Клин Энема
Инструкция
-
русский
-
қазақша
Саудалық атауы
Клин Энема
Халықаралық патенттелмеген атауы
Жоқ
Дәрілік түрі
Ректальді қолдануға арналған ерітінді
Құрамы
120 мл препаратта, граммен
белсенді заттар: натрий дигидрофосфаты – 19.20 г,
натрий гидрофосфаты 7.20 г
қосымша заттар: натрий бензоаты, ионсыздандырылған су
Сипаттамасы
Иісі жоқ мөлдір, түссіз сұйықтық
Фармакотерапиялық тобы
Іш жүргізгіштер. Клизмалардағы іш жүргізетін препараттар. Натрий фосфаты.
ATХ коды A06AG01
Фармакологиялық қасиеттері
Фармакокинетикасы
Натрий дигидро және моногидрофосфаты АІЖ-да сіңбейді және ішек саңылауындағы суды іркілтеді. Клизманы ректальді қолданғанда ішекте судың қозғалысы жүреді.
Фармакодинамикасы
Препарат – тұзды іш жүргізгіш, оның әсері осмостық үдерістердің көмегімен ішек саңылауындағы судың іркілуін арттыруға негізделген. Ішекте сұйықтықтың жинақталуы ішек перистальтикасының күшеюіне және ары қарай тазаруына алып келеді. Әсерінің басталу уақыты енгізгеннен кейін 2 - 5 минут.
Қолданылуы
-
тік ішектің эндоскопиялық зерттеуіне дайындықта
-
құрсақ қуысы мүшелерінің рентгенологиялық зерттеуіне дайындықта
-
құрсақ қуысы мүшелеріне жүргізілетін хирургиялық операцияларға дайындықта, сондай-ақ операциядан кейінгі кезеңде
Қолдану тәсілі мен дозалары
120 мл-ден ректальді (бір құты).
Қолданар алдында оң аяқ тізе буынынан бүгіліп немесе екі аяқ та тізе-кеуде қалпына бүгіліп тұруы үшін, сол жақ қырынан жату керек. Бөтелкенің қорғағыш қалпақшасын шешіңіз және майланған ұштығын тік ішекке жайлап енгізіңіз. Бөтелке-баллонды қысу арқылы сұйықтықты ішекке енгізіңіз. Ұштықты тік ішектен шығарып алыңыз. Емделуші әбден үлкен дәретке барғысы келгенге дейін көрсетілген қалпын сақтауы тиіс.
Ішіндегісін соңына дейін сығып шығару міндетті емес, өйткені құтының ішінде препараттың 15 мл артық мөлшері бар.
Ересектерге бір құтыдан (135 мл) немесе дәрігерлердің нұсқауларына сәйкес тағайындайды.
Жағымсыз әсерлері
-
аллергиялық реакциялар
-
жүрек айнуы, құсу
-
іштің ауыруы, шаршау сезімі, іштің кебуі
-
жергілікті тітіркендіргіштік әсері
-
күтпеген жерден және қатты сусыздану, ішектегі жасушадан тыс сұйықтықтың жылжуы нәтижесінде егде емделушілерде
-
туындаған гиперфосфатемия, құрысуларға, летаргияға, комаға алып келетін гипокалиемияның, гипокальцимияның, гипернатриемияның, ацидоздың туындауына алып келуі мүмкін
- жедел бүйрек жеткіліксіздігі
Қолдануға болмайтын жағдайлар
-
препарат компоненттеріне жекелей аса жоғары сезімталдық
-
ішектің бітелуі
-
ішектің тесілуі
- 18 жасқа дейінгі балаларға
- геморроидальді қан кетулер, ішектің қабыну аурулары
- артқы өтіс сызаттары
- АІЖ төменгі бөліктерінің эрозиялы-ойық жаралы зақымданулары
- жүктілік және лактация кезеңі
- бүйрек аурулары (оның ішінде сыртартқысында)
Дәрілермен өзара әрекеттесуі
Клизманы кальций өзектерінің блокаторларын қолданып жүрген емделушілерде сақтықпен қолдану керек. Литий препараттары немесе организмнің электролиттік теңгеріміне ықпал ететін басқа препараттар гиперфосфатемияға, гипокальциемияға, гипернатриемиялық дегидратацияға және ацидозға алып келуі мүмкін. Клизма ішілетін контрацептивтердің, эпилепсияға қарсы және диабетке қарсы препараттардың сіңуін баяулатуы немесе толығымен бөгеуі мүмкін.
Айрықша нұсқаулар
Ұштығын тік ішекке енгізген кезде ұқыпты болу қажет. Клизманы гастроинтестинальді бітелуде, іркілісті жүрек жеткіліксіздігінде, тоқ ішектің патологиялық кеңеюінде (туа біткен және жүре пайда болған), жедел бүйрек жеткіліксіздігінде немесе бұрын электролиттік теңгерім бұзылуы байқалса, сондай-ақ диуретиктерді қолданған емделушілерге, егер колостомия орын алса, (жиек ішекке жыланкөз салу) сақтықпен қолдану керек. Клизманы 24 сағат ішінде бір реттен артық пайдалану зиянды болуы мүмкін.
Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері
Препаратты қолданғаннан кейін, препараттың көлік құралын немесе қауіптілігі зор механизмдерді басқару қабілетіне әсері байқалмаған.
Артық дозалануы
Препараттың жоғары дозаларын қолданғанда ауыр уыттану (соның ішінде өліммен аяқталатын) дамуы мүмкін. Препараттың артық дозалануы кезінде гиперфосфатемия, гипернатриемия, гипокальциемия, ацидоз, тетания және гипернатриемиялық дегидратация дамығаны байқалған.
Емі. Уыттану кезінде су-электролиттік теңгерімді ұстап тұруға, сондай-ақ экзогендік фосфорды шығарып тастауға бағытталған шараларды жүргізу көрсетілген.
Артық дозаланған кезде диализ жүргізу тиімді. Арнайы у қайтарғысы жоқ.
Шығарылу түрі мен қаптамасы
135 мл препараттан тамшылатқыш ұштығы және қалпақшасы бар пластик құтыларға құяды.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салады
Сақтау шарттары
Құрғақ жерде 15 оС-ден 30 оС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
Набикасим Индастриз (Пвт) Лтд.
17/24, Коранджи индустриялық аймағы, Карачи- Пәкістан
Тіркеу куәлігінің иесі
Набикасим Индастриз (Пвт) Лтд.
17/24, Коранджи индустриялық аймағы, Карачи- Пәкістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Стандарт Фарма» ЖШС: Алматы қ., Елебеков к-сі, 12/1 үй
Тел: +7(727) 2643915
Электронды поштасы: info@yellow-pages.kz