Ксалатан®
Инструкция
-
русский
-
қазақша
Саудалық атауы
Ксалатан®
Халықаралық патенттелмеген атауы
Латанопрост
Дәрілік түрі
Көз тамшы дәрісі 0,005%, 2.5 мл
Құрамы
1мл ерітіндінің құрамында
белсенді зат - 50 мкг латанопрост,
қосымша заттар: натрий хлориді, натрий дигидрофосфаты моногидраты, сусыз натрий гидрофосфаты, бензалконий хлоридінің 50 % сулы ерітіндісі, инъекцияға арналған су.
Сипаттамасы
Мөлдір түссіз ерітінді
Фармакотерапиялық тобы
Глаукомаға қарсы препараттар мен миотиктер. Простагландин аналогтары. Латанопрост.
АТХ коды S01EЕ01
Фармакологиялық қасиеттері
Фармакокинетикасы
Сіңірілуі
Латанопрост мөлдір қабық арқылы сіңіріледі, ол жерде күрделі изопропил эфирі түрінде (белсенді емес түрі) эстеразалардың көмегімен қышқылға дейін гидролизденеді, ол биологиялық белсенді түрі болып табылады. Латанопрост көзішілік сұйықтықтағы ең жоғарғы концентрациясына жергілікті қолданғаннан кейін шамамен екі сағаттан соң жетеді.
Биожетімділігі
Препарат ең алдымен көздің алдыңғы камерасында, конъюнктивада және көз айналасында таралады. Препараттың тек азғантай ғана бөлігі көздің артқы камерасына жетеді. Латанопросттың адамдағы таралу көлемі 0.16±0.02 л/кг тең. Латанопрост қышқылы бастапқы төрт сағат ішінде көзішілік сұйықтықта, ал плазмада тек жергілікті қолданғаннан кейін алғашқы сағат ішінде анықталады.
Метаболизмі
Изопропил-латанопрост мөлдір қабық эстеразаларымен биологиялық белсенді қышқылға дейін гидролизденеді. Латанопросттың белсенді қышқылы жүйелі айналымға сіңе отырып, бауырға түседі және онда май қышқылдарының β-тотығуы жолымен 1,2- динор- және 1,2,3,4-тетранор метаболиттер түзе отырып метаболизденеді.
Шығарылуы
Латанопрост қышқылының плазмадан шығарылуы көктамыр ішіне енгізгеннен кейін де, жергілікті қолданғаннпан кейін де жылдам. Латанопрост қышқылының жартылай шығарылу кезеңі (t1/2) 17 минутты құрайды. Жүйелік клиренсі шамамен 7 мл/мин/кг тең. Бауырдағы β-тотығудан кейін метаболиттері негізінен бүйрек арқылы шығарылады. Несепте жергілікті немесе көктамыр ішіне қолданғаннан кейін қабылданған дозасының сәйкесіше 88% немесе 98%-ға жуығы анықталады.
Балалар 0,005% латанопросты 2 апта бойы күн сайын әр көзге бір тамшыдан қабылдаған гипертензиясы және глаукомасы бар балалардың қатысуымен жүргізілген клиникалық фармококинетикалық зерттеуде, латанопрост қышқылының плазмадағы жүйелі экспозициясы ересектерге қарағанда 3 жастан 12 жасқа дейінгі балаларда шамамен екі есе жоғары, ал 3 жасқа толмаған балаларда - 6 есе жоғары болды, бірақ бұл кезде препараттың жүйелі жағымсыз әсерлерінің туындауы үшін кең емдік ауқымы сақталған («Артық дозалануы» бөлімін қараңыз). Қан плазмасындағы ең жоғарғы концентрациясына жету уақыты педиатриялық топтардың барлығында дозалағаннан кейін 5 минутты құраған. Қан плазмасынан жартылай шығарылуының орташа кезеңі қысқа (<20 минут) және ересектердегі сияқты болған және тепе-теңдік жағдайында үлкен қанайналым шеңберінде латанопрост қышқылының жинақталғаны байқалмаған.
Фармакодинамикасы
Латанопрост (Ксалатан® препаратының белсенді заты) - простагландин F2α аналогы, простагландиндік FP рецепторларды іріктеп қөтермелейді және көзішілік сұйықтықтың увеосклеральді ағып шығуын арттыру есебінен, сондай-ақ трабекулярлық желі арқылы көзішілік қысымды төмендетеді.
Көзішілік қысымның төмендеуі препаратты енгізгеннен кейін шамамен 3-4 сағаттан соң басталады; ең жоғарғы әсері 8-12 сағаттан соң білінеді. Гипотензиялық әсері 24 сағат бойы жалғасады. Латанопрост сулы ылғалдың өніп шығуына елеулі әсер етпейді және гематоофтальмиялық бөгетке әсер етпейді.
Қысқа мерзімді емдеу кезінде латанопрост псевдофакия кезінде флюоресцеиннің көздің артқы сегментіне енуін туғызбайды. Емдік дозаларда қолданылғанда латанопрост жүрек-қантамыр және тыныс алу жүйесіне елеулі фармакологиялық әсер етпейді.
Педиатриядағы тиімділігі
Ксалатанның® тиімділігі клиникалық зерттеулерде көзішілік гипертензиясы және глаукомасы бар балаларда қолданғандағы тимололмен салыстырылған. Барлық зерттелген жас тобындағыларда (1-ден <3 жасқа дейін, 3-тен <12 жасқа дейін және 12-ден 18 жасқа дейінгі жас шамасындағылар) көзішілік қысымның (КІҚ) 12-нші аптадағы бастапқы көрсеткішінен орташа төмендеуі латанопростпен және тимололмен емделген топтарда ұқсас болған. 0-ден <1 жасқа дейінгі жас тобындағыларда емделушілер саны аз болғандықтан (4 емделуші) сәйкесінше тиімділігі анықталмаған. Шала туған нәрестелердегі (гестациялық жасы <36 аптаны құраған) тиімділігі туралы мәліметтер жоқ.
Бастапқы туа біткен глаукомасы/сәбилер глаукомасы (БТГ) бар балалардағы КІҚ төмендеуі латанопрост тобы мен тимолол тобында бірдей болды. Науқастардың БТГ-емес (мысалы, ювенильді ашық бұрышты глаукомасы, афакиялық глаукомасы бар) және БТГ тобындағы нәтижелер ұқсас болған.
Ксалатанның® КІҚ төмендетудегі тиімділігі емдеудің бірінші аптасынан кейін біліне бастаған және ересектердегі сияқты, 12 апталық зерттеу бойына сақталған.
Қолданылуы
- ашық бұрышты глаукомасы, созылмалы жабық бұрышты глаукомасы және көз гипертензиясы бар емделушілерде көзішілік қысымның жоғарылауын төмендету үшін
- көзішілік қысымы жоғары және глаукомасы бар балаларда көзішілік қысымның жоғарылауын төмендету үшін
Қолдану тәсілі мен дозалары
Ересектер (егде жастағы науқастарды қоса)
Зақымдалған көзге тәулігіне бір рет бір тамшыдан.
Оңтайлы әсеріне Ксалатанды® кешке қолданғанда қол жеткізіледі.
Ксалатанды® қолдану жиілігі тәулігіне бір реттен аспауы тиіс, өйткені жиірек қолданғанда препараттың тиімділігі төмендейтіні анықталған.
Егер бір дозасы жіберіліп алса, онда ары қарай емдеуді келесі дозасын әдеттегідей енгізе отырып жалғастыру керек.
Ксалатанды® КІҚ төмендетуге арналған басқа көз тамшы дәрілерімен бір мезгілде қолдануға болады. Егер жергілікті офтальмологиялық ерітінді біреуден артық пайдаланылса, дәрілерді кемінде бес минут айырмашылықпен қабылдау керек.
Айрықша нұсқаулар
Балалар
Препаратты ересектерге арналғандағыдай дозада қолданады.
Препараттың шала туған балалардағы (гестациялық жасы 36 аптадан аз) тиімділігі туралы мәліметтер жоқ, 1 жасқа толмаған сәбилердегі тиімділігі туралы мәліметтер шектеулі.
Жағымсыз әсерлер
Клиникалық зерттеулерде препаратпен байланысты болған жағымсыз құбылыстар:
- көздің тітіркенуі (күйдіру, түйіршіктену, қышынуы, шаншуды және бөгде дене тұрғандай сезіну), блефарит, конъюнктива гиперемиясы, көздің ауыруы, нұрлы қабық пигментациясының жоғарылауы («Айрықша нұсқаулар» бөлмін қараңыз), уақытша нүктелік эпителиальді эрозиялар, қабақтың ісінуі
- тері бөртпесі
Маркетингтен кейінгі бақылау кезінде төмендегі жағымсыз құбылыстар туралы хабарланды:
- бас айналуы, бас ауыруы
- мөлдір қабықтың ісінуі және эрозиялары; конъюнктивит; кірпіктер мен үлпек шаштардың өсуінің өзгеруі (ұзаруы, қалыңдауы, пигментация мен олардың санының артуы); көздің нұрлы қабығының қабынуы/ увеит; кератит; кистозды макулярлық ісінуді қоса макулярлық ісіну; кейде көздің тітіркенуіне алып келетін кірпіктердің дұрыс емес бағытта өсуі; көрудің бұлыңғырлануы, жарықтан қорқу, қабақта іздердің түзілуіне алып келетін периорбитальді өзгерістер («Айрықша нұсқаулар» бөлімін қараңыз)
- демікпе (соның ішінде, жедел ұстамалары немесе сыртартқысында бронх демікпесі бар емделушілердегі аурудың өршуі), ентігу
- қабақ терісінің қараюы және қабақтағы жергілікті тері реакциялары
- бұлшықеттердің/буындардың ауыруы
- кеуденің атиптік ауыруы
- герпестік кератит
Балалардағы клиникалық зерттеулердегі жағымсыз құбылыстар
93 бала қатысқан клиникалық зерттеулерде (≤12 апта) қауіпсіздік профилі ересектердегі қауіпсіздік профиліне ұқсас болды және ешқандай жағымсыз әсерлері идентификацияланған жоқ. Қысқа мерзімде қолданғандағы қауіпсіздік профильдері балалардың зерттелген түрлі қосалқы топтарында да ұқсас болған. Балаларда ересектерге қарағанда жиірек байқалған жағымсыз әсерлер назофарингит пен қызба болды.
Қолдануға болмайтын жағдайлар
- латанопростқа немесе препараттың кез-келген компонентіне жоғары сезімталдық
Дәрілермен өзара әрекеттесуі
Простагландиндердің екі аналогын бір мезгілде жергілікті қолданғаннан кейін КІҚ парадоксальді жоғарылағаны туралы хабарланған. Осылайша, екі немесе одан да көп простагландинді, простагландиндердің аналогтарын немесе көз тамшы дәрісі түріндегі простагландиндер туындыларын бір мезгілде қолдану ұсынылмайды.
Балалар
Балаларда дәрілік өзара әрекеттесуіне зерттеулер жүргізілмеген.
Айрықша нұсқаулар
Ксалатанның® құрамында бензалконий хлориді бар, ол жанаспалы линзаларға сіңірілуі мүмкін. Көз тамшы дәрісін тамызар алдында жанаспалы линзаларды шешіп алу керек, ал оларды тек тамызғаннан кейін 15 минуттан соң ғана салуға болады.
Ксалатан® нұрлы қабықтың пигментациясын күшейтуі мүмкін, бұл нұрлы қабық арқауының меланоциттеріндегі меланин құрамын арттырудың есебінен көз түсінің біртіндеп өзгеруімен қатар жүреді. Әдетте қарашық маңында орналасқан қоңыр пигментация, орталық тұрғыдан шеткерірек таралады және нұрлы қабық түгелімен және оның бір бөлігі қанық қоңыр түске боялуы мүмкін. Нұрлы қабық түсінің өзгеруі көп жағдайларда баяу дамиды және клиникалық тұрғыдан елеусіз қалуы мүмкін. Бір немес екі көздің түсінің өзгеруі көбінесе нұрлы қабығының түсі аралас, негізгі түсі қоңыр науқастарда анықталады. Клиникалық зерттеулер барысында трабекулярлық желіде немесе көздің алдыңғы камерасының қандай-да бір басқа бөлігінде пигменттің жинақталуы анықталмаған. Препарат нұрлы қабықтың невустарына әсер етпейді; трабекулярлық желіде немесе көздің алдыңғы камерасында пигменттің жинақталуы клиникалық сынақтар барысында білінген жоқ.
Нұрлы қабық пигментациясы дәрежесін анықтауда 5 жылдан астам уақыт бойы пигментация күшеюінің жағымсыз салдарлары тіпті латанопростпен емдеуді жалғастырғанда да анықталмаған. Емделушілерде КІҚ төмендеу дәрежесі нұрлы қабық пигментациясының болуына немесе болмауына байланыссыз бірдей болды. Сәйкесінше, латанопростпен емдеуді нұрлы қабық пигментациясы жағдайларында да жалғастыруға болады. Мұндай емделушілер жүйелі бақылауда болуы тиіс, клиникалық жағдайларға байланысты емдеуді тоқтатуға болады.
Нұрлы қабық пигментациясының күшеюі әдетте емдеуді бастағаннан кейінгі алғашқы жыл ішінде, сирек – екінші немес үшынші жыл бойына байқалады, төрт жыл емдегеннен кейін бұл әсер байқалмайды. Пигментацияның үдеу жылдамдығы уақыт өте келе төмендейді және 5 жылдан соң тұрақтанады. Емдеуді тоқтатқаннан кейін нұрлы қабықтың қоңыр пигментациясының күшейгені білінген жоқ, алайда көз түсінің өзгеруі қайтымсыз болып шығуы мүмкін.
Латанопростты қолдануға байланысты көз айналасы терісінің қарайған жағдайлары сипатталған, ол қайтымды болуы мүмкін.
Ксалатан® ұзару, жуандау, пигментация күшеюі, қалыңдығының артуы және кірпіктердің өсу бағытының өзгеруі сияқты кірпіктер мен үлпек шаштардың біртіндеп өзгеруін тудыруы мүмкін. Кірпіктердің өзгерістері қайтымды болып табылады және емдеуді тоқтатқаннан кейін басылады.
Тамшыларды тек бір көзіне қолданған емделушілерде гетерохромия дамуы мүмкін.
Латанопростпен емдеуге байланысты макулярлық ісіну, соның ішінде кистозды макулярлық ісіну жағдайлары байқалған. Бұл жағдайлар негізінен афакиясы, көз бұршағының артқы капсуласының жарылуымен псевдофакиясы бар емделушілерде, макулярлық ісінудің даму қаупі факторлары белгілі емделушілерде орын алған. Сондықтан бұл емделушілерге препаратты сақтықпен қолдану керек.
Ксалатанның® қабынбалы неоваскулярлық глаукомада қолданылғаны туралы мәліметтер шектеулі. Соған сәйкес, Ксалатанды® бұл жағдайларды сақтықпен қолдану ұсынылады.
Препаратты демікпесі бар науқастарда қолдану тәжірибесі шектеулі. Демікпенің өршіген және ентігудің кейбір жағдайлары туралы хабарланған. Сондықтан демікпесі бар науқастарға препаратты сақтықпен қолдану қажет.
Ксалатан® сыртартқысында герпестік кератиті бар науқастарда сақтықпен қолданылуы тиіс және препараттың Herpes simplex туғызған кератит жағдайларында және әсіресе сыртартқысында простагландиндердің аналогтарымен байланысты қайталанған герпестік кератиті болған емделушілерге қолданылуын болдырмау қажет.
Балаларда қолданылуы
<1 жастан асқан (4 емделуші) жас тобындағылардағы тиімділігі мен қауіпсіздігі жөніндегі мәліметтер тым шектеулі. Шала туған нәрестелерде қолданылуы жөніндегі мәліметтер (гестациялық жасы 36 аптадан аз құрайтын) жоқ. Бастапқы туа біткен глаукома басым 0-ден 3 жасқа дейінгі балаларда, бірінші кезектегі емдеу жолы хирургиялық араласу (мысалы, трабекулотомия/гониотомия) болып қала береді.
Балаларда ұзақ уақыт қолданудың тиімділігі әлі анықталмаған.
Жүктілік және лактация кезеңі, фертильділік
Жүкті әйелдердің қатысуымен талапқа сай бақыланатын зерттеулер жүргізілген жоқ. Препаратты жүктілік кезінде тек ана үшін ықтимал пайдасы ұрық үшін болуы мүмкін қауіптен асатын жағдайларда ғана тағайындау керек.
Ксалатанның® белсенді заты мен оның метаболиттері ана сүтіне өтуі мүмкін, сондықтан Ксалатанды® бала емізетін әйелдерге қолданбаған дұрыс немесе бала емізу тоқтатылуы тиіс.
Жануарларға зерттеу жүргізгенде латанопросттың ерлер мен әйелдердегі фертильділікке ешқандай әсері байқалмаған.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көз тамшы дәрісін қолдану бірнеше минут бойы өткінші "көз алдының кіреукелену" сезімін туғызуы мүмкін. Бұл әсері басылғанша емделушілер автокөлік басқармауы немесе күрделі техниканы пайдаланбауы керек.
Артық дозалануы
Симптомдары: көздің тітіркенуі және конъюнктивалық гиперемия.
Латанопростты кездейсоқ ішке қабылдаған жағдайда 5 мл құтыда 250 мкг латанопрост болатынын, 90%-дан астамы бауыр арқылы бірінші өтуінде метаболизденетінін білген дұрыс. Дені сау еріктілерге жасалған 3 мкг/кг дозадағы көктамырішілік инфузиясы ешқандай симптомдар туғызбаған, бірақ 5,5–10,0 мкг/кг дозасын енгізу жүрек айнуына, іштің ауыруына, бас айналуына, қатты қажуға, ысынулар мен қатты тершеңдікке алып келген. Латанопросттың жеті еселік емдік дозасы көз тамшы дәрісі түрінде қолданылғанда орташа дәрежелі бронх демікпесі бар емделушілерде бронх түйілуін индукцияламаған.
Артық дозаланған кездегі емі: симптоматикалық.
Шығарылу түрі мен қаптамасы
Тамшылатқыш-ұштығы, ақ түсті бұралатын ішкі қалпақшасы және бірінші ашылуы бақыланатын мөлдір сыртқы қалпақшасы бар мультидозалы мөлдір полиэтилен құтыларда 2.5 мл препараттан.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
2° С-ден 8° С-ге дейінгі температурада сақтау керек.
Құтыны ашқаннан кейін 4 апта ішінде пайдаланады, 25° C-ден аспайтын температурада сақтайды.
Құтыны күн сәулесінің тікелей түсуінен қорғау үшін қаптамалық қорапта сақтайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші және қаптаушы
Пфайзер МФГ, Бельгия Н.В.,
Рийксвег 12
B-2870 Пюрс, Бельгия
Тіркеу куәлігінің иесі
Пфайзер Эйч Си Пи Корпорэйшн, АҚШ
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«Пфайзер Эйч-Си-Пи Корпорэйшн» компаниясының өкілдігі (АҚШ) Алматы қ., Абылай хан д-лы, 141
тел. (727) 272-27-01, 250-09-16
факс (727) 272-04-06