Клодифен

Клодифен

Диклофенак

Вена ішіне және бұлшықет ішіне енгізуге арналған 75 мг/3 мл ерітінді

3 мл препараттың құрамында

белсенді зат – натрий диклофенагы1 75.00 мг,

қосымша заттар: пропиленгликоль, натрий метабисульфиті, бензил спирті, маннитол, натрий гидроксиді2, хлорсутек қышқылы2, инъекцияға арналған су

1 Белсенді заттың нақты мөлшерін құрамындағы өлшем мәнін және кептіргендегі салмақ жойылуын ескерумен есептеп шығарады

2 рН мәнін түзету үшін 10 % натрий гидроксиді ерітіндісі немесе 10 % хлорсутек қышқылы

Ақшыл-сары түсті мөлдір ерітінді

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Сірке қышқылының туындылары және тектес қосылыстар. Диклофенак.

АТХ коды М01АВ05

Фармакокинетикасы

Сіңуі

75 мг диклофенакты бұлшықет ішіне инъекция арқылы енгізгеннен кейін дереу сіңе бастайды, және 2,558 ± 0,968 мкг/мл (2,5 мкг/мл ± 8 мкмоль/л) құрайтын қан плазмасындағы орташаның ең жоғары концентрацияларына шамамен 20 минут өткен соң жетеді. Сіңірілген мөлшері мен дозалар шамасына дозаға байланысты пропорционалды.

75 мг диклофенакты венаішілік инфузия жолымен 2 сағат бойы қолданғанда қан плазмасындағы орташа ең жоғары концентрациясы 1,875 ± 0,436 мкг/мл (1,9 мкг/мл ≡ 5,9 мкмоль/л) құрайды. Уақыты қысқалау инфузияларда қан плазмасында ең жоғары концентрациясына жетеді, бұл арада ұзағырақ инфузия 3-4 сағаттан кейін инфузия жылдамдығына пропорционалды концентрациясының плато деңгейін қамтамасыз етеді. Бұл пероральді, ректальді немесе бұлшықетішілік қолданудан кейін ең жоғары деңгейге жеткен соң бақыланатын плазмалық концентрациясының жылдам төмендеуіне қарама-қарсы құбылыс.

Биожетімділігі

Бұлшықет ішіне немесе вена ішіне енгізгеннен кейін концентрацияның қисық астындағы ауданы (AUC) пероральді немесе ректальді түрде қолданудан кейінгі қисық астындағы ауданынан шамамен екі есе артық болады, өйткені қолданудың осындай жолы бауыр арқылы бастапқы өту әсерінен аулақ болуға мүмкіндік береді.

Таралуы

Белсенді заттардың 99,7%-ы плазма ақуыздарымен, көбінесе альбуминмен (99,4%) байланысады.

Диклофенак синовиальді сұйықтыққа өтеді, ең жоғары концентрациясы плазмадағы концентрациясының ең жоғары мәніне жеткеннен кейін 2-4 сағаттан кейін өлшенеді. Синовиальді сұйықтықтан шамаланған жартылай шығарылу кезеңі 3-6 сағатты құрайды. Плазмада ең жоғары мәніне жеткеннен кейін екі сағаттан соң синовиальді сұйықтықтағы белсенді заттардың концентрациясы плазмадағы концентрациясынан асып тұрады

және ол 12 сағатқа дейін жоғарырақ күйінде қалады.

Диклофенак емшек емізетін бір әйелдің емшек сүтінде төмен концентрацияларда (100 нг/мл) табылды. Нәрестенің емшек сүтімен қабылдайтын есептік мөлшері тәулігіне 0,03 мг/кг дозаға баламалы.

Метаболизмі

Диклофенактың биотрансформациясы ішінара бастапқы молекуланың глюкуронизациясы жолымен, бірақ негізінен көп реттік гидроксилдену және метоксилдену жолымен жүріп, бірнеше фенольді метаболиттердің түзілуіне әкеледі, олардың көбісі глюкуронидті конъюгаттарға айналады. Фенольді метаболиттің екеуі де биологиялық тұрғыдан белсенді, бірақ диклофенакқа қарағанда, бұл біршама аз дәрежеде болады.

Шығарылуы

Диклофенактың қан плазмасындағы жалпы жүйелік клиренсі 263 ± 56 мл/мин (орташа мәні ± СО) құрайды. Плазмадан жартылай шығарылуының терминальді кезеңі 1-2 сағатты құрайды. Белсенді екі метаболитті қоса, метаболиттің төртеуінің де плазмадан жартылай шығарылу кезеңі қысқа, ол 1-3 сағатты құрайды.

Енгізілген дозаның 60%-ға жуығы несеппен бірге бастапқы молекуланың глюкуронидтік конъюгаттары түрінде, сондай-ақ метаболиттер түрінде бөлініп шығады, олардың көбісі сондай-ақ глюкуронидті конъюгаттарға айналады. 1%-дан азы өзгермеген зат күйінде шығарылады. Қалған мөлшері өттегі метаболиттер түрінде нәжіспен бөлініп шығады.

Ерекше топтағы пациенттер

Егде жастағы пациенттер

Жасырақ дені сау субъектілерден күтілгенмен салыстырғанда бес егде жастағы пациентте 15 минуттық венаішілік инфузия қан плазмасындағы концентрациясының 50%-ға жоғарылауына әкелгені бақылануынан басқа

жасына байланысты заттардың сіңуінің, метаболизмінің және шығарылуының айырмашылығы анықталмады.

Бүйрек функциясы бұзылған пациенттер

Бүйрек функциясы бұзылған пациенттерде бір реттік доза кинетикасы негізінде әдеттегі дозалау қолданғанда өзгеріске ұшырамаған белсенді заттардың жинақталуы күтілмейді. Креатинин клиренсінің деңгейі <10 мл/мин болғанда қан плазмасындағы тепе-теңдік күйінде гидроксильді метаболиттердің есептік деңгейі дені сау субъектілердегі деңгейден шамамен 4 есе артық болады. Алайда метаболиттер ақырында өтпен бірге шығарылады.

Бауыр аурулары бар пациенттер

Созылмалы гепатиті немесе декомпенсацияланбайтын циррозы бар пациенттерде диклофенактың кинетикасы мен метаболизмі бауыр аурулары жоқ пациенттердегі осындайларға ұқсас.

Фармакодинамикасы

Диклофенак ауыруды басатын/қабынуға қарсы айқын қасиеттері бар стероидты емес дәрі болып табылады. Ол простагландин-синтетазаның (циклооксигеназаның) тежегіші болып табылады. Натрий диклофенагы адамда жететін концентрацияларында баламалы in vitro шеміршектердегі протеогликанның биосинтезін бәсеңдетпейді. Операциядан кейінгі ауырғанды емдеуге апиындармен бір мезгілде қолданғанда диклофенак жиі апиындарға қажеттілікті төмендетеді.

- бүйрек шаншуын қоса, ауырудың жедел түрлерінде

- остео- және ревматоидты артриттің өршуінде

- арқаның қатты ауыруында

- жедел подаграда

- жедел жарақаттарды және сынуларды

- операциядан кейінгі ауыру синдромында

Препаратты венаішілік инфузия түрінде енгізу стационарда операциядан кейінгі ауырудың емі және профилактикасына арналған.

Жағымсыз реакциялар симптомдарды бақылауды қамтамасыз ету үшін қажетті ең қысқа мерзім ішінде тиімді ең аз дозаны қолдану жолымен барынша азайтылуы мүмкін.

Ересектер

Клодифен препаратының инъекцияға арналған ерітіндісін 2 күннен асырмай қолдану керек; ем қажет болған жағдайда препараттың пероральді түрімен жалғастыруға болады.

Бұлшықет ішіне инъекция

Енгізу орнында жүйкенің немесе басқа тіндердің зақымдануына жол бермеу үшін бұлшықет ішіне инъекция жасағанда келесі ережелерді ұстану қажет.

Бір ампуланы бұлшықет ішілік жолмен тәулігіне бір рет (немесе ауыр жағдайларда екі рет) жоғарғы сыртқы шаршысына терең бөксеішілік инъекция арқылы қолданады. Тәулігіне екі инъекция жүргізу қажет болғанда екінші рет инъекцияны бөксенің басқа жағына жүргізу ұсынылады. Сондай-ақ бір ампула 75 мг диклофенакты басқа дәрілік түрлерімен (таблеткалар немесе суппозиториймен) тәуліктік ең жоғары дозасы 150 мг жеткенге дейін біріктіруге болады.

Бүйрек шаншулары: бұлшықет ішіне бір ампула 75 мг. Қажет болған жағдайда 30 минуттан соң қосымша ампула пайдалануға болады. Препараттың ұсынылатын тәуліктік ең жоғары дозасы 150 мг құрайды.

Вена ішіне инфузия

Клодифен препаратын вена ішіне инфузиясын бастаудың алдында дереу 100-500 мл натрий хлориді ерітіндісі (0,9%) немесе глюкоза ерітіндісі (5%) көмегімен сұйылту керек. Ерітіндінің екеуі де натрий бикарбонаты ерітіндісімен (0,5 мл 8,4% немесе 1 мл 4,2%) буферленуі тиіс. Тек мөлдір ерітінді қолдану керек.

Клодифен вена ішіне болюстік инъекция түрінде қолдануға болмайды.

Емдеу режимінің екі баламалы түрі ұсынылады:

Операциядан кейінгі орташа немесе ауыр ауыруларды емдеу үшін 30 минуттан 2 сағатқа дейінгі уақыт ішінде 75 мг инфузияны жүргізу керек.

Ем қажет болғанда қайталап 4-6 сағаттан кейін жүргізілуі мүмкін, бұл арада доза кез келген 24 сағатта 150 мг аспауы тиіс.

Операциядан кейінгі ауырулардың профилактикасы үшін операциядан кейін инфузия түрінде 25-50 мг жүктеме дозаны қолдану керек; инфузия 15 минуттан 1 сағатқа дейінгі уақыт ішінде жүргізіледі, осыдан кейін ең жоғары тәуліктік дозасы 150 мг жеткенге дейін сағатына 5 мг жуық дозада үздіксіз инфузия жүргізіледі.

Ерекше топтар

Егде жастағы пациенттер

Диклофенактың фармакокинетикасы егде жастағы пациенттерде клиникалық елеулі дәрежеде өзгермейтіндігіне қарамастан, қабынуға қарсы стероидты емес препараттарды (ҚҚСП) олардың жағымсыз реакциялар дамуына көбірек бейім болатындығына байланысты бұндай пациенттерге сақтықпен қолданған жөн. Атап айтқанда, егде жастағы әлсіз пациенттерде немесе егде жастағы дене салмағы төмен пациенттерде тиімді ең аз дозада қолдану ұсынылған, сондай-ақ ҚҚСП емдеу кезінде асқазан-ішектік қан кетулер тұрғысынан пациенттерде мониторинг жүргізу қажет.

Бүйрек функциясының бұзылуы

Бүйрек функциясы бұзылған пациенттерде арнаулы зерттеулер жүргізілген жоқ, сондықтан дозалау бойынша нақты нұсқау беру мүмкін емес. Диклофенакты бүйрек функциясының жеңіл немесе орташа бұзылулары бар пациенттерге қолданғанда сақтық таныту ұсынылады

Бауыр функциясының бұзылуы

Бауыр функциясының бұзылуы бар пациенттер арасында арнаулы зерттеулер жүргізілген жоқ, сондықтан дозаны түзетуге қатысты қандай да болсын нақты нұсқау беру мүмкін емес. Диклофенакты бауыр функциясының жеңіл немесе орташа бұзылулары бар пациенттерге қолданғанда сақтық таныту ұсынылады.

Балалар

Препарат балаларға қолдануға ұсынылмайды.

Жағымсыз реакцияларының төмен қолданылған жиілік параметрлері мынадай түрде анықталған: жиі (≥1/100, бірақ <1/10), жиі емес (≥ 1/1000, бірақ <1/100), өте сирек (<1/10000), жиілігі белгісіз (қолда бар деректер бойынша туындау жиілігін бағалау мүмкін болмаған).

Жиі

- инъекция орнындағы реакциялар, инъекция орнының ауыруы, тығыздану

- бөртпе

- трансаминаза деңгейінің ұлғаюы

- жүрек айнуы, құсу, диарея, диспепсия, іш аумағының ауыруы, метеоризм,

анорексия

- вертиго

- бас ауыруы, бас айналуы

Жиі емес

- миокард инфаркті, жүрек жеткіліксіздігі, жүрек қағуын сезіну, кеуденің ауыруы

Сирек

- ісіну

- есекжем

- гепатит, сарғаю, бауыр функциясының бұзылуы

- гастрит, асқазан-ішектен қан кету, қан құсу, геморрагиялық диарея, мелена, қан кетумен немесе онсыз немесе тесілусіз асқазан немесе ішек ойық жаралары (кейде өліммен аяқталатын, әсіресе егде жастағы адамдарда)

- демікпе (диспноэны қоса)

- ұйқышылдық, қажу

- аса жоғары сезімталдық, анафилаксиялық және анафилактоидты реакциялар (гипотензия және шокты қоса)

Өте сирек

• тромбоцитопения, лейкопения, анемия (гемолиздік және апластикалық анемияны қоса), агранулоцитоз

• ангионевроздық ісіну (бет ісінуін қоса)

бағдарсыздық, депрессия, ұйқысыздық, түнгі қорқыныштар, ашушаңдық, психикалық бұзылыстар

• парестезия, жадының бұзылуы, құрысулар, үрейлену, тремор, асептикалық менингит, дәм сезудің бұзылуы, ми қан айналымының бұзылуы

• көрудің бұзылуы, бұлыңғыр көру, диплопия

• құлақтың шуылдауы, естудің бұзылуы

• гипертензия, гипотензия, васкулит

• пневмонит

• колит (геморрагиялық колит және ойық жаралы колиттің өршуі немесе Крон ауруы), іш қату, стоматит (ойық жаралы стоматитты қоса), глоссит, эзофагеальді бұзылуы, диафрагмаға ұқсас ішек стриктурасы, стенозы, панкреатит

• фульминантты гепатит, гепатонекроз, бауыр жеткіліксіздігі

буллезный дерматит, экзема, эритема, мультиформалы эритема, Стивенс-Джонсон синдромы, уытты эпидермальді некролиз (Лайелл синдромы), эксфолиативті дерматит, шаштың түсуі, фотосезімталдық реакциялары, пурпура, аллергиялық пурпура, қышыну

- бүйректің жедел жеткіліксіздігі, гематурия, протеинурия, нефроздық синдром, интерстициальді нефрит, бүйректің папиллярлық некрозы

• импотенция

Жиілігі белгісіз

• ишемиялық колит

• оптикалық неврит

• шатасу, елестеулер, сезімталдық бұзылулары, дімкәстік

• инъекция орнының некрозы

• әсер етуші затқа, натрий метабисульфитіне немесе препараттың кез келген басқа компоненттеріне белгілі аса жоғары сезімталдық

• қан кетулермен немесе тесілулермен бірге асқазанның немесе ішектің белсенді ойық жаралары

• анамнезде бұның алдында ҚҚСП-мен емдеумен байланысты асқазан-ішектік қан кетулердің немесе тесілулердің болуы

• жедел немесе анамнезде көрсетілген қайталанған пептидтік ойық жараның/қан кетулердің болуы (ойық жара немесе қан кетулер айғақталған екі немесе одан көбірек жеке көріністер)

• жүктіліктің III триместрі

• бауыр жеткіліксіздігі

• бүйрек жеткіліксіздігі

• анықталған жүрек функциясының іркілген жеткіліксіздігі (NYHA II-IV], жүректің ишемиялық ауруы, шеткері артериялардың аурулары және/немесе цереброваскулярлық аурулар

• ибупрофен, ацетилсалицил қышқылы немесе басқа ҚҚСП қолдану бронх демікпесі ұстамаларына, ангионевроздық ісіну, есекжем немесе жедел ринитке түрткі болатын пациенттерге

Вена ішіне қолдану үшін арнайы

• ҚҚСП немесе антикоагулянттарды (гепариннің төмен дозаларын қоса) бір мезгілде қолдану

• геморрагиялық диатез, анамнездегі расталған немесе күдік болған цереброваскулярлық қан кету

• қан кетуінің жоғары қаупімен бірге жүретін операциялар;

• анамнездегі демікпе

• бүйрек функциясының орташа немесе ауыр бұзылуы (қан сарысуындағы креатинин деңгейі > 160 мкмоль/л)

• гиповолемия немесе кез келген себептен туындаған сусыздану

Келесі өзара әрекеттесулер диклофенактың ішекте еритін қабықпен қапталған таблеткаларын және/немесе диклофенактың басқа дәрілік түрлерін қолданғанда байқалған жағдайларды қамтиды.

Литий: бір мезгілде қолдану жағдайларында диклофенак қан плазмасындағы литий концентрациясын арттыруы мүмкін. Плазмадағы литий деңгейіне мониторинг жүргізу ұсынылады

Дигоксин: бір мезгілде қолдану жағдайларында диклофенак қан сарысуындағы дигоксин концентрациясын арттыруы мүмкін. Сарысудағы дигоксин деңгейіне мониторинг жүргізу ұсынылады.

Диуретиктер және гипертензияға қарсы дәрілер: диклофенакты диуретиктермен немесе гипертензияға қарсы дәрілермен (мысалы, бета-блокаторлармен, ангиотензин-өзгертуші фермент (АӨФ) тежегіштерімен қатарлас қолдану тамыр кеңейтетін простагландиндер синтезін тежеу арқылы олардың гипертензияға қарсы әсерін азайтуға әкелуі мүмкін. Осылайша бұндай біріктірілімді сақтықпен қолдану керек, пациенттер, әсіресе егде жастағылар, артериялық қысымға байланысты мұқият бақылауда болуы тиіс. Пациенттер қатар жүргізілетін емді бастағаннан кейін және одан кейін ұдайы сұйықтықтың жеткілікті мөлшерін қабылдауы тиіс және әсіресе диуретиктерді және АӨФ тежегіштерін қолданған жағдайда, нефроуыттылық қаупінің ұлғаюы салдарынан бүйрек функциясына мониторинг жүргізу керек.

Гиперкалиемияны туындататын препараттар: калий жинақтайтын диуретиктермен, циклоспоринмен, такролимуспен немесе триметоприммен бір мезгілде емдеу қан сарысуындағы калий деңгейінің жоғарылауына әкелуі мүмкін (бұл көрсеткішті үнемі бақылаған жөн).

Антикоагулянттар және тромбозға қарсы дәрілер: бұл дәрілік заттарды диклофенакпен үйлестіру қан кету қаупін жоғарылататын болғандықтан, сақтық шараларын қолдану керек. Клиникалық зерттеулер диклофенактың антикоагулянттар белсенділігіне ықпалы туралы айғақтамауына қарамастан, диклофенак пен антикоагулянтты бір мезгілде қабылдап жүрген пациенттерде қан кету қаупінің жоғары болатындығы жөнінде жеке-дара деректер бар. Сондықтан антикоагулянттың дозасын өзгерту қажеті жоқтығына көз жеткізу үшін, осы пациенттерге мұқият бақылау жүргізу қажет Басқа ҚҚСП жағдайындағы сияқты, жоғары дозалардағы диклофенак тромбоциттердің агрегациясын қайтымды түрде тежеуге қабілетті.

Циклооксигениза-2 тежегіштерін және кортикостероидтарды қоса басқа ҚҚСП: Диклофенакты және басқа жүйелік ҚҚСП біріктіріп қолдану асқазан-ішектік қан кетулер немесе ойық жаралану қаупін арттыруы мүмкін. Екі немесе одан көбірек ҚҚСП бір мезгілде қолданудан аулақ болу керек.

Серотонинді кері қармаудың селективті тежегіштері (СКҚСТ): СКҚСТ-пен және жүйелі ҚҚСП бірге тағайындау асқазан-ішек жолдарының қан кетулер қаупін арттыруы мүмкін

Диабетке қарсы препараттар: клиникалық зерттеулер диклофенак препаратын диабетке қарсы пероральді дәрілермен, олардың клиникалық әсеріне ықпал етусіз, бірге қолдануға болатынын көрсеткен. Алайда диклофенакпен емдеу кезінде диабетке қарсы дәрілердің дозаларын түзетуді қажет ететін гипогликемия, сондай-ақ гипергликемия дамуының жеке жағдайлары белгілі. Бұндай жай-күй қатарлас ем кезінде сақтық шаралары ретінде қандағы глюкоза деңгейіне мониторинг жүргізу талап етеді.

Метотрексат: диклофенак организмде метотрексат деңгейін арттыра отырып, метотрексаттың өзекшелік бүйректік клиренсін тежеуі мүмкін. Метотрексатпен емдеуді бастаудан 24 сағат бұрын диклофенакты қоса, ҚҚСП қолданған кезде сақтық жасау қажет, өйткені қандағы метотрексаттың концентрациясы артуы мүмкін, және осы заттың уыттылығы жоғарылауы мүмкін. Осы препараттарды қабылдау 24 сағаттан азырақ аралығымен, диклофенакты қоса, метотрексатты және ҚҚСП қолданғанда күрделі уыттылықтың жағдайлары болғаны жөнінде мәлімдемелер бар. Осындай өзара әрекеттесуге ҚҚСП қатысуымен бүйректік шығарылуының бұзылуы салдарынан метотрексаттың жиналып қалуы себеп болды.

Циклоспорин: басқа ҚҚСП сияқты, диклофенак бүйректік простагландиндерге әсер етуі салдарынан циклоспориннің нефроуыттылығын арттыруы мүмкін. Сондықтан диклофенакты, циклоспорин қабылдамайтын науқастармен салыстырғанда, азырақ дозаларда тағайындаған жөн.

Такролимус: ҚҚСП такролимуспен бірге қолданғанда нефроуыттылық қаупі ұлғаюы мүмкін. Бұл ҚҚСП-ның және кальциневрин тежегіштерінің де бүйректік простагландиндерге қарсы әсер етуінен болуы мүмкін.

Хинолонды бактерияға қарсы препараттар: хинолондардың және ҚҚСП-дың өзара әрекеттесуі салдарынан құрысулар пайда болуы мүмкін. Олар анамнезінде эпилепсиясы немесе құрысулары бар немесе жоқ пациенттерде пайда болуы мүмкін. Сол себепті диклофенак қабылдап жүрген пациенттерде хинолондарды қолдану мүмкіндігін қарастырған кезде сақтық танытқан жөн.

Фенитоин: Фенитоинды және диклофенакты бірге қолданған кезде, фенитоинның экспозициясының болжамды ұлғаюы салдарынан, қан плазмасындағы фенитоин концентрациясына мониторинг жүргізу ұсынылады.

Колестипол және колестирамин: бұл заттар диклофенактың сіңуін кідіртуі немесе төмендетуі мүмкін. Сондықтан диклофенакты колестиполды/ колестираминді қабылдаудан, кем дегенде, бір сағат бұрын немесе қабылдағаннан кейін 4-6 сағат өткеннен кейін қабылдау ұсынылады.

Жүрек гликозидтері: жүрек гликозидтерін және ҚҚСП бір мезгілде қолдану пациенттерде жүрек функциясының жеткіліксіздігін үдетуі, шумақтық сүзіліс жылдамдығын төмендетуі және қан плазмасындағы гликозидтер деңгейін арттыруы мүмкін.

Мифепристон: ҚҚСП мифепристонның әсер етуін төмендетуі мүмкін екендігіне байланысты ҚҚСП мифепристонды қабылдағаннан кейін 8-12 күн ішінде қолдануға болмайды.

CYP2C9 күшті тежегіштері: диклофенакты CYP2C9 күшті тежегіштерімен (мысалы, вориконазол сияқты) бірге тағайындағанда сақтық таныту ұсынылады, ол диклофенак метаболизмінің тежелуі салдарынан, диклофенактың қан плазмасындағы шектік концентрациясының және экспозициясының едәуір артуына әкелуі мүмкін.

Жағымсыз әсерлері симптомдарды бақылауды қамтамасыз ету үшін қажетті қысқа мерзімі ішінде тиімді азырақ дозаны пайдалану арқылы барынша азайтылуы мүмкін.

Жағымды синергиялық әсерлерін және аддитивті жағымсыз әсерлердің ықтималдығына айғақ болмауынан, Клодифенді циклооксигеназа-2 селективті тежегіштерін қоса, жүйелік ҚҚСП-мен бір мезгілде қолданудан аулақ болу керек.

Негізгі медициналық қағидаларға сәйкес, препаратты егде жастағыларға қолданған кезде сақтық танытқан жөн. Атап айтқанда, егде жастағы әлсіз пациенттерде немесе дене салмағы төмен егде жастағы пациенттерде тиімді азырақ дозаларда қолдану ұсынылған.

Диклофенакты қоса, басқа ҚҚСП жағдайындағы сияқты, тіпті препарат бұрын қолданылмаса да, анафилаксиялық/анафилактоидтық реакциялармен бірге, аллергиялық реакциялар туындауы мүмкін.

Басқа ҚҚСП сияқты, диклофенак та фармакокинетикалық қасиеттеріне сәйкес, инфекция белгілері мен симптомдарын бүркемелеуі мүмкін.

Инъекцияға арналған ерітінді құрамындағы натрий метабисульфиті де жекелеген жағдайларда ауыр аса жоғары сезімталдық реакцияларына және бронхтың түйілуіне әкелуі мүмкін.

Инъекция жасалған жерде бұлшықет әлсіздігіне, бұлшықеттің салдануына, гипестезияға және инъекция жасалған жердегі некроз түрінде білінуі мүмкін жағымсыз құбылыстар туындауынан аулақ болу үшін, бұлшықет ішіне қолдану жөніндегі нұсқаулықты қатаң ұстанған жөн.

Асқазан-ішек жолына әсері

Диклофенакты қоса, барлық ҚҚСП қолданғанда, алдын ала ескертетін симптомдары немесе анамнезінде асқазан-ішектік күрделі құбылыстары бар, немесе онсыз, емдеу барысында өліммен аяқталуы және кез келген сәтте туындауы мүмкін асқазан-ішектік қан кетулердің (қан құсу, қанды нәжіс) дамуы, ойық жаралардың түзілу немесе тесілуі туралы хабарланған. Әдетте, егде жастағы пациенттерде зардаптары өте күрделі болып табылады. Диклофенак қабылдап жүрген пациенттерде асқазан-ішектік қан кетулер немесе ойық жаралар пайда болған жағдайда препаратты қолдануды тоқтатқан жөн.

Диклофенакты қоса, барлық ҚҚСП жағдайындағы сияқты, асқазан-ішек жолы функциясының бұзылуларын көрсететін симптомдары, немесе асқазанның немесе ішектің ойық жарасы, қан кету немесе тесілуін көрсететін анамнезі бар пациенттерге тағайындағанда міндетті түрде мұқият медициналық бақылау жүргізу және аса сақтық таныту керек. Диклофенакты қоса, ҚҚСП-ның дозаларын ұлғайтқанда асқазан-ішектік қан кетулер, ойық жаралар немесе тесілулер туындау қаупі анамнезінде ойық жарасы бар, әсіресе ойық жарасы қан кетумен немесе тесілумен асқынған пациенттерде жоғарылайды.

Егде жастағы пациенттерде ҚҚСП-ге жағымсыз реакциялар, әсіресе асқазан-ішектік қан кетулер және өліммен аяқталуға әкеп соғуы мүмкін тесілулер жиілігі жоғарылайды.

Анамнезінде ойық жарасы бар, әсіресе ойық жарасы қан кетумен немесе тесілумен асқынған пациенттерде және асқазан-ішек уыттылығының қаупін төмендету үшін егде жастағы пациенттерде емдеуді тиімді ең аз дозадан бастаған және оны жалғастырған жөн.

Осындай пациенттерде қорғағыш препараттармен (мысалы, мизопростолды немесе протонды помпа тежегіштерін), сондай-ақ құрамында ацетилсалицил қышқылының (АСҚ/аспирин) төмен дозалары бар дәрілік заттарды немесе асқазан-ішектік құбылыстар туындау қаупін арттыруға ықпалды препараттарды бір мезгілде қабылдау талап етілетін пациенттерде біріктірілімде емдеу мүмкіндігін қарастыру керек.

Анамнезінде асқазан-ішек жолы уыттылығы белгілері бар пациенттер, әсіресе егде жастағылар, әдеттен тыс барлық іш аумағы тарапынан болатын симптомдар (әсіресе асқазан-ішектік қан кетулер) жөнінде мәлімдеуі тиіс. Ойық жара немесе қан кетулер қаупін арттыратын жүйелік кортикостероидтар, антикоагулянттар, мысалы, варфарин, серотонинді кері қармайтын селективті тежегіштер (СКҚСТ) сияқты препраттарды немесе мысалы ацетилсалицил қышқылы сияқты антитромбоцитарлық дәрілерді бір мезгілде қабылдап жүрген пациенттерде сақтық таныту ұсынылады.

Ойық жаралы колиті немесе Крон ауруы бар пациенттерді емдеген кезде мұқият бақылау жүргізу және сақтық таныту керек, өйткені бұл аурулар өршуі мүмкін.

Бауырға әсері

Клодифен препаратын бауыр функциясы бұзылған пациенттерге тағайындағанда мұқият медициналық бақылау қажет, өйткені олардың жағдайы нашарлап кетуі мүмкін.

Диклофенакты қоса, басқа ҚҚСП жағдайында бір немесе бірнеше бауыр ферменттерінің деңгейлері мәнінің жоғарылауы мүмкін. Диклофенакпен ұзақ уақыт емдеу кезінде сақтық шарасы ретінде бауыр функциясына ұдайы мониторинг жүргізу көрсетілген.

Бауыр функциясы тұрақты болғанда немесе бұзылуының нашарлауында, бауыр ауруының клиникалық белгілері немесе симптомдары дамыған жағдайда, немесе басқа да көріністер (эозинофилия, бөртпе) туындаған жағдайда Клодифен препаратын тоқтатқан жөн.

Диклофенакты қолданған кезде продромальді симптомдарсыз гепатит дамуы мүмкін.

Бауыр порфириясы бар пациенттерде диклофенакты қолданған кезде сақтық таныту қажет, өйткені ол ұстаманы өршітуі мүмкін.

Бүйрекке әсері

Диклофенакты қоса, ҚҚСП-мен емдеу аясында сұйықтықтың іркілуі және ісінулер хабарланды, жүрек және бүйрек функциясының бұзылуы бар пациенттерд емдегенде, анамнезінде гипертензиясы бар пациенттерде, егде жастағы пациенттерде, диуретиктермен немесе бүйрек функциясына едәуір ықпалын тигізуге қабілетті дәрілік препараттармен қатар ем қабылдап жүрген пациенттерде, сондай-ақ кез келген себептен туындаған, мысалы, ауқымды хирургиялық араласымға дейін немесе кейін жасушадан тыс сұйықтық көлемі едәуір дәрежеде төмендеген пациенттерде аса сақтық таныту қажет. Мұндай жағдайларда диклофенакты қолданған кезде сақтық шаралары ретінде бүйрек функциясына мониторинг жүргізу ұсынылады. Емді тоқтатқаннан кейін әдетте емдеуге дейін болған жағдай қайта қалпына келгені бақыланды.

Теріге әсері

Диклофенакты қоса, ҚҚСП-ны қолдануда күрделі тері реакциялары дамуының, кейбіреулері өліммен аяқталған, соның ішінде эксфолиативті дерматит, Стивенс-Джонсон синдромы және уытты эпидермальді некролиз жөнінде өте сирек жағдайлары анықталды. Осы реакциялардың туындауының өте жоғары қаупіне пациенттер емнің бас кезінде ұшырайды: көп жағдайларда реакциялар емдеудің алғашқы айы ішінде пайда болды. Тері бөртпелері, шырышты қабықтың зақымдануының бірінші белгілері немесе аса жоғары сезімталдықтың басқа да белгілерінде Клодифен препаратын қолдануды тоқтатқан жөн.

Жүйелік қызыл жегі және дәнекер тіннің аралас ауруы

Жүйелік қызыл жегісі және дәнекер тінінің аралас ауруы бар пациенттер асептикалық менингит дамуының жоғары қаупіне ұшырауы мүмкін.

Жүрек-қантамыр жүйесіне ықпалы және цереброваскулярлық әсері

Жүрек-қантамыр аурулары туындауы қаупінің елеулі факторлары (мысалы, гипертензия, гиперлипидемия, қант диабеті, шылым шегу) бар пациенттер мұқият бағалаудан кейін ғана диклофенакпен ем қабылдауы тиіс. Диклофенакты қолдануда жүрек-қантамыр жүйесіне қатысты қаупі дозаны арттырумен және емді ұзартумен байланысты ұлғаюы мүмкін болғандықтан, оны ұзақтығы мүмкіндігінше аз уақыт ішінде тиімді өте азырақ дозада қолданған жөн. Пациенттің емге жауабы мен симптомдарының жеңілдеуі қажеттігін бағалау мезгіл-мезгіл қайталанып отыру керек.

Анамнезінде гипертензиясы және/немесе жүрек функциясының жеңіл немесе орташа іркілісті жеткіліксіздігі бар пациенттерге тиісінше мониторинг жүргізу және ұсыныстар беру керек, өйткені диклофенакты қоса, ҚҚСП қолданған кезде сұйықтықтың іркілуі және ісінулердің пайда болуы анықталған.

Диклофенакты, әсіресе жоғары дозаларда (тәулігіне 150 мг) пайдаланумен және ұзақ мерзімдік емдеумен байланысты артериялық тромбоз құбылыстары (мысалы, миокард инфарктісі немесе инсульт) туындау қаупінің жоғарылағаны бақыланды.

Бақыланбайтын гипертензияда, жүрек функциясының іркілген жеткіліксіздігінде, жүректің айғақталған ишемиялық ауруында, шеткері артериялардың және/немесе ми қантамырларының ауруларында диклофенакты пациенттер жағдайына мұқият баға бергеннен кейін ғана емге қолданған жөн.

Гематологиялық әсері

Диклофенакпен ұзақ емдеу кезінде, басқа ҚҚСП-мен емдеген кездегі сияқты, қан талдауына мониторинг жүргізу ұсынылады.

Клодифен препараты агрегациясын қайтымды тежеуі мүмкін. Гемостаздың бұзылулары, геморрагиялық диатезі немесе гематологиялық ауытқулары бар пациенттерге мұқият бақылау жүргізілуі тиіс.

Бұрыннан бар демікпе

Демікпесі, маусымдық аллергиялық риниті, мұрынның шырышты қабығының ісінуі (яғни мұрын полиптері), өкпенің созылмалы обструкциялық аурулары немесе тыныс алу жолдарының созылмалы инфекциялары (әсіресе егер олар аллергиялық ринит тәрізді симптомдармен байланысты болса) бар пациенттерде ҚҚСП-на демікпенің өршуі (анальгетиктердің жақпаушылығы/анальгетикалық демікпе деп аталатын), Квинке ісінуі немесе есекжем тәрізді реакциялар, басқа пациенттермен салыстырғанда, жиі туындайды. Сондықтан осы пациенттерде аса сақтық шараларын орындау (шұғыл жәрдем көрсетуді талап ететін жағдайларға дайын болуы) ұсынылады. Бұл сондай-ақ басқа заттарға да аллергиялық реакциялары, мысалы, тері реакциялары, қышыну немесе есекжемі бар пациенттерге де қатысты.

Простагландинсинтетаза белсенділігін тежейтін басқа препараттар сияқты, натрий диклофенагы және басқа да ҚҚСП бронх демікпесінен зардап шегіп жүрген немесе анамнезінде бронх демікпесі бар пациенттерге қолданғанда бронхтың түйілуін туындатуы мүмкін.

Балалар жасында қолданылуы

18 жасқа дейінгі балаларға қарсы көрсетілімде.

Әйелдердегі фертильділік

Клодифен препаратын қолдану әйелдің фертильділігін бұзуы мүмкін, сондықтан оны жүкті болуды жоспарлап жүрген әйелдерге қолдану ұсынылмайды. Жүкті болуға қатысты қиындықтары бар немесе бедеулікке тексерілуден өтіп жүрген әйелдерде Клодифен препаратын қолдануды тоқтату мүмкіндігін қарастырған жөн.

Жүктілік және лактация кезеңі

Простагландиндер синтезін тежеу жүктілікке және/немесе эмбриофетальді дамуына жағымсыз әсер етуі мүмкін. Жүктіліктің ерте мерзімінде простагландиндер синтезінің тежегіштерін қолданудан кейін жүктілікті аяғына дейін жеткізе алмаудың және/немесе жүрек ақауы және гастрошизис туындауының қаупі артуы туралы ақпарат бар. Жүрек ақауы туындауының толық қаупі 1%-дан аздан шамамен 1,5% дейін артқан.

Қаупі дозаны және емнің ұзақтығын ұлғайтқанда артады деп саналады. Простагландиндер синтезінің тежегіштерін қолдану имплантациялау және постимплантациялық жойылудың және эмбриофетальді өлімнің саны артуына әкелді.

Бұдан бөлек, органогенез кезеңінде простагландиндер синтезінің тежегіштерін қабылдағандарда жүрек-қантамыр жүйесі ақауларын қоса, дамудың әртүрлі ақаулары туындау жиілігі артқаны туралы мәлімделген. Егер диклофенакты жүктілікті жоспарлап жүрген немесе жүктіліктің бірінші триместріндегі әйелдер қолданса, дозасы және емдеу ұзақтығы барынша азайтылуы тиіс.

Жүктіліктің ІІІ триместрінде простагландиндер синтезінің барлық тежегіштері шарананы жүрек-өкпе уыттылығына (артериялық түтікшенің уақытынан ерте жабылуы және өкпе гипертензиясы), олигогидрамнионмен бүйрек жеткіліксіздігіне дейін үдеуі мүмкін бүйрек функциясының бұзылуына ұшыратуы мүмкін; жүктіліктің соңында анасында және жаңа туған нәрестеде қан кету уақытының ұзаруы, бұл арада антиагрегантты әсері болуы тіпті өте төмен дозада байқалуы мүмкін, жатыр жиырылуының кідіруі, бұл босану кезеңінің іркілуіне немесе босану кезеңінің ұлғаюына әкеледі.

Соған сәйкес, жүктіліктің үшінші триместрінде Клодифен препаратын қолдануға болмайды.

Лактация

Басқа да ҚҚСП сияқты, диклофенак емшек сүтіне бөлініп шығады, бірақ аздаған мөлшерде. Сондықтан жаңа туған нәрестеде жағымсыз әсерлердің дамуына жол бермеу үшін, емшек емізу кезеңінде диклофенакты қабылдамаған жөн.

Әйелдердегі фертильділік

Басқа да ҚҚСП жағдайындағы сияқты, диклофенак қолдану әйелдің фертильділігін бұзуы мүмкін және жүкті болуды жоспарлап жүрген әйелдерге ұсынылмайды. Жүкті болуға қатысты қиындықтары бар немесе бедеулікке тексерілуден өтіп жүрген әйелдерде диклофенакты тоқтату мүмкіндігін қарастырған жөн.

Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері

ҚҚСП қабылдаған кезде көрудің бұзылуларын, бас айналуды, вертигоны, ұйқышылдықты немесе орталық жүйке жүйесі тарапынан басқа бұзылыстарды, қажығыштықты, қалғуды немесе шаршауды бастан кешірген пациенттер көлік құралдарын басқаруды немесе механизмдермен жұмыс жасауды тоқтата тұрғандары жөн.

Симптомдары: диклофенак артық дозаланғанда туындайтын өзіне тән клиникалық көріністері жоқ. Артық дозалану бас ауыру, жүрек айнуы, құсу, эпигастральді аймақтың ауыруы, асқазан-ішектік қан кету, диарея, бас айналу, бағдардан адасу, қозу, кома, ұйқышылдық, құлақтың шуылдауы, естен тану немесе құрысулар сияқты симптомдарды туындатуы мүмкін. Күшті уланған жағдайда бүйрек функциясының жедел жеткіліксіздігі және бауырдың зақымданулары дамуы мүмкін

Лечение: пациенттер қажет болуына қарай симптоматикалық ем алуы тиіс.

Потенциалды уытты мөлшерін ішіп қойғаннан кейін 1 сағат ішінде белсендірілген көмір қолдануға болады. Ересектерде баламалы түрде потенциалды уытты мөлшерін жұтып қойғаннан кейін 1 сағат ішінде асқазан шаю жүргізілуі мүмкін. Жиі немесе ұзақ конвульсияларда вена ішіне диазепам енгізіледі. Басқа шаралар пациенттің клиникалық жай-күйіне сәйкес көрсетілуі мүмкін.

Шығарылу түрі және қаптамасы

3 мл препараттан янтарь түсті шыны ампулаларға (I тип) құйылған. 5 ампуладан пішінді пластик тұғырға (контейнер) салынған.

1 тұғырдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

25ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Мефар Илач Санайии А.Ш.,

Рамазанолу Мах. Энсар Джад. № 20, 34906 Курткёй-Пэндик / Стамбул Түркия

Тіркеу куәлігінің ұстаушысы

УОРЛД МЕДИЦИН ИЛАЧ САН. ВЕ ТИДЖ. А.Ш., Түркия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ҚР, Алматы, Түрксіб ауданы, Сүйінбай даңғылы, 222 б

Тел/факс:8 (7272) 52-90-90 www.worldmedicine.kz

«TROKA-S PHARMA» ЖШС, Алматы, Сүйінбай даңғылы, 222 б

Ұялы тел +7701-786-33-98, (24 сағат бойына қол жетімді).

e-mail: pvpharma@worldmedicine.kz .