Клотримазол (таблетки вагинальные, 100 мг, Абди Ибрахим Глобал Фарм ТОО)
Инструкция
-
русский
-
қазақша
Саудалық атауы
Клотримазол
Халықаралық патенттелмеген атауы
Клотримазол
Дәрілік түрі
Қынаптық 100 мг таблеткалар
Құрамы
Бір таблетканың құрамында
белсенді зат - 100 мг клотримазол,
қосымша заттар: лактоза моногидраты, картоп крахмалы, глицерин, адипин қышқылы, магний немесе кальций стеараты
Сипаттамасы
Сопақша пішінді, екі беті дөңес, ақ түсті таблеткалар.
Фармакотерапиялық тобы
Гинекологиялық ауруларды емдеуге арналған антисептиктер және микробқа қарсы препараттар. Имидазол туындысы. Клотримазол.
ATХ коды G01AF02
Фармакологиялық қасиеттері
Фармакокинетикасы
Клотримазол жергілікті әсер етеді.
Сіңірілген клотримазол бауырда белсенді емес метаболиттерге дейін жылдам метаболизмге ұшырауына байланысты плазмадағы клотримазол концентрациясының шыңы препаратты 500 мг дозада қынаптық қолданудан кейін нәтижесінде 10 нг/мл аздау шаманы құрайды. Клотримазолдың тек аздаған мөлшері ғана сіңеді (3-10 %), ол жүйелік әсер етпейді.
Фармакодинамикасы
Клотримазолдың әсер ету механизмі эргостерин синтезі тежелуімен байланысты, бұл зеңдер жарғақшаларының құрылымы мен цитоплазмалық жарғақшалар функциясының бұзылуына әкеледі. Инфекция ошағындағы концентрацияға байланысты фунгистатикалық немесе фунгицидті белсенділігі бар. Клотримазол ашытқылы және өңезді зеңдерге, патогенді дерматофиттерге қатысты микозға қарсы (зеңге қарсы); трихомонадтарға қатысты трихомонацидтік әсер етеді; грамм-оң және (стрептококктар/стафилококктар) және грамм- теріс микроорганизмдерге бактерияға қарсы әсер береді (бактероидтар/гарднереллалар).
Зеңді инфекциялардың бастапқы резистентті (төзімді) нұсқалары өте сирек. Сезімтал зеңдер екіншілік резистенциясының дамуы осы уақытқа дейін өте оқшауланған жағдайдағы ғана емдеу кезінде байқалған.
Қолданылуы
-
кандида тектес зеңдер туындатқан қынаптық кандидозда;
-
трихомонадтар туындатқан қынаптық трихомониазда;
-
клотримазолға сезімтал бактериялар туындатқан асқын инфекциялар кезінде.
Қолдану тәсілі және дозалары
Қынаптық таблетканы қынапқа мүмкіндігінше терең, кешке, ұйықтар алдында енгізеді. Препаратты шалқадан жатып, аяқты сәл көтере отырып енгізген дұрыс.
Клотримазол қынаптық таблеткалары толық ерігенше қынап ылғалды болуы керек, әйтпесе таблетканың ерімеген бөлшектері қынаптан уатылып түсуі мүмкін. Осының алдын алу үшін препаратты мүмкіндігінше терең, кешке ұйықтар алдында енгізу қажет.
Бір қынаптық таблеткадан күнде кешке, ұйықтар алдында қатарынан 6 күн.
Жағымсыз әсерлері
-
жергілікті реакциялар: гениталий аймағының қабыршықтануы, қышыну, ісіну, қызару, жайсыздық, ашыту сезімі, тітіркену, жамбас аймағының ауыруы, жыныс жолдарынан қан аралас бөліністер;
-
аллергиялық реакциялар: қысымның төмендеуі, ентігу, есекжем, естен тану;
-
асқазан-ішек жолы тарапынан: өте сирек іштің ауыруы.
Қолдануға болмайтын жағдайлар
- клотримазолға және препараттың басқа да компоненттеріне жекелей жоғары сезімталдық
- жүктіліктің бірінші триместрі
- бала емізу кезеңі
- 18 жасқа дейінгі балалар
Дәрілермен өзара әрекеттесуі
Клотримазол амфотерицин В және басқа да полиен антибиотиктерінің белсенділігін төмендетеді. Натамицин және нистатинмен бір мезгілде қолданғанда клотримазолдың белсенділігі төмендейді. Дексаметазон жоғары концентрацияда клотримазолдың зеңге қарсы тиімділігін төмендетеді. Пара-бензой қышқылының пропил эфирі жоғары концентрацияда клотримазолдың зеңге қарсы әсерін күшейтеді. Қынаптық клотримазол мен пероральді такролимусты (FK-506; иммуносупрессант) бір мезгілде қосып қолдану қанда такролимус концентрациясы деңгейінің жоғарылауына әкелуі мүмкін, осындай әсер сирулимуспен бір мезгілде қабылдағанда байқалады. Сонымен, пациенттерде такролимус немесе сиролимуспен артық дозалану симптомдарының болуын, қажет еткенде плазмада сәйкес концентрацияларын өлшеу жолымен мұқият бақылап отыру керек.
Айрықша нұсқаулар
Көзге тигізіп алмау керек.
Препаратпен емдеуді бастағаннан кейін 7 күн ішінде әсері болмаса, дәрігерге қаралу қажет.
Қажеттілігіне қарай емдеуді қайталауға болады, алайда қайталанатын инфекциялар диабет немесе АИТВ-инфекциясын қоса, жасырын медициналық себептеріне нұсқауы мүмкін. Егер симптомдар 2 апта ішінде қайтадан басталатын болса, пациенттің дәрігерге көрінгені жөн. Қынап та, сыртқы жыныс мүшелері де жұқтырған болса, біріктірілген ем жүргізу ( екі аймақты да емдеу) керек.
Егер бір мезгілде жыныс ернеуі және жанасқан аймақтар жұқтырған болса, қосымша сыртқа қолдануға арналған кремді пайдаланған жөн. Егер жергілікті қышыну, қабыну және т.б. сияқты симптомдар болса, сексуалдық жұптасы да емделуі тиіс.
Етеккір кезеңінде емдеу жүргізілмейді. Емдеу етеккір басталғанға дейін аяқталуы тиіс.
Препаратты қолданған уақытта тампон, бүркіп шаю, спермицидтер немесе басқа да қынаптық өнімдерді қолданбаған жөн.
Препаратты қолданған кезде қынаптық жыныстық актілерден тартына тұру ұсынылады, өйткені инфекцияны жұптасына жұқтыруы мүмкін және мүшеқаптар сияқты латекс өнімдерінің тиімділігі мен қауіпсіздігі төмендеуі мүмкін.
Жүктілік және лактация кезеңі
Жүктіліктің екінші және үшінші триместрінде Клотримазол дәрігермен кеңескеннен кейін нұсқаулық бойынша қолданылуы мүмкін. Препаратты бала емізетін әйелдерге тағайындағанда сақ болу керек. Емдеу кезінде емшекпен қоректендіру ұсынылмайды.
Жүктілік кезеңінде қынаптық таблеткалармен емдеуді аппликаторсыз жүргізген дұрыс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Жергілікті қолданғанда артық дозаланудың туындау ықтималдығы аз.
Симптомдары: жағымсыз әсерлерінің күшеюі.
Емі: препаратты тоқтату, симптоматикалық ем.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салады.
1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты қолдануға болмайды.
Дәріханадан босатылу шарттары
Рецептісіз
Өндіруші
«Абди Ибрахим Глобал Фарм» ЖШС
Қазақстан Республикасы, Алматы обл., Іле ауд., Өндірістік аймақ 282
тел.: +7 (727) 232-44-85
Тіркеу куәлігінің иесі
«Абди Ибрахим Глобал Фарм» ЖШС
Қазақстан Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85,
электрондық поштасы: info@aigp.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85,
электрондық поштасы: info@aigp.kz