Корвазан (12.5 мг)

• русский
• қазақша

• Скачать инструкцию медикамента

Саудалық атауы

КОРВАЗАН

Халықаралық патенттелмеген атауы

Карведилол

Дәрілік түрі

Қабықпен қапталған 12.5 мг, 25 мг таблеткалар

Құрамы

Бір таблетканың құрамында

белсенді зат: 12,5 мг немесе 25 мг карведилол,

қосымша заттар: лактоза моногидраты, микрокристалды целлюлоза, картоп крахмалы, повидон, тальк, кальций стеараты, қаптауға арналған «Opadry II Pink» қоспасы (гипромеллоза Е464, лактоза моногидраты, титанның қостотығы Е171, макрогол, триацетин, эритрозин алюминий лагы Е127, темірдің сары тотығы Е172, индигокармин алюминий лагы Е132, темірдің қара тотығы Е172).

Сипаттамасы

Дөңгелек пішінді, екі жағы дөңес, қызғылт түсті, қабықпен қапталған, таблетканың бір жақ бетінде сызығы бар, сызықтың екі жағына «КМП» деп жазылған (25 мг таблеткалар) немесе таблетканың бір жақ бетінде екі сызығы бар (12,5 мг таблеткалар) таблеткалар. Көлденең сызығында екі қабат байқалады.

Фармакотерапиялық тобы

Альфа-, бета-адреноблокаторлар

АТЖ коды СО7АG02.

Фармакологиялық қасиеттері

Фармакокинетикасы

Ішу арқылы қабылдағаннан кейін жылдам сіңеді. Қан плазмасында ең жоғары концентрациясына 1-2 сағаттан соң жетеді және қабылданған дозаға тізбекті тәуелділігі бар. Корвазан препаратының толық биожетімділігі бауыр арқылы алғаш өту кезіндегі метаболизм есебінен шамамен 25-35% құрайды. Биожетімділігі бауыр аурулары бар емделушілерде және егде жастағы тұлғаларда (50% дейін) жоғарылайды. Карведилол тамақпен бір мезгілде қабылданғанда препараттың сіңірілуі бәсеңдейді, бірақ оның көлемі азаймайды. Қан плазмасы ақуыздарымен карведилол 98% байланысады. Әсер ету ұзақтығы – 15 сағаттан астам. Ұзақ уақыт емдегенде карведилол жинақталуы байқалмайды. Көбіне бауырда хош иісті сақинаның тотығуы және Р450 2D6 цитохромының қатысуымен глюкурондану арқылы метаболизденеді.

- және әлсіз - адренобөгеу белсенділігіне ие үш негізгі метаболит түзіледі. Олардың бірі – 4-гидроксифенилкарведилол - -адренобөгегіш белсенділігі жағынан бастапқы қосылымынан 13 есе дерлік асып түседі. Емшек сүтіне өтеді. Көбіне өтпен және нәжіспен метаболиттер түрінде шығарылады. Жартылай шығарылу кезеңі S-энантиомер үшін 7-11 сағат және R-энантиомер үшін 5-9 сағат құрайды. 2%-дан азы өзгермеген күйде несеппен шығарылады.

Науқастардың ерекше топтарындағы фармакокинетикасы

Бүйрек қызметі бұзылған науқастар.

Карведилолмен ұзақ емдегенде қан ағымының ауторегуляциясы сақталады, шумақтық сүзілуі өзгермейді. Бүйрек жеткіліксіздігі бар науқастарда өзгермеген препараттың бүйрекпен шығарылуы азаяды, алайда осы тұста фармакокинетикалық параметрлердің өзгерістері орташа көрініс береді.

Карведилол бүйректік шығу тегіндегі («бүйрек гипертензиясы») артериялық гипертензиясы бар науқастарды, соның ішінде созылмалы бүйрек жеткіліксіздігі бар емделушілерді, сондай-ақ гемодиализде жүрген немесе бүйрегі ауыстырып салынған емделушілерді емдеуге арналған тиімді препарат болып табылады.

Гемодиализде жүрген науқастардағы салыстырмалы зерттеулерден алынған нәтижелер негізінде карведилол тиімдірек және олар оны «баяу» кальций өзектерінің бөгегіштерінен гөрі жақсы көтере алады деген қорытынды жасалды.

Бауыр қызметі бұзылған науқастар.

Бауыр циррозы бар науқастарда препараттың жүйелі биожетімділігі 80% артады. Сондықтан, карведилол бауыр қызметі клиникалық манифест сипатында бұзылған науқастарға қарсы көрсетілімді («Қолдануға болмайтын жағдайларын» қараңыз).

Егде және қарттық жастағы науқастар. Артериялық гипертензиясы бар науқастарда жас ерекшелігі карведилол фармакокинетикасына әсер етпейді.

Балалар. 18 жасқа дейінгі тұлғалардағы препарат фармакокинетикасы жөніндегі деректер шектеулі.

Қант диабеті бар науқастар. 2 типті қант диабеті (инсулинге тәуелді емес) және артериялық гипертензиясы бар науқастарда карведилол аш қарын қанда және тамақтанудан кейін глюкоза концентрациясына, гликирленген гемоглобин (HtA1) деңгейіне немесе қант төмендететін препараттар дозасына әсер етпеген. Инсулинге тәуелді емес қант диабетімен науқастарда карведилол глюкозаға төзімділік тестісі көрсеткіштерінің сенімді өзгерістерін туындатқан жоқ. Инсулинге төзімді болған, қант диабетінсіз артериялық гипертензиясы бар науқастарда (X синдромы) карведилол инсулинге сезімталдықты жақсартты.

Фармакодинамикасы

Карведилол - ішкі симпатомиметикалық белсенділіксіз біріктірілген 1- және іріктелмеген -адренорецепторлар бөгегіші; 1- және -бөгегіш белсенділігінің арақатынасы 1:100 құрайды. R(+) және S(-) энантиомерлерінің рацемиялық қоспасы болып табылады. 1- адренорецепторлар бөгелісі және кальцийдің тамырлық миоциттерге түсуінің ішінара бөгелуі салдарынан шеткергі қан тамырларын кеңейтеді және олардың қан ағысына қарсыласуын азайтады. Жарғақша тұрақтандыратын қасиеттері бар. Антиоксидантты әсер көрсетеді, сол жақ қарынша гипертрофиясын азайтады, сол жақ қарыншаның диастолалық қызметін жақсартады (кардиопротекторлы әсер ету), тамырлардың тегіс бұлшықет жасушалары пролиферациясының айқындылық дәрежесін төмендетеді, эндотелий қызметін жақсартады (вазопротекторлы әсер ету).

Артериялық гипертензия кезінде бүйрек қан ағымын өзгертпей және бүйрек қызметін бұзбай, тамырлардың жалпы шеткергі қарсыласуын арттырмастан артериялық қысымды төмендетеді. Жүректің ишемиялық ауруы бар науқастарда ишемияға қарсы және антиангиналық әсер көрсетеді. Липидтер мен глюкоза алмасуына жайсыз әсерін тигізбейді, қан плазмасындағы электролиттер деңгейіне ықпал етпейді, шеткергі қан ағымын өзгертпейді. Созылмалы жүрек жеткіліксіздігінде препарат оған дейінгі және одан кейінгі жүктемені азайтады, сол жақ қарыншаның қан айдау фракциясын арттырады. Көп орталықтық зерттеулер деректері бойынша, карведилол іркілісті жүрек жеткіліксіздігіне шалдыққан науқастардың тірі қалу мүмкіндігін арттырады.

Қолданылуы

- эссенциальді гипертензияда (моно- немесе біріктірілген ем ретінде);

- жүректің ишемиялық ауруында (стенокардияда)

- созылмалы тұрақты стенокардияда;

- созылмалы жүрек жеткіліксіздігінде (қосымша емдеу).

 

Қолдану тәсілі және дозалары

Препаратты ішке қабылдап, жеткілікті сұйықтық мөлшерімен жұтады.

Емнің ұзақтығы.

Корвазан препаратымен емдеу ұзақ жүргізіледі. Оны күрт тоқтатуға болмайды, препарат дозасын апталық аралықтармен біртіндеп азайту қажет. Бұл жүрегінің ишемиялық ауруы бар науқастар үшін айрықша маңызды.

Эссенциальді гипертензия. Ұсынылатын бастапқы дозасы алғашқы 2 күнде тәулігіне бір рет 12,5 мг, сосын тәулігіне бір рет 25 мг құрайды. Әріқарай қажет болғанда, дозаны тәулігіне бір рет ұсынылатын (немесе екі қабылдауға бөлінген) 50 мг жоғары дозаға дейін жеткізіп, екі аптадан кем емес аралықтармен арттыруға болады.

Созылмалы тұрақты стенокардия. Ұсынылатын бастапқы дозасы алғашқы 2 күнде тәулігіне екі рет 12,5 мг құрайды. Кейіннен қажет болғанда, дозаны екі қабылдауға бөлінген 100 мг-ге тең жоғары тәуліктік дозаға дейін жеткізіп, екі аптадан кем емес аралықтармен арттыруға болады.

Созылмалы жүрек жеткіліксіздігі. Доза дәрігердің мұқият қадағалауымен әркімге жеке таңдалады. Оймақгүл препараттарын, диуретиктер мен АӨФ тежегіштерін алатын науқастарда олардың дозаларын Корвазан препаратымен емдеу басталғанша тұрақтандыру керек. Ұсынылатын бастапқы дозасы екі апта бойы тәулігіне екі рет 3,125 мг (сызықтармен 4 бөлікке бөлінетін 12,5 мг дозаланған 1/4 таблетка) құрайды. Жақсы көтерімді болғанда дозаны тәулігіне екі рет 6,25 мг дейін (сызықтармен 4 бөлікке бөлінетін 12,5 мг дозаланған 1/2 таблетка), сосын тәулігіне екі рет 12,5 мг дейін, сонан соң тәулігіне екі рет 25 мг дейін екі аптадан кем емес аралықтармен арттырады. Дозаны науқастар жақсы көтере алатын ең жоғары дозаға дейін көбейту керек. Ауыр созылмалы жүрек жеткіліксіздігі бар барлық науқастар үшін және дене салмағы 85 кг-ден аз жеңіл және орташа дәрежедегі созылмалы жүрек жеткіліксіздігі бар науқастар үшін ұсынылатын ең жоғары дозасы - тәулігіне 2 рет 25 мг. Жеңіл және орташа дәрежелі созылмалы жүрек жеткіліксіздігі бар, әрі дене салмағы 85 кг-ден көп емделушілерде ұсынылатын ең жоғары дозасы тәулігіне 2 рет 50 мг құрайды. Дозаны әр арттыру алдында дәрігер жүрек жеткіліксіздігі немесе вазодилатация белгілерінің болжамды артуын анықтау үшін науқасты қарап тексеруі тиіс. Кейде Корвазан препаратының дозасын азайтуға немесе оны уақытша тоқтатуға тура келгенмен жүрек жеткіліксіздігі белгілерінің өткінші жоғарылауында немесе сұйықтық іркілісінде диуретиктер дозасын арттырған дұрыс.

Егер Корвазан препаратымен емдеу 1 аптадан артық уақыт үзіліп қалса, оның тағайындалуын аз дозада жаңғыртады, сосын жоғарыда келтірілген нұсқаулармен сәйкес арттырады. Егер Корвазан препаратының емінде 2 аптадан артық үзіліс болса, онда оны тәулігіне екі рет 3,125 мг дозада жаңғыртқан жөн, сосын дозаны жоғарыда келтірілген нұсқауларға сәйкес таңдайды.

Вазодилатация белгілерін диуретиктер дозасын азайтумен жоюға болады. Егер белгілер сақталса, АӨФ тежегішінің (егер науқас оны қабылдаса) дозасын, ал сосын қажет болса, Корвазан препаратының дозасын азайтуға болады. Мұндай жағдайда Корвазан препаратының дозасын күшею үстіндегі жүрек жеткіліксіздігінің немесе артериялық гипертензия белгілері тұрақтанғанша арттыруға болмайды.

Науқастардың ерекше топтарындағы дозалар.

Бүйрек қызметінің бұзылуы. Бүйрек қызметі әртүрлі дәрежеде бұзылған (бүйрек жеткіліксіздігін қоса) науқастардағы фармакокинетикасы жөніндегі қолда бар деректер орташа және ауыр бүйрек жеткіліксіздігі бар науқастарға Корвазан препаратының дозасын азайту қажет емес деп санауға мүмкіндік береді.

Жағымсыз әсерлері

ЖР жиілігі былайша бағаланады:

Өте жиі (≥ 10%), жиі (≥ 1%, < 10%), жиі емес (≥ 0,1%, < 1%), сирек (≥0,01 %, < 1%), өте сирек, жекелеген жағдайларды (0,01 %) қоса.

Жиі:

- бас ауыру, бас айналу, шаршағыштық

- постуральді гипотензия, брадикардия, артериялық гипертензия, естен тану, әсіресе емнің басында, стенокардия, жүрек соғуының жиілеуі

Жиі емес:

- аракідік ақсаңдау немесе Рейно ауруы, шеткергі ісіну, атриовентрикулярлық бөгеліс

- бөртпе, қышыма, есекжем, қызыл жалпақ теміреткі

- ентігу, демікпе

Сирек:

- шеткергі қан айналудың бұзылуы (салқын аяқ-қолдар), жүрек жеткіліксіздігінің үдеуі

- жүрек айну, диарея, абдоминальді ауыру

- депрессия, ұйқының бұзылуы, парестезия, гипестезия, вертиго

- мұрынның бітелуі

- ауыз кеберсу, іш қату, құсу, периодонтит, мелена

- көздің құрғауы, көрудің нашарлауы, көздің тітіркенуі

- дене салмағының артуы

- аяқ-қолдардың ауыруы, артралгия, құрысулар

- несеп шығарудың бұзылуы, импотенция

- тұмау тәріздес белгілер, температураның көтерілуі

Өте сирек:

- шеткергі артериялары диффузиялық сипатта бұзылған науқастардағы бүйрек қызметінің бұзылуы, бүйрек жеткіліксіздігі, гематурия, альбуминурия.

- зертханалық көрсеткіштер: қан сарысуындағы трансаминазалар деңгейінің жоғарылауы, тромбоцитопения, лейкопения, анемия, протромбин деңгейінің азаюы, диабетпен науқастардағы гипергликемия, гиперхолестеринемия, глюкозурия, гиперкалиемия, гипертриглицеридемия, гипонатриемия, сілтілі фосфатаза, креатинин, мочевина деңгейлерінің жоғарылауы, гиперурикемия

- анафилактикалық реакциялар, латентті диабет көрініс беріп, бұрыннан бар диабет белгілері ем кезінде күшеюі мүмкін.

Бас айналуын, көрудің нашарлауын және брадикардияны қоспағанда, жоғарыда сипатталған әсерлердің бір де бірі дозаға тәуелді болып табылмайды.

Қолдануға болмайтын жағдайлар

– карведилолға немесе препараттың басқа ингредиенттеріне жоғары сезімталдық;

– бронх демікпесі немесе өкпедегі созылмалы обструкциялық үдеріс;

– бауыр қызметінің бұзылуы:

– айқын брадикардия (минутына 50 реттен кем соғу);

– синустық түйіннің әлсіздік синдромы;

– ІІ-ІІІ дәрежелі атриовентрикулярлық бөгеліс (егер тұрақты ырғақ жетектегіш орнатылмаған болса);

– қалпына келмейтін жүрек жеткіліксіздігі (NYHA бойынша ІV класс);

– кардиогенді шок;

– айқын артериялық гипотензия (сын. бағ. 85 мм төмен систолалық артериялық қысым);

– метаболикалық ацидоз;

– Принцметалл стенокардиясы;

– феохромоцитома;

– шеткергі артериялық қан айналымының ауыр бұзылуы;

– верапамилмен, дилтиаземмен бір мезгілде емдеу;

– галактоземия;

– жүктілік және емшек емізу кезеңдері;

– 18 жасқа дейінгі балалық және жасөспірімдік кезең.

Дәрілермен өзара әрекеттесуі

Дигоксин. Карведилол мен дигоксинді бірге қабылдағанда дигоксин концентрациясы 15% ұлғаяды. Карведилол емінің басында оның дозасын таңдағанда немесе препаратты тоқтатқанда қан плазмасындағы дигоксин концентрациясын ұдайы бақылау ұсынылады.

Инсулин немесе ішуге арналған қант төмендететін препараттар. Бета-адренобөгеу қасиеттері бар препараттар инсулиннің немесе ішуге арналған қант төмендететін дәрілердің қант төмендету әсерін күшейте алады. Гипогликемия белгілері, әсіресе, тахикардия бүркемеленуі немесе әлсіз көрініс беруі мүмкін. Инсулин немесе ішуге арналған қант төмендететін препараттар алатын науқастарға қан глюкозасын ұдайы бақылау ұсынылады.

Бауыр метаболизмінің индукторлары немесе тежегіштері. Рифампицин карведилолдың плазмалық концентрациясын шамамен 70% азайтады.

Катехоламиндер мөлшерін төмендететін препараттар. Бета-адренобөгеу қасиеттері бар препараттарды және катехоламиндер мөлшерін азайтатын препараттарды (мысалы, резерпин және моноаминооксидаза тежегіштері) бір мезгілде қабылдайтын емделушілер артериялық гипотензия және/немесе айқын брадикардияның даму қаупімен байланысты мұқият қадағалауда болуы тиіс.

Циклоспорин. Бүйрегін ауыстырып салған, трансплантатының созылмалы тамырлық ажырауы дамыған емделушілерге карведилол тағайындалғанда циклоспориннің орташа ең төмен концентрацияларының бірқалыпты жоғарылауы болды. Циклоспорин концентрациясын емдік ауқымда ұстап тұру үшін шамамен 30% науқастарда циклоспорин дозасын азайтуға тура келді (орташа 20%), қалған емделушілерге дозаны реттеу керек болған жоқ. Циклоспориннің қажетті тәуліктік дозасының әркімде жекеше айқын ауытқуына орай, карведилолмен емдеу басталғаннан кейін циклоспорин концентрациясын мұқият мониторингтеу, қажет болса, циклоспориннің тәуліктік дозасын тиісінше реттеу ұсынылады.

Верапамил, дилтиазем және аритмияға қарсы басқа дәрілер (пропранолол, амиодарон). Карведилолмен бір мезгілде қабылдау атриовентрикулярлық өткізгіштіктің бұзылу қаупін арттырады.

Клонидин. Клонидинді бета-адренобөгеу қасиеттері бар препараттармен бір мезгілде тағайындау гипертензияға қарсы және жүрек ырғағын сирететін әсерлерді әлеуеттендіреді. Егер бета-адренобөгеу қасиеттері бар препаратпен және клонидинмен біріктіріп емдеуді тоқтату жоспарланса, бірінші кезекте бета-адреноблокатор тоқтатылып, бірнеше күннен кейін біртіндеп дозасын азайтумен клонидинді тоқтатуға болады.

«Баяу» кальций өзектерінің бөгегіштері. Карведилол мен дилтиазем бір мезгілде тағайындалғанда өткізгіш бұзылуының жекеше жағдайлары болды (сирек – гемодинамика көрсеткіштерінің бұзылуларымен). Бета-адренобөгеу қасиеттері бар басқа препараттармен болған жағдайдағыдай, верапамил немесе дилтиазем типті «баяу» кальций өзектерінің бөгегіштерімен бірге карведилол тағайындауды ЭКГ және артериялық қысымды бақылаумен жүргізу ұсынылады.

Бета-адренобөгеу белсенділігі бар басқа препараттар сияқты, карведилол басқа бір мезгілде қабылданатын гипертензияға қарсы дәрілердің немесе жағымсыз әсер ретінде гипотензиялық әсер көрсететін препараттардың ықпалын күшейтеді.

Жалпы жансыздандыру жүргізілгенде карведилол мен кейбір анестетиктердің синергиялық теріс инотропты әсер етуі мүмкін екеніне ерекше назар аударған жөн.

Корвазанды мынадай дәрілік препараттармен бір мезгілде абайлап қолдану қажет:

– ОЖЖ-не әсер ететін препараттармен (ұйықтататын дәрілер, транквилизаторлар, үш циклды антидепрессанттар және этил спирті) – әсерлердің өзара күшеюі мүмкін екеніне орай;

– қабынуға қарсы стероидты емес дәрілермен – простагландиндер өнімінің төмендеуі салдарынан гипотензиялық әсерінің азаюына орай;

– альфа- және бета-симпатомиметиктермен – артериялық гипертензияның, айқын рефлекторлы брадикардия мен асистолияның, сондай-ақ карведилолдың бета-адренобөгеу әсерінің дамуы мүмкін екеніне орай;

– эрготаминмен (эрготаминнің тамыр тарылтатын әсерін есепке алу қажет);

– ксантин туындыларымен (аминофиллин, теофиллин) – бета-адренобөгеу әсерінің азаюына орай.

Карведилол тотықтырғыш метаболизмге төтеп беретіндіктен, оның фармакокинетикасы Р450 цитохромының ферментті жүйесі индукцияланғанда немесе бәсеңдегенде өзгеруі мүмкін, сондықтан мыналардың ықпалын ескеру керек:

– барбитураттар (карведилол тиімділігін азайтады);

– циметидин (карведилол биожетімділігін 30% арттырады);

– CYР2D6 изоэнзимінің тежегіштері (хинидин, флуоксетин, пароксетин, пропафенон): карведилолдың R(+) энантиомер концентрациясының ұлғаюы бола береді;

Бета-адреноблокаторлар плаценталық бөгет арқылы өтеді, әрі ұрықта гипотензия, брадикардия және гипогликемия туғызуы ықтимал.

Айрықша нұсқаулар

Ортостатикалық гипотензия: емдеудің басында препарат дозасын арттырған кезде ортостатикалық гипотензия және бас айналу байқалуы мүмкін. Гипертензияға қарсы препараттарды немесе диуретиктерді қатарынан қолданатын жүрек жеткіліксіздігі бар емделушілерде және егде жастағы емделушілерде гипотензия қаупі жоғары. Бұл көріністерге жол бермеу үшін демеуші дозаны сақтықпен таңдап алып, емделуді ең аз дозадан бастау және препаратты тамақтанудан кейін қолдану керек. Лактаза жеткіліксіздігінде, галактоземияда және глюкоза/галактоза сіңуінің бұзылу синдромында Корвазан препаратының құрамында лактоза барын ескеру керек.

Созылмалы жүрек жеткіліксіздігі. Созылмалы жүрек жеткіліксіздігі бар науқастарда Корвазан препаратының дозасын таңдау кезеңінде жүрек жеткіліксіздігі немесе сұйықтық іркілісі белгілері ұлғая түседі. Мұндай белгілер туындағанда диуретиктер дозасын арттырып, науқас ахуалы тұрақтанғанша Корвазан препаратының дозасын көбейтпеу керек. Кейде Корвазан препаратының дозасын азайту, немесе, сирек жағдайларда, препаратты уақытша тоқтату қажет болады. Осындай көріністер әріқарай Корвазан препаратының дозасын дұрыс таңдауға кедергі болмайды. Корвазанды жүрек гликозидтерімен біріктіріп сақтықпен пайдаланады (атриовентрикулярлық өткізгіштік шамадан тыс баяулауы мүмкін).

Созылмалы жүрек жеткіліксіздігіндегі бүйрек қызметі. Корвазан препаратын созылмалы жүрек жеткіліксіздігі, төмен артериялық қысымы (систолалық АҚ < 100 мм сын. бағ.), жүрегінің ишемиялық ауруы және тамырларының диффузиялық өзгерістері және/немесе бүйрек жеткіліксіздігі бар науқастарға тағайындағанда бүйрек қызметінің қайтымды нашарлауы болды. Препарат дозасын бүйректің қызмет атқару жай-күйіне қарай ретке келтіреді.

Өкпенің созылмалы обструктивті аурулары. Демікпеге қарсы ішуге арналған немесе ингаляциялық препараттар алмаған өкпесінің созылмалы обструктивті аурулары (атап айтқанда, бронх түйілу синдромы) бар науқастарға Корвазан, егер оны қолданудың болжамды артықшылығы ықтимал қауіптен басым болған жағдайда ғана тағайындалады. Бронх түйілу синдромына бастапқы бейімділік бар болса, Корвазан қабылдаған кезде тыныс алу жолдары қарсыласуының артуы нәтижесінде респираторлық дистресс-синдром дамуы мүмкін. Корвазан препаратын қабылдай бастағанда және оның дозасын арттырғанда, бронх түйілуінің алғашқы белгілері пайда болған кезде препарат дозасын азайтып, мұндай емделушілерді мұқият бақылау керек.

Препаратты өкпе энфиземасында абайлап қолданады.

Қант диабеті. Препаратты қант диабетімен науқастарға сақтықпен тағайындайды, өйткені ол гипогликемия белгілерін (әсіресе, тахикардияны) бүркемелеуі немесе әлсіретуі мүмкін. Жүрек жеткіліксіздігі және қант диабеті бар науқастарда Корвазан препаратын қолдану қалпына келмейтін көмірсу алмасуымен қатар жүреді.

Шеткергі тамырлар аурулары. Шеткергі қан тамырларының аурулары бар (атап айтқанда, Рейно синдромы) емделушілерге Корвазан препаратын тағайындағанда сақ болу қажет, өйткені бета-адреноблокаторлар артериялық жеткіліксіздік белгілерін күшейтеді.

Тиреотоксикоз. Басқа бета-адреноблокатор сияқты, Корвазан тиреотоксикоз белгілерінің айқындылығын азайтады.

Жалпы жансыздандыру және ауқымды хирургиялық араласулар. Корвазан препараты мен анестетиктердің теріс әсерлерінің қосылымы болуы мүмкін екендіктен, егер науқасқа хирургиялық араласу жалпы жансыздандырумен жүргізілетін болса, сақ болу талап етіледі.

Брадикардия. Корвазан брадикардия туғызуы мүмкін: Жүректің жиырылу жиілігі минутына 55 рет соғудан аз кемігенде Корвазан® препаратының дозасын азайту керек.

Жоғары сезімталдық. Корвазан препаратын сыртартқысында жоғары сезімталдықтың ауыр реакциялары көрсетілген немесе десенсибилизация курсынан өткен тұлғаларға тағайындағанда сақ болу қажет, өйткені бета-адреноблокаторлар аллергендерге сезімталдықты және анафилактикалық реакциялардың ауырлық дәрежесін арттыра алады.

Псориаз. -адреноблокаторлар қолданған кезде сыртартқыда псориаз пайда болуына немесе өршуіне көрсетулер бар науқастарға Корвазан болжамды пайда мен қауіп тиянақты талданғаннан кейін ғана тағайындалады.

«Баяу» кальций өзектерінің бөгегіштерімен бір мезгілде қабылдау. Верапамил немесе дилтиазем типті «баяу» кальций өзектерінің бөгегіштерін, сондай-ақ аритмияға қарсы басқа дәрілерді бір мезгілде қабылдайтын науқастарда ЭКГ және артериялық қысымды жүйелі мониторлау қажет.

Феохромоцитома. Феохромоцитомамен науқастарға кез келген бета-адреноблокатор қолдануды бастағанша альфа-адреноблокатор тағайындау қажет. Корвазан әрі бета-, әрі альфа-адренобөгеу қасиеттерін иеленгенмен, оны осындай науқастарға қолдану тәжірибесі жоқ, сондықтан оны феохромоцитомаға күдігі бар науқастарға абайлап тағайындау керек.

Принцметалл стенокардиясы. Іріктелмеген бета-адреноблокаторлар Принцметалл стенокардиясы бар науқастарда ауыру ұстамаларының туындауына түрткі болады. Корвазан препаратын бұл емделушілерге тағайындау тәжірибесі жоқ. Оның альфа-адренобөгегіш қасиеттері осындай симптоматикаға жол бермегенмен, мұндай жағдайларда карведилол абайлап тағайындалу керек. Егде жастағы емделушілерге, сондай-ақ депрессияда, миастенияда сақтықпен қолданылады.

Жанаспалы линзалар. Жанаспалы линзалар пайдаланатын тұлғалар көз жасы сұйығының азаюы мүмкін екенін есте сақтау керек.

Тоқтату синдромы. Корвазан препаратымен емдеуді, әсіресе, жүрегінің ишемиялық ауруы бар науқастарда күрт үзуге болмайды. Корвазан препаратын тоқтату біртіндеп (2 апта ішінде) жүзеге асуы тиіс. Жарықта сақтаған кезде таблеткалардың түсі өзгеруі мүмкін.

Жансыздандыру қолданылатын хирургиялық араласу жасалу қажет жағдайда анестезиологты осының алдында Корвазан препаратымен емделгені жөнінде ескерткен жөн. Корвазан препаратымен емделген кезеңде алкоголь тұтынуға болмайды.

Жүктілік немесе бала емізу кезеңінде қолдану

Жүктілерге Корвазан қабылдауға болмайды. Өйткені карведилол ана сүтіне өтеді, емшек емізу кезінде Корвазан қабылдауға болмайды немесе анасы емделіп жүрген уақытта бала емізуді үзе тұрады.

Дәрілік заттың көлік құралдарын немесе басқа қауіптілігі зор механизмдерді басқару қабілетіне әсер ету ерекшеліктері

Емдеудің басында, сондай-ақ емдеу барысында Корвазан препаратының дозасын арттырғанда автокөлікті және жоғары зейін шоғырландыру мен шапшаң психомоторлық реакцияларды талап ететін басқа қызмет түрлерін басқаруды қоя тұрған дұрыс.

Педиатрияда қолданылуы

Препарат 18 жасқа дейінгі кезеңде қолданылмайды.

Артық дозаланғанда

Симптомдары: айқын АҚ төмендеуі, брадикардия, жүрек жеткіліксіздігі, кардиогенді шок, жүрек тоқтап қалу; тыныс алудың бұзылуы, бронх түйілуі, құсу, сананың шатасуы және жайылған құрысулар болуы мүмкін.

Емдеу: жалпы сипаттағы шаралардан тыс, қажет болса – қарқынды емдеу бөлімінде тіршілік үшін маңызды көрсеткіштерді мониторингтеу мен реттеу жүргізген жөн. Мынадай шараларды пайдалануға болады:

а) науқасты шалқасынан жатқызу;

б) айқын брадикардияда – көктамыр ішіне 0,5-2 мг атропин;

в) жүрек-қантамыр қызметін ұстап тұру үшін –1-10 мг глюкагон көктамыр ішіне сорғалатып, сосын сағатына 2-5 мг ұзақ инфузия түрінде;

г) симпатомиметиктер (добутамин, изопреналин, орципреналин немесе адреналин) дене салмағына және емдік тиімділігіне қарай әртүрлі дозаларда.

Оң инотропты әсері бар препараттар енгізу қажет болғанда фосфодиэстераза тежегіштері тағайындалады. Егер артық дозаланудың клиникалық көрінісінде артериялық гипотензия басым болса, норадреналин енгізіледі; ол қан айналымы көрсеткіштеріне үздіксіз мониторинг жасалған жағдайларда тағайындалады.

Емге төзімді брадикардияда жасанды ырғақ жетектегіш қолдану көрсетілген.

Бронх түйілуінде аэрозоль түрінде бета-адреномиметиктер (тиімсіз болса – көктамыр ішіне) немесе көктамыр ішіне аминофиллин. Құрысуларда көктамыр ішіне баяу диазепам немесе клоназепам енгізеді. Шок симптоматикасымен ауыр артық дозаланған кезде карведилолдың жартылай шығарылу кезеңінің ұзаруы және препараттың деподан шығарылуы мүмкін екендіктен, демеуші емді мейлінше ұзақ уақыт жалғастыру қажет. Демеуші / уытсыздандырушы ем ұзақтығы артық дозалану ауырлығына байланысты, оны науқас ахуалы тұрақтанғанша жалғастырған жөн.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында, 25С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Киевмедпрепарат» ААҚ.

Украина, 01032, Киев қ., Саксаган к-сі, 139;

Тіркеу куәлігінің иесі

«Киевмедпрепарат» ААҚ, Украина.

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстан Республикасындағы «Артериум» корпорациясының өкілдігі

050060, Алматы қ., Әл-Фараби д-лы, 97 үй, 3 подъезд, «54» кеңсе

Тел./факс: 8(727)315-82-09; 8(727)315-82-10;

Е-mail: Almaty@arterium.ua