Куплатон (Silicones)

КУПЛАТОН

Диметикон

Дәрілік түрі, дозасы

Ішуге арналған тамшылар 300 мг/мл, 30 мл

Ас қорыту жолы және зат алмасу. Функционалдық асқазан-ішек бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған басқа препараттар. Силикондар.

АТХ коды A03AX13

- балалар мен ересектерде АІЖ-да газдардың шамадан тыс түзілуі мен жиналуын симптоматикалық емдеу;

- құрсақ қуысы және/немесе ішек ағзаларын тексеруге дайындық кезінде көмекші құрал ретінде.

Қолданудың басталуына дейін қажетті мәліметтер тізбесі

Әсер етуші зат диметиконға немесе препараттың кез келген басқа компоненттеріне жоғары сезімталдық. Ішек бітелісі, обструктивті сипаттағы асқазан-ішек аурулары.

Қолдану кезіндегі қажетті сақтандыру шаралары

Арнайы сақтық шаралары қажет емес.

Басқа дәрілік препараттармен өзара әрекеттесуі

Алюминий гидроксиді мен магний карбонаты бар антацидтер силикондарды сіңіреді және диметиконның тиімділігін төмендетуі мүмкін. Диметикон варфарин мен дигоксиннің сіңірілуін арттыруы мүмкін.

Арнайы сақтандырулар

Педиатрияда қолдану

Препарат педиатриялық тәжірибеде қолданылады.

Жүктілік немесе лактация кезінде

Бұл мәселе бойынша жануарларға және адамдардың қатысуымен бақыланатын зерттеулер жүргізілген жоқ. Диметикон ас қорыту жолынан сіңірілмейді, плацентарлы тосқауыл арқылы және емшек сүтіне енбейді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Куплатон көлік құралдарын басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

1 мл (35 тамшы) құрамында 300 мг диметикон бар.

Симптоматикалық емдеу.

Ересектерге: сұйықтықтың аз мөлшерімен араластыра отырып, іштің кебуі кезінде тәулігіне 4 рет 5 тамшыдан.

10 жастан асқан балаларға: сұйықтықтың аз мөлшерімен араластыра отырып, іштің кебуі кезінде тәулігіне 4 рет 5 тамшыдан.

6 жастан 10 жасқа дейінгі балаларға: сұйықтықтың аз мөлшерімен араластыра отырып, тәулігіне 4 рет 4 тамшыдан.

Нәрестелер мен 6 жасқа дейінгі балалар: бөтелкеде балалар тағамымен немесе тамақтану кезінде сұйықтықтың аз мөлшерімен араластыра отырып, тәулігіне 4 рет 1-ден 3 тамшыға дейін.

Нәрестелер: шаншуды емдеу үшін әр тамақтанар алдында сұйықтықтың аз мөлшерімен 4 тамшыны араластырады.

Құрсақ қуысы және/немесе ішек ағзаларын тексеруге дайындық

Ересектерге: сұйықтықтың аз мөлшерімен араластыра отырып, зерттеу жүргізгенге дейін 2-3 күн бұрын тәулігіне 4 рет 12 тамшыдан.

10 жастан асқан балаларға: сұйықтықтың аз мөлшерімен араластыра отырып, зерттеу жүргізгенге дейін 2-3 күн бұрын тәулігіне 4 рет 12 тамшыдан

Енгізу әдісі мен жолы

Пероральді. Қолданар алдында шайқау керек.

Емдеу ұзақтығы

Шағымдардың болуына байланысты және дәрігермен жеке анықталады. Қажет болса, препаратты ұзақ уақыт қабылдауға болады.

Артық дозалану жағдайында қабылдау қажет болатын шаралар

Артық дозалану жағдайлары туралы хабарланбаған.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қолдану тәсілін түсіндіру үшін медициналық қызметкер кеңесіне жүгініңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар.

Белсенді зат диметикон асқазан-ішек жолынан сіңірілмегендіктен және өзгермеген түрде шығарылатындықтан, жағымсыз реакциялардың ықтималдығы екіталай.

Жағымсыз реакциялар жиілігінің сандық белгілері және жағымсыз реакцияларды жүйелік-ағзалық жіктеуге және олардың туындау жиілігіне сәйкес жіктеу (Жағымсыз құбылыстардың жиілігін анықтау келесі белгілерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Сирек: жүрек айну, іштің ауыруы, іш кебу сезімі, ұйқының бұзылуы, әлсіздік, бөртпе

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препарат құрамы

Бір мл (бір мл = 35 тамшы) құрамында:

әсер етуші зат: диметикон 300 мг

қосымша заттар: сусыз коллоидты кремнийдің қостотығы, сорбин қышқылы, натрий сахарині, тазартылған су, глицерил моностеараты, полиоксиэтилен 100 стеараты.

Сыртқы түрінің, иісінің, дәмінің сипаттамасы

Ақ немесе сарғыш түсті эмульсия.

Шығарылу түрі және қаптамасы

30 мл препараттан полиэтиленнен жасалған саптамасы және полиэтилен немесе полипропиленнен жасалған қақпағы бар полиэтилен құтыға салынады. 1 құтыдан картон қорапта медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Құтыны ашқаннан кейін 3 ай ішінде қолдану керек.

Жарамдылық мерзімі өткеннен кейін қолдануға болмайды!

25 ºС-ден аспайтын температурада жарықтан қорғалған жерде сақтау керек. Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Орион Корпорейшн

Волттикату 8, 70701, Куопио, Финляндия

Тел: +358 10 4261

Факс +358 10426 38 15

Тіркеу куәлігінің ұстаушысы

Орион Корпорейшн

Орионинтие 1, 02200 Эспоо, Финляндия

Тел: +358 10 4261

Факс +358 10426 38 15

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ORION PHARMA EAST (ОРИОН ФАРМА ИСТ)» ЖШС

050000, Алматы қ., Төле би к-сі, 69 үй, 19 кеңсе.

Тел.: 8 (727) 272-61-10, 272-61-11

Факс: 8(727) 272-62-09

Электронды пошта: kz.drugsafety@orionpharma.com