КЛОПИ-75

КЛОПИ-75

Клопидогрел

Үлбірлі қабықпен қапталған таблеткалар, 75 мг

Құрамы

Бір таблетканың құрамында

белсенді зат – 99.875 мг клопидогрел бисульфаты

(75.0 мг клопидогрелге баламалы),

қосымша заттар: лактоза моногидраты (Фаматоз DCL 11), гидроксипропилцеллюлоза (LHPC-LН 21), сусыз коллоидты кремнийдің қостотығы (аэросил 200), гидрогенделген майсана майы (Кутин HR), диметикон 100сSt,

Дөңгелек пішінді, екі беті дөңес, бір жағында «L ІІ» өрнегі бар қызғылт түсті үлбірлі қабықпен қапталған таблеткалар

Антикоагулянттар. Гепариннен басқа, тромбоциттер агрегациясының тежегіштері. Клопидогрел

АТХ коды ВО1АС04

Фармакокинетикасы

Тәулігіне 75 мг дозада бір рет және қайталап ішу арқылы қабылдаудан кейін клопидогрел тез сіңеді. Өзгермеген клопидогрелдің орташа жоғары шекті плазмалық концентрациялары (75 мг дозада бір рет ішу арқылы қабылдаудан кейін 2,2-2,5 нг/мл жуық) қабылдаудан кейін шамамен 45 минуттан соң білінген.

Клопидогрелдің несеппен бөлінетін метаболиттері бойынша, сіңуі 50%-дан кем емес.

Клопидогрел мен оның қан айналымындағы негізгі (белсенді емес) метаболиті плазма ақуыздарымен қайтымды байланыс түзеді (тиісінше, 98% және 94%). Осы байланыс концентрацияларының кең диапазонында қанықпаған.

Клопидогрел бауырда қарқынды метаболизмге ұшырайды. Клопидогрел екі негізгі жолмен метаболизденеді: бірі эстеразалармен жүреді және карбон қышқылының белсенді емес туындысы түзілетін гидролизге әкеледі (қан ағымында болатын метаболиттерден 85%), екіншісі әртүрлі Р450 цитохромдарымен жүзеге асады. Алдымен клопидогрел аралық метаболит – 2-оксо-клопидогрелге дейін метаболизденеді. Аралық метаболит – 2-оксо-клопидогрелдің кейінгі метаболизмі белсенді метаболит – клопидогрелдің тиол туындысының түзілуіне әкеледі. Осы метаболизм жолы CYP3А4, CYP2С19, CYP1А2 және CYP2В6 арқылы жүзеге асады. Белсенді тиол метаболиті тромбоциттер рецепторларымен тез және қайтымсыз байланысып, сол арқылы тромбоциттер агрегациясын бәсеңдетеді.

Белсенді метаболит Cmax клопидогрелдің бір реттік 300 мг жүктеме дозасынан соң да, 4 күн бойы 75 мг демеуші дозасын қабылдаудан кейін де 2 есе артады. Cmax қабылдаудан кейін шамамен 30-60 минуттан соң байқалады.

Клопидогрел қабылдаудан кейін несеппен 50% жуығы және 120 сағат ішінде шамамен 46% нәжістермен бөлініп шығады.

Бір 75 мг таблеткасын қабылдаудан кейін клопидогрел жартылай шығарылу кезеңі шамамен 6 сағат құрайды. Айналымдағы негізгі (белсенді емес) метаболиттің жартылай шығарылу кезеңі бір рет және қайталап қабылдаудан кейін 8 сағат құрайды.

Бүйрек функциясының бұзылуы

Ауыр бүйрек ауруы бар (креатинин клиренсі 5-тен 15 мл/мин дейін) пациенттерде клопидогрелдің күніне 75 мг қайталама дозаларынан кейін аденозиндифосфат (АДФ) түрткі болатын тромбоциттер агрегациясының бәсеңдеуі дені сау тұлғалардағыдан төмен (25%) болды, алайда, қан кету уақытының ұзаруы күніне 75 мг клопидогрел қабылдаған дені сау тұлғаларда байқалуына ұқсас болды. Барлық науқастарда клиникалық жағымдылығы жақсы болды.

Бауыр функциясының бұзылуы

Бауыр функциясының бұзылуы ауыр науқастарда 10 күн бойы клопидогрелдің күніне 75 мг қайталама дозаларынан кейін АДФ түрткі болған тромбоциттер агрегациясының бәсеңдеуі дені сау тұлғаларда байқалған бәсеңдеуіне ұқсас болды. Екі топтағы қан кету уақытының орташа ұзаруы да ұқсас болды.

Фармакодинамикасы

КЛОПИ-75 – тромбоциттер агрегациясының тежегіші. Клопидогрел – метаболиттерінің бірі тромбоциттер агрегациясының тежегіші болып табылатын ізашар дәрі. Клопидогрел белсенді метаболиті аденозиндифосфаттың (АДФ) өз Р2Y12 тромбоцитарлық рецепторымен байланысуын және кейіннен АДФ себеп болатын GPIIb/IIIa гликопротеин кешенінің белсенділенуін іріктеп тежейді, сол арқылы тромбоциттер агрегациясын кедергілейді. Қайтымсыз байланысу салдарынан, әсерге ұшыраған тромбоциттер өз тіршілігінің бүкіл қалған мерзімі бойына (шамамен, 7-10 күн) зақымданады, ал тромбоциттердің қалыпты функциясының қалпына келуі тромбоцитарлық циклға сәйкес жылдамдықпен жүзеге асады. АДФ-тен өзгеше агонистерден туындаған тромбоциттер агрегациясы да босап шыққан АДФ әсерімен жүзеге асатын тромбоциттердің күшті белсенділенуін бөгеу арқылы бәсеңдейді. Белсенді метаболит CYP450 энзимдерінің көмегімен түзілетіндіктен, олардың кейбірі полиморфты немесе басқа дәрілік қосылыстармен бәсеңдейді, науқастардың бәрінде бірдей тромбоциттердің бәсеңдеу дәрежесі жеткілікті бола бермейді.

Тәулігіне 75 мг қайталама дозалары бірінші күннен бастап-ақ АДФ туғызған тромбоциттер агрегациясының елеулі бәсеңдеуіне әкелді. Тежеу әсері үдемелі күшейген және 3-7 күннен соң тепе-теңдік күйіне жеткен. Тепе-тең жағдай сатысында тәулігіне 75 мг дозада байқалған орташа тежеліс деңгейі 40%-дан 60% дейін құрады. Тромбоциттер агрегациясы мен қан кету уақыты, әдетте, емдеуді тоқтатудан кейін 5 күн өткенде бастапқы деңгейіне біртіндеп оралды.

Атеротромбоз оқиғаларының профилактикасы

- миокард инфарктісінен (бірнеше күннен кемінде 35 күнге дейін), ишемиялық инсульттен (7 күннен кемінде 6 айға дейін) зардап шегетін ересек науқастар немесе шеткері артериялар ауруы диагностикаланған науқастар

- жедел коронарлық жеткіліксіздік синдромынан зардап шегетін ересек науқастар:

- ST сегментінің көтерілуінсіз жедел коронарлық жеткіліксіздік синдромында (тұрақсыз стенокардия немесе Q тісшесінсіз миокард инфарктісі), соның ішінде тері арқылы коронарлық араласу барысында стент орнатылған науқастарға ацетилсалицил қышқылымен (АСҚ) біріктірілімде;

- тромболитикалық ем жүргізуге жарамды дәрі-дәрмекпен емделіп жүрген науқастарда ST сегментінің көтерілуімен жедел миокард инфарктісінде АСҚ-мен біріктірілімде;

Жыпылықтағыш аритмия кезіндегі атеротромбоз және тромбоэмболия оқиғаларының профилактикасы

- тамыр оқиғаларының кем дегенде бір қауіп факторы болатын, жыпылықтағыш аритмияға шалдыққан ересек науқастарда, К дәруменінің антагонистеріне (КДА) жақпаушылығы бар және қан кету қаупі төмен науқастарда, ми инсультін қоса, атеротромбоз және тромбоэмболия оқиғаларына жол бермеу үшін АСҚ-мен біріктірілімде.

Ішке қабылдауға арналған. Ас ішуге байланыссыз қабылдауға болады.

Ересектер мен егде жастағы науқастар

КЛОПИ-75 бір реттік 75 мг тәуліктік дозада қабылдану керек.

Жедел коронарлық жеткіліксіздік синдромынан зардап шегетін науқастарда:

- ST сегментінің көтерілуінсіз жедел коронарлық жеткіліксіздік синдромы (тұрақсыз стенокардия немесе Q тісшесінсіз миокард инфарктісі): КЛОПИ-75 емі бір реттік 300 мг жүктеме дозасынан басталып, ал артынан тәулігіне бір рет 75 мг дозамен жалғастырылуы тиіс (ацетилсалицил қышқылымен тәулігіне 75-325 мг дозада). АСҚ жоғарырақ дозалары қан кету қаупінің артуына ұласатындықтан, АСҚ дозасын 100 мг-ден асырмау ұсынылады. Ең жоғары оң әсері 3 ай емделуден соң байқалады.

- ST сегментінің көтерілуімен жедел миокард инфарктісі: КЛОПИ-75 АСҚ және басқа тромболитикалық дәрілермен біріктірілімде немесе оларсыз 300 мг жүктеме дозасынан бастап, бір реттік 75 мг тәуліктік дозада қабылдану керек. КЛОПИ-75 емін 75 жастан асқан науқастарда жүктеме дозасыз бастаған дұрыс. Біріктірілген емді симптомдар білінген соң мүмкіндігінше ертерек бастап, кем дегенде, 4 апта бойы жалғастырған жөн.

Жыпылықтағыш аритмиясы бар науқастарға КЛОПИ-75 бір реттік 75 мг тең тәуліктік дозада тағайындалу керек. АСҚ (тәулігіне 75-100 мг) қабылдауды бастап, оны қолдануды клопидогрелмен біріктірілімде жалғастырған жөн.

Егер дозаны өткізіп алса:

- дәрі қабылдаудың әдетте жоспарланған уақытынан кейін 12 сағаттан аз өтсе: науқастар дозаны дереу қабылдап, одан кейін келесі дозаны дәрі қабылдаудың әдетте жоспарланған уақытында қабылдау керек

- 12 сағаттан көп өтсе: науқастар келесі дозаны дәрі қабылдаудың әдетте жоспарланған уақытында қабылдау керек, бірақ екі есе дозасын қабылдауға болмайды.

Бүйрек функциясының бұзылуы

Бүйрек функциясының бұзылуы бар пациенттерді емдеу тәжірибесі шектеулі («Айрықша нұсқауларын» қараңыз).

Бауыр функциясының бұзылуы

Геморрагиялық диатезі болуы мүмкін ауырлығы орташа дәрежедегі бауыр ауруына шалдыққан пациенттерді емдеу тәжірибесі шектеулі.

Клиникалық зерттеулер кезінде де, постмаркетингтік кезеңде де тіркелген ең жиі реакция қан кету болып табылады.

Жиі (≥1/100, 1/10)

- гематома және жарақаттық соғылу

- мұрыннан қан кету

- асқазан-ішектен қан кету, диарея, іштің ауыруы, диспепсия

- пункция орнынан қан кету

Жиі емес (≥1/1000,<1/100)

- тромбоцитопения, лейкопения, эозинофилия

- бассүйек ішіне қан құйылу (өліммен аяқталған бірнеше жағдайлар хабарланды), бас ауыру, парестезия, бас айналу

- көзге қан құйылу (конъюнктивалық, окулярлы, ретинальді)

- асқазан мен он елі ішектің ойық жарасы, гастрит, құсу, жүрек айну, іш қату, метеоризм

- бөртпе, қышыну, теріге қан құйылу (пурпура)

- гематурия

- қан кету уақытының ұзаруы, нейтрофилдер санының азаюы,

тромбоциттер санының азаюы

Сирек (≥1/10000, <1/1000)

- нейтропения, соның ішінде ауыр түрі

- вертиго (вестибулярлы бас айналу)

- ретроперитонеальді қан кету

Өте сирек (<1/10000)

- тромбоздық тромбоцитопениялық пурпура (ТТП), апластикалық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия

- сарысу құю ауруы, анафилактоидтық реакциялар

- елестеулер, сананың шатасуы

- дәм сезу бұзылулары

- ауыр қан кету, операциялық жарадан қан кету, васкулит, гипотензия

- респираторлық жолдан қан кетулер (қан түкіру, өкпеден қан кету), бронх түйілуі, интерстициальді пневмонит, эозинофильді пневмония

- өліммен аяқталатын асқазан-ішектен және ретроперитонеальді қан кету, панкреатит, колит (соның ішінде ойық жаралы немесе лимфоцитарлық), стоматит

- жедел бауыр жеткіліксіздігі, гепатит, бауыр функциясы талдауларының патологиялық көрсеткіштері

- буллёзді дерматит (уытты эпидермалық некролиз, Стивенс-Джонсон синдромы, көп формалы эритема), ангионевроздық ісіну, дәрілер қабылдаудан болатын жоғары сезімталдық синдромы, эозинофилиямен және жүйелі көріністермен қатар жүретін дәрілік бөртпе (DRESS-синдром), эритематозды немесе эксфолиативті бөртпе, есекжем, экзема және жалпақ теміреткі

- қаңқа-бұлшықеттен қан кету (гемартроз), артрит, артралгия, миалгия

- гломерулонефрит, қанда креатинин деңгейінің көтерілуі

- қызба

Жиілігі белгісіз

- айқаспалы қайта белсенділену нәтижесінде дамитын тиклопидин және прасугрел сияқты тиенопиридинді препараттарға жоғары сезімталдық

- дәрілік препараттың әсер етуші затына немесе компоненттерінің кез келгеніне жоғары сезімталдық

- бауыр функциясының ауыр бұзылулары

- жедел патологиялық қан кету, соның ішінде, асқазан мен 12 елі ішектің ойық жара ауруы, өңеш ойық жаралары кезінде қан кету немесе бассүйек ішіне қан құйылу

- жүктілік және лактация кезеңі

- галактоза жақпаушылығы, Лапп лактаза тапшылығы немесе глюкоза-галактоза мальабсорбциясы

- 18 жасқа дейінгі балаларға

Ішуге арналған антикоагулянттар: клопидогрелді ішуге арналған антикоагулянттармен бір мезгілде қолдану ұсынылмайды, өйткені бұл біріктірілім қан кетуді күшейтуі мүмкін. Тәулігіне 75 мг клопидогрел қабылдау варфаринмен ұзақ уақыт ем қабылдаған науқастарда S-варфарин фармакокинетикасы мен халықаралық қалыптасқан қатынасты (ХҚҚ) өзгертпегеніне қарамастан, клопидогрелді варфаринмен бір мезгілде қолдану екі препараттың да гемостазына өз бетінше әсер ететіндіктен қан кету қаупін арттырады.

Гликопротеин IIb/IIIа тежегіштері: клопидогрел IIb/IIIа гликопротеин тежегіштерін бір мезгілде қабылдайтын науқастарда сақтықпен қолданылу керек.

Ацетилсалицил қышқылы (АСҚ): АСҚ клопидогрел себеп болатын, АДФ индукциялаған тромбоциттер агрегациясының бәсеңдеуін өзгертпейді, алайда клопидогрел коллагенмен индукцияланған тромбоциттер агрегациясына АСҚ әсерін күшейтеді. Дегенмен де, бір мезгілде тәулік бойына күніне екі рет 500 мг АСҚ қабылдау клопидогрел қабылдаудан болатын қан кету уақытының елеулі ұзаруын туындатпаған. Клопидогрел мен ацетилсалицил қышқылы арасында жоғары қан кету қаупіне әкелетін фармакодинамикалық өзара әрекеттесу болуы мүмкін. Демек, бұл препараттарды бір мезгілде абайлап қолдану керек. Дегенмен де, клопидогрел мен АСҚ бір жылға дейін бірге тағайындалған.

Гепарин: Гепаринді бір мезгілде қолдану клопидогрелден туындаған тромбоциттер агрегациясының бәсеңдеуіне ықпал етпеген. Клопидогрел мен гепарин арасында жоғары қан кету қаупіне әкелетін фармакодинамикалық өзара әрекеттесу болуы мүмкін. Демек, бұл препараттарды бір мезгілде абайлап қолданылуы тиіс.

Тромболитикалық дәрілер: клопидогрелді фибринспецификалық және фибринспецификалық емес тромболитикалық дәрілермен және гепариндермен бірге қолдану қауіпсіздігі жедел миокард инфарктісімен науқастарда зерттелді. Клиникалық мәнді қан кетулер жиілігі тромболитикалық дәрілер мен гепаринді АСҚ-мен бірге қолдану кезінде байқалуына ұқсас болды.

Қабынуға қарсы стероидты емес дәрілер (ҚҚСД): дені сау еріктілердің қатысуымен жүргізілген клиникалық зерттеулерде клопидогрел мен напроксенді бірге қолдану асқазан-ішек жолынан жасырын қан жоғалтуды арттырған. Алайда, басқа ҚҚСД-мен өзара әрекеттесуіне қатысты жеткілікті клиникалық зерттеулер болмауына орай, қазіргі уақытта асқазан-ішектен қан кетулер қаупінің жоғарылауы барлық ҚҚСД үшін сипатты екені-емесі түсініксіз. Демек, ҚҚСД (соның ішінде ЦОГ-2 тежегіштері) мен клопидогрелді бір мезгілде қолдану сақ болуды талап етеді.

Серотонинді кері қармаудың іріктелген тежегіштері (СКҚІТ): СКҚІТ тромбоциттер белсенділенуіне ықпал етіп, қан кету қаупін арттыратындықтан, оларды клопидогрелмен бірге тағайындау сақтануды талап етеді.

Бір мезгілде жүргізілетін басқа ем: клопидогрел өзінің белсенді метаболитіне дейін ішінара CYP2С19 арқылы метаболизденетіндіктен, осы энзим белсенділігін бәсеңдететін дәрілік заттарды қолдану клопидогрел белсенді метаболитінің дәрілік концентрацияларының төмендеуіне әкелуі күтіледі. Бұл өзара әрекеттесудің клиникалық мәні түсініксіз. Сақтану шарасы ретінде күшті немесе орташа CYP2С19 тежегіштерінің бір мезгілде қолданылуын мақұлдауға болмайды.

CYP2C19 бәсеңдететін дәрілік препараттарға омепразол мен эзомепразол, флувоксамин, флуоксетин, моклобемид, вориконазол, флуконазол, тиклопидин, ципрофлоксацин, циметидин, карбамазепин, окскарбазепин және хлорамфеникол жатады.

Протонды помпа тежегіштері (ППТ):

Не клопидогрелмен бір мезгілде, не екі дәрілік препаратты қабылдау арасында 12 сағаттық үзілісті сақтап қабылданған тәулігіне бір рет 80 мг дозадағы омепразол белсенді метаболит экспозициясын 45% (жүктеме доза) және 40% (демеуші доза) төмендетті. Төмендеу тромбоциттер агрегациясының бәсеңдеуін төмендетумен 39% (жүктеме доза) және 21% (демеуші доза) байланысты болды. Клопидогрелмен бір мезгілде қабылданған эзомепразол да белсенді метаболит экспозициясының төмендеуіне әкеледі деп күтіледі.

Маңызды кардиоваскулярлық оқиғалармен көрініс беретін бұл фармакокинетикалық (ФК)/фармакодинамикалық (ФД) өзара әрекеттесудің клиникалық мәні туралы қарама-қайшы деректер әрі бақыланатын, әрі клиникалық зерттеулерде ұсынылды. Сақтану шарасы ретінде омепразол немесе эзомепразолды клопидогрелмен бір мезгілде қолдануға болмайды.

Пантопразол мен лансопразол жағдайында метаболит экспозициясының аз білінетін төмендеуі байқалды.

Белсенді метаболиттің плазмалық концентрациялары тәулігіне бір рет 80 мг дозада пантопразолмен емдеу кезінде 20% (жүктеме доза) және 14% (демеуші доза) төмендеген. Бұл тромбоциттер агрегациясының орташа тежелуінің, тиісінше, 15% және 11% төмендеуімен қатар жүрді. Осы нәтижелер клопидогрелді пантопразолмен бірге қолдануға болатынын білдіреді.

Н2-рецепторлар блокаторлары (CYP2С19 тежегіші болып табылатын циметидинді қоспағанда) және антацидтер сияқты асқазан қышқылдылығын төмендететін басқа дәрілік заттардың клопидогрел антитромбоцитарлық белсенділігіне ықпал ету дәлелдері жоқ.

Басқа дәрілік препараттар: Клопидогрел атенололмен немесе нифедипинмен немесе осы екі затпен де бірге қолданылғанда клиникалық маңызды фармакодинамикалық өзара әрекеттесулер байқалмаған. Фенобарбитал немесе эстрогенді бір мезгілде қолдану клопидогрел фармакодинамикалық белсенділігіне елеулі ықпалын тигізбеген. Клопидогрел бір мезгілде қолданылғанда дигоксин мен теофиллин фармакокинетикасы өзгермеген. Антацидті дәрілер клопидогрелдің сіңірілу дәрежесін өзгертпеген. CYP2С9 арқылы метаболизденетін фенитоин мен толбутамидті клопидогрелмен бір мезгілде қауіпсіз қолдануға болады.

Жоғарыда сөз болған препараттардан тыс, әдетте атеротромбозы бар пациенттерге тағайындалатын басқа дәрілік препараттармен клопидогрелдің өзара әрекеттесу зерттеулері жүргізілмеген. Алайда клопидогрелмен қатар өте алуан түрлі препараттар қабылдаған пациенттер үшін клиникалық мәнді жағымсыз өзара әрекеттесулері білінбеген. Аталған препараттар қатарына диуретиктер, бета-адреноблокаторлар, ангиотензин өзгертуші фермент тежегіштері (АӨФ тежегіштері), кальций антагонистері, холестерин деңгейін төмендететін препараттар, коронарлық вазодилататорлар, диабетке қарсы препараттар (соның ішінде инсулин), эпилепсияға қарсы дәрілер, сондай-ақ GРII/IIIa рецепторларының блокаторлары жатады.

Қан кетулер және гематологиялық бұзылулар

Емдеу кезіндегі қан кету мен гематологиялық жағымсыз реакциялар қаупіне орай, қан кетуді білдіретін клиникалық симптомдар білінгенде бірден жалпы қан талдауын және/немесе басқа да тиісті талдаулар жасау керек.

Басқа да антитромбоцитарлық дәрілер сияқты, КЛОПИ-75 жарақатпен, хирургиялық немесе басқа патологиялық жағдайлармен байланысты қатты қан кету қаупіне ұшырауы мүмкін науқастарда, сондай-ақ АСҚ, гепаринмен, IIb/IIIа гликопротеин тежегіштерімен немесе ЦОГ-2 тежегіштерін немесе серотонинді кері қармайтын іріктелген тежегіштерді (СКҚІТ) қоса, қабынуға қарсы стероидты емес дәрілермен (ҚҚСД) емделіп жүрген науқастарда сақтықпен қолданылу керек. Науқастарда, әсіресе, емдеудің алғашқы апталарында және/немесе жүрекке жасалған инвазиялық емшаралардан немесе хирургиялық араласудан соң жасырын қан кетуді қоса, қан кетудің кез келген белгілерінің бар-жоғын мұқият бақылау керек. Бұл қан кету қарқынын күшейтуі мүмкін екендіктен, ішуге арналған антикоагулянттармен бір мезгілде КЛОПИ-75 қолдану ұсынылмайды.

Егер науқасқа элективті хирургиялық араласу жасалатын болса және антитромбоцитарлық әсер уақытша қажет болмаса, клопидогрел қабылдауды операциядан 7 күн бұрын тоқтату керек. Кез келген жоспарлы операция мен кез келген жаңа дәрілік препаратты қабылдар алдында науқастар өздерінің КЛОПИ-75 қабылдап жүргенін дәрігерлер мен стоматологтарға ескертуі тиіс. КЛОПИ-75 қан кету уақытын ұзартады және қан кетуге (әсіресе, асқазан-ішектік және көзішілік) бейімдендіретін патологиялық зақымданулары бар науқастарда сақтықпен қолданылуы тиіс.

Науқастарды КЛОПИ-75 қабылдау кезінде (бір өзін немесе АСҚ-мен біріктірілімде) қан кетуді тоқтатуға әдеттегіден көп уақыт қажет болуы мүмкін екенінен және егер оларда әдеттен тыс қан кету (орналасуы немесе ұзақтығы бойынша) туындаса, өз емдеуші дәрігеріне мәлімдеу керектігінен хабардар ету қажет.

Тромбоздық тромбоцитопениялық пурпура (ТТП)

Өте сирек, КЛОПИ-75 қолданудан кейін, ал кейде ұзаққа созылмаған экспозициядан соң да тромбоздық тромбоцитопениялық пурпура (ТТП) жағдайлары орын алған. Ол неврологиялық өзгерістер, бүйрек дисфункциясы немесе қызба қатар жүретін тромбоцитопениямен және микроангиопатиялық гемолиздік анемиямен сипатталады. ТТП, плазмаферезді қоса, шұғыл емдеуді талап ететін өлім қаупі зор жағдай болып табылады.

Жүре пайда болған гемофилия

КЛОПИ-75 қабылдаудың жүре пайда болған гемофилияның дамуына әкелетіні хабарланған. Қан кетумен немесе оларсыз ішінара белсенділенген тромбопластин уақытының (ІБТУ) оқшау ұзаруы расталғанда жүре пайда болған гемофилияның даму мүмкіндігін қарастыру керек. Жүре пайда болған гемофилия диагнозы расталған науқастарды емдеуге және олардың жай-күйін қадағалауға мамандар жетекшілік етуі тиіс; ал КЛОПИ-75 қабылдауды тоқтату керек.

Жедел ишемиялық инсульт

Деректердің болмауына орай, жедел ишемиялық инсульттен кейін алғашқы 7 күн ішінде КЛОПИ-75 ұсынылмауы мүмкін.

Р450 2С19 цитохромы (CYP2С19)

Фармакогенетикасы: CYP2С19 баяу метаболизаторлары болып табылатын науқастар жағдайында ұсынылған дозаларында клопидогрел белсенді метаболиттері аз түзіледі, әрі ол тромбоциттер функциясына аз әсерін көрсетеді. Науқастардағы CYP2С19 генотипін анықтауға арналған тестілер бар.

КЛОПИ-75 ішінара CYP2С19 арқылы өз белсенді метаболитіне дейін метаболизденетіндіктен, осы фермент белсенділігін бәсеңдететін дәрілік препараттар қолдану, күтілетіндей, клопидогрел белсенді метаболиті деңгейлерінің төмендеуіне әкеледі. Қазіргі таңда осы өзара әрекеттесудің клиникалық мәні анықталмаған. Сақтану шарасы ретінде, осы препаратпен бір мезгілде күшті немесе орташа әсер ететін CYP2С19 тежегіштерін пайдалану ұсынылмайды.

Тиенопиридиндер арасындағы айқаспалы реакциялар

Тиенопиридиндер арасында айқаспалы қайта белсенділенудің даму хабарламаларымен байланысты, пациенттер анамнезінде тиенопиридиндерге (мысалы, клопидогрел, тиклопидин, празугрел) жоғары сезімталдықтың бар-жоғын тексеру қажет. Тиенопиридиндер бөртпе, ангионевроздық ісіну сияқты жеңілден ауыр дәрежеге дейінгі аллергиялық реакциялардың немесе тромбоцитопения және нейтропения сияқты гематологиялық айқаспалы реакциялардың дамуына себеп болуы мүмкін. Анамнезінде тиенопиридиндердің біріне аллергиялық реакция және/немесе гематологиялық реакция көрініс берген пациенттерде басқа тиенопиридиндерге дәл осы немесе басқа реакцияның даму қаупі жоғары болуы мүмкін. Тиенопиридиндерге белгілі аллергиялық реакциясы бар пациенттерде жоғары сезімталдық белгілеріне мониторинг өткізу ұсынылады.

Бүйрек функциясының бұзылуы

Бүйрек функциясының бұзылуы бар науқастарда КЛОПИ-75 емдеу тәжірибесі шектеулі. Демек, ондай науқастар жағдайында КЛОПИ-75 сақтықпен қолданылу керек.

Бауыр функциясының бұзылуы

Препаратты геморрагиялық диатезге бейім, бауыр функциясының ауырлығы орташа дәрежедегі бұзылуы бар науқастарда қолдану тәжірибесі шектеулі. Осыған орай, бұл қауымда КЛОПИ-75 сақтықпен қолданылуы тиіс.

Педиатрияда қолдану

Балалар мен 18 жасқа толмаған жасөспірімдерде КЛОПИ-75 қолдану қауіпсіздігі мен тиімділігі анықталмаған.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

КЛОПИ-75 автокөлік және жұмыс механизмдерін басқару қабілетіне әсер етпейді немесе мардымсыз әсер етеді.

Симптомдары: қан кету асқынуларына ұласатын қан кету уақытының ұзаруы.

Емі: Клопидогрелдің фармакологиялық белсенділігінің антидоты табылмаған. Егер қан кету уақытының ұзаққа созылуын тез түзету қажет болса, тромбоциттер трансфузиясы КЛОПИ-75 әсерлерін тоқтата алады.

Шығарылу түрі және қаптамасы

Алюминий фольгадан (АIu/АІu) жасалған пішінді ұяшықты қаптамаға 14 таблеткадан салынады.

Пішінді ұяшықты 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы және елі

Macleods Pharmaceuticals Limited

304, Atlanta Arcade, Marol Church Road, Andheri (East), Mumbai – 400 059, India.

Тіркеу куәлігінің ұстаушысы

Macleods Pharmaceuticals Limited, Үндістан

Қаптаушы ұйымның атауы және елі

Macleods Pharmaceuticals Limited, Үндістан

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Macleods Pharmaceuticals Limited» ЖШК филиалы,

Қазақстан Республикасы

Алматы қ., Төлебаев к-сі 38/61, 5 қабат

Тел./факс. +7 727 2734593, 8 7011100343

E-mail: danielt@macleodspharma.com.