Ксилазол

Ксилазол

Жоқ

Мұрынға арналған спрей, 0.5 мг/50 мг/мл, 1 мг/50 мг/мл

1 мл препараттың құрамында

белсенді заттар: ксилометазолин гидрохлориді 0,5 мг немесе 1,0 мг, декспантенол 50 мг

қосымша заттар: динатрий гидрофосфат гептагидраты, натрий дигидрофосфат моногидраты, бензалконий хлориді, тазартылған су.

Мөлдір, түссіз ерітінді

Респираторлық жүйе. Мұрынға арналған препараттар. Жергілікті қолдануға арналған деконгестанттар мен мұрынға арналған басқа препараттар. Симпатомиметиктер, біріктірілімдер, кортикостероидтарды қоспағанда.

АТХ коды R01АВ

Фармакокинетикасы

Ксилометазолин жергілікті қолданғанда іс жүзінде сіңірілмейді, плазмадағы концентрациясының аздағы соншалық, оларды заманауи талдау әдістерімен анықтау мүмкін емес.

Декспантенол жергілікті қолданғанда теріге жылдам сіңіріледі және плазма ақуыздарымен (ең бастысы β-глобулинмен және альбуминмен) байланысатын пантотен қышқылына айналады. Оның қандағы концентрациясы 0,5-1 мг/л, қан сарысуында – 100 мкг/л құрайды. Пантотен қышқылы организмде метаболизмге ұшырамайды (Ко-A қосылғаны болмаса), өзгермеген түрде шығарылады.

Фармакодинамикасы

Ксилометазолин α-адреномиметикалық белсенділігі бар жергілікті тамыр тарылтатын дәрілердің (деконгестанттар) тобына жатады, мұрын қуысы шырышты қабығы қантамырларының тарылуын туындатады, мұрын жолдарының өткізгіштігін қалпына келтіреді, мұрынмен дем алуды жеңілдетеді. Препарат, әдетте оны қолданғаннан кейін бірнеше минуттан соң әсер ете бастайды және ол 10 сағатқа дейін созылады.

Декспантенол – В тобының дәрумені – пантотен қышқылының туындысы. Шырышты қабықтар регенерациясын көтермелейді, жасушалық метаболизмді қалыпқа түсіреді, митозды жеделдетеді және коллаген талшықтарының беріктігін арттырады. Регенерациялайтын, метаболизмдік және әлсіз қабынуға қарсы әсер етеді.

- ринит құбылыстары бар жедел респираторлық ауруларда (жедел аллергиялық ринит, вазомоторлық ринит), синусит, ортаңғы отит кезінде (мұрын-жұтқыншақ шырышты қабығының ісінуін азайту үшін біріктірілген емнің құрамында), риноскопия жүргізуді жеңілдету үшін, мұрын қуысындағы хирургиялық араласудан кейін мұрынмен дем алудың бұзылуын қалпына келтіру үшін.

Мұрын ішіне қолдануға арналған.

Ксилазол, мұрынға арналған спрей, 0.5 мг/50 мг

Препаратты 2 жастан 6 жасқа дейінгі балаларда күніне 3 реттен асырмай, әрбір мұрын жолына бір бүркуден қолданады. Дозасы жеке сезімталдық және клиникалық реакцияға байланысты болады.

Ксилазол, мұрынға арналған спрей, 1 мг/50 мг

Препаратты ересектерде және 6 жастан асқан балаларда күніне 3 реттен асырмай, әрбір мұрын жолына бір бүркуден қолданады. Дозасы жеке сезімталдық және клиникалық реакцияға байланысты болады.

Ксилазол 7 күннен артық қолданбаған жөн, бірнеше күн үзілістен кейін ғана қайталап қолдануға болады. Балаларда қолдану ұзақтығына қатысты дәрігермен кеңесу қажет.

Қолдану тәсілі: бүріккіш құрылғысы бар қорғаныш қалпақшасын алу керек. Спрейді алғаш қолданар алдында біркелкі тозаңдануы пайда болғанша бүріккіш қондырғыны бірнеше рет басу керек, одан кейін пайдаланғанда құты бірден қолдануға дайын болады.

Қолданар алдын мұрын жолдарын тазартып, бүріккіш құрылғыны мұрын жолына енгізу керек, құтыны тігінен ұстаған дұрыс. Бүрку кезінде мұрынмен ішке тартып жеңіл дем алу ұсынылады. Қолданғаннан кейін бүріккіш құрылғыны сүртіп, қорғаныш қалпақшасын кигізіп қояды.

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ <1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес).

Тыныс алу жүйесі тарапынан: өте сирек – уақытша жеңіл тітіркену (мұрын шырышты қабығының ашуы немесе құрғауы), препараттың әсері төмендегенде шырышты қабық ісінуінің күшеюі (реактивті гиперемия), мұрыннан қан кету.

Жүйке жүйесі тарапынан: өте сирек – бас ауыру, мазасыздық, ұйқысыздық, шаршау (ұйқышылдық).

Жүрек-қантамыр жүйесі тарапынан: сирек – жүректің қағуы, жүрек ырғағының жиілеуі және артериялық қысымның жоғарылауы; өте сирек – аритмия.

Тірек-қимыл аппараты тарапынан: өте сирек – құрысулар (әсіресе балаларда).

Иммун жүйесі тарапынан: жиі емес – аса жоғары сезімталдық реакциялары (бөртпе, қышыну, терінің және шырышты қабықтың ісінуі).

Жиі және/немесе ұзақ қолданғанда – мұрын-жұтқыншақ шырышты қабығының тітіркенуі және/немесе құрғауы, күйдіру, шаншу, түшкіру, гиперсекреция, аллергиялық реакциялар, мұрын шырышты қабығының ісінуі, құсу, бас ауыруы, құрғақ ринит, жүрек қағуын сезіну, артериялық қысымның жоғарылауы, ұйқысыздық, көрудің бұзылуы, депрессия (жоғары дозаларды ұзақ қолданған кезде).

- препарат компоненттеріне жоғары сезімталдық

- құрғақ ринит

- ми қабығына хирургиялық араласулар (анамнезде)

- 2 жасқа дейінгі балалар (балаларға арналған мұрынға арналған спрейі үшін);

- 6 жасқа дейінгі балалар (мұрынға арналған спрей үшін).

Препаратты МАО тежегіштерімен, транилципроминмен немесе трициклді антидепрессанттармен бір мезгілде қабылдау осы препараттардың жүрек-қантамыр жүйесіне әсер етуі салдарынан артериялық қысымның артуына әкелуі мүмкін.

Сақтықпен қолданылады:

- МАО тежегіштерін, трициклді антидепрессанттар немесе артериялық қысымды арттыратын басқа дәрілік заттарды қабылдаған кезде;

- көзішілік қысым жоғарылағанда, әсіресе жабық бұрышты глаукома кезінде;

- жүрек-қантамыр жүйесінің ауыр бұзылулары кезінде (мысалы, коронарлық аурулар, артериялық гипертензия, тахикардия);

- феохромоцитомада;

- зат алмасудың бұзылулары кезінде (мысалы, гипертиреоз, диабет);

- порфирия кезінде;

- ұйқы безі гиперплазиясы кезінде.

Жүктілік және лактация кезеңінде қолдану

Ксилометазолинді аталған топ пациенттеріне қолдану туралы деректер жоқ болғандықтан, Ксилазолды жүктілік кезеңінде қолдану ұсынылмайды.

Ксилометазолиннің емшек сүтімен бөлінетіндігі белгісіз, сондықтан Ксилазолды лактация кезінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұзақ қолданғанда немесе жоғары дозаларда, жүрек-қантамыр және орталық жүйке жүйесіне әсерін қоса, Ксилазолдың жүйелік әсерін жоққа шығаруға болмайды. Мұндай жағдайларда автокөлік жүргізу және механизмдерді басқаруға қабілеттілік бұзылуы мүмкін, сондықтан сақтық танытқан немесе қауіптілігі зор қызмет түрлерін орындаудан бас тартқан жөн.

Артық дозалану немесе кездейсоқ пероральді қолданған жағдайларда мынадай симптомдар туындауы мүмкін: қарашықтың тарылуы (миоз), қарашықтың кеңеюі (мидриаз), жүрек айну, құсу, цианоз, қызба, құрысулар, тахикардия, жүрек ырғағының бұзылуы, қантамырлық жеткіліксіздік, жүректің тоқтап қалуы, гипертензия, өкпе ісінуі, тыныс алу функциясының бұзылуы, елестеулер.

Пациенттерде ұйқышылдықпен, дене температурасының төмендеуімен, брадикардиямен, шокпен, тыныс алудың тоқтап қалуы және комамен қатар жүретін орталық жүйке жүйесінің бәсеңдеу симптомдары пайда болуы мүмкін.

Емі: белсендірілген көмір қолдану, асқазанды шаю, өкпені оттегімен желдету. Артериялық қысымды төмендету үшін 5 мг фентоламинді 0,9% натрий хлориді ерітіндісінде вена ішіне баяу енгізу жолымен немесе 100 мг фентоламинді пероральді тағайындайды. Тамыр тарылтатын препараттарды қолдануға болмайды. Қажет болғанда қызуды түсіретін және құрысуға қарсы дәрілерді қолданады.

Шығарылу түрі және қаптамасы

10 мл препараттан кіріктірілген бүріккіш құрылғысы мен қорғаныш қалпақшасы бар сары түсті шыны құтыларға салынады.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

25 С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Құтыны ашқаннан кейін 12 апта ішінде қолдану керек.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

“WORLD MEDICINE İLAÇ SAN. VE TİC. А.Ş.”, TURKEY

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

«УОРЛД МЕДИЦИН ЛТД», ГРУЗИЯ

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, ҚР, Алматы қ., Түрксіб ауданы, Сүйінбай даңғ., 222 Б

Тел/факс: 8 (7272) 529090

www.worldmedicine.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«TROKA-S PHARMA» ЖШС, ҚР, Алматы қ., Сүйінбай даңғ., 222 Б

Ұялы тел +7 701 786 33 98, (24 сағат бойы).

е-mail: pvpharma@worldmedicine.kz