Клопидогрел

• русский
• қазақша

• Скачать инструкцию медикамента

Саудалық атауы

Клопидогрел

Халықаралық патенттелмеген атауы

Клопидогрел

Дәрілік түрі

Үлбірлі қабықпен қапталған 75 мг таблеткалар

Бір таблетканың құрамында

белсенді зат: клопидогрел (клопидогрел бисульфаты түрінде) - 75 мг

қосымша заттар: маннит, натрий кроскармеллозасы, макрогол 4000, кросповидон, кальций стеараты, сусыз коллоидты кремнийдің қостотығы, микрокристалды целлюлоза,

үлбірлі қабық құрамы: гипромеллоза 2910, пропиленгликоль, титанның қостотығы (Е 171), кармуазин (Е 122), тальк.

Сипаттамасы

Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар. Сындыратын жерде ақ немесе ақ дерлік түсті ядросы көрінеді. Таблеткалардың бетіндегі үлбірлі жабыны бұдырлы бола береді.

Фармакотерапиялық тобы

Антикоагулянттар. Тромбоциттер агрегациясының тежегіштері (гепаринді қоспағанда). Клопидогрел

АТХ коды В01АС04

Фармакологиялық қасиеттері

Фармакокинетикасы

Клопидогрел тәулігіне 75 мг дозаларын ішу арқылы қайта қабылдаған соң тез сіңеді. Алайда, плазмадағы негізгі қосылыс концентрациясы аса зор емес және қабылдағаннан кейін 2 сағаттан соң өлшеу шегіне жетпейді (0,00025 мг/л).

Клопидогрел мен негізгі айналымдық метаболит қан плазмасының ақуыздарымен қайтымды байланысады (тиісінше, 98 және 94%).

Клопидогрел бауырда тез метаболизденеді. Оның негізгі метаболиті - карбоксил туындысы белсенді емес, плазмада айналатын қосылыстың 85% жуығын құрайды. Осы метаболиттің плазмадағы ең жоғары концентрациясы (ішуге арналған 75 мг дозаларын қайталап қолданған соң 3 мг/л жуық) қабылдағаннан кейін шамамен бір сағаттан соң байқалады.

Клопидогрел әсер етуші заттың ізашары болып табылады. Оның белсенді метаболиті, тиол туындысы, клопидогрелдің 2-оксо-клопидогрелге тотығу және кейіннен гидролиздену жолымен түзіледі. Тотығу сатысы, бірінші кезекте, Р450 цитохромының 2В6 және 3А4, ал аз дәрежеде 1А1, 1А2 және 1С19 изоферменттерімeн реттеледі. Белсенді тиол метаболиті тромбоцитарлық рецепторлармен жылдам және қайтымсыз байланысып, осылайша тромбоциттер агрегациясын бәсеңдетеді. Бұл метаболит плазмадан табылмайды.

Негізгі метаболит кинетикасы клопидогрелдің 50-ден 150 мг дейінгі дозалары шегінде дозаға тәуелділігін (плазмадағы концентрациясының дозаға байланысты артуы) көрсеткен.

Енгізуден соң 120 сағат ішінде препараттың 50% жуығы несеппен және шамамен 46% нәжіспен бөлініп шығады. Айналымдағы негізгі метаболиттің жартылай шығарылу уақыты бір рет және қайталап қабылдаудан соң 8 сағат құрайды.

Қан плазмасында айналатын негізгі метаболиттің концентрациялары тәулігіне 75 мг клопидогрел қабылдағанда ауыр бүйрек аурулары бар (креатинин клиренсі 5-тен 15 мл/мин дейін) емделушілерде, креатинин клиренсі 30-60 мл/мин құрайтын науқастармен және дені сау тұлғалармен салыстырғанда, едәуір төмен болды. Осы орайда ауыр бүйрек аурулары бар емделушілерде АДФ-индукцияланған тромбоциттер агрегациясына қатысты тежеу әсері, күніне 75 мг клопидогрел алған дені сау тұлғалардағы шамада қан кету уақыты ұзарған дені сау тұлғалардағы әсерімен салыстырғанда, төмендеген (25%) болып шықты.

Бауыр циррозымен науқастарда клопидогрелдің 75 мл тәуліктік дозасын 10 күн бойы қабылдау қауіпсіз және жақсы көтерімді болды. Бір реттік дозасында да, тепе-тең жағдайда да клопидогрелдің ең жоғары концентрациясы бауыр циррозымен науқастарда дені сау тұлғалардағыдан көп есе жоғары болды.

Фармакодинамикасы

Клопидогрел тромбоциттегі рецепторлармен аденозиндифосфаттың (AДФ) байланысуын және AДФ әсерімен GPIIb/IIIa кешенінің белсенділенуін селективті тежеп, осылайша тромбоциттер агрегациясын тежейді. Клопидогрел, сонымен бірге, босатылған аденозиндифосфатпен тромбоциттер белсенділігінің артуын бөгеу жолымен басқа агонистер туындататын тромбоциттер агрегациясын тежейді. Клопидогрел тромбоциттің АДФ-рецепторларымен қайтымсыз байланысады. Соған сәйкес, онымен өзара әрекеттесуге түскен тромбоциттер олардың бүкіл тіршілік ету мерзімінде АДФ көтермеленуіне сезімтал емес, әрі тромбоциттердің қалыпты функциясы тромбоциттердің жаңару жылдамдығына сәйкес жылдамдықпен қалпына келеді.

Препарат қолданылған алғашқы күннен тромбоциттер агрегациясы елеулі тежеліске ұшырайды. Тромбоциттер агрегациясының тежеу әсері күшейеді, ал тұрақты күйге 3-7 күннен соң жетеді. Осы орайда, 75 мг тәуліктік дозасының әсерімен агрегацияның бәсеңдеу деңгейі, орта есеппен, 40-тан 60% дейін болды. Тромбоциттер агрегациясы мен қан кету уақыты емдеу тоқтатылған соң 5 күннен кейін бастапқы деңгейіне оралады. Коронарлық дилатациялау әсерін көрсетеді. Тамырдың атеросклероздық зақымдануы болғанда, тамырлық үдерістің орналасуына (цереброваскулярлық, кардиоваскулярлық немесе шеткергі зақымданулар) қарамастан, атеротромбоз дамуын бөгейді.

Қолданылуы

Мыналарда атеротромбоздық оқиғалардың алдын алу:

1. миокард инфарктісін, ишемиялық инсультті өткерген немесе диагностикаланған шеткергі артериялардың аурулары бар емделушілерде

2. жедел коронарлық синдромнан зардап шегетін емделушілерде:

- ST сегменті көтерілуінсіз (тұрақсыз стенокардия немесе Q тісінсіз миокард инфарктісі), ацетилсалицил қышқылымен біріктірілімде;

- ST сегментінің көтерілуімен (жедел миокард инфарктісі), тромболитикалық ем қолдану мүмкіндігімен дәрі-дәрмектік ем алатындарға ацетилсалицил қышқылымен біріктірілімде

Қолдану тәсілі және дозалары

Ересектер және егде жастағы адамдар

Миокард инфарктісін, ишемиялық инсульт өткеруден және шеткергі артериялардың диагностикаланған ауруларынан кейін науқастардағы ишемиялық бұзылулардың алдын алу үшін ас ішуге байланыссыз тәулігіне бір рет 75 мг-ден ішке қабылдауға. Емдеуді Q түзілуімен миокард инфарктісін өткеруден кейінгі науқастарда бірнеше күннен 35 күнге дейінгі және ишемиялық инсульттен кейінгі науқастарда 7 күннен 6 айға дейінгі мерзімде бастау керек.

Емдеудің оңтайлы ұзақтығы шартты түрде анықталмаған. Клиникалық зерттеулер нәтижелері препаратты 12 айға дейін қолдану пайдалы екенін айғақтайды, ал ең жоғары әсері 3 ай емделуден кейін білінген.

Біріктірілген емді симптомдар пайда болғаннан кейін мүмкіндігінше ертерек бастап, кем дегенде, 4 апта жалғастырған жөн. Осы ауру кезінде клопидогрелдің ацетилсалицил қышқылымен 4 аптадан аса біріктірілу пайдасы зерттелмеген.

Кезекті доза қабылдауды өткізіп алу:

- Егер кезекті доза қабылдауды өткізіп алған соң 12 сағаттан аз уақыт өтсе, препараттың өткізіп алған дозасын дереу қабылдап, ал артынан келесі дозаларды әдеттегі уақытта қабылдау керек.

- Егер кезекті доза қабылдауды өткізіп алған соң 12 сағаттан көп уақыт өтсе, емделуші келесі дозаны әдеттегі уақытта қабылдауы тиіс; қосарлы дозаны қабылдауға болмайды.

Балалар

Клопидогрелді, тиімділігі мен қауіпсіздігі зерттелмегендіктен, балаларға тағайындауға болмайды.

Бүйрек жеткіліксіздігі

Препаратты бүйрек жеткіліксіздігі бар емделушілерде қолданудың емдік тәжірибесі шектеулі.

Бауыр жеткіліксіздігі

Препаратты ауырлығы орташа дәрежедегі бауыр аурулары мен геморрагиялық диатездің пайда болу қаупі бар емделушілерде қолданудың емдік тәжірибесі шектеулі.

ST сегментінің көтерілуінсіз жедел коронарлық синдромнан зардап шегетін (тұрақсыз стенокардия немесе Q тісінсіз миокард инфарктісі) науқастарда клопидогрелмен емделу бір реттік 300 мг жүктеме дозадан басталып, артынан тәулігіне бір рет 75 мг дозамен (ацетилсалицил қышқылымен) жалғастырылуы тиіс. Ацетилсалицил қышқылының жоғары дозаларын қолдану қан кетулердің үлкен қаупімен байланысты болғандықтан, ұсынылатын дозасы 100 мг-ден жоғары болмауы тиіс. Емдеу курсы 1 жылға дейін.

ST сегментінің көтерілетін жедел миокард инфарктісімен науқастарда клопидогрел тромболитиктермен қосылып немесе онсыз ацетилсалицил қышқылымен біріктірілген бастапқы жүктеме дозасын (300 мг) пайдаланумен тәулігіне бір рет 75 мг дозада тағайындалады. 75 жастан асқан емделушілерде клопидогрелмен емдеу жүктеме дозасын пайдаланбай-ақ жүзеге асырылуы тиіс.

Біріктірілген ем симптомдар білінгеннен кейін мүмкіндігінше ерте басталады және, кем дегенде, төрт апта бойы жалғасады.

Жағымсыз әсерлері

Қауіпсіздік бейініне қысқаша шолу

Қан кету клиникалық зерттеулерде де тіркелген, постмаркетингтік кезеңде де, ең алдымен, емдеудің алғашқы айында тіркелген ең жиі реакция болып табылады.

Клиникалық зерттеулер жүргізу кезінде байқалған немесе өздігінен келіп түскен хабарламалардан алынған жағымсыз реакциялар жиілігі төменде көрсетілген. Олардың жиілігі мына үлгіде айқындалады: жиі (≥1/100 - <1/10); жиі емес (≥1/1000 - <1/100); сирек (≥1/10000 - <1/1000), өте сирек (<1/10000), белгісіз (қолда бар деректер негізінде бағаланбайды).

Әрбір жүйе-ағза класында жағымсыз реакциялар олардың ауырлығының кему тәртібінде берілген.

Жиі

• гематомалар

• мұрыннан қан кету

• асқазан-ішектен қан кету, диарея, абдоминальді ауыру, диспепсия

• теріастылық қан құйылу

• инъекция салған жерден қан кету

Жиі емес

• тромбоцитопения, лейкопения, эозинофилия

• бассүйекішілік қан құйылу (кейбір жағдайларда өліммен аяқталатын), бас ауыру, парестезиялар, бас айналу

• көз аумағынан қан кету (конъюнктивалық, окулярлы, ретинальді)

• асқазан мен он екі елі ішектің ойық жарасы, гастрит, құсу, жүрек айну, іш қату, метеоризм

• тері бөртпесі, қышыну, тері ішіне қан құйылу (пурпура)

• гематурия

• қан кету уақытының ұзаруы, нейтрофильді гранулоциттер мен тромбоциттер санының азаюы

Сирек

• нейтропения, ауыр нейтропенияны қоса

• вертиго

• ретроперитонеальді қан құйылу.

Өте сирек, белгісіз*

• тромбоздық тромбоцитопениялық пурпура (TTП), апластикалық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия

• сарысу құю ауруы, анафилактоидтық реакциялар, тиенопиридиндерге (мысалы, тиклопидин, прасугрел) аса жоғары сезімталдықтың айқаспалы реакциясы*

• елестеулер, сананың шатасуы

• дәм сезудің бұрмалануы

• ауыр қан құйылу, операциялық жарадан қан кету, васкулит, артериялық гипотензия

• респираторлық жолдан қан кету (гемоптиз, өкпеден қан кету), бронх түйілуі, интерстициальді пневмонит, эозинофильді пневмония

• өліммен аяқталатын асқазан-ішектен және ретроперитонеальді қан кетулер, панкреатит, колит (ойық жаралық немесе лимфоцитарлық), стоматит

• жедел бауыр жеткіліксіздігі, гепатит, бауыр функциясы көрсеткіштерінің өзгеруі

• буллезді дерматит (уытты эпидермалық некролиз, Стивенс-Джонсон синдромы, мультиформалы эритема), ангионевротикалық ісіну, дәрілік аса жоғары сезімталдық синдромы, эозинофилиямен және жүйелі көріністермен (DRESS) қатар жүретін дәрілік тері реакциясы, эритематозды бөртпе, есекжем, экзема, жалпақ қызыл теміреткі

• сүйек-бұлшықеттік қан құйылу (гемартроз), артрит, артралгия, миалгия

• гломерулонефрит, қан сарысуында креатинин деңгейінің көтерілуі

• қызба.

Қолдануға болмайтын жағдайлар

- дәрілік затқа немесе оның компоненттеріне жеке жоғары сезімталдық;

- бауырдың ауыр жеткіліксіздігі;

- жедел қан кету, мысалы, пептидтік ойық жарада немесе бассүйекішілік қан құйылуда;

- жүктілік және лактация кезеңі («Жүктілік және лактация кезеңі» бөлімін қараңыз)

- 18 жасқа дейінгі балаларға (қолдану қауіпсіздігі мен тиімділігі анықталмаған).

Сақтықпен:

- бауыр және бүйрек ауруларында (бауырдың және/немесе бүйректің орташа жеткіліксіздігі);

- жарақаттарда;

- операция алдындағы жағдайларда.

Дәрілермен өзара әрекеттесуі

Варфарин: клопидогрелді варфаринмен бірге қолдану ұсынылмайды, өйткені ондай біріктірілім қан кету қарқынын күшейтуі мүмкін.

IIb/IIIa гликопротеин тежегіштері: IIb/IIIa гликопротеин тежегіштерін клопидогрелмен бірге тағайындау сақтануды талап етеді.

Ацетилсалицил қышқылы: ацетилсалицил қышқылы клопидогрелдің АДФ-индукцияланған тромбоциттер агрегациясын тежеу әсерін өзгертпейді, бірақ клопидогрел ацетилсалицил қышқылының коллаген-индукцияланған тромбоциттер агрегациясына әсер етуін күшейтеді. Осы препараттарды бірге қолдану сақ болуды талап етеді («Сақтандыру шараларын» қараңыз). Дегенмен ST сегментінің көтерілуінсіз жедел коронарлық синдромнан зардап шегетін науқастарда клопидогрел мен ацетилсалицил қышқылын ұзақ уақыт (1 жылға дейін) бірге қолдану ұсынылады.

Гепарин: дені сау тұлғаларға жүргізілген клиникалық сынақтар деректері бойынша, клопидогрел гепаринге қажеттілікті де, гепариннің қан ұйыту әсерін де өзгертпейді. Бір мезгілде гепарин қолдану клопидогрелдің тромбоциттер агрегациясын тежеу әсерін өзгертпеген. Дегенмен, мұндай біріктірілімнің қауіпсіздігі әлі анықталмаған және осы препараттарды бір мезгілде қолдану сақтық талап етеді («Сақтандыру шараларын» қараңыз).

Тромболитиктер: клопидогрелді, фибрин-спецификалық немесе фибрин-спецификалық емес тромболитикалық препараттар мен гепаринді бірге қолдану қауіпсіздігі жедел миокард инфарктісімен науқастарда зерттелген. Клиникалық мәнді қан кету жиілігі тромболитикалық дәрілер мен гепаринді ацетилсалицил қышқылымен бірге қолданған жағдайда байқалуына ұқсас болды.

Қабынуға қарсы стероидты емес препараттар (ҚҚСП): клопидогрелмен бірге ҚҚСП тағайындау сақ болуды талап етеді (қан кету қаупінің артуы).

Клопидогрел мен протон помпасы тежегіштерін (омепразол және т.б.) бірге тағайындамау керек, өйткені клопидогрел белсенді метаболитінің дәрілік концентрациясы төмендейді және оның клиникалық тиімділігі азаяды.

Клопидогрел мен омепразолды түрлі уақытта бөлек қабылдау өзара әрекеттесу реакцияларының даму қаупін төмендетпейді.

Клопидогрелді CYP2С19 энзимінің белсенділігін тежеуі күтілетін басқа дәрілік заттармен бір мезгілде қабылдаудан да бас тарту керек. CYP2C19 белсенділігін бәсеңдететін дәрілік заттарға: циметидин, флуконазол, кетоконазол, вориконазол, этравирин, фелбамат, флуоксетин, флувоксамин, тиклопедин жатады.

Антацидтер мен көптеген H2-гистаминді рецепторлар блокаторларының тромбозға қарсы клопидогрел белсенділігіне ықпал етуінің сенімді дәлелдері жоқ.

Басқа дәрілік заттармен біріктіріп қолдану: клопидогрелді атенололмен, нифедипинмен, фенобарбиталмен, эстрогендермен, дигоксинмен, теофиллинмен, фенитоинмен, толбутамидпен және антацидті дәрілермен бірге қолданғанда клиникалық мәнді фармакодинамикалық өзара әрекеттесуі болмаған.

Айрықша нұсқаулар

Клопидогрел ацетилсалицил қышқылымен, қабынуға қарсы стероидты емес препараттармен, гепаринмен, IIb/IIIa гликопротеин тежегіштерімен біріктірілген жағдайда, сондай-ақ жарақатпен, хирургиялық араласулармен немесе басқа патологиялық жай-күйлермен байланысты жоғары қан кету қаупіне ұшыраған науқастарда емдеудің алғашқы аптасының ішінде қан талдауы жасалуы тиіс.

Қан кетудің және гематологиялық жағымсыз әсерлердің даму қаупімен байланысты, емдеу барысында соған нұсқайтын клиникалық симптомдар білінген жағдайда қанға және бауырдың функционалдық белсенділігіне (ІБТУ, тромбоциттер саны, тромбоциттердің функционалдық белсенділік тестілері) шұғыл талдау жасаған жөн.

Хирургиялық араласулар жағдайында клопидогрелмен емдеу курсын операциядан 7 күн бұрын тоқтату керек.

Клопидогрел қан кету қаупі (әсіресе, асқазан-ішектік және көзішілік) бар науқастарға сақтықпен қолданылуы тиіс.

Науқастарға әрбір қан кету жағдайында өз дәрігерін хабарландыруы тиістігін ескерткен дұрыс.

Клопидогрел қабылдағаннан кейін тромбоздық тромбоцитопениялық пурпураның (ТТП) даму жағдайлары болған. Бұл әлде неврологиялық симптоматикамен, бүйрек функциясының бұзылуымен немесе қызбамен біріккен тромбоцитопениямен және микроангиопатиялық гемолитикалық анемиямен сипатталған. ТТП дамуы өмірге қатер төндіріп, плазмаферезді қоса, шұғыл шаралар қабылдауды талап етуі мүмкін.

Деректер көлемі жеткіліксіз болғандықтан, клопидогрелді ишемиялық инсульттің жедел кезеңінде (алғашқы 7 күнде) тағайындауға болмайды.

Препаратты бүйрек функциясы бұзылған науқастарда абайлап тағайындау керек.

Клопидогрел геморрагиялық диатез пайда болуы мүмкін бауыр функциясының орташа бұзылулары бар науқастарға сақтықпен тағайындалу керек.

Туа біткен галактозаны көтере алмаушылығы, глюкоза-галактозаның мальабсорбция синдромы және лактаза тапшылығы бар науқастарға клопидогрел қабылдауға болмайды.

Клопидогрел мен протон помпасының тежегіштерін бір мезгілде қабылдағанда жедел миокард инфарктісі сияқты жүрек құбылыстарының даму қаупі артады. Егер емделушіге клопидогрел қабылдау аясында протон помпасы блокаторларын қабылдау қажет болса, аталған топтың препараттарынан өзара әрекеттесу қабілетінің айқындылығы ең аз түрлерін тағайындау керек. Пантопразол осы дәрілік заттардың бірі болып табылады.

Жүре пайда болған гемофилия

Клопидогрел қабылдау аясында жүре пайда болған гемофилияның даму жағдайлары хабарланған. Қан кетудің дамуымен қатар жүретін немесе қатар жүрмейтін ішінара белсендірілген тромбопластин уақытының (іБТУ) оқшаулана ұзаруы расталғанда жүре пайда болған гемофилияның даму мүмкіндігі мәселесін қарастыру керек. Жүре пайда болған гемофилия диагнозы расталған емделушілер осы ауру бойынша мамандармен қадағаланып және емделіп, клопидогрел қабылдауды тоқтатуы тиіс.

Таяудағы ишемиялық инсульт

Деректер санының жеткіліксіздігіне байланысты, жедел ишемиялық инсульттен кейінгі алғашқы 7 күн бойы клопидогрел қолдану ұсынылмайды.

P450 2C19 цитохромы (CYP2C19)

Фармакокинетикасы: ұсынылған дозаларда клопидогрел қолдану кезінде CYP2C19 изоферментінің метаболизмдік функциясы төмендеген емделушілерде клопидогрелдің белсенді метаболиті азырақ түзіледі және оның тромбоциттер функциясына әсері азаяды. Емделуші генотипінің CYP2C19 айқындауға арналған тестілер бар.

Клопидогрел CYP2C19 әсер етуімен белсенді метаболитке ішінара метаболизденетіндіктен осы фермент белсенділігін тежейтін препараттарды пайдаланудың клопидогрел белсенді метаболитінің деңгейін төмендетуі күтіледі. Осы өзара әрекеттесудің клиникалық мәні нақтылай белгісіз. Алдын ала сақтану шаралары ретінде CYP2C19 күшті немесе орташа тежегіштерін бір мезгілде пайдаланбау керек.

Тиенопиридиндер арасындағы айқаспалы-реактивті аса жоғары сезімталдық

Емделушілер, тиенопиридиндер арасында айқаспалы-реактивті аса жоғары сезімталдық бары белгілі екендіктен, басқа тиенопиридиндерге (мысалы, клопидогрел, тиклопидин, прасугрел) аса жоғары сезімталдықты айқындау тұрғысынан тексерілуі тиіс. Тиенопиридиндер жеңіл де, бөртпе, Квинке ісінуі сияқты ауыр да аллергиялық реакцияларды немесе тромбоцитопения мен нейтропения сияқты гематологиялық айқаспалы реакцияларды туындатуы мүмкін. Осының алдында тиенопиридиннің біреуіне аллергиялық реакциялары немесе гематологиялық реакциялары болған емделушілерде басқа тиенопиридинге дәл сондай немесе басқа реакцияның жоғары даму қаупі болуы мүмкін.

Тиенопиридиндерге аллергиясы бар емделушілерде аса жоғары сезімталдық белгілерінің бар-жоғын бақылау ұсынылады.

Бүйрек жеткіліксіздігі

Бүйрек функциясы бұзылған науқастарда клопидогрелмен емдеудің клиникалық тәжірибесі шектеулі, сондықтан ондай науқастарға препарат сақтықпен тағайындалады.

Бауыр жеткіліксіздігі

Препаратты бауыр функциясы орташа бұзылған емделушілерде қолдану тәжірибесі шектеулі, өйткені геморрагиялық диатездің пайда болуы ықтимал. Мұндай науқастарға клопидогрел абайлап тағайындалу керек.

Жүктілік кезінде және лактация кезеңінде қолдану: қауіпсіздігі туралы талапқа сай клиникалық деректердің болмауына орай, жүктілік кезінде және лактация кезеңінде клопидогрел қабылдау ұсынылмайды.

Көлік құралдарын және басқа механизмдерді басқару қабілетіне әсері: клопидогрел қабылдағаннан кейін автокөлік басқару қабілеті нашарлаған немесе психикалық жұмыс қабілеттілігі азайған ешбір белгі анықталмаған. Препарат көлік құралдарын және басқа механизмдерді басқару қабілетіне ықпалын тигізбейді.

Артық дозалануы

Симптомдары: клопидогрелдің артық дозалануы қан кету уақытының ұзаруына және кейіннен асқынуларға апаруы мүмкін. Қан кету болғанда тиісті ем қолданылуы тиіс.

Емі: клопидогрелдің у қайтарғысы табылмаған. Егер ұзарған қан кету уақытын тез түзету қажет болса, тромбоцитарлық масса құю ұсынылады.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

Медицинада қолданылуы жөніндегі мемлекеттік және орыс тілдеріндегі нұсқаулықпен бірге үш пішінді қаптамадан картон қорапшаға салынады.

Сақтау шарттары

Ылғалдан және жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші

«Белмедпрепараты» РУК, Беларусь Республикасы

Заңды мекенжайы және шағымдар қабылдайтын мекенжайы:

220007, Минск қаласы, Фабрициус көшесі, 30,

т./ф.: (+375 17) 220 37 16, e-mail: medic@belmedpreparaty.com.

Тіркеу куәлігі иесінің атауы және елі

«Белмедпрепараты» РУК, Беларусь Республикасы

Қазақстан Республикасы аумағында тұтынушылардан өнім (тауар) сапасына қатыстын шағымдар қабылдайтын ұйымның мекенжайы:

«КазБелМедФарм» ЖШС

Заңды мекенжайы: ҚР 050028, Алматы қ., Бейсебаев к-сі, 151 үй

Нақты мекенжайы: ҚР 050022, Алматы қ., Абай к-сі, 48 А 2 қабат

Телефон/факс нөмірі: 8(727) 383-93-74; 383-93-69

Электронды поштасы: info@kmbf.kz