Ламивудин и зидовудин

• русский
• қазақша

• Скачать инструкцию медикамента

ЛАМИВУДИН мен ЗИДОВУДИН

Саудалық атауы

Ламивудин мен Зидовудин

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған 150 мг/300 мг таблеткалар

Құрамы

Бір таблетканың құрамында

белсенді заттар: 150 мг ламивудин, 300 мг зидовудин,

қосымша заттар: микрокристалды целлюлоза, коллоидты сусыз кремнийдің қостотығы, натрий крахмалы гликоляты, магний стеараты,

қабығының құрамы: ақ опадри 03Н58736 {гипромеллоза, титанның қостотығы (Е171), пропиленгликоль}, пропиленгликоль.

Сипаттамасы

Капсула пішінді, екі жағы дөңес, бір жағында «М103» ойылып жазылған және екінші жағы тегіс, ақ немесе ақ дерлік түсті үлбірлі қабықпен қапталған таблеткалар.

Фармакотерапиялық тобы

Тікелей әсер ететін вирусқа қарсы препараттар. АИВ-жұқпаны емдеуге арналған вирусқа қарсы препараттар, біріктірілімдер. Зидовудин мен Ламивудин.

АТХ коды J05АR01

Фармакологиялық қасиеттері

Фармакокинетикасы

Ламивудин мен Зидовудин асқазан-ішек жолдарынан (АІЖ) жақсы сіңіріледі. Ересектерде ішке қабылдағаннан кейін ламивудиннің биожетімділігі 80–84%, зидовудиндікі 60–70% құрайды.

Аш қарынға қабылдағанда ламивудин 150 мг+зидовудин 300 мг жекелей қабылданған 150 мг ламивудин мен 300 мг зидовудинге биоэквивалентті болып табылады.

Ламивудин 150 мг+зидовудин 300 мг сіңу дәрежесі (AUC∞) және жартылай шығарылу кезеңі препарат аспен қабылдануына немесе аш қарынға қабылдануына байланыссыз бірдей болған. Әйтсе де препаратты аспен бірге қабылдағанда сіңу жылдамдығы (Cmax және tmax) баяулаған, әлбетте препараттың организмде сіңуіне көп уақыт қажет болған. Жоғарыда айтылғанды ескеріп, препарат аспен бірге, сондай-ақ аш қарынға да қабылдануы мүмкін.

Ламивудин мен зидовудиннің 150мг/300мг бір реттік дозасын ішке қабылдағаннан кейін ламивудин мен зидовудиннің ең жоғары концентрациясы сәйкесінше 0,75 (0,50–2,00) с және 0,50 (0,25–2,00) с кейін анықталған және сәйкесінше 1,6 мг/мл (32 %) және 2,0 мг/мл (40 %) құрады.

Ламивудин емдік дозасының диапазонының жүйелік фармакокинетикасын және қан плазмасының негізгі ақуызы альбуминмен (зертханалық жағдайларда қан сарысуында 36% кем альбумин) шектелген байланысуын көрсетеді.

Зидовудиннің қан плазмасының ақуызындарымен байланысуы 34-38% құрайды.

Ламивудин мен зидовудин гематоэнцефалдық бөгет арқылы (ГЭБ) орталық жүйке жүйесіне (ОЖЖ) және жұлынми сұйықтығына (СМС) өтеді. Ішке қабылдаған соң 2–4 с кейін ликворда және қан сарысуындағы ламивудин мен зидовудиннің концентрациясының арасындағы қатынас сәйкесінше орташа 0,12 және 0,5 құрайды.

Мардымсыз бауыр метаболизміне (5-10%) және плазма ақуыздарымен әлсіз байланысуына байланысты ламивудинмен метаболикалық дәрілік өзара әрекеттесу мүмкіндігі төмен. Ламивудин негізінен организмнен бүйректермен өзгермеген күйінен шығарылады. Ламивудиннің жартылай шығарылу кезеңі 5–7 с құрайды. Ламивудиннің шығарылуы бүйрек қызметіне байланысты. Креатинин клиренсі ≤ 50 мл / мин. емделушілер үшін дозаны төмендету қажет

Зидовудиннің 5'-глюкурониді препараттың қан плазмасындағы және несептегі негізгі метаболиті болып табылады және бүйрек экскрециясы жолымен шығарылатын, қабылданған дозаның 50-80% жуығын құрайды. Көктамыр ішіне енгізгеннен кейін қанда сондай-ақ 3'-амино-3'-дезокситимидин метаболиті анықталады.

Зидовудиннің жартылай шығарылуының орташа кезеңі, орташа жалпы клиренсі және таралу көлемі сәйкесінше 1,1 сағат, 27,1 мл/мин/кг және 1,6 л/кг құрайды. Зидовудиннің концентрациясы бүйрек жеткіліксіздігімен емделушілерде жоғарылайды.

5-6 айдан асқан балаларда зидовудиннің фармакокинетикалық көрсеткіштері ересектердікімен ұқсас. Зидовудин ересектер мен балалардың ішегінен жақсы сіңіріледі; оның биожетімділігі 60-74%, орташа 65% құрайды. Ең жоғары тепе-тең концентрациясы (Cssmax) зидовудинді 120 мг/м2 дозада қабылдағаннан кейін 4.45 мкмоль (1.19 мкг/мл) және 180 мг/м2 дозада қабылдағаннан кейін 7.7 мкмоль (2.06 мкг/мл) құрайды.

Балалардағы тәулігіне 4 рет 180 мг/м2 доза (AUC24 10.7 с×мкг/мл құрайды), ересектердегі тәулігіне 6 рет 200 мг/м2 дозадағыдай (AUC24 10.9 с×мкг/мл құрайды) жүйелік экспозицияға әкеледі.

Балалардағы ламивудиннің фармакокинетикасы ересектердегі фармакокинетикасына ұқсайды. Әйтсе де абсолютті биожетімділігі (55-65%) 12 жасқа дейінгі балаларда төмен болған. Балалардағы жүйелі клиренсі ересектерге қарағанда жоғары, және жасы өскен сайын төмендеуге бейім, 12 жасқа қарай ересектердегідей көрсеткіштерге жетеді.

Осы өзгешеліктерін ескеріп ламивудиннің балаларға ұсынылатын дозасы (3 айдан 12 жасқа дейін дене салмағы 6 кг-нан 40 кг дейін) тәулігіне 8 мг/кг құрайды. Осы дозаны қабылдағаннан кейін AUC0-12 3800-5300 нг×с/мл жетеді. Соңғы деректер көрсеткендей 2-ден 6 жасқа дейінгі балалардағы экспозициясы басқа жастағы топтармен салыстырғанда 30%- ға төмендеуі мүмкін.

Жүктілік ламивудин мен зидовудиннің фармакокинетикасы әсер етпейді.

Ламивудин мен зидовудин туған кезінде баланың қансарысуында анасының қансарысуындағыдай және туған кезіндегі кіндік қанындағыдай концентрацияда анықталған, ол гематоплацентарлық бөгет арқылы белсенсіз өтуі туралы теорияны дәлелдейді.

Фармакодинамикасы

Ламивудин мен зидовудин АИВ-1 мен АИВ -2 кері транскриптазасының іріктелген тежегіштері болып табылады. Ламивудин жасуша өсіріндісінде АИВ репликациясын бәсеңдетуге қатысты зидовудиннің синергисі болып табылады. Ламивудин мен зидовудин жасушаішілік киназалармен 5М-трифосфатқа (ТФ) дейін бірізді метаболизденеді.

Ламивудин-ТФ мен зидовудин-ТФ АИВ кері транскриптазасының субстраты және осы ферменттің бәсекелес тежегіші болып табылады. Препараттың вирусқа қарсы белсенділігі вирусты ДНҚ тізбегіне негізінен монофосфатты түрдің қосылуына байланысты, осының нәтижесінде тізбек үзіледі. Ламивудин мен зидовудиннің трифосфаттары адам жасушаларының ДНҚ-полимеразаларына айтарлықтай төмен ұқсастық иеленген.

Ламивудин мен зидовудинді қолдану бұрын антиретровирусты ем қабылдамаған емделушілерде зидовудинге резистенттіліктің дамуын баяулатады.

Қолданылуы

• АИВ- жұқпасын антиретровирустық біріктірілген ем құрамында емдеуде

Қолдану тәсілі мен дозалары

Емді АИВ- жұқпаны емдеуде тәжірибесі бар дәрігер жүргізуі керек.

Таблетканы бүтіндей жұтып, сумен ішу керек.

Ламивудин мен зидовудинді ас қабылдауға байланыссыз қабылдауға болады.

Дозаны төмендету немесе азайту, сондай-ақ Ламивудин мен зидовудиннің компоненттерінің біреуін қабылдауды тоқтату қажет болған жағдайда ламивудин мен зидовудиннің жеке препараттарын қолдануға болады.

12 жастан асқан және дене салмағы 30 кг асатын балалар мен ересектерге тәулігіне екі рет бір таблеткадан тағайындайды.

Бүйрек жеткіліксіздігінде қолданылуы

Бүйрек жеткіліксіздігімен емделушілерде ламивудин мен зидовудиннің қандағы концентрациясы олардың элиминациясының баяулауына байланысты жоғары. Бүйрек қызметінің бұзылуымен емделушілерге (креатинин клиренсі 50 мл/мин төмен) кейбір жағдайларда ламивудин мен зидовудиннің дозасын жекелей таңдау керек болса, оларға ламивудин мен зидовудиннің жеке препараттарын тағайындау ұсынылады.

Бауыр қызметінің бұзылуында қолданылуы

Бауыр жеткіліксіздігінде оның глюкурон қышқылымен байланысуының баяулауы нәтижесінде зидовудиннің жинақталуы байқалуы мүмкін. Бауыр қызметінің ауыр дәрежедегі бұзылуымен емделушілерде зидовудиннің дозасын жекелей таңдау үшін, ламивудин мен зидовудиннің жеке препараттарын қабылдау ұсынылады.

Гематологиялық жағымсыз әсерлерімен емделушілерде қолданылуы

Айқын анемияда (гемоглобин деңгейі 9 г/дл немесе 5,59 ммоль/л төмен) немесе нейтропенияда (нейтрофилдер саны 1,0×109/л) зидовудин дозасын түзету қажет болуы мүмкін. Емді бастағанға дейін сүйек кемігінің төмендеген қорымен емделушілерде осы жағымсыз әсерлердің даму мүмкіндігі жоғары, әсіресе асқынған АИВ –жұқпамен емделушілерде.

Ламивудин мен зидовудинді тағайындауда, ламивудин мен зидовудиннің дозасын жекелей тағайындау мүмкін болмағандықтан, ламивудин мен зидовудиннің жеке препараттарын қолдану ұсынылады.

Егде жастағы емделушілерде қолдану

Ламивудин мен зидовудинді егде жастағы тұлғаларда қолдануға қатысты арнайы деректер жоқ.

Әйтсе де егде жастағы емделушілерді емдеуде жасына байланысты өзгерістерді ескеріп, мысалы гематологиялық көрсеткіштердің өзгеруі және бүйрек қызметінің бұзылуын, ерекше сақтық шараларын сақтау керек.

Жағымсыз әсерлері

Өте жиі (>1/10)

- бас ауыруы

- жүрек айнуы

Жиі (>1/100, <1/10)

- нейтропения, анемия (қан құю қажет болуы мүмкін), лейкопения

Осы жағымсыз әсерлері АИВ-жұқпаның кеш сатыларымен емделушілерде (әсіресе емді бастағанға дейін сүйек кемігінің төмендеген қорымен) және оның ішінде CD4+ жасушалары 1 мм3 –де 100-ден кем зидовудиннің жоғары дозасын (тәулігіне 1200–1500 мг ) қолданғанда жиі пайда болады.

Кейбір емделушілерде зидовудиннің дозасын төмендету керек немесе оны тіпті тоқтату керек. Нейтропения зидовудинмен емді бастаған кезде қан сарысуындағы нейтрофилдер саны, гемоглобин деңгейі және В12 витаминінің деңгейі төмен емделушілерде жиі пайда болады.

- бас айналуы, ұйқысыздық

- әлсіздік, жалпы дімкәстік, қызба

- құсу, эпигастриядағы ауыру, диарея

- жөтел, ринорея

- бауыр ферменттерінің (АСТ, АЛТ) және билирубин деңгейінің транзиторлы жоғарылауы

- артралгия, миалгия, миопатия

- бөртпе, қышыну, алопеция

Жиі емес (>1/1000, <1/100)

- тромбоцитопения, панцитопения (сүйек кемігінің гипоплазиясы)

- гипоксия болмағанда сүтқышқылды ацидоз

- анорексия, метеоризм

- жайылған ауырулар

Сирек (≥1/10, 000 және <1/1000)

- панкреатит, сарысулық амилаза деңгейінің жоғарылауы

- рабдомиолиз

- эритрацитарлық аплазия

- үрейлену, депрессия

- ақыл-ой белсенділігінің төмендеуі, құрысулар

- парестезиялар

- кардиомиопатия

- ауыздың шырышты қабатының пигментациясы, дәм сезудің бұзылуы және диспепсия

- гепатит, гепатомегалия, стеатоз

- тері мен тырнақтың пигментациясы

- есекжем

- тершеңдік

- несеп шығарудың жиілеуі

- гинекомастия

Өте сирек (<1/10, 000)

- шеткергі нейропатия

- май тінінің артық таралуы/жинақталуы,

Көптеген жағымсыз әсерлеріне қатысты оның ламивудинге, зидовудинге, АИВ- жұқпасын емдеуде қолданылатын кең ауқымды басқа препараттарға, немесе аурудың өзінің салдарына байланыстылығы белгісіз. Лазидтің құрамына ламивудин мен зидовудин кіреді, және сондықтан ол осы ингредиенттердің әрқайсысына тән жағымсыз әсерлер туындатуы мүмкін. Қазіргі уақытта ламивудин мен зидовудиннің біріктірілімінің аддитивті уыттылық иеленуі туралы деректер жоқ.

Қолдануға болмайтын жағдайлар

- ламивудинге, зидовудинге немесе препараттың кез келген қосымша компоненттеріне жоғары сезімталдық

- ауыр дәрежедегі нейтропения (нейтрофилдер саны 0,75 x 109/л кем) немесе анемия (гемоглобин деңгейі 7.5 г/дл немесе 4.65 ммоль/л төмен)

- шеткергі нейропатия

- бүйрек қызметінің бұзылуы (креатинин клиренсі < 50 мл/мин)

- жүктілік және лактация кезеңі

- 12 жасқа дейінгі және дене салмағы 30 кг төмен балаларда

Дәрілермен өзара әрекеттесуі

Препарат құрамында ламивудин мен зидовудин болғандықтан, ол оның компоненттерінің әрқайсысына тән кез келген өзара әрекеттесуге түсуі мүмкін. Төменде Ламивудин мен зидовудинмен емделу аясында сақтықпен қабылдау керек препараттар класына жататын кейбір дәрілік заттар келтірілген.

Ламивудиннің қатысуымен өзара әрекеттесулер

Ламивудин мен триметопримді (ко-тримоксазол препаратының компоненттерінің біреуі) бір мезгілде қабылдау осы препаратты емдік дозада қабылдағанда ламивудиннің плазмадағы ең жоғары концентрациясының 40%-ға жоғарылауына әкеледі. Бүйрек қызметі қалыпты емделушілерде ламивудин дозасын жекелей таңдаудың қажеті жоқ. Ламивудин ко-тримоксазолдың фармакокинетикасына әсер етпейді. Препараттың әсіресе негізінен бүйректермен шығарылатын басқа дәрілік препараттармен өзара әрекеттесу мүмкіндігін ұмытпау керек.

Зидовудиннің қатысуымен өзара әрекеттесулер

Зидовудин мен ламивудинді бір мезгілде қабылдау зидовудиннің әсер ету уақытының 13% - ға артуына және оның плазмадағы ең жоғары концентрациясының 28% - ға артуына әкеледі. Осындай жоғарылау емделушілер үшін қауіпті емес, сондықтан препарат дозасын төмендетудің қажеттігі жоқ. Зидовудин ламивудиннің фармакокинетикасына әсер етпейдің.

Зидовудинді фенитоинмен бір мезгілде қабылдаған кейбір емделушілерде фенитоинның қандағы концентрациясының төмендеуі анықталған, ал бір жағдайда фенитоин концентрациясының жоғарылауы байқалған. Ламивудин мен зидовудин және фенитоинды бір мезгілде қабылдаған емделушілердің қанында фенитоинның концентрациясын бақылау керектігін көрсетеді.

Зидовудинмен емделу аясында парацетамолды қабылдау нейтропения жиілігінің жоғарылауымен жүреді, әсіресе ұзақ уақыт емдегенде. Әйтсе де бар деректер көрсеткендей парацетамол зерттелген дозаларда зидовудин мен оның глюкуронидтерінің плазмалық концентрациясының жоғарылауын туындатпайды.

Ацетилсалицил қышқылы, кодеин, морфин, индометацин, кетопрофен, напроксен, оксазепам, лоразепам, циметидин, клофибрат, дапсон, изопринозин және кейбір басқа дәрілік препараттар зидовудиннің метаболизмін оның глюкуронидінің түзілуін бәсекелес бәсеңдетуі немесе бауырдың микросомальді ферменттерімен зидовудиннің метаболизмін тікелей бәсеңдетуі нәтижесінде өзгертеді.

Ламивудин мен зидовудинді әсіресе ұзақ емдеу үшін, осы препараттармен біріктірілімде тағайындар алдында, мүмкін дәрілік өзара әрекеттесуін бағалау керек.

Зидовудинмен және әлеуетті нефроуытты немесе миелосупрессивті препараттармен біріктіріп емдегенде (мысалы, пентамидин, дапсон, пириметамин, ко-тримоксазол, амфотерицин, флуцитозин, ганцикловир, интерферон, винкристин, винбластин және доксорубицинді жүйелі енгізу) зидовудиннің жағымсыз әсерлерінің пайда болуының мүмкіндігі жоғарылауы мүмкін. Оларды бір мезгілде тағайындағанда бүйрек қызметі мен гематологиялық көрсеткіштерді мұқият бақылау керек және қажет болғанда бір немесе бірнеше препараттардың дозасын төмендету керек.

Нуклеозидті аналог рибавирин зидовудиннің вирусқа қарсы белсенділігін in vitro бөгейді, сондықтан рибавирин және Ламивудин мен зидовудинді бір мезгілде қолдануға болмайды.

Ламивудин мен зидовудинді қабылдауда кейбір емделушілерде шартты-патогенді микроорганизмдермен туындаған жұқпалар дамуы мүмкін, сондықтан кейде жұқпаның алдын алу мақсатында қосымша ем тағайындау қажет болады. Осындай алдын алу мақсатында ко-тримоксазол, пентамидин, аэрозоль түрінде пириметамин және ацикловир қолданылады. Шектелген клиникалық деректер оны осы препараттармен қолданғанда зидовудиннің жағымсыз әсерлері жиілігінің айтарлықтай жоғарылауының жоғын көрсетеді.

Кейбір деректер бойынша пробеницид глюкуронидтің түзілуінің бәсеңдеуі салдарынан зидовудиннің жартылай шығарылуының орташа кезеңін және фармакокинетикалық қисық астындағы ауданды арттырады. Пробеницидтің барында глюкуронидтің, мүмкін, зидовудиннің өзінің бүйректік шығарылуы төмендейді.

Айрықша нұсқаулар

Ламивудин мен зидовудин вирустық жүктемені төмендетеді және CD4+ жасушаларының санын жоғарылатады. Ламивудин зидовудинмен біріктірілімде, сондай-ақ басқа препараттармен қатар ламивудин мен зидовудинді қосатын ем, аурудың өршу және өліммен аяқталу қаупін төмендетеді.

Дозаны жекелей таңдау қажет болғанда ламивудин мен зидовудиннің жеке препараттарын қолдану ұсынылады. Дәрігерлер осы препараттарды қолдану жөніндегі нұсқаулықты басшылыққа алуы керек.

Оппортунистік жұқпалар: 150мг / 300мг ламивудин мен зидовудинді қабылдайтын немесе басқа вирусқа қарсы ем өтудегі емделушілерде оппортунистік жұқпалар мен АИВ- жұқпаның басқа асқынулары жалғасуы және өршуі мүмкін. Сондықтан емделушілер үнемі АИВ-жұқпасын емдеуде мамандандырылған білікті дәрігердің бақылауында болуы керек.

АИВ- жұқпаның таралуы: Емделушілер вирусқа қарсы ем және 150 мг / 300 мг ламивудин мен зидовудинді қабылдау АИВ- жұқпаның басқа адамдарға жұғу қаупін (жыныс жолдарымен немесе қан арқылы) азайтпайтынын есте сақтауы керек. Сондықтан сәйкес сақтық шаралары туралы ұмытпауы керек.

Гематологиялық жағымсыз реакциялар: Зидовудин қабылдайтын емделушілерде келесі жағымсыз әсерлер дамуы мүмкін: анемия, нейтропения және лейкопения (әдетте нейтропения қатар жүреді).

Осындай реакциялар зидовудиннің жоғары дозасын қабылдаған ( күніне 1200-1500 мг) емделушілерде, емді бастағанға дейін организмде сүйек кемігінің аз қорымен және АИВ асқынған сатысымен емделушілерде жиі байқалған. Сондықтан препаратты қабылдайтын осындай емделушілерде гематологиялық параметрлерді мұқият бақылау керек.

Гематологиялық жағымсыз әсерлері әдетте препаратпен емдеудің бастапқы кезеңінде байқалмайды, әйтсе де емдеудің төрт-алты аптасынан кейін білінеді. Асқынған және симптоматикалық АИВ-мен емделушілерге емдеудің алғашқы үш айы ішінде кем дегенде әрбір екі апта сайын, ал содан кейін айына бір рет талдау үшін қан тапсыру ұсынылады.

АИВ-жұқпасының ерте сатысымен емделушілерде гематологиялық жағымсыз реакциялар сирек кездеседі. Емделушінің жалпы жағдайына байланысты қан талдауы сирек жасалуы мүмкін, мысалы, үш айда бір рет.

Зидовудиннің дозалануын қосымша түзету ламивудин мен зидовудиннің көмегімен жүргізілген емге байланысты пайда болған, ауыр анемия және сүйек кемігі қызметінің бұзылуы жағдайларында (миелосупрессия); немесе сүйек кемігі қызметінің бұрын болған бұзылуымен, яғни гемоглобин деңгейі 9 г/дл кем (5.59 ммоль/л), немесе нейтрофилдер саны 1.0 x 109/л кемді құрайтын емделушілерге тағайындалады.

150 мг / 300 мг ламивудин мен зидовудин дозасын түзету мүмкін болмағанда, ламивудин мен зидовудиннің жеке препараттарын қолдану ұсынылады.

Емдеуші дәрігер осы дәрілік препараттарды жеке қолдану жөніндегі нұсқаулықпен танысуы керек.

Балалар: Препаратты баланың салмағын ескеріп дозаны таңдау мүмкін болмағандықтан 12 жасқа дейінгі балаларға қолдануға болмайды. Осындай жағдайларда емдеуші дәрігер ламивудин мен зидовудинді жеке қолдану жөніндегі нұсқаулықпен мұқият танысуы керек.

Жүктілік кезінде қолданылуы: Препарататың белсенді заттары ДНҚ репликациясын бәсеңдететін болғандықтан, кез келген қолдану, әсіресе жүктіліктің бірінші триместрінде қолдану ұрық үшін әлеуетті қауіп туғызады.

Панкреатит: Препаратты қабылдауда емделушілерде панкреатиттің пайда болу жағдайлары өте сирек кездеседі. Және осы күнге дейін осындай құбылыстың препаратпен вирусқа қарсы емге немесе АИВ-жұқпаға байланысты екені анықталмаған. Әйтсе де панкреатитке қандай да болмасын белгілер, симптомдар немесе оң зертханалық талдаулар пайда болған жағдайда емді дереу тоқтатады.

Сүтқышқылды ацидоз: Зидовудин қабылдаған емделушілерде стеатоз симптомдарымен айқын гепатомегалиямен, сирек, бірақ өліммен аяқталуы мүмкін сүтқышқылды ацидоз жағдайлары сипатталған. Осындай аурулар нуклеозидті аналогтарды қолдануға байланысты пайда болады. Қандағы сүт қышқылының симптоматикалық жоғарылауының ерте белгілеріне аздаған асқорыту бұзылуының симптомдары (жүрек айнуы, құсу және абдоминальді ауырулар), спецификалық емес дискомфорт, тәбеттің жоғалуы, салмақтың төмендеуі, респираторлық симптомдар (терең және\немесе жиілеген тыныс алу) немесе неврологиялық симптомдар (включая заторможенность нервной системы) жатады.

Лактоцидоз өлімнің жоғары деңгейімен сипатталады және панкреатитпен, бауыр немесе бүйрек жеткіліксіздігімен байланысты болуы мүмкін. Сүтқышқылды ацидоз әдетте емнің бірнеше айынан кейін пайда болады. Нуклеозидті аналогтармен емді қандағы сүт қышқылының симптоматикалық жоғарылауы және метаболикалық/сүтқышқылды ацидоз пайда болғанда, үдемелі гепатомегалияда және аминотрансферазаның белсенділігі кенеттен жоғарылағанда тоқтатады.

Нуклеозидті аналогтарды гепатомегалиямен, гепатит немесе бауыр ауруларының даму қаупінің басқа факторларымен немесе стеатозбен емделушілерге (әсіресе, семірумен зардап шегетін әйелдерге) тағайындағанда сақтық шараларын сақтау керек. Қатар жүретін аурулар – С гепатитімен және альфа интерферон мен рибавиринді қабылдайтын емделушілер жоғары қауіпке бейім. Қауіп тобына жататын емделушілер, мұқият дәрігердің бақылауын өтуі керек.

Митохондриальдік дисфункция: Зертханалық жағдайларда, нуклеозидтер мен олардың аналогтарының қандай дәрежеде митохондрияларды зақымдайтыны анықталған. Ананың құрсағындағы және \ немесе туғаннан кейін АИВ-ға теріс талдауымен жаңа туғандар нуклеозидті аналогтарды қабылдағанда митохондриальді дисфункцияға ұшырағаны туралы деректер алынған.

Препараттың негізгі жағымсыз әсерлеріне: гематологиялық бұзылыстар (анемия, нейтропения), метаболикалық бұзылыстар (гиперлактатемия, гиперлипаземия) жатады. Әйтсе де осындай әсерлер әдетте қайтымды. Гипертония, құрысулар және емделушінің мінез құлқының бұзылуы секілді неврологиялық бұзылыстардың кеш білінетін симптомдары туралы да деректер алынған. Неврологиялық бұзылыстарға қатысты, олардың қысқа мерзімдік немесе тұрақты екендігі туралы анықталмаған. Анасын нуклеозидтармен немесе олардың аналогтарымен емдеуде, митохондральдік дисфункция симптомдары мен белгілері балада ана құрсағында болғанда пайда болуы мүмкін (тіпті АИВ теріс балаларда), сондықтан жаңадан туғандар сәйкес белгілері мен симптомдары болғанда митохондральдік дисфункцияның даму мүмкіндігіне клиникалық тексерілуі және зертханалық талдаулар өтуі керек. Әйтсе де жағымсыз реакцияларына қарамастан жүкті әйелдерге АИВ-ның анасынан баласына тұқым қуалай берілуінің алдын алу үшін, антиретровирусты емді қолдану ұсынылады.

Липодистрофия: Біріктірілген антиретровирусты ем АИВ-мен емделушілерде тері шелмайында май тінінің көлемінің үлкеюімен немесе азаюымен (липодистрофия) жүреді. Қазіргі кезеңде болашақта болатын салдарлары туралы деректер жоқ. Препараттың осы бағытта әсер ету механизмі әзірге анықталмаған. Қазіргі кезде висцеральді липоматоздың протеаза тежегіштерімен (PIs), липоатрофияның кері транскриптазаның нуклеозидті тежегішімен (NRTIs) өзара байланысы туралы дәлелденбеген болжамдар бар.

Липодистрофияның дамуының жоғары қаупі организмнің, егде жас секілді кейбір жекелей ерекшеліктеріне және антиретровирусты емнің ұзақтығы мен қатар жүретін метаболикалық бұзылыстар секілді дәрілік өзара әрекеттесу факторларына байланысты.

Тексеру жүргізу барысында емделушідегі майдың артық таралуының сыртқы белгілеріне зейін аудару ұсынылады. Қан сарысуында липидтердің жеткіліксіздігіне және қандағы глюкоза деңгейіне көңіл бөлу керек. Липидтік бұзылыстарда сәйкес медициналық ем жүргізу керек.

Иммундық реактивация синдромы : Біріктірілген антиретровирусты ем қабылдағанда (CART) иммунитеті төмендеген АИВ-жұқтырған емделушілерде симптомсыз немесе қалдық оппортунистік патогенді микроорганизмдерге қабыну реакциялары пайда болуы мүмкін, олар күрделі клиникалық жағдайлар немесе симптомдардың нашарлауын туындатуы мүмкін.

Әдетте осындай реакциялар CART көмегімен емдеудің алғашқы бірнеше аптасы немесе айында байқалады. Оларға жататындар: цитомегаловирусты ретиниттер, диффузды және/немесе оқшауланған микобактериялық жұқпалар мен Pneumocystis carinii (пневмоцистоз) туындаған пневмония. Кез келген қабыну реакциялары бағаланады және қажет болғанда емделеді.

Бауыр аурулары: Егер ламивудин АИВ мен В гепатитін бір мезгілде емдеу үшін қолданылған жағдайда, ламивудинді В гепатитін емдеу үшін қолдану жөнінде қосымша ақпаратты ламивудиннің нұсқаулығынан қараңыз. Зидовудиннің бауырдың күрделі ауруларымен емделушілерде қауіпсіздігі мен тиімділігі анықталмаған. В немесе С созылмалы гепатитімен емделушілерді емдеу үшін біріктірілген антиретровирусты емді қолданған жағдайда, емделушілер бауыр тарапынан өліммен аяқталатын күрделі жағымсыз әсерлерінің пайда болуының қауіп тобына жатады. Бір мезгілде В немесе С гепатиттерінің антивирусты емі жағдайында осы дәрілік препараттарды қолдану жөніндегі нұсқаулықпен танысу керек.

150 мг/300 мг Ламивудин мен зидовудин препаратымен емдеуді тоқтатқанда қатар жүретін В гепатитімен емделушілерде, бауыр қызметіне және В гепатиті вирусының репликациясы маркерлеріне ары қарай талдау жүргізу ұсынылады. Бұл препаратпен емдеуді дереу тоқтату гепатиттің асқынуын туындатуы мүмкіндігіне байланысты.

Бауырдың бұрын анықталған ауруларымен емделушілерде (созылмалы белсенді гепатитті қоса), біріктірілген антиретровирусты емде бауыр қызметінің бұзылуының жиілігі артады, сондықтан осындай емделушілер стандартты тәжірибеге сай тексерілуі керек. Осындай емделушілерде бауыр қызметі нашарлағанда препаратпен емді уақытша тоқтату немесе түпкілікті тоқтату керек.

Остеонекроз: остеонекроз пайда болу себебі көпфакторлы, (кортикостероидтарды қолдануды қоса, алкогольді қабылдау, күрделі иммунодепрессия, дене салмағының жоғары индексі және т.б. ) болуына қарамастан, остеонекроздың АИВ-ның үдемелі ауруымен және/немесе біріктірілген антиретровирусты емнің (CART) ұзақтығымен емделушілерде де аздаған пайда болу жағдайлары анықталған.

Емделушілер буындарға қатысты мәселелер туындағанда және ауырғанда, сондай-ақ қозғалу қиындаған жағдайларда медициналық көмек алу үшін білікті маманға қаралуы керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ламивудин мен зидовудиннің автокөлікті басқару мен техникамен жұмыс жасау қабілетіне әсеріне арнайы зерттеулер жүргізілген жоқ. Препараттың фармакологиялық қасиеті осындай әсерінің мүмкіндігінің төмендігін көрсетеді. Емделушінің клиникалық жағдайын, сондай-ақ жағымсыз әсерінің сипатын ескеру керек.

Артық дозалануы

Симптомдары: Ламивудин мен Зидовудиннің бекітілген біріктірілімінің артық дозалануы жағдайлары туралы деректер жоқ. Сонымен қатар ламивудинмен және зидовудинмен жекелей жедел артық дозалануының салдарлары туралы шектелген деректер бар. Осы жағдайлардың ешқайсысы да өліммен аяқталған жоқ, және барлық емделушілердің жағдайы қалпына келтірілді. Қандай да болмасын арнайы белгілері немесе симптомдары сипатталған жоқ.

Емі: интоксикация белгілерін уақытында анықтау мен стандартты демеуші ем жүргізу үшін емделушінің жағдайын бақылау ұсынылады.

Ламивудин диализдің көмегімен шығарылатын болғаннан кейін, артық дозаланғанда тоқтаусыз гемодиализді қолдануға болады. Гемодиализ бен перитонеальді диализдің организмнен зидовудинді шығаруда тиімділігі аз, бірақ оның метаболитінің (глюкуронида) шығарылуын жеделдетеді.

Шығарылу түрі мен қаптамасы

60 таблеткадан мөлдір емес полипропилен қақпақпен бұралған жоғары тығыздықтағы полиэтиленнен жасалған құтыларға салынған. 1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынған.

Сақтау шарттары

Түпнұсқалық қаптамасында, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Mylan Laboratories Limited

F-4& F-12, MIDC, Malegaon, Sinnar,

Nashik – 422 113, Мaharashtra, Үндістан

Тіркеу куәлігінің иесі

Mylan Laboratories Limited, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Эй Пи Си Фармасьютикалс энд Кемикалс (Юроп) Лтд» өкілдігі, Ұлыбритания

050040, Алматы қ-сы, Попов к-сі 19, 301 кеңсе

Тел: (8727) 260-84-33, факс: (8727) 386-82-25

E-mail: apckz@apcpharma.co.uk