Коверекс®

• русский
• қазақша

• Скачать инструкцию медикамента

Саудалық атауы

Коверекс

Халықаралық патенттелмеген атауы

Периндоприл

Дәрілік түрі

4 мг таблеткалар

Құрамы

Бір таблетканың құрамында

белсенді зат – 4 мг периндоприл эрбумині (3.338 мг периндоприлге баламалы) бар,

қосымша заттар: лактоза моногидраты, микрокристалды целлюлоза, магний стеараты, коллоидты гидрофобты кремнийдің қостотығы.

Сипаттамасы

Ақ немесе ақ дерлік, екі жағы дөңес, ұзынша пішінді, екі жақ бетінде де бөлетін сызығы бар, иіссіз немесе өзіне тән әлсіз иісі бар таблеткалар.

Фармакотерапиялық тобы

Ренин-ангиотензин жүйесіне әсер ететін препараттар. Ангиотензинконвертирлеуші фермент (АКФ) тежегіштері. Периндоприл.

АТХ коды С09А А04

Фармакологиялық қасиеттері

Фармакокинетикасы

Ішке қабылдағаннан кейін периндоприл тез сіңеді. Биожетімділігі 65-70 құрайды. Сіңген периндоприлдің 20-ға жуығы белсенді метаболит – периндоприлатқа айналады. Сондай-ақ тағы белсенді емес 5 метаболит түзіледі. Периндоприлдің жартылай шығарылу кезеңі 1 сағатты құрайды, ал периндоприлат қан плазмасында ең жоғары шектік концентрациясына 3-4 сағаттан соң жетеді. Ас қабылдау периндоприлаттың түзілуін, яғни препараттың биожетімділігін азайтады, оның мүмкін клиникалық маңызы жоқ. Бос периндоприлаттың таралу көлемі 0,2л/кг құрайды. Периндоприлаттың қан плазмасы ақуыздарымен байланысуы - 20% (негізінен ангиотензин конвертирлеуші ферментпен), алайда концентрациясына тәуелді сипатта болады. Периндоприлат несеппен бірге шығарылады және оның байланыспаған фракциясының жартылай шығарылу кезеңі шамамен 17 сағатты құрайды. Емдеу басталғаннан кейін қан плазмасындағы тепе-теңдік концентрациясы сатысына 4 күн ішінде жетеді. Қайталап енгізген кезде периндоприлдің жинақталуы білінген жоқ. Периндоприлаттың шығарылуы егде жастағы емделушілерде, сондай-ақ жүрек немесе бүйрек функциясының жеткіліксіздігі бар емделушілерде баяулайды. Бүйрек функциясының жеткіліксіздігінде препараттың дозасын, мүмкіндігінше, аурудың айқындылығын (креатинин клиренсінің төмендеуі) есепке ала отырып таңдау керек. Периндоприлдің клиренсі диализ кезінде минутына шамамен 70 мл құрайды. Периндоприлдің кинетикасы бауыр циррозы бар емделушілерде өзгереді: бауырда бастапқы қосылыстың клиренсі 2 есе төмендейді. Алайда, түзілетін периндоприлаттың мөлшері өзгермейді, осыған байланысты емдік дозаны өзгертпейді.

Фармакодинамикасы

Коверекс ангиотензин І ангиотензин ІІ-ге (ангиотензинконвертирлеуші фермент – АКФ) айналдырушы фермент тежегіші болып табылады. Конвертирлеуші фермент немесе киназа экзопептидаза болып табылады, ол ангиотензин І-дің қан тамырларын тарылтатын қасиеті бар ангиотензин ІІ-ге өзгеруін қамтамасыз етеді, сондай-ақ қан тамырын кеңейтетін пептид-брадикининді белсенді емес гептапептидке белсенсіздендіреді. АКФ-нің басылуы қан плазмасында ангиотензин ІІ-нің мөлшерінің азаюына әкеледі, бұл қан плазмасында рениннің белсенділігін арттырады (ренин секрециясының кері теріс бақылануының басылуы есебінен) және альдостерон өнімін төмендетеді. Өйткені АКФ брадикининді белсенсіздендіреді, АКФ әсерінің төмендеуі, сондай-ақ тіндерде және қанда калликреин-кинин жүйесінің белсенділігінің артуымен (демек, простагландин жүйесінің белсенділенуімен) қатар жүреді. Бұл механизмнің АКФ тежегіштерінің гипотензиялық әсеріне қатысы бар болуы мүмкін және олардың кейбіреуінің жағымсыз әсерлерімен ішінара байланысты. Периндоприл өзінің белсенді метаболиті - периндоприлат арқылы әсер етеді. Басқа метаболиттер АКФ-тің әсерін төмендетпейді. Коверекс шеткергі қан тамырлар кернеуін азайтып, артериялық қысымның патологиялық тұрғыдан артуын төмендетеді. Шеткергі қан ағысы артады, ал жүректің жиырылу жиілігі өзгермейді. Коверекс артериялық гипертензияның барлық - жеңіл, орташа және ауыр дәрежесінде тиімді. Ол систолалық және диастолалық артериялық қысымды отырған кезде де, сондай-ақ тұрған кезде де төмендеуіне мүмкіндік береді. Ішке бір реттік қабылдаудан кейін ең жоғары әсері 4-6 сағаттан соң дамиды және 24 сағат бойы сақталады. Артериялық қысым деңгейінің төмендеуі тез жүреді. Емдеуге сезімтал емделушілерде артериялық қысымның қалыпқа келуі бір ай бойы жүреді. Емдеуді тоқтату қайтару феноменімен қоса қабаттаспайды. Препарат ірі артериялардың серпінділігін жақсартады, ұсақ артерияларда құрылымдық өзгерістерді жояды және сол жақ қарынша гипертрофиясын азайтады. Коверекс жүректің жұмысын, жүрекке жүктеме түсер алдында және жүктемеден кейін, оны азайту есебінен, төмендетеді.

Қолданылуы

• артериялық гипертензияда

• жүрек жеткіліксіздігінде

• жүрегінің тұрақты ишемиялық ауруы бар емделушілерде жүрек-қан тамырының асқыну қаупін төмендетуде.

Қолдану тәсілдері және дозасы

Препаратты тамақтануға дейін қабылдау керек.

Артериялық гипертензияда

Эссенциальді гипертензия кезінде ұсынылатын бастапқы доза – 4 мг-ден бір рет таңертең. 1 ай емдегеннен кейін дозаны бір рет таңертең қабылданатын 8 мг-ге арттыруға болады.

Диуретик қабылдап жүрген емделушілерде АКФ тежегіштерімен емдеуді бастағанда симптоматикалық артериялық гипотензия дамуы мүмкін. Осыған байланысты Коврексті қабылдаудан 2-3 күн бұрын диуретиктерді тоқтатқан немесе оларды тәулігіне 2 мг дозадан бастап емдеуді бастаған жөн.

Реноваскулярлы гипертензияда ұсынылатын бастапқы доза – 2 мг-ден күніне бір рет.

Егде жастағы емделушілерде емдеуді 2мг дозадан бастаған жөн, оны қажет болған кезде біртіндеп 8 мг-ге дейін арттыруға болады.

Жүрек жеткіліксіздігінде

Коверексті диуретиктермен және/немесе дигоксинмен біріктіріп қабылдауды таңертең 2 мг-ден бастапқы дозада және қатаң түрде медициналық бақылаумен жүргізу ұсынылады. 1-2 ай емдегеннен кейін бұл доза тәулігіне бір реттік 4 мг-ге дейін арттырылуы мүмкін. АКФ-нің басқа тежегіштерін қолданған кездегідей, Коверексті қабылдағанға дейін және қабылдау кезінде артериялық қысымды және бүйрек функциясын ұдайы бақылап отыру қажет. Сондай-ақ қандағы калий деңгейін бақылап отыру қажет.

АКФ-нің басқа тежегіштерімен салыстырғанда Коверексті жүректің жеңіл немесе орташа жеткіліксіздігіне шалдыққан емделушілерге 2 мг дозада алғашқы тағайындауда артериялық қысымның айқын төмендеуі байқалмайды. Жүрек функциясының ауыр жеткіліксіздігі кезінде, сондай-ақ қауіп дәрежесі жоғары емделушілерде (бүйрек функциясының бұзылуы және электролиттер құрамының бұзылуына тенденция, диуретиктерді және/немесе қан тамырларын кеңейтетін дәрілерді бір мезгілде тағайындау) емдеуді қатаң түрде медициналық бақылаудан бастаған жөн.

Диуретиктерді үлкен дозаларда қабылдап жүрген емделушілер аздаған симптоматикалық гипотензияның болу мүмкіндігін төмендету үшін, олардың дозасын Коверексті тағайындағанға дейін төмендетуі тиіс.

Жүрегінің тұрақты ишемиялық ауруы бар емделушілерде препаратпен емдеуді 2 апта бойына тәулігіне 1 рет 4 мг дозадан бастау керек. Одан кейін тәуліктік доза тәулігіне 1 рет 8 мг-ге дейін арттырылуы қажет (бүйрек функциясына байланысты). Егде жастағы науқастарда емдеуді бір апта бойына тәулігіне 1 рет 2 мг дозадан бастау керек, одан кейін келесі апта бойына тәулігіне 1 рет 8 мг-ге дейінгі дозаға арттырар алдында тәулігіне 1 рет 4 мг-ден тағайындау қажет (бүйрек функциясына байланысты).

Бүйрек функциясы бұзылған емделушілерде Коверекстің дозасы патологияның біліну дәрежесін есепке ала отырып іріктелуге тиіс. Мұндай кезде бұл емделушілерде қандағы калий және креатинин деңгейіне мезгіл-мезгіл ұдайы бақылау жасауды қамтитын бақылау жүргізіледі.

Ұсынылатын дозалар:

*-гемодиализ кезіндегі периндоприлат клиренсі минутына 70 мл құрайды.

Бауыр функциясы бұзылған емделушілерге Коверекстің дозасын арнайы түзетудің қажеті жоқ.

Егде жастағы кейбір емделушілер, жастарға қарағанда, АКФ тежегіштерімен емдеуге өте сезімтал болуы мүмкін. Мұндай жағдайларда емдеуді бастағанда препаратты аз дозаларда тағайындау, сондай-ақ бүйрек функциясын бақылау ұсынылады.

Жағымсыз әсерлері

Жиі (1/100, 1/10)

• артериялық гипотензия және артериялық гипотензияға байланысты әсерлер

• ентікпе, жөтел (қақырықсыз құрғақ жөтел пайда болуы мүмкін, ол препаратты тоқтатқаннан кейін жоғалады)

• жүректің айнуы, құсу, іштің ауыруы, дәмнің бұзылуы, диарея, іш қату

• бөртпе, қышыну

• бас ауыру, астения, бас айналу, анорексия, тепе-теңдік сезімінің бұзылуы, құлақ ішінің шуылдауы, көрудің бұзылуы, бұлшықеттердің құрысуы, парестезия

Сирек (1/1000, 1/100)

• бүйрек қызметінің жеткіліксіздігі

• бронхтың түйілуі, ангионевроздық ісіну

• есекжем

• тершеңдік, ауыздың құрғауы, ұйқының немесе көңіл-күйдің бұзылуы

• жыныстық бұзылыстар

Өте сирек (1/10000)

• мультиформалы эритема

• сананың шатасуы

• гемоглобин мен гематокриттің азаюы, тромбоцитопения және лейкопения, кейбір жағдайларда агранулоцитоз және панцитопения, кейбір емделушілерде бауыр ферменттері белсенділігінің, қан сарысуындағы билирубиннің жоғарылауы.

Іштен туа болған глюкозо-6-фосфатдегидрогеназа (G-6-РDН) жеткіліксіздігінде гемолитикалық анемия пайда болуы мүмкін.

• АКФ тежегіштерін қабылдау кезінде нейтропенияның даму қаупі дозаға және препараттың сипатына тәуелді болады және емделушінің клиникалық жағдайына байланысты. Бұл жағымсыз әсер асқынуы жоқ емделушілерде сирек пайда болады, алайда бүйрек функциясының жеткіліксіздігіне шалдыққан емделушілерде, әсіресе ол коллагенез кезіндегі (жүйелік қызыл жегі, склеродермия) және иммунды депрессанттармен емдеген кездегі қан тамырлық бұзылулармен байланысты болғанда, пайда болуы мүмкін. Асқыну АКФ тежегіштерін қабылдауды тоқтатқаннан кейін қайтымды болады.

• қайтымды, препаратты қабылдауды тоқтатқаннан кейін қайтатын, қан сарысуында калий деңгейінің, қан плазмасында креатининнің және мочевинаның, әсіресе бүйрек функциясының жеткіліксіздігінде, жүрек функциясының ауыр жеткіліксіздігінде және реноваскулярлы гипертензияда жоғарылауы

• әдетте бүйрек функциясының бұзылуымен емделушілерде немесе АКФ тежегіштерін үлкен дозаларда қолданған кезде болатын протеинурия.

Қолдануға болмайтын жағдайлар

• периндоприлге немесе препараттың қосымша компоненттеріне, сондай-ақ АКФ-нің басқа тежегіштеріне жоғары сезімталдықта

• бұдан бұрын АКФ-нің басқа тежегіштерін қолдануға байланысты сыртартқыда ангионевроздық ісіну (тұқым қуалайтын немесе идиопатиялық)

• жүктілікте және лактация кезеңінде

Дәрілермен өзара әрекеттесуі

Келесі біріктірілімдер ұсынылмайды

Калий жинаушы диуретиктер немесе құрамында калий бар препараттармен орнын басатын ем: АКФ тежегіштері калийдің диуретиктерден болған жоғалуын бәсеңдетеді. Калий жинаушы диуретиктер (спиронолактон, триамтерен, амилорид) және құрамында калий бар препараттармен орнын басатын ем қан сарысуында калий деңгейін едәуір арттыруы мүмкін. Егер гипокалиемияға байланысты біріктіріп қолдану керек болса, бұл препараттар сақтықпен, қан сарысуындағы калий деңгейін ұдайы бақылаумен қолданылуға тиіс.

Келесі препараттарды тағайындаған кезде сақ болу керек:

Диуретик қабылдап жүрген науқастарда, әсіресе гиповолемия мен гипонатриемия кезінде АКФ тежегіштерімен емдеу курсының басында артериялық қысым деңгейінің едәуір төмендегені білінуі мүмкін. Гипотензиялық әсердің ықтималдылығы диуретиктерді тоқтату, сұйықтық пен тұзды қабылдауды алдын ала арттыру, сондай-ақ АКФ тежегіштерін емдеудің басында аз дозаларда қолдану есебінен төмендеуі мүмкін. Дозаны әрі қарай арттыру сақтықпен жүзеге асырылуға тиіс.

АКФ тежегіштерін литий препараттарымен бірге қабылдау литийдің организмнен бөлініп шығуын азайтуы мүмкін. Қан сарысуында литийдің деңгейін бақылауды ұдайы жүргізген жөн.

АКФ тежегіштерін қолдану инсулиннің және сульфонилмочевина туындыларының гипогликемиялық әсерін күшейтуі мүмкін. Гипогликемия симптомдары өте сирек пайда болады (глюкозаның жағымдылығы жақсарады, бұл инсулинге және сульфонилмочевина туындыларына қажеттілікті төмендетеді).

АКФ тежегіштері наркозға арналған кейбір дәрілердің гипотензиялық әсерін күшейтуі мүмкін.

Есірткілік/психозға қарсы дәрілермен бір мезгілде қолданған кезде ортостатикалық гипотензия пайда болуы мүмкін.

Гипотензиялық заттармен бір мезгілде қолданған кезде АКФ тежегіштерінің гипотензиялық әсері күшеюі мүмкін.

Аллопуринолды, цитостатиктерді немесе иммунодепрессанттарды, жүйелік кортикостероидтарды немесе новокаинамидті АКФ тежегіштерімен бір мезгілде қолданған кезде лейкопения қаупі жоғарылауы мүмкін.

Қабынуға қарсы стероидты емес дәрілер (ҚҚСД) АКФ тежегіштерінің гипотензиялық әсерін азайтуы мүмкін. ҚҚСД және АКФ тежегіштері аддитивті әсерге ие болып, қан сарысуында калийдің концентрациясын арттыратындығы, онда бүйрек функциясы нашарлауы мүмкін екендігі туралы деректер бар. Бұл әсер қайтымды және бүйрек функциясының бұзылуымен емделушілерде пайда болады.

Антацидтер АКФ тежегіштерінің биожетімділігін азайтады.

Симпатомиметиктер АКФ тежегіштерінің гипотензиялық әсерін төмендетуі мүмкін.

Этанол препараттың гипотензиялық әсерін күшейтеді.

Айрықша нұсқаулар

Препаратты қолдану артериялық қысымның жылдам төмендеуін туындатуы мүмкін. Асқынбаған артериялық гипертензиясы бар емделушілерде симптоматикалық гипотензия сирек пайда болады және (диуретиктермен емдеу аясында, ас тұзын қабылдаудың шектелуінен, гемодиализден, іш өтуден немесе құсудан) айналымдағы сұйықтықтың көлемі азайған кезде жиі білінеді. Осыған ұқсас асқыну жүректің ауыр жеткіліксіздігімен емделушілерде, қатар жүретін бүйрек функциясының жеткіліксіздігі бар немесе жоқ болған кезде, жиі байқалады. Бұл ілмекті диуретиктерді үлкен дозаларда қабылдаған кезде, гипонатриемияда немесе бүйрек функциясының жеткіліксіздігінде жиі байқалады. Мұндай емделушілерде емдеуді госпитализация жағдайында, медициналық ұдайы бақылаумен, аз дозада тағайындаудан бастау және оларды мұқият титрлеген дұрыс. Қажет болған кезде диуретиктерді тағайындауды уақытша тоқтата тұрады. Осыған ұқсас сақтандырулар коронарлы жеткіліксіздіктері бар немесе ми қан айналымы бұзылған емделушілерге де қатысты, оларда айқын артериялық гипотензия миокард инфарктіне немесе инсультке әкелуі мүмкін. Артериялық гипотензияның препараттың алғашқы дозасынан кейін дамуы емді жалғастырып, кейін дозаны мұқият таңдауға кедергі болып табылмайды.

Препаратты қабылдаған кезде реноваскулярлы гипертензиясы және бүйрек артерияларының билатеральді тарылуы немесе жалғыз бүйрек артериясының тарылуы бар емделушілерде бүйрек функциясының жеткіліксіздігі және ауыр артериялық гипотензияның даму қаупі жоғары болады. Диуретиктерді қатар қолдану аясында осы асқынулардың даму қаупі жоғарылайды. Бүйрек функциясының бұзылуы тіпті бүйрек артериясы бір жақты тарылған емделушілерде қан сарысуындағы креатинин деңгейі орташа өзгерген кезде болуы мүмкін. Мұндай емделушілерді госпитализация жағдайында медициналық ұдайы бақылаумен емдеуді, препаратты аз дозада тағайындаудан бастайды және бұл дозаны мұқият титрлеуге ұласады. Диуретиктерді тағайындауды тоқтатқан және емдеудің алғашқы аптасы ішінде бүйрек функциясын бақылаған жөн.

Ренин-ангиотензин-альдостерон жүйесінің басылуына байланысты сезімтал емделушілерде бүйрек функциясы өзгеруі мүмкін. Сондықтан препарат бүйрек функциясының жеткіліксіздігімен емделушілерде сақтықпен, аз дозада және сирек қолданылуға тиіс. Бүйрек функциясының жеткіліксіздігінде бүйрек функциясын ұдайы бақылау керек. Шығару функциясының АКФ тежегіштерін қолданудан болған бұзылуы көбінесе жүректің ауыр жеткіліксіздігімен емделушілерде немесе бүйрек артерияларының тарылуын қоса, бүйрек функциясы бұзылған кезде байқалады. Кейбір емделушілерде диуретиктерді бір мезгілде тағайындаған кезде қанда мочевина мен креатининнің деңгейі арта бастайды. Мұндай жағдайда АКФ тежегіштерінің дозасын төмендетеді және/немесе диуретиктерді қолдануды тоқтатады. Емдеудің алғашқы аптасы ішінде бүйрек функциясын бақылау ұсынылады.

АКФ тежегіштерін бір мезгілде қолданған кезде өткізгіштігі жоғары белгілі бір жарғақшаларды (мысалы, полиакрилонитрилді) қолданумен гемодиализ жүргізу барысында емделушілерде өмірге қауіп төндіретін, кейде шокқа әкеп соғатын анафилактикалық реакциялардың дамығаны туралы мәліметтер бар. Осыған ұқсас реакциялар декстран сульфатын қолдана отырып, ТТЛП аферезінде байқалады. Сирек жағдайларда жәндіктердің (мысалы, ара мен сона) шағуынан болған аллергиялық реакцияларды емдеу немесе алдын алу мақсатында десенсибилизациялайтын ем жүргізген кезде АКФ тежегіштерін қабылдап жүрген емделушілерде өмірге қауіп төндіретін ауыр анафилактикалық реакциялар дамиды (артериялық қысымның төмендеуі, тыныс алуының бұзылуы, құсу, тері реакциялары). Осындай науқастарға АКФ тежегіштерін тағайындамаған жөн. Анафилактикалық реакциялардың дамуына ем-шараны бастамастан кем дегенде 24 сағат бұрын АКФ тежегіштерін уақытша тоқтату арқылы жол бермеуге болады.

Беттің, аяқ-қолдардың, еріннің, шырышты қабықтардың, тілдің, дыбыс саңылауының және/немесе көмекейдің ангионевроздық ісінуі АКФ тежегіштерімен емделудегі, әсіресе алғашқы емделу аптасындағы емделушілерде пайда болуы мүмкін. Алайда, сирек жағдайларда айқын ангионевроздық ісіну АКФ тежегіштерімен ұзақ уақыт емделу барасында пайда болуы мүмкін. Аталған жағдайларда препаратты дереу тоқтатқан және оны басқа классқа жататын дәрілік препараттармен араластырған жөн.

Гиперкалиемия дамыған кезде калий препараттарымен орын басу емі немесе калий жинақтаушы диуретиктерді тағайындауға болмайды өйткені, бұл қан плазмасында калий деңгейінің едәуір артуына әкеп соғуы мүмкін. Егер осы препараттарды бір мезгілде қолдану қажет болса, онда оларды қолдану кезінде қан сарысуындағы калий деңгейіне ұдайы бақылау жасап отыру қажет етіледі. Ауқымды хирургиялық араласым кезінде препараттың гипертензияға қарсы әсері жалпы анестезия жүргізген кезде күрт күшейіп кетуі мүмкін. Егер Коверекс препаратын тоқтатуға мүмкіндік болмаса, айналымдағы қан көлемін біртіндеп толықтыру арқылы артериялық қысымды демеген жөн. Препаратты қолқа және митральді стенозы бар немесе мысалы, гипертрофиялық кардиомиопатиямен сол жақ қарыншадан қан лықсуы қиындаған емделушілерге тағайындаған кезде сақ болу қажет етіледі.

Педиатрияда қолданылуы

Коверексті балаларға тағайындамау керек, өйткені оны педиатрияда қолдануға зерттеу жүргізген жоқ.

Дәрілік заттың көлік құралдарын басқаруға және қауіптілігі зор механизмдермен жұмыс істеу қабілетіне әсер ету ерекшелігі

Артериялық гипотензия немесе бас айналуының даму қауіптіліген байланысты Коверексті автокөлікті басқаратын және зейінді жоғары жұмылдыруды және психомоторлық реакциялардың шапшаңдығын қажет ететін қызмет түрлерімен айланысатын адамдарға абайлап тағайындаған жөн.

Артық дозалануы

Симптомдары: айқын артериялық гипотензия, шок, мелшию, брадикардия, электролиттер құрамының бұзылуы және бүйрек жеткіліксіздігі

Емі: емделуші қарқынды емдеу бөлімінде жатып, қатаң түрде медициналық бақылауға алынуға тиіс. Қан сарысуында креатининнің және электролиттердің деңгейлерін ұдайы бақылап отыру қажет. Емдік араласым симптомдардың табиғатына және ауырлығына байланысты. Препараттың сіңуінің алдын алу шаралары – асқазанды шаю, препаратты қабылдағаннан кейін 30 минут ішінде адсорбенттерді және магний сульфатын тағайындау және егер препарат бұрынырақ қабылданса, шығарылуын күшейту. Артериялық гипотензия дамыған кезде емделушіні шалқасынан жатқызу қажет. Көктамыр ішіне физиологиялық ерітінді енгізу арқылы айналымдағы қан көлемін қалпына келтіру қажет. Емделушіні ангиотензин ІІ-мен емдеу мүмкіндігін қарастырған жөн. Брадикардияда немесе айқын вагустық реакцияларда атропинді тағайындау қажет. Жүрек ырғағы жүргізушісін қосу керек. Ангионевроздық ісіну пайда болған жағдайда эпинефрин адреналинінің 1:1000 (0,3- тен 0,5 мл-ге дейін) ерітіндісі дереу тері астына енгізу немесе ЭКГ мен қан қысымын бақылай отырып, 1 мг/мл (сұйылту жөніндегі нұсқауды орындаңыз) адреналинді көктамыр ішіне баяу енгізетін шұғыл ем жүргізілуге тиіс; қажет болған кезде шұғыл емге басқа да әрекеттер қамтылуы мүмкін. Емделуші кем дегенде 12-24 сағатқа, симптомдар толық жоғалғанша, ауруханаға жатқызылуға тиіс. АКФ тежегіштерін қан арнасынан шығару гемодиализдің жәрдемімен болуы мүмкін. Өткізгіштігі жоғары полиакрилонитрил жарғақшасын қолданбаған жөн.

Шығарылу түрі және қаптамасы

30 таблеткадан ПВХ/ПВДХ үлбірден /алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25oС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ЭГИС ФАРМАЦЕВТИКАЛЫҚ ЗАУЫТЫ» ЖАҚ

1106 БУДАПЕШТ, Керестури көшесі, 30-3 ВЕНГРИЯ

Телефон: (36-1) 265-5555, факс: (36-1) 265-5529

Les Laboratoires Servier лицензиясы бойынша, Франция

Тіркеу куәлігінің иесі

«ЭГИС Фармацевтикалық Зауыты» ЖАҚ, Венгрия

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның мекенжайы

«ЭГИС Фармацевтикалық зауыты» ЖАҚ ҚР өкілдігі

050060, Алматы қаласы, Жароков көшесі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz