Курантил®N 25

• русский
• қазақша

• Скачать инструкцию медикамента

Саудалық атауы

Курантил® N 25

Халықаралық патенттелмеген атауы

Дипиридамол

Дәрілік түрі

Үлбірлі қабықпен қапталған 25 мг таблеткалар

Құрамы

Бір таблетканың құрамында

белсенді зат – 25 мг дипиридамол бар,

қосымша заттар:

ядроның құрамы: жүгері крахмалы, лактоза моногидраты, натрий крахмалы гликоляты (А типі), желатин, коллоидты сусыз кремнийдің қостотығы, магний стеараты;

қабықтың құрамы: гипромеллоза, тальк, макрогол 6000, титанның қостотығы (Е171), хинолинді сары (Е104), симетикон эмульсиясы.

Сипаттамасы

Жалпақ цилиндр пішінді, жайпақ дерлік параллельді беткейлерімен, сары түсті дөңгелек, үлбірлі қабықпен қапталған таблеткалар.

Фармакотерапиялық тобы

Антикоагулянттар. Гепариннен басқа, тромбоциттер агрегациясының тежегіштері. Дипиридамол.

АТХ коды В01А С07

Фармакологиялық қасиеттері

Фармакокинетикасы

Ішу арқылы қабылданғаннан кейін дипиридамол асқазан-ішек жолында тез сіңеді (көп бөлігі — асқазанда және ішінара — жіңішке ішекте).

Ішу арқылы қабылдағаннан кейін дипиридамол плазмада ең жоғары концентрациясына 1 сағаттан соң жетеді. Дипиридамол плазма ақуыздарымен түгел дерлік байланысады. Ол жүректе және эритроциттерде жиналады, ал бауырда глюкурон қышқылымен байланысу арқылы метаболизденеді. Жартылай шығарылу кезеңі – 20–30 минут құрайды. Дипиридамол моноглюкуронид түрінде өтпен бірге шығарылады.

Фармакодинамикасы

Курантил® N 25 тромбоциттердің агрегациясын тежейтін әсер көрсетеді және микроайналымды жақсартады. Препараттың қантамырды кеңейтетін жеңіл әсері бар.

Дипиридамолдың тромбоциттердің агрегациясын тежейтін әсер ету механизмі, аденозиннің сіңуінің тежелуімен (тромбоциттер реактивтілігінің тежегіші болып табылатын), тромбоциттер фосфодиэстеразасының тежелуімен немесе простациклиннің босап шығуының (PGI2) стимуляциясымен байланысты болуы мүмкін.

Дипиридамол аденозиннің сіңуін эндотелиялық жасушалар, эритроциттер және тромбоциттермен тежейді; Дипиридамолды қабылдағаннан кейін, аденозиннің қандағы жоғары концентрациясы байқалған, олармен қамтамасыз етілетін тромбоциттердің агрегациясы және тромбтардың түзілуі азайған. Одан басқа аденозиннің қантамырларын кеңейтетін әсері күшейген.

Фосфодиэстераза ферменті тромбоциттердегі циклдік аденозинмонофосфаттың (ц-АМФ) агрегациясының тежелуін бұзады. Дипиридамол оларда ц-АМФ-ның жинақталуына әкелетін тромбоциттердің фосфодиэстеразасын тежейді.

Қолданылуы

- мидың қан айналымы бұзылуының ишемиялық түрін емдеу және алдын алуда

- артериялық және көктамырлық тромбоздардың, сондай-ақ олардың асқынуының алдын алуда

- жүрек клапандарын протездеу операциясынан кейін тромбоэмболияның алдын алуда

Қолдану тәсілдері және дозасы

Егер басқаша тағайындалмаса, онда дозасына байланысты келесі нұсқаулар арқылы әрекет етеді:

Тромбоциттердің агрегациясын азайту үшін, бірнеше қабылдауға бөлінетін, тәулігіне 75–225 мг дипиридамолды (үлбірлі қабықпен қапталған 3-9 таблетка Курантил® N 25) қабылдау ұсынылады. Ауыр жағдайларда дозаны тәулігіне 600 мг дипиридамолға дейін арттыруға болады.

Ми қан айналымының бұзылуын емдеу және алдын алу Курантил® N 25 3 таблеткасын күніне 3-6 рет (225–450 мг дипиридамол) қабылдау ұсынылады. Дипиридамолдың ең жоғары дозасы тәулігіне 450 мг аспауы керек (үлбірлі қабықпен қапталған 18 таблетка Курантил® N 25 сәйкес келеді).

Емдеуді біртіндеп өсіп отыратын дозадан бастаған және үлбірлі қабықпен қапталған таблетканы ашқарынға, шайнамай және сындырмай, сондай-ақ сұйықтықпен ішіп қабылдаған жөн.

Емдеу ұзақтығын және дозасын әр адамға жекелей қажеттілігіне және жағымдылығына қарай анықтаған жөн.

Курантил® N 25 препаратымен емдеуді ұзақ уақыт жүргізуге болады.

Жағымсыз әсерлері

Курантил® N 25 препаратын емдік дозаларда қабылдаған кезде туындайтын жағымсыз реакциялар, әдетте әлсіз және өтпелі болады.

Кейде

- құсу, іш өту, жүректің айнуы

- бас айналу, бас ауыру (шығу тегі тамырлық бас ауыруын қоса) және бұлшықеттердің ауыруы (әдетте бұл жағымсыз әсерлер Курантил® N 25 препаратын ұзақ қолданған кезде жоғалады)

Сирек

- жоғары сезімталдық реакциялары, тез қайтатын тері бөртпесі, есекжем түріндегі

Жекелеген жағдайларда

-хирургиялық араласым кезінде немесе одан кейін қан кетуге бейімділік жоғарылауы мүмкін

- жүректің ишемиялық ауруларының асқынуы

- стенокардия

- миокард инфарктісі

Жиілігі белгісіз

- эпигастриядағы ауыру

- жүректің қағуы, тахикардия, брадикардия, бетке «қан тебу», коронарлық жоғалту синдромы (тәулігіне 225 мг-дан жоғары дозаны қолданғанда).

- тромбоцитопения, тромбоциттердің функциональдік қасиетінің өзгеруі, қан кетуге бейімділіктің жоғарылауы

- әлсіздік, құлақтың бітелу сезімі, бастағы шуыл, артрит, ринит

- Курантил®N 25 жоғарғы дозаларында болуы мүмкін қантамырларын кеңейтетін әсерінің нәтижесінде, әсіресе басқа қантамырлық препараттарды қабылдайтын емделушілерде гипотензияны, ысыну сезімін және тахикардияны туындатуы мүмкін

- дипиридамолдың өт қалтасы тастарының құрамына енуі мүмкіндігі көрсетілген.

Қолдануға болмайтын жағдайлар

- жақын арада бастан кешкен миокард инфарктісі

- тұрақсыз стенокардия

- кеңінен таралған коронарлы артериялардың тарылтатын атеросклерозы

- субаортальді стеноз

- жүректің декомпенсацияланған жеткіліксіздігі

- артериялық гипотензия, коллапс

- жүрек ырғағының ауыр бұзылулары

- геморрагиялық диатездер

- қан кетуге бейімділікпен аурулар (асқазанның және 12-елі ішектің ойық жара ауруы және т.б.)

- препарат компоненттерінің кез келген біреуіне жоғары сезімталдық

- балаларға және 18 жасқа дейінгі жасөспірімдерге

- лактация кезеңі

Дәрілермен өзара әрекеттесуі

Ксантин туындылары (мысалы, кофеде және шайда болады) Курантил® N 25 препаратының қантамырларды кеңейтетін әсерін әлсіретуі мүмкін.

Курантил® N 25 препаратын және антикоагулянттарды немесе ацетилсалицил қышқылын немесе клопидогрельді бір мезгілде қолданған кезде соңғысының тромбозға қарсы қасиеттері күшейетіндігін ескеру қажет.

Егер Курантил® N 25 ацетилсалицил қышқылымен немесе антикоагулянттармен бір мезгілде қолданылса, аталған дәрілік заттардың сыйымсыздығы мен қаупі туралы ақпаратты ескеру ұсынылады.

Дипиридамол гипотензиялық препараттардың әсерін күшейтуі мүмкін.

Дипиридамол холинэстераза тежегіштерінің холинергиялық қасиеттерін бәсеңдетуі мүмкін.

Антацидтерді қолдану Курантил® N 25 тиімділігін төмендетуі мүмкін.

Β-лактамды антибиотиктер, тетрациклин мен хлорамфеникол дипиридамолдың әсерін күшейтеді.

Дипиридамол аденозиннің қан плазмасындағы концентрациясын арттырады және оның қантамырларын кеңейтетін әсерін күшейтеді. Дипиридамолмен бірге қолдануға нақты қажеттілік болған жағдайда, аденозиннің дозасын түзету керек. Дипиридамол сондай-ақ флударабиннің сіңуін басуы және оның тиімділігін төмендетуі мүмкін.

Дипиридамол дигоксиннің сіңуін аздап арттыруы мүмкін.

Айрықша нұсқаулар

Жүктілік

Курантил®N 25 жүктілік кезінде қолдану қауіпсіздігі анықталмаған, сондықтан емделуші үшін күтілетін пайдасы ұрық үшін мүмкін болатын қаупінен жоғары болған жағдайларды қоспағанда, әсіресе бірінші триместрінде, препаратты жүктілік кезінде қолдануға болмайды,

Курантил® N 25 препаратын құрамында лактоза болғандықтан туа біткен сирек кездесетін галактозаны көтере алмаушылықпен, лактаза тапшылығымен немесе глюкоза-галактозаның мальабсорбциясы синдромымен емделушілерге тағайындауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Курантил® N 25 препаратын дұрыс қолданғанның өзінде көлікті жүргізу және машиналармен қызмет көрсету қабілетіне жанама әсер етуі мүмкін, өйткені қан қысымының төмендеуі нәтижесінде реакцияның өзгеруі байқалуы мүмкін.

Артық дозалануы

Симптомдары: гипотониямен қатар жүретін, жалпы вазодилатация, стенокардияға тән шағымдар, тахикардия, ыстықтау сезімі, беттің қызаруы, әлсіздік және бас айналу, мазасыздық.

Емі: ішу арқылы қабылдаудан уыттанғанда симптоматикалық терапия:

- уытты қайтару (асқазанды шаю, құстыру)

- сіңуін азайту шаралары

Курантил® N 25 препаратының кеңейткіш әсерін аминофиллинді көктамыр ішіне баяу (60 секунд ішінде 50-100 мг) енгізу арқылы қайтаруға болады. Егер осыдан кейін стенокардиямен байланысты шағымдар сақталатын болса, онда тілдің астына нитроглицеринді қабылдауға болады.

Шығарылу түрі және қаптамасы

120 таблеткадан полиэтилен тығынмен жабылған, сыйымдылығы 30 мл түссіз шыны құтыға салынған.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°C-ден аспайтын температурада сақтау керек!

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Қаптаушы ұйым

Менарини - Фон Хейден ГмбХ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

ҚР-дағы «Берлин-Хеми АГ» АҚ өкілдігі

Тел: +77272446183, 2446184, 2446185

Факс:+7 727 2446180

Электронды поштасы: Kazakhstan@berlin-chemie.com