Кордиамин (250 мг/мл)

Кордиамин

Никетамид

Инъекцияға арналған ерітінді, 250 мг/мл, 1 мл, 2 мл

1 мл препараттың құрамында

белсенді зат – никотин қышқылының диэтиламиді (никетамид) (100% шаққанда) 250 мг

қосымша зат: инъекцияға арналған су.

Өзіне тән иісі бар түссіз немесе аздап боялған мөлдір сұйықтық

Тыныс алу ағзаларының ауруларын емдеуге арналған басқа да препараттар. Тыныс алу орталығы стимуляторлары. Никетамид.

АТХ коды R07AB02

Фармакокинетикасы

Енгізу жолына қарамай-ақ жақсы сіңіріледі. Бауырда, негізінен бүйрек арқылы шығарылатын, белсенді емес метаболиттердің түзілуімен жылдам биотрансформацияға ұшырайды.

Фармакодинамикасы

Аналептикалық әсерге иеленген. Орталық жүйке жүйесін ынталандырады: сопақша мидың тамыр қозғалтқыш орталығына қоздыратын әсер етеді (әсіресе осы орталықты бәсеңдеткенде), сол арқылы жүйелік артериялық қысымның жоғарылауына әкеледі. Синокаротидтік рефлексогендік аймақтың хеморецепторларына ынталандырушы әсер ету есебінен тыныс алу орталығын қоздырады, ол тыныс алу қозғалысы жиілігі мен тереңдігінің артуына әкеледі. Препарат жүрекке тікелей ынталандыратын әсерге және ынталандыратын тамыр тарылту әсеріне тікелей иеленбеген.

- коллапста

- инфекциялық аурулар кезінде тыныс алуды және қанайналымды бәсеңдетуде

- хирургиялық операциялық араласулар кезінде және операциядан кейінгі кезеңдегі шок жағдайында

- жаңа туған нәрестелердің асфиксиясында

Ересектерге тері астына, бұлшықет ішіне, вена ішіне тәулігіне 1-3 рет 1-2 мл дозада; балаларға – тері астына, жасына қарай, 0,1-0,75 мл дозада енгізеді. Вена ішіне баяу енгізеді.

Кордиаминнің теріастылық және бұлшықетішілік инъекциясы ауыртатын болғандықтан, жағдайға байланысты инъекция орнында ауыруды бәсеңдету үшін алдын ала новокаин (1 мл 0,5% ерітінді) енгізеді.

Ересектерге арналған жоғарғы доза тері астына: бір реттік – 2 мл, тәуліктік – 6 мл.

Ас қорыту жүйесі тарапынан: құсу.

Жүйке жүйесі тарапынан: мазасыздық, үрейлену, бұлшықеттердің тартылуы (ауыз айналасының бұлшықетінен басталатын), тонусты-клонустық құрысулар.

Тері жабыны тарапынан: тері жабынының қышынуы, бет гиперемиясы.

Жүрек-қантамыр жүйесі тарапынан: жүрек ырғағының бұзылуы.

Иммундық жүйе тарапынан: аллергиялық реакциялар.

Басқалары: енгізілген жердегі инфильтрация және ауыруы.

- никетамидке немесе препараттың басқа компоненттеріне аса жоғары сезімталдық

- эпилепсия

- тонусты-клонустық құрысулар ұстамасы, құрысу шегінің төмендеуі, құрысулар (соның ішінде анамнезде)

- балалардағы гипертермия

- жүктілік, лактация кезеңі

Кордиаминнің құрысу әсерін резерпин күшейтеді, тыныс алу орталығына қатысты қоздыратын әсері наркозға арналған заттармен басылады, препараттың әсерін пара-аминосалицил қышқылы (ПАСҚ) және салюзид азайтады, аналептикалық әсердің және құрысу әсерінің бәсеңдеуіне аминазин және басқа фенотиазин туындылары әкеледі.

Психостимуляторлардың және антидепрессанттардың әсерлерін күшейтеді. Есірткілік аналгетиктердің, ұйықтататын, нейролептиктердің, транквилизаторлардың, құрысуға қарсы дәрілердің, анксиолитиктердің әсерлерін төмендетеді.

Кордиаминмен емдеу ұзақтығын дәрігер-маман әр пациент үшін жеке белгілейді.

Жүктілік және емшек емізу кезеңінде қолданылуы

Препаратты жүктілік және лактация кезінде пайдалану қауіпсіздігі туралы нақты деректер жоқ. Осы препаратты жүктілік және емшек емізу кезінде қолдану ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезеңінде автокөлікті басқарудан және жоғары зейін қою мен психомоторлық реакциялардың жылдамдығын талап ететін қауіптілігі зор қызмет түрлерімен айналысудан аулақ болу керек.

Артық дозалану симптомдары: дозаға тәуелді жағымсыз әсерлер айқындығының күшеюі, жайылған тонусты-клонустық құрысулар.

Симптоматикалық ем (соның ішінде құрысуға қарсы дәрілік препараттар).

Шығарылу түрі және қаптамасы

Бейтарап шыныдан жасалған ампулаларда 1 мл-ден немесе 2 мл-ден.

5 ампуладан поливинилхлоридті үлбірден немесе полиэтилентерефталатты таспадан және алюминий фольгадан немесе фольгасыз немесе қағазсыз полиэтилен жабындысы бар қағаздан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен және ампулаларды ашуға арналған пышақ немесе ампулалық скарификаторды картон қорапшаға салынған.

Сындыруға арналған сақинасы немесе сындыру нүктесі бар ампулаларды қаптау кезінде ампулаларды ашуға арналған пышақ немесе ампулалық скарификатор салынбайды.

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы.

«Новосибхимфарм» ААҚ

630028, Ресей, Новосібір қаласы, Декабристер көшесі, 275

тел. (383) 363-32-44,

факс (383) 363-32-55.

«Новосибхимфарм» ААҚ, Ресей

630028, Ресей, Новосібір қаласы, Декабристер көшесі, 275

тел. (383) 363-32-44,

факс (383) 363-32-55.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Валента Азия» ЖШС, Алматы қ-сы, Абай д-лы, Радостовец көшесінің қиылысы, 151/115,

«Алатау» бизнес орталығы, № 1102-кеңсе

Тел./факс 8727 334-15-52, E-mail: asia@valentapharm.com