Лактобактерин сухой

• русский
• қазақша

• Скачать инструкцию медикамента

Саудалық атауы

Құрғақ лактобактерин

Халықаралық патенттелмеген атауы

Жоқ

Дәрілік түрі

Ішілетін және жергілікті қолдану үшін суспензия дайындауға арналған лиофилизат

Құрамы

Препараттың бір дозасының құрамында

белсенді зат - тірі лактобактериялар кем дегенде 2 х 109 КТБ.

құрғату ортасы: желатин, қант немесе сахароза, сүт.

Сипаттамасы

Ақшыл-сары немесе ақшыл-сұр түсті өзіне тән иісі бар кристалды немесе кеуек масса.

Фармакотерапиялық тобы

Диареяға қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.

АТХ коды A07FA01

Фармакологиялық қасиеттері

Препарат қорғаныш қант-желатинді-сүтті құрғататын ортаны қосумен өсірілген ортасында лиофилизацияланған тірі, антагонистік белсенді Lactobacillus plantarum штамдары лактобактерияларының микробтық массасы болып табылады.

Құрғақ лактобактерин стафилококктар, энтеропатогенді ішек таяқшалары, протеялар, шигеллаларды қоса, патогенді және шартты-патогенді микробтарға қатысты антагонистік белсендікке ие, ол препараттың бактериоценоздың бұзылуында қалпына келтіретін әсерін анықтайды.

Препарат зат алмасу үдерістерін жақсартады, ішек ауруларының созылмалы түрлерінің түзілуіне кедергі келтіреді, организмнің спецификалық емес төзімділігін жоғарылатады.

Қолданылуы

Балалар мен ересектерде әртүрлі этиологиядағы дисбактериоздарда. Қалыпты микрофлораның бұзылуымен қатар жүретін асқазан-ішек жолдарының және әйелдердің жыныс жолдарының ауруларын емдеуде.

Препарат ересектер мен балаларға жасына байланыссыз қолданылады.

Асқазан-ішек жолдарының ауруларында:

- ішек дисфункциясы болғанда немесе патогенді және шартты-патогенных бактериялар бөлінгенде ішектің жедел жұқпаларын өткерген реконвалесценттерде

- антибиотиктерді қолдану салдарынан, химиотерапия және басқа себептердің нәтижесінде пайда болған дисбактериоздармен қатар жүретін соматикалық ауруларда

- дисбактериоздармен, атопиялық дерматитпен қатар жүретін жұқпалы және жұқпалы емес этиологиядағы аурулармен әлсіреген балаларды кешенді емдеуде

- әртүрлі этиологиядағы созылмалы колиттерде, оның ішінде спецификалық емес ойық жаралы колитте

Әйелдердің жыныс сферасының ауруларында:

- жыныс жолдарының спецификалық емес қабыну ауруларында және қынаптық сөліністің тазалығының III-IV дәрежедегі бұзылуымен «қауіп» тобындағы жүктілерді дайындауда

Қолданылу тәсілі мен дозалары

Құрғақ лактобактерин ішек ауруларында ішке қабылданады, ал акушерлік-гинекологиялық тәжірибеде – қынапішілік.

Құтының ішіндегісін препараттың 1 дозасына 5 мл (шай қасық) су есеппен бөлме температурасындағы қайнаған суда ерітеді.

Ерітуді келесідегідей жүргізеді: стаканға судың қажетті мөлшерін құяды (құтыда көрсетілген дозаның мөлшеріне сәйкес); қалпақшасы мен тығынын алып, құтыны ашады; стаканнан құтыға судың аздаған мөлшерін құяды; ерігеннен кейін (препарат ақшыл-сары немесе ақшыл-сұр түсті гомогенді жүзінді түзіп, 5 минуттан аспай ериді) құтының ішіндегісін сол стаканға қайта құйып араластырады. Осылайша еріген бір шай қасық препарат 1 дозаны құрайды. Балаларға құтының ішіндегісін 1 доза препаратқа 1 мл есебімен ерітеді.

Ерітілген препаратты сақтауға болмайды.

Препаратты ішек ауруларында асқа дейін 40-60 минут бұрын, дұрысы сүтпен ішіп қабылдаған жөн. Емді витаминдер қабылдаумен қатар жүргізу ұсынылады.

Тәуліктік дозасын және емдеу курсының ұзақтығын аурудың клиникалық түріне және дисбактериоздың айқындығына қарай дәрігер анықтайды.

Құрғақ Лактобактерин ішек ауруларында келесі тәуліктік дозаларда қолданылады:

Әртүрлі ауруларда құрғақ Лактобактеринмен емдеу курсы:

а) дизентерияның ұзақ және созылмалы ағымында, дизентериядан кейінгі колитте, ЖІЖ (ОКИ) кейін реконвалесценттерді емдеуде, сондай-ақ этиологиясы анықталмаған ішектің ұзақ дисфункциясында ем - 4 аптадан кем емес;

б) спецификалық емес ойықжаралы колитте, сондай-ақ созылмалы колиттер мен энтероколиттерде - 2 айға дейін;

в) әртүрлі этиологиядағы дисфункциялар мен дисбактериоздарда - 3-4 апта.

2 апта бойы препаратты қабылдаудың әсері болмаған жағдайда асқазан-ішек жолдары микрофлорасын қайта тексеру және алынған нәтижеге байланысты соңғысын басқа препараттармен ауыстыру керек.

Алынған клиникалық әсерді бекіту үшін немесе емдеу курсы аяқталғаннан кейін микрофлораның толық қалпына келуі болмаған жағдайда, қайталанумен жүретін ауруларда, емдеу курсын қайталау мақсатқа сай. Осындай жағдайларда препаратты тағайындар алдында микрофлораны қайта тексеру керек.

Құрғақ лактобактерин әйелдердің жыныс жүйесінің қабыну ауруларында - етеккір айналымының 10-12 күнінен бастап, 5 дозадан күніне 2 рет қынап ішіне 10-12 күн ішінде тағайындалады.

Құрғақ лактобактерин «қауіп» тобындағы жүктілерді босану алдында дайындауда - 5 дозадан күніне 1 рет қынап ішіне 5-8 күн ішінде тағайындалады.

Қынап ішіне қолданғанда құтының ішіндегісін 5-10 мл бөлме температурасындағы қайнаған суда ерітіп, стерильді тампонды ерітілген препарат сіңірілгеннен кейін қынапқа енгізіп 2-3 сағатқа қалдырады.

Ем қынаптық сөліністің тазалығының I-II дәрежеге дейін қалпына келуін бақылаумен, қабынудың клиникалық симптомдары жоғалғанға дейін және зертханалық дәлелденгенге дейін жүргізіледі.

Жасөспірімдер мен кіші жастағы балаларда бүркуді қолдануға болады.

Емді қынаптық сөлініс тазалығының I - II дәрежеге дейін қалпына келуін, лактофлораның пайда болуын бақылаумен және аурудың клиникалық симптомдары қайтқанша жүргізеді.

Жағымсыз әсерлері

Препараттың жағымсыз әсерлері анықталмаған. Кейбір адамдарда препаратты қолданғанда реактивтіліктің өзгеруімен аллергиялық реакциялар дамуы мүмкін. Жағымсыз әсерлері пайда болғанда дәрігерге қаралу керек.

Қолдануға болмайтын жағдайлар

- препарат компоненттеріне жоғары сезімталдық

- сахараза тапшылығы (изомальтазаның), фруктозаны көтере алмаушылық, глюкозо-галактоза мальабсорбциясы.

- вульвовагинальді кандидозда жергілікті қолдану.

Вульвовагинальді кандидоздарда препаратты пероральді қолданудың қауіпсіздігі мен емдік тиімділігі клиникалық зерттелмеген.

Дәрілермен өзара әрекеттесуі

Лактобактериялардың жоғары антибиотиктерге төзімділігіне байланысты антибиотиктермен емдегенде құрғақ лактобактеринді қолдануға болады.

Айрықша нұсқаулар

Қаптамасының бүтіндігі бұзылған (құтының шытынауы), таңбаланбаған, физикалық қасиеттері өзгерген (түсінің өзгеруі, биомассаның мыжылып қалуы), бөгде қоспалар бар препаратты қолдануға болмайды.

Препаратты сұйылту үшін температурасы 40 °С-ден жоғары суды қолдануға және оны сұйылтылған түрінде сақтауға болмайды.

Педиатрияда қолданылуы

Балаларға (оның ішінде күні жетпей туған ) препаратты өмірінің алғашқы күнінен бастап қолдануға болады.

Жүктілік және лактация кезеңі

Қолдануға болады.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшелері

Әсер етпейді.

Артық дозалануы

Артық дозалану жағдайлары тіркелмеген.

Шығарылу түрі және қаптамасы

Құтыда 5 дозадан, 10 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған қорапшаға (қорапқа) салынған.

Сақтау шарттары

2 °С-ден 8 °С-ге дейінгі температурада.

Балалардың қолы жетпейтін жерде сақтау керек!

Сақтау мерзімі

1 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Микроген» ҒӨБ ФМУК Ресей ДС министрлігі

Ресей Федерациясы, 115088, Мәскеу қ., 1-ші Дубровская к-сі, 15 үй,

тел. (495) 710-37-87, факс (495) 783-88-04, e-mail: secretariat@microgen.ru.

Өндірістің мекенжайы: Ресей Федерациясы, 634040, Томск облысы,

Томск қ., Ивановск к-сі, 8 үй, тел. (3822) 63-37-34.

Тіркеу куәлігінің иесі

«Микроген» ҒӨБ ФМУК Ресей ДС министрлігі, Ресей Федерациясы

Казақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы: «Нестеренко Н.А.» ЖК, Қазақстан Республикасы, 050000, Алматы қ., Фурманов к-сі, 128 үй, оф. 16,

тел. /факс (727) 2796659, e-mail: ip_n_nesterenko@list.ru.