгеруін бәсеңдетеді. Сондай-ақ, тиогуанин нуклеин қышқылдарымен де байланысады және ДНҚ-мен (дезоксирибонуклеин қышқылымен) байланысы бұл заттың цитоуытты әсеріне түрткі болады.
Қолданылуы
- жедел лейкозды, әсіресе жедел миелобластты лейкоз бен жедел лимфобластты лейкозды емдеуде
- созылмалы гранулоциттік лейкозды емдеуде
Қолдану тәсілі мен дозалары
Нақты дозасы мен қолдану ұзақтығы Ланвис® препаратымен бірге қолданылатын басқа цитоуытты препараттардың түрі мен дозасына тәуелді.
Ланвис® ішу арқылы қабылдағаннан кейін әр түрлі сіңеді, ал препараттың плазмадағы концентрациясы құсқаннан немесе ас ішкеннен кейін төмендеуі мүмкін.
Ланвисті® демеуші емге дейінгі кез-келген сатыда, атап айтқанда емдеудің индукция, консолидация және интенсификациялау сатысында қысқа курспен қолдануға болады. Алайда, препаратты бауырға уытты әсерінің қаупі жоғары болғандықтан, демеуші ем кезінде немесе үздіксіз емдеудің ұқсас ұзақ кезеңдерінде қолдану ұсынылмайды.
Ересектер
Ересектер үшін Ланвистің® әдеттегі дозасы дене беткейінің аумағына тәулігіне 60-тан 200 мг/м² дейін құрайды.
Балалар
Балаларға арналған дозалары ересектер үшін қолданылатын, дене беткейінің аумағына сәйкесінше түзетумен дозаларына ұқсас пайдаланылады.
Егде жастағы емделушілер
Егде жастағы адамдар үшін арнайы ұсыныстар жоқ.
Ланвис® жедел лейкозы бар егде жастағы адамдар үшін жастау емделушілер үшін пайдаланылатын дозаларына баламалы біріктірілген химиотерапияның түрлі сызбаларында пайдаланылған.
Бүйрек және бауыр қызметінің бұзылулары бар емделушілер
Бүйрек немесе бауыр қызметі бұзылған емделушілер үшін дозасын төмендетуді ескеру қажет.
Препаратты пайдалану жөніндегі нұсқаулық
Ланвис® препаратын қабылдаған кезде жергілікті нұсқаулықтар мен цитоуытты препараттарды пайдалану жөніндегі реттеулерді басшылыққа алу қажет. Таблетканы бөліктерге бөлу қажет болса, препарат бөліктерінің деммен жұтылып кетуі мен оның қолға тиюін болдырмас үшін сақ болу қажет.
Пайдаланылмаған таблеткаларды аса қауіпті өнімдерді жою жөніндегі жергілікті реттеулерге сәйкес жою керек.
Жағымсыз әсерлері
Жағымсыз реакциялары мына жіктемеге сәйкес жиілігі бойынша ерекшеленеді: өте жиі ≥1/10, жиі ≥1/100 - <1/10, жиі емес ≥1/1000 - <1/100, сирек ≥1/10000 - <1/1000, өте сирек <1/10000.
Өте жиі
- сүйек кемігі қызметінің бәсеңдеуі
- тиогуанинді демеуші ем немесе басқа ұқсас ұзақ емдеу үшін қолданған кезде тамырлар эндотелийінің зақымдануымен бірге гепатотоуыттылығы, бұл жағдайда қолдану ұсынылмайды; әдетте бұл гепатовеноокклюзиялық ауру түрінде (бауырдың ұлғаюы, гипербилирубинемия, сұйықтықтың іркілуіне және асцитке байланысты дене салмағының жоғарылауы) және портальді гипертензия белгілерімен және симптомдарымен (спленомегалия, тромбоцитопения, өңеш көктамырларының варикозды кеңеюі) білінеді. Сондай-ақ бауыр трансаминазаларының, сілтілік фосфатаза және гаммаглутамил трансфераза жоғарылауы, сары ауру, портальді склероз, түйінді регенеративтік гиперплазия, гепатиттік пурпура және перипортальді фиброз болуы мүмкін
Жиі
- стоматиттер, асқазан-ішек жолының бұзылыстары
- қысқа мерзімді емдеу курсы кезінде көктамырлық-окклюзиялық аурулар түріндегі гепатоуыттылық
Сирек
- некроздар және ішек қабырғасының тесілуі
- бауырдың центролобулярлық некрозы (әсіресе, химиотерапия, оральді контрацептивтерді, тиогуаниннің жоғары дозалары мен алкогольді қабылдап жүрген емделушілерде)
- фотосезімталдық, су-тұз теңгерімінің бұзылуы, атаксия, бөртпе, құлақтағы шуыл, жүрек-қантамыр бұзылулары, кереңдік, окулогирлік криз
Қолдануға болмайтын жағдайлар
- препараттың кез-келген компонентіне жоғары сезімталдық
- қатерсіз ауруларды емдеуде
Дәрілермен өзара әрекеттесуі
Ланвис® пен меркаптопуриннің арасында айқаспалы резистенттілік бар. Бір препараттың әсеріне сезімтал емес емделушілер, екінші препараттың әсеріне де реакция бермейді.
Иммунитеті бұзылған емделушілерде тірі вакциналармен вакцинациялау ұсынылмайды.
Аллопуринолды несеп қышқылының түзілуін бәсеңдету үшін бір мезгілде қолданғанда Ланвистің® дозасын меркаптопуринмен немесе азатиопринмен бір мезгілде қолданғанда қажет болатындай азайту қажет емес.
Аминосалицилат туындылары (олсалазин, меслазин немесе сульфасалазин) ТПМТ ферментінің (тиопуринметилтрансфераза) белсенділігін бәсеңдетеді, сондықтан оларды Ланвис® препаратымен емделіп жүрген емделушілерге сақтықпен қолдану қажет.
Айрықша нұсқаулар
Ланвис® - осындай препараттарды тағайындауда тәжірибесі бар дәрігердің жазып беруімен ғана пайдаланылатын белсенді цитоуытты препарат.
Емделушілер миелосупрессивті химиотерапия кезінде түрлі жұқпаларға сезімтал болып келеді.
Тірі вакциналармен иммунизациялау иммунитеті төмен науқастарда жұқпалардың дамуына ықпал етеді. Ланвис® препаратымен емделіп жүрген емделушілерде тірі вакциналармен иммунизациялау ұсынылмайды.
Тамыр эндотелийінің зақымдануына байланысты бауыр уыттануының даму қаупі жоғары болғандықтан, Ланвис® демеуші ем және үздіксіз емдеудің ұзақ кезеңдері үшін ұсынылмайды. Бауыр уыттануы көбінесе Ланвисті® жедел лимфобластты лейкозды емдеу үшін демеуші ем аясында қабылдап жүрген емделушілерде және тиогуанинді ұзақ қолданумен қатар жүретін басқа жағдайларда байқалған. Бауырдың уытты зақымдануы көбінесе ерлерде байқалған. Әдетте мұндай патология гепатовеноокклюзиялық ауру түрінде (бауырдың ұлғаюы, гипербилирубинемия, сұйықтықтың іркілуі және асцитке байланысты дене салмағының жоғарылауы) және портальді гипертензияның белгілері және симптомдарымен (спленомегалия, тромбоцитопения, өңеш көктамырларының варикозды кеңеюі) білінеді, белгілер мен симптомдар препаратты тоқтатқаннан кейін жойылады. Осы уыттылықпен байланысты гистопатологиялық құбылыстарға гепатопортальді склероз, нодозды регенеративті гиперплазия, бауыр пурпурасы және перипортальді фиброз жатады. Бауыр уыттануы бар емделушілерге Ланвиспен® емдеуді тоқтату керек.
Емделушілер емдеу кезінде мұқият қадағалауда болуы тиіс. Толық қан талдауы және бауыр қызметіне баға беретін күнделікті тестілер ұдайы жиі жүргізіліп тұруы қажет.
Бауыр уыттануының бастапқы белгілері портальді гипертензия (тромбоцитопения, нейтропения және спленомегалия) жағдайымен және бауыр ферменттері деңгейінің болжамды жоғарылауымен астасқан белгілері болып табылады.
Сүйек кемігі қызметінің бәсеңдеуі лейкопения мен тромбоцитопенияның, сирек – анемияның дамуына алып келеді. Үдеріс Ланвисті® едәуір ерте сатысында тоқтатқан жағдайда, жылдам қайтымды болып табылады.
Тұқым қуалайтын тиопурин метилтрансфераза (ТПМТ) ферментінің тапшылығы бар емделушілер тиогуаниннің миелосупрессивті әсеріне анағұрлым сезімтал. Олар Ланвиспен® емдеуді бастағаннан кейін, әсіресе олсалазин, месалазин немесе сульфасалазин сияқты ТПМТ бәсеңдететін препараттарды бірге қолданғанда, лейкоциттер мен тромбоциттер санының жылдам төмендеуіне бейім. Осылайша, қанның формалық элементтерінің сандық құрамын мұқият қадағалау қажет.
Жедел миелобластты лейкоздың ремиссиясы басталған кезде науқаста сүйек кемігінің салыстырмалы аплазиясы дамуы мүмкін, сондықтан қолыңызда демеуші емге арналған дәрілердің болғанының маңызы зор. Әсіресе жылдам жасушалық лизис басталған кезде, гиперурикемияның, гиперурикозурияның және несеп қышқылының жоғарылауымен байланысты нефропатияның дамуын болдырмас үшін, сақтық шараларын қолдану қажет. Ремиссия индукциясы барысында жүйелі түрде қан талдауы қажет.
Емдеуді тоқтатқаннан кейін лейкоциттер мен тромбоциттер саны төмендеуін жалғастыра береді, сондықтан олардың қалыптан жоғары төмендеуінің алғашқы белгілерінде-ақ емдеу уақытша тоқтатылуы тиіс.
Гипоксантин-гуанин-фосфорибосил трансфераза ферменті Ланвистің® оның белсенді метаболитке айналуына жауапты. Бұл ферменттің тапшылығы бар, мысалы, Леша-Найхан синдромынан зардап шегетін емделушілер препараттың әсеріне төзімді болуы мүмкін. Ұқсас белсенді метаболиттерінің біреуіне ие азатиопринге төзімділігі Леша-Найхан синдромы бар екі балада анықталған. Айқаспалы резистенттілік меркаптопуринмен туындайды және егер олар меркаптопуринге бұрыннан сезімтал болмаса, емделушілер тиогуанинге сезімтал болмайды.
Сүйек кемігінің тиогуанинге реакциясы өзінің механизмі бойынша кешеуілдеген болып табылады және препаратты қолдану лейкоциттер деңгейінің елеулі төмендеуі анықталған бойда тоқтатылуы немесе кейінге қалдырылуы тиіс.
Фертильділік
Цитоуытты препараттарды тиогуанинмен біріктіріп қолдану аясында ерлерде туа біткен аномалиялары бар балалар туылған жағдайлар анықталды.
Жүктілік және лактация кезеңі
Ланвистің®, басқа цитоуытты препараттар сияқты, тератогендік әсері зор.
Ланвис® препаратын жүктіліктің кез-келген кезеңінде, атап айтқанда бірінші триместр бойына қолданылуын болдырмау қажет.
Цитоуытты химиотерапияның барлық жағдайларында, егер жұптардың біреуі Ланвисті® қабылдап жүрсе, жеткілікті контрацепция шараларын ұсыну қажет.
Ланвисті® қабылдап жүрген аналар бала емізбеуі тиіс.
Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері
Ланвис® препаратының автокөлікті басқару немесе машиналармен немесе механизмдермен жұмыс жасау қабілетіне әсері туралы мәліметтер жоқ.
Артық дозалануы
Симптомдары: негізгі уытты әсері сүйек кемігіне тиеді және гематологиялық уыттылығы Ланвисті® бір рет қабылдағандағыға қарағанда,созылмалы артық дозалану кезінде күштірек болады.
Емі: у қайтарғысы белгісіз. Қан құрамын мұқият қадағалау және қажет болса, қан құюды тағайындай отырып, жалпы демеу шаралары керек.
Шығарылу түрі мен қаптамасы
25 таблеткадан III типті қызыл-сары шыныдан (ақшыл қоңыр түсті) жасалған, балалардың ашуынан қорғайтын жүйесі бар бұралатын ақ пластмасса қақпақпен тығындалған құтыға салады. Құтыға өздігінен жабысатын заттаңба жапсырылады.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.
Сақтау шарттары
Құрғақ, жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Препаратты қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Excella GmbH, Германия
(Nurnberger Strasse 12, 90537 Feucht)
Қаптаушы
Excella GmbH, Германия
(Nurnberger Strasse 12, 90537 Feucht)
Тіркеу куәлігінің иесі
Aspen Pharma Trading Limited, Ирландия
(12/13 Exchange Place, Custom House Docks, International Financial Services Centre, Dublin 1)
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Қазақстандағы ГлаксоСмитКляйн Экспорт Лтд өкілдігі
050059, Алматы қ., Фурманов к-сі, 273
Телефон нөмірі: +7 727 258 28 92, +7 727 259 09 96
Факс нөмірі: + 7 727 258 28 90
Электронды поштасы: kaz.med@gsk.com