Клодифен (гель, 1%, 45 г)
Инструкция
-
русский
-
қазақша
Саудалық атауы
Клодифен
Халықаралық патенттелмеген атауы
Диклофенак
Дәрілік түрі
1%, 5 % гель
Құрамы
100 г гельдің құрамында
белсенді зат – 1,0 г натрий диклофенагы,
қосымша заттар: карбомер 980, пропиленгликоль, троламин, этанол 96%, метилпарагидроксибензоат, тазартылған су (1% гель)
100 г гельдің құрамында
белсенді зат – 5,0 г натрий диклофенагы,
қосымша заттар: гидроксиэтилцеллюлоза, пропиленгликоль, этанол 96%, метилпарагидроксибензоат, тазартылған су (5% гель)
Сипаттамасы
Құрамында көпіршіктері жоқ, әлсіз спирт иісі бар, біркелкі, мөлдір сарғыш гель.
Фармакотерапиялық тобы
Тірек-қимыл аппараты ауруларын жергілікті емдеуге арналған препараттар. Жергілікті қолдануға арналған, қабынуға қарсы стероидты емес препараттар. Диклофенак
АТХ коды М02АА15
Фармакологиялық қасиеттері
Фармакокинетикасы
Тері арқылы сіңетін диклофенактің мөлшері жағылатын жердің ауданына пропорциональді, сондай-ақ препараттың жиынтық дозасына және терінің гидратациясына байланысты. Препаратты сыртқа қолданғанда диклофенактің сіңуі 6%-дан аспайды.
Метаболизмі негізінен гидроксилдену арқылы жүзеге асып, бірнеше туындыларын түзеді, олардың екеуі фармакологиялық тұрғыдан белсенді, бірақ диклофенакқа қарағанда едәуір аз дәрежеде. Диклофенак және оның метаболиттері көбіне несеппен бірге шығарылады. Қан плазмасындағы диклофенактің жалпы жүйелік клиренсі орта есеппен минутына 263±56 мл-ді, ал ақырғы жартылай шығарылу кезеңі 1-3 сағатты құрайды.
Фармакодинамикасы
Сыртқа қолдануға арналған қабынуға қарсы стероидты емес дәрі.
Қабынуға қарсы және жансыздандыратын айқын әсер береді. Әсер ету механизмі ЦОГ-1 және ЦОГ-2 селективті емес тежелуімен, арахидон қышқылы метаболизмінің бұзылуымен және қабыну ошағында простагландиндер синтезінің төмендеуімен байланысты. Қабыну үдерісінде Клодифенді қабыну үдерісінде қолдану ауыру синдромының және тіндердің ісінуінің азаюына немесе жоғалуына әкеледі.
Қолданылуы
- жұмсақ тіндер мен буындардың жарақаттанудан кейінгі, тері жабындарының бүлінуінсіз, (созылуы, шамадан тыс жүктеме және соғылулар салдарынан) қабынуында
- жұмсақ тіндердің ревматикалық ауруларында (тендовагинит, бурсит, периартикулярлы тіндердің зақымданулары және т.б.)
- бұлшықет және буын ауруларымен байланысты ауыру синдромдарында
Қолдану тәсілі және дозалары
Клодифен гелін сыртқа қолданады. Клодифен гелінің концентрациясын таңдау қабыну үдерісінің және ауыру синдромының айқындылығымен анықталады. Ересектерде және 12 жастан асқан балаларда Клодифеннің 1% гелін тәулігіне 3-4 рет қолданады. Ұзындығы шамамен 4-10 см (2-4 г гель) гель жолағын теріге жағып, жай сипалайды. Қолданылатын препараттың мөлшері ауырған аймақтың өлшеміне байланысты болады.
Ересектерде және 12 жастан асқан балаларда Клодифеннің 5% гелін тәулігіне 2-3 рет қолданады. Қолданылатын препараттың мөлшері – 2 г-ға дейін (4 см гель).
Препаратты жаққаннан кейін қолды жуу қажет.
Емдеу ұзақтығы көрсетілімдеріне және емнің тиімділігіне байланысты. Препаратты 2 апта қолданғаннан кейін дәрігерден емдеуді жалғастыру-жалғастырмау жөнінде кеңес алған жөн. Препаратты жұмсақ тіндер зақымданғанда немесе жұмсақ тіндердің ревматикалық ауруларында қолдануды 14 күннен асырмаған және артриттен болған ауыруларда 21 күннен асырмаған жөн (егер дәрігер емнің өзге үлгісін тағайындамаса). Егер 7 күн ішінде оң клиникалық динамика байқалмаса немесе жағдай нашарласа, дәрігерге қаралу қажет.
Жағымсыз әсерлері
- қызару, қышыну немесе күйдіру сезімі
Сирек:
- фотосенсибилизация
Өте сирек
- асқын сезімталдық реакциялары (бөртпе, экзема, эритема, дерматит (жанаспалыны қоса есептегенде), есекжем, бронх демікпесі, ангионевротикалық ісіну)
- буллезді дерматит, пустулезді бөртпе
- асқазан-ішектік бұзылулар
- ашық жаралар, қабынған тері, шырышты қабықтар
Қолдануға болмайтын жағдайлар
- құрамында диклофенак бар басқа препараттармен бір мезгілде қолдану
- ацетилсалицил қышқылынан немесе стероидты емес басқа препараттардан болған демікпе, есекжем, ринит
- препарат компоненттеріне, ацетилсалицил қышқылына немесе басқа ҚҚСД-ге жоғары сезімталдық
- тері жабындары бүтіндігінің бұзылуы
- жүктілік және лактация кезеңі
- 12 жасқа дейінгі балалар.
Дәрілермен өзара әрекеттесуі
Өзара әрекеттесудің пайда болу ықтималдылығы мардымсыз, өйткені сыртқа қолданғанда диклофенактің жүйелік сіңуі тым төмен. Препаратты басқа ҚҚСП-мен бірге қолданғанда сақ болған жөн. Клодифен гелі фотосенсибилизацияны тудыратын препараттардың әсерін күшейтуі мүмкін.
Айрықша нұсқаулар
Клодифен гелін, ашық жараларға тигізіп алмай, терінің зақымданбаған жеріне ғана жаққан жөн. Жаққаннан кейін окклюзиялық таңғыш салмаған жөн. Препаратты көзге және шырышты қабықтарға тигізіп алмаған жөн.
Клодифен гелін бауыр порфириясында (өршу сатысында), АІЖ эрозиялы-ойық жаралы зақымдануларында, бауыр мен бүйрек қызметінің ауыр бұзылуларында, жүрек қызметінің созылмалы жеткіліксіздігінде, бронх демікпесінде, егде жастағы емделушілерге абайлап тағайындайды.
Дәрілік заттың автокөлікті және қауіпті механизмдерді басқару қабілетіне ықпал ету ерекшеліктері
Автомобильді басқару және психомоторлы реакциялардың жоғары шапшаңдығын қажет ететін жұмыстарды жасау қабілетіне ықпалын тигізбейді.
Артық дозалануы
Симптомдары: артық дозалану ықтималдығы аз, өйткені сыртқа қолданғанда диклофенактің жүйелік сіңуі тым төмен. Байқамай ішке қабылдап қойған жағдайда препарат диклофенактің пероральді түрлеріне тән жағымсыз әсерлерді тудыруы мүмкін.
Емі: асқазанды шаю және адсорбент қабылдау, симптоматикалық ем жүргізу.
Шығарылу түрі және қаптамасы
Алюминий сықпаға препарат 45 г-нан салынған.
Әрбір сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші
К.О. «Славия Фарм С.Р.Л.», Бульвар Теодор Паллади №44С, сектор 3, Бухарест, Румыния
S.C. “Slavia Pharm S.R.L.”, Theodor Pallady 44C, district 3, Bucharest, Romania.
Саудалық таңбасының және тіркеу сертификатының иесі
«УОРЛД МЕДИЦИН» компаниясы, Ұлыбритания
Тіркеу куәлігінің иесі
«УОРЛД МЕДИЦИН», Ұлыбритания.
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
ҚР, Алматы қ-сы, Сүйінбай д-лы, 222 Б
Тел/факс: 8(7272)529090