Лактинет®-Рихтер (Desogestrel)

• русский
• қазақша

• Скачать инструкцию медикамента

Саудалық атауы

Лактинет® -Рихтер

Халықаралық патенттелмеген атауы

Дезогестрел

Дәрілік түрі

Үлбірлі қабықпен қапталған 0,075 мг таблеткалар

Құрамы

Бір таблетканың құрамында

белсенді зат - 0,075 мг дезогестрел,

қосымша заттар: -токоферол толық рацематы, сусыз коллоидты кремнийдің қостотығы, стеарин қышқылы, повидон К30, картоп крахмалы, лактоза моногидраты,

қабығының құрамы: Опадрай II қызғылт 85F28751: тальк, макрогол 3000, титанның қостотығы (Е171), поливинил спирті.

Сипаттамасы

Дөңгелек, екі жағы дөңес, ақ немесе дерлік ақ түсті үлбірлі қабықпен қапталған, бір жақ бетінде «D» таңбасы және басқа жақ бетінде «75» таңбасы бар диаметрі шамамен 5.5 мм таблеткалар.

Фармакотерапиялық тобы

Жыныс гормондары және жыныс жүйесінің модуляторлары. Жүйелі пайдалануға арналған гормональді контрацептивтер. Прогестагендер. Дезогестрел

АТХ коды G03AC09

Фармакологиялық қасиеттері

Фармакокинетикасы

Сіңуі

Ішке қабылдаған кезде дезогестрел тез сіңеді және этоногестрелге метаболизденеді, ол дезогестрелдің биологиялық тұрғыдан белсенді метаболиті болып табылады. Таблетканы қабылдағаннан кейін 1,8 сағаттан (Tmax) соң қан сарысуында ең жоғары орташа концентрацияға жетеді. Этоногестрелдің биожетімділігі - 70%.

Таралуы

Этоногестрел қан плазмасы ақуыздарымен, негізінен, альбуминмен және аз дәрежеде жыныс гормондарымен байланысатын глобулинмен (ЖГБГ) 95,5-99%-ға байланысады.

Метаболизмі

Дезогестрел гидроксилдену және дегидрогенация арқылы белсенді метаболит этоногестрелге метаболизденеді. Этоногестрел сульфаттық және глюкуронидтік конъюгаттар түзу арқылы метаболизденеді.

Шығарылуы

Этоногестрелдің орташа жартылай шығарылу кезеңі 30 сағатқа жуық; Тұрақты концентрация (steady state) 4-5 күн ішінде анықталады. Этоногестрелдің плазмалық клиренсі сағатына 10 л-ге жуықты құрайды. Этоногестрел және оның метаболиттері несеппен және нәжіспен бірге (1,5:1 арақатынаста) бос стероидтар және конъюгаттар түрінде шығарылады. Этоногестрел емшек сүтімен бірге 0,37-0,55 сүт/плазма арақатынасымен бөлініп шығады. Осы деректердің негізінде этоногестрелдің нәрестенің организміне түсуінің болжамды мөлшері, сүттің дене салмағының әр кг-на шаққандағы мөлшері күніне 150 мл болғанда, 0,01-0,05 микрограмм құрайды.

Фармакодинамикасы

Лактинет® - Рихтер құрамына тек прогестаген (дезогестрел) ғана кіретін контрацептив болып табылады. Препарат емшек емізу кезеңінде қолдануға, сондай-ақ эстрогендерді қабылдай алмайтын, немесе қабылдағысы келмейтін әйелдерге өте қолайлырақ. Препараттың контрацептивтік әсер ету механизмі, негізінен, овуляцияның тежелуі есебінен жүреді, бұл аналық бездерді ультрадыбыстық әдіспен зерттеу арқылы, сондай-ақ етеккір оралымының екінші сатысында және етеккір оралымының ортасында ЛГ ең жоғары шегінде прогестеронның жоғарыламауымен дәлелденген. Дезогестрел жоғарыда аталған әсерлерінен басқа, жатыр мойнының шырышты қабығы бөлінділерінің тұтқырлығын арттыру қасиеті бар.

2 цикл ішінде жүргізілген зерттеулер барысында (мұнда 5 күн қатарынан прогестерон деңгейінің 16 нмоль/л-ден жоғары болуы овуляцияның айғағы саналды) овуляция жиілігі 1%-дан аспады, дезогестрелді 2 цикл бойы тоқтатқаннан кейін (56 күн қатарынан), орта есеппен, овуляция 7-30 күннен кейін (орта есеппен 17 күннен кейін) байқалды.

Препарат қабылдай бастаған топта тиімділігіне жүргізілген салыстырмалы зерттеулер (ұмытып қабылдауды өткізіп алған таблеткаларды тиісті қабылдау уақытынан кейін ең жоғары дегенде 3 сағаттан соң қабылдау) деректері бойынша Перл индексінің мәні дезогестрел үшін 0.4 құрады. Дезогестрел үшін Перл индексі біріктірілген пероральді контрацептивтердің Перл индексімен ұқсас болды. Препаратты қабылдау эстрадиол деңгейінің ерте фолликулярлы фазаға сәйкес келетін мәнге дейін төмендеуіне әкелді. Көмірсу алмасуына, сондай-ақ липидтік алмасуға және гемостазға клиникалық тұрғыдан маңызды әсері байқалған жоқ.

Қолданылуы

- пероральді контрацепцияда

Қолдану тәсілі және дозалары

Таблеткаларды қабылдауды етеккір оралымының алғашқы күнінен бастап күніне бір таблеткадан бастайды, таблеткаларды қабылдау аралығы 24 сағатты құрауы үшін, мүмкіндігінше, белгілі бір уақытта, қаптамасында көрсетілген бағытта, қажеттілігі бойынша аздаған сұйықтық мөлшерімен жалғастырады. Бұл препаратты қабылдау үзілісті қажет етпейді. Әрбір келесі қаптаманы мұның алдындағыны аяқтағаннан кейін бірден бастаған жөн.

Препаратты алғаш қабылдау.

Мұның алдындағы айда пероральді түрде қабылданатын контрацептивтерді қолданбаған әйелдер:

Алғашқы таблетканы қабылдауды табиғи етеккір оралымының алғашқы күнінен бастаған жөн (алғашқы күн етеккірлік қан кетудің алғашқы күні болып табылады). Таблеткаларды қабылдауды етеккір оралымының 2-5-ші күнінен бастап қабылдауға болады, бірақ алғашқы оралымда таблетканы қабылдаудың алғашқы 7 күні ішінде контрацепцияның бөгеттік әдістерін қолдану керек.

Біріктірілген оральді басқа контрацептивтен (БОК) Лактинет® - Рихтерге ауысатын әйелдер:

Препаратты қабылдауды БОК-ің белсенді таблеткаларын қабылдағаннан кейін келесі күні бастаған жөн. Мұндай жағдайда контрацепцияның қосымша әдістерін қолданудың қажеті жоқ.

Құрамында прогестаген ғана (мини-пили, инъекциялар, имплантаттар немесе прогестаген бөліп шығаратын ұрықтануға қарсы жатырішілік дәрілер) бар монокомпонентті препараттардан ауысатын әйелдер:

мини-пили қабылдаудан ауысқан кезде препаратты қабылдауды кез келген күні бастауға болады; инъекция жағдайында – кезекті инъекция жасалатын күні; имплантат жағдайында – оны алып тастағаннан кейінгі күні.

Барлық аталған жағдайларда алғашқы 7 күн ішінде контрацепцияның бөгеттік әдістерін қолдану керек.

Препаратты жүктіліктің алғашқы триместріндегі аборттан кейін қабылдау:

Препаратты жүктіліктің алғашқы триместріндегі аборттан кейін қабылдауды аборттан кейін бірден бастау керек, және де бұл жағдайда қосымша контрацепциялық әдістерді қолданудың қажеті жоқ.

Препаратты босанғаннан кейін немесе жүктілікті екінші триместрінде тоқтатқан соң қабылдау:

Препаратты қабылдауды босанғаннан кейін немесе екінші триместрде жүктілікті тоқтатқаннан кейінгі 21-28-ші күні бастауға болады. Егер препаратты қабылдауды кеш бастау керек деп шамаланса, онда алғашқы 7 күн бойы контрацепцияның бөгеттік тәсілдерін пайдалану қажет. Бұдан басқа, егер препаратты қолдануды бастар алдында жыныстық қатынас болып қойса, онда препаратты қабылдауды бастардан бұрын қайтадан жүктіліктің бар-жоқтығын анықтау немесе препаратты келесі етеккірдің алғашқы күні қабылдауға көшу керек.

Қабылданбаған (ұмытылған) таблеткалар.

Контрацептивтік қорғаныс, егер екі таблетканы қабылдау арасындағы уақыт 36 сағаттан асса, төмендеуі мүмкін. Егер таблетканы ұмытып өткізіп алғаннан кейінгі уақыт 12 сағаттан аспаса, әйел ұмытып қабылданбай қалған таблетканы, есіне түсіру бойына бірден қабылдауы тиіс, келесі таблетканы әдеттегі уақытта қабылдағаны жөн. Егер таблетканы ұмытып өткізіп алғаннан кейінгі уақыт 12 сағаттан асса, әйел келесі 7 күн ішінде контрацепцияның қосымша әдістерін қолдануы тиіс. Егер таблетканы қабылдау препаратты қабылдаудың алғашқы аптасында ұмытылса және мұның алдындағы 7 күн ішінде жыныстық қатынас болған болса, онда жүкті болу мүмкіндігін жоққа шығаруға болмайды.

Құсқан жағдайда жасалатын шаралар.

Егер таблетканы қабылдағаннан кейін 3-4 сағат ішінде құсатын болса, онда таблетка толық сіңбейді. Мұндай жағдайда таблеткаларды ұмытып қабылданбай қалған жағдайдағыдай әрекет жасаған жөн. Егер пациент препаратты қабылдаудың әдеттегідей режимінен ауытқығысы келмесе, онда қажетті таблетканы (қажетті таблеткаларды) басқа қаптамадан толықтырған жөн.

Жағымсыз әсерлері

Жиі (≥1/100)

- акне

- көңіл-күйдің өзгеруі, депрессивтік күй

- либидоның төмендеуі

- сүт бездерінің ауыруы

- етеккірдің бұзылулары, жүйесіз қан бөлінділері, аменорея

- бас ауыру

- дене салмағының ұлғаюы

- жүрек айнуы

Жиі емес (≥1/1000 – < 1/100)

- алопеция

- жанаспалы линзалар киюдің жақпаушылығы

- қажығыштық

- қынаптың инфекциялық аурулары, вагинит

- дисменорея, аналық без кистасы

- құсу

Сирек (<1/1000)

- терінің қызаруы, есекжем, түйінді эритема, бөртпе, уртикарлы бөртпе

- сүт бездерінен бөлінділердің бөлінуі, эктопиялық жүктілік

- ангионевроздық ісінудің пайда болуы және/немесе туа біткен ангионевроздық ісінудің асқынуы

Қолдануға болмайтын жағдайлар

- препарат компоненттерінің қандай да болсын біреуіне жоғары сезімталдық

- артериялық немесе көктамырлық тромбоз (тереңдегі көктамыр тромбозы, өкпе тромбоэмболиясы, миокард инфарктісі, қантамыр-ми шабуылдары)

• артериялық тромбозға бейім ететін жағдайлар (стенокардия, өткінші ишемиялық ұстама)

• бауырдың ауыр сипатты ауруларында бауыр функцияларының көрсеткіштері қалыпқа келгенше

• бауырдың қатерсіз немесе қатерлі ісіктері

• жыныс ағзаларының немесе сүт бездерінің гормонға тәуелді қатерлі ісігі

• этиологиясы белгісіз қынаптық қан кету

• жүктіліктің бар болуы немесе оған күдіктену

- галактозаның жақпаушылығы, Лапп лактаза жеткіліксіздігі немесе глюкоза-галактоза мальабсорбциясы

Дәрілермен өзара әрекеттесуі

Гормональді контрацептивтер мен басқа да дәрілік заттар арасында өзара әрекеттесу лақылдап қан кетудің және/немесе контрацептивтік препарат тиімсіздігінің пайда болуына әкелуі мүмкін.

Бауырдағы метаболизмі: микросомальді ферменттерді (мысалы, гидантоиндар сияқты (мысалы, фенитоин), барбитураттарды (мысалы, фенобарбитал), примидон, карбамазепин және рифампицин) индукциялайтын дәрілік заттармен өзара әрекеттесу пайда болуы мүмкін, бұл жыныс гормондары клиренсінің жоғарылауына әкелуі мүмкін. Бұдан басқа, окскарбазепинмен, топираматпен, фелбаматпен, ритонавирмен, нелфинавирмен, гризеофульвинмен және құрамында Шілтерлі шайқурай (Hypericum perforatum) бар препараттармен өзара әрекеттесуі мүмкін. Ферменттердің ең жоғары индукциясы кем дегенде 2-3 аптадан кейін білінеді және емдеуді тоқтатқаннан кейін 4 аптаға дейін сақталуы мүмкін. Басқа фермент-индукциялаушы препараттар қабылдап жүрген әйелдерге, контрацепцияның қосымша бөгеттік әдістерін немесе контрацепцияның гормональді емес басқа әдісін уақытша пайдалану керек. Жоғарыда аталған препараттарды Лактинет® - Рихтермен бір мезгілде қолданғанда контрацепцияның бөгеттік әдісін емнің бүкіл курсы бойы және емдеуді аяқтағаннан кейін 7 күн бойы пайдалану керек (рифампицин үшін – 28 күн).

Антибиотиктер (мысалы ампициллин және тетрациклин) ұрықтануға қарсы пероральді дәрілердің тиімділігін төмендетеді (өзара әрекеттесуі механизмі анықталған жоқ).

Белсендірілген көмір қабылдағанда таблеткадағы стероидтардың сіңуі төмендеуі мүмкін – демек, контрацепцияның тиімділігі де төмендейді.

Гормональді контрацептивтер басқа дәрілік заттардың метаболизміне ықпалын тигізуі мүмкін. Тиісінше, қан плазмасында және тіндерде олардың концентрациялары өсуі де (мысалы, циклоспорин), сонымен қатар төмендеуі де мүмкін.

Айрықша нұсқаулар

Егер төмендегі қауіп жағдайларының/факторларының кез келгені байқалса, контрацептивті қолданудың күтілетін артықшылықтары мен ықтимал қаупін мұқият таразылау қажет, және мұны препаратты тұтынушымен талқылау керек. Егер препаратты қабылдау кезінде төменде аталған қауіп жағдайлары/факторларының кез келгені пайда болса, күшейсе немесе өзгерсе, әйелдің мұны дәрігерге дереу айтуы керек екендігін алдын ала ескерту қажет. Осыдан кейін дәрігер препарат қабылдауды әрі қарай жалғастыруға қатысты мәселені шешуі тиіс.

Медициналық тексерулер

Осы препаратты тағайындағанға дейін толық медициналық сыртартқы жинау және жүктіліктің бар-жоқтығын анықтау үшін пациентке мұқият гинекологиялық тексеру жүргізу керек. Олигоменорея және аменорея сияқты етеккір оралымындағы бұзылуларды емдеуді ертерек қарастырған жөн. Зерттеулер арасындағы аралық әрбір жеке жағдайдағы жекелей ерекшеліктерге байланысты (тексеру мерзімі – жылына кем дегенде 1 рет). Егер тағайындалған препарат пациенттің жасырын немесе нақты ауруына потенциалды түрде ықпалын тигізетін болса, бақыланатын тексерулерді дер кезінде жүргізу қажет.

Сүт безінің обыры

Сүт безі обырының пайда болу қаупі жас ұлғайған сайын өседі. Пероральді контрацептивтерді (ОК) қолдану кезеңінде сүт безі обырының анықталу қаупі аздап жоғары. Бұл жоғары қауіп ОК қабылдауды тоқтатқаннан кейінгі 10 жыл ішінде біртіндеп төмендейді, ол контрацептивтерді қолдану ұзақтығымен емес, ОК қабылдап жүрген әйелдің жасына байланысты. Құрамында тек гестаген ғана бар пероральді контрацептивтерді қолданып жүрген әйелдердегі қаупі біріктірілген пероральді контрацептивтерді пайдаланған кездегі осындайға ұқсас.

Бауыр ісіктері

Бауыр функциясының жедел немесе созылмалы бұзылуларында әйелдерді тиісті маманға тексерілуге және кеңес алуға жіберген жөн. Прогестагеннің бауыр обырының туындауына биологиялық әсерін жоққа шығаруға болмайтындықтан, бауыр обырына шалдыққан әйелдерде «пайда/қаупі» арақатынасына жекелей баға берген жөн.

Лактинет® - Рихтер препаратының АИТВ-инфекциялардан (ЖИТС) және жыныстық жолмен жұғатын басқа да аурулардан қорғай алмайтындығынан әйелдерді хабардар ету қажет.

Қант диабеті

Препаратты қант диабеті бар науқастар қабылдаған кезде қан глюкозасына мұқият мониторинг жүргізу керек, өйткені құрамына прогестаген ғана кіретін монокомпонентті контрацептивтерді қабылдап жүрген, қант диабеті бар науқастарды емдеуді өзгерту қажеттілігін дәлелдейтін айғақтар жоқ болса да, прогестагендер инсулинге шеткергі төзімділікке және глюкозаға толеранттыққа әсер етуі мүмкін.

Көктамырлық тромбоэмболиялық аурулар, терең көктамырлар тромбозы, өкпе эмболиясы

Эпидемиологиялық зерттеулер ұрықтануға қарсы біріктірілген дәрілерді қолдану мен көктамырлық тромбоэмболиялық аурулар (КТЭ, терең көктамырлар тромбозы, өкпе тромбоэмболиясы) жиілігінің жоғарылауы арасында байланыс бар екендігін көрсетті. Эстрогендік компонентсіз контрацептивтерде пайдаланылатын дезогестрелге қатысты осы мәлімдемелердің клиникалық маңызы белгісіз болса да, тромбоз пайда болған жағдайда (мысалы, кеудеде түсініксіз ауыру, ентігу, әдеттен тыс жөтел, аяқтардың біреуінде қатты ауыру немесе ісіну пайда болғанда), препарат қабылдауды тоқтату қажет. Хируругиялық операция немесе ауру салдарынан ұзақ уақыт төсекке таңылған жағдайда Лактинет® - Рихтер препаратын қолданудан бас тартқан жөн. Сыртартқысында тромбоэмболиялық асқынулары бар әйелдер болуы мүмкін асқынулардан хабардар болуы тиіс.

Хлоазмалар

Кездейсоқ жағдайларда, ең алдымен, егер сыртартқыда жүктілік хлоазмасы жағдайы бар болса – оральді контрацептивтерді қабылдау кезінде хлозма пайда болуы мүмкін; хлоазманың пайда болу қаупін күнге күюге немесе ультракүлгін сәуле қабылдауға жол бермеу арқылы азайтуға болады.

Артериялық гипертензия

Егер Лактинет® - Рихтер препаратын қабылдағанда тұрақты артериялық гипертензия пайда болса, немесе егер аздап жоғарылаған артериялық қысым гипотензивтік емге жауап ретінде төмендемесе, Лактинет® - Рихтер препаратын қабылдауды тоқтатқан жөн.

Жатырдан тыс жүктіліктен қорғау

Құрамына прогестаген ғана кіретін препаратты қабылдағанда жатырдан тыс жүктіліктен қорғану нәтижесі біріктірілген контрацептивтерді қабылдағанға қарағанда аздау, бұл құрамына тек прогестаген (дезогестрел) ғана кіретін препараттарды қабылдағанда овуляцияның жиі туындауынан деп шамаланады. Лактинет®-Рихтердің біртіндеп овуляцияны төмендететіндігіне қарамастан, егер препарат қабылдап жүрген әйелде аменорея орын алса немесе іш тұсында ауыру пайда болса, дифференциальді диагностика көзқарасы тұрғысынан жатырдан тыс жүктіліктің болуы мүмкін екендігіне көңіл аудару керек.

Ұрықтануға қарсы әсердің төмендеуі

Ұрықтануға қарсы әсері препаратты жүйесіз қолданғанда, асқазан-ішек бұзылуларында, немесе өзара әрекеттесетін препараттарды қолданғанда төмендейді.

Етеккір оралымы реттелуінің бұзылуы

Құрамына тек прогестаген ғана кіретін препараттарды қабылдау кейбір әйелдерде қан аралас бөлінділердің бөлінуін жиілетуі мүмкін, немесе етеккірге ұқсас қан кету ұзақтығы артады, сондай-ақ кейде ғана пайда болатын қан кету орын алуы мүмкін немесе препаратты қабылдау барысында қан кету тіпті пайда болмауы мүмкін. Егер қан кету жүйесіз болса және өте жиі байқалса, контрацепцияның басқа әдісін пайдалану мүмкіндігін қарастырған жөн. Егер бұл симптомдар жоғалмаса, органикалық себептерінің бар-жоқтығын анықтау қажет.

Аменореяда таблетканы қабылдау кезіндегі әсері таблетканың нұсқаулыққа сай қабылданған-қабылданбағанына байланысты болады, және жүктілікке тест жүргізу де қамтылуы мүмкін. Жүктілік басталған жағдайда препарат қабылдауды тоқтатқан жөн.

Фолликулалардың дамып жетілуі

Барлық төмен дозалы гормональді контрацептивтерді қабылдаған кезде фолликулалардың дамуы жүреді, кейде фолликула өлшемі қалыпты оралымдағы осындайдан асатын өлшемге жетуі мүмкін. Жалпы алғанда, ұлғайған фолликулалар кездейсоқ жоғалады. Бұл көбіне симптомсыз өтеді; кейбір жағдайларда іштің төменгі жағында жеңіл ауырсыну байқалады.

Зертханалық тесттер

Біріктірілген пероральді контрацептивтер үшін алынған деректер, гормональді контрацептивтерді қолдану белгілі бір зертханалық талдамалар нәтижелеріне, бауыр, қалқанша без, бүйрекүсті безі және бүйрек функциясының биохимиялық көрсеткіштерін қоса есептегенде, сарысудағы (тасымалдаушы) ақуыздардың концентрацияларына, мысалы, кортикостероидтарды байланыстыратын глобулинге, липидтер/липопротеиндердің фракцияларына, көмірсу алмасудың көрсеткіштеріне және қанның ұюының көрсеткіштеріне және фибринолизге ықпалын тигізуі мүмкін екендігін көрсетті. Әдетте, өзгерулер қалыпты мәндер шегінде қалады.

Сүйек тінінің минералды тығыздығы

Лактинет®-Рихтер препаратын қабылдау эстрадиолдың қан сарысуындағы концентрациясының ерте фолликулярлы сатыдағыға сәйкес деңгейге дейін төмендеуіне әкеледі. Бұл төмендеудің сүйек тінінің минералды тығыздығына қандай да болсын клиникалық тұрғыдан маңызды ықпал ететін-етпейтіндігі күні бүгінге дейін белгісіз.

Жүктілік кезінде де, сондай-ақ стероидық жыныстық гормондарды пайдаланған кезде де прогестагендерді қолданумен байланысы анықталмаған келесі аурулар тіркелді: сарғаю және/немесе холестазбен байланысты қышыну; өт қалтасында тастардың түзілуі; порфирия; жүйелік қызыл жегі, гемолиздік-уремиялық синдром; Сиденгам хореясы; жүкті әйелдердегі герпес; отосклерозға байланысты естімей қалу; (тұқым қуалайтын) ангионевротикалық ісіну.

Лактоза жақпайтын жағдайда, Лактинет® - Рихтердің әрбір таблеткасының құрамында 67,445 мг лактоза бар екендігін есте ұстау керек. Тұқым қуалайтын галактоза жақпаушылығынан, Лапп лактаза жеткіліксіздігінен немесе глюкоза-галактоза мальабсорбиясынан зардап шегіп жүрген пациенттердің Лактинет® - Рихтер препаратын қабылдауына болмайды.

Жүктілік және лактация кезеңі

Ауқымды эпидемиологиялық зерттеулер барысында жүкті болғанға дейін оральді контрацептивтерді қабылдаған әйелдерден туған балаларда туа біткен кемістіктердің жоғары қаупі де, не жүктіліктің ерте мерзімдерінде контрацептивтерді әдейі емес пайдаланған жағдайда тератогендік әсері де байқалған жоқ. Егер Лактинет® - Рихтер препаратын қабылдау кезеңінде жүктілік басталса, оны қабылдауды дереу тоқтатқан жөн.

Лактинет® - Рихтер емшек сүтінің түзілуіне және оның сапасына ықпалын тигізбейді. Дезогестрел метаболиті - этоногестрелдің аздаған мөлшері ана сүтімен бірге бөлініп шығады. Осының салдарынан нәрестенің дене салмағының әр кг-на шаққанда күніне 0,01-0,05 микрограмм этоногестрел нәрестенің организміне енуі мүмкін (сүт мөлшері күніне 150 мг/кг болғанда). 7 айлық бақылаудың деректері бойынша, емшек еметін нәрестелерге оның қаупі байқалған жоқ. Қолда бар деректер лактация кезінде препараттың қолданылуы мүмкін екендігі жөнінде қорытынды жасауға мүмкіндік береді. Дегенмен, баланың дамуы мен өсуін қадағалап отыру қажет.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препарат көлікті басқару қабілетіне және қозғалыстағы механизмдермен жұмыс жасауға ықпалын тигізбейді немесе елеусіз ықпалын тигізеді.

Артық дозалануы

Симптомдары: жүрек айнуы, құсу, жас қыздарда аздаған қынаптық қан кету.

Емдеу: симптоматикалық. Өзіне тән ерекше у қайтарғысы жоқ.

Шығарылу түрі және қаптамасы

28 таблеткадан ПВХ/ПВДХ үлбірден және алюминий фольгадан жасалған пішінді ұяшықты қаптамаға салынған. Әрбір пішінді ұяшықты қаптама алюминий фольгадан жасалған ламинацияланған пакетке салынады.

1 немесе 3 пішінді ұяшықты қаптама картон футлярымен және медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамада, құрғақ және жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші ұйымның атауы және елі

«Гедеон Рихтер» ААҚ, Венгрия

1103 Будапешт, Дёмрёи көшесі, 19-21, Венгрия

Тіркеу куәлігі иесінің атауы және елі

«Гедеон Рихтер» ААҚ, Венгрия

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

«Гедеон Рихтер» ААҚ ҚР өкілдігі

E-mail: info@richter.kz

Телефон: 8-(7272)-58-26-22, 8-(7272)-58-26-23