Кларанта 500

• русский
• қазақша

• Скачать инструкцию медикамента

Саудалық атауы

Кларанта 250

Кларанта 500

Халықаралық патенттелмеген атауы

Кларитромицин

Дәрілік түрі

Қабықпен қапталған 250 мг және 500 мг таблеткалар

Құрамы

Бір таблетканың құрамында

белсенді зат - 250 мг/500 мг кларитромицин,

қосымша заттар: микрокристалды целлюлоза (Ависел рН 200), натрий лаурилсульфаты, натрий кроскармеллозасы, гипромеллоза, микрокристалды целлюлоза, кремнийдің коллоидты қостотығы, магний стеараты,

қабығы: инстакоат Аква-III (IA-III-40474) (полиэтиленгликоль, гидроксипропилметилцеллюлоза, тальк, титанның қостотығы (Е 171), хинолинді сары WS)

Сипаттамасы

Дөңгелек пішінді, екі беті дөңес, сары түсті үлбірлі қабықпен қапталған таблеткалар. Таблеткалар диаметрі 11.5-тен 11.7 мм дейін (250 мг доза үшін).

Капсула пішінді, бір жағында сызығы бар, сары түсті үлбірлі қабықпен қапталған таблеткалар. Таблеткалардың ұзындығы 19.6-дан 19.8 мм дейін, ені - 9.1-ден 9.3 мм дейін (500 мг доза үшін).

Фармакотерапиялық тобы

Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Кларитрамицин.

АТХ коды J01FA09

Фармакологиялық қасиеттері

Фармакокинетикасы

Ішке қабылдағаннан кейін Кларитромицин асқазан-ішек жолынан тез сіңіріледі. Ас ішу сіңірілуін және белсенді 14-ОН Кларитромицин метаболитінің түзілуін біршама азайтады, бірақ препараттың биожетімділігіне ықпалын тигізбейді. Препараттың толық биожетімділігі шамамен 50 % құрайды. Плазмадағы ең жоғары концентрациясына препарат қабылдағаннан кейін 2 сағат ішінде жетеді. Плазмадағы кларитромицин концентрациясы тұрақты деңгейіне 2-3 күн өткенде жетеді және әр 12 сағат сайын қабылданатын 250 мг дозасында 1 мг/мл жуық құрайды. Кларитромициннің жартылай шығарылу кезеңі 5-7 сағатқа жуық құрайды. Әр 12 сағат сайын 250 мг қабылдағанда 20 % жуық қабылданған дозасы кларитромицин түрінде несеппен шығарылады.

Қан плазмасы ақуыздарымен байланысуы 0,45-тен 4,5 мкг/мл дейінгі концентрациясында 70 % құрайды. Орталық жүйке жүйесінің тіндерін қоспағанда, барлық тіндердегі кларитромицин концентрациялары қандағы препараттың концентрациясынан бірнеше есе асып кетеді. Ең жоғары концентрациялары бауыр және өкпе тіндерінен байқалады.

Фармакодинамикасы

Кларанта – макролидтер тобына жататын жартылай синтетикалық антибиотик. Кларантаның бактерияларға қарсы әсері оның сезімтал бактериялар 5OS-рибосомалық суббірлігімен байланысуымен және ақуыз биосинтезінің тежелуімен айқындалады. Препараттың, аурухана штамдарын қоса, аэробты және анаэробты грамоң және грамтеріс микроорганизмдердің кең ауқымына қарсы тиімділігі жоғары. Кларитромициннің ең төмен тежегіш концентрациялары (ТТК), әдетте, эритромицин ТТК-на қарағанда, екі есе төмен.

Кларантаның Legionella pneumophila және Mycoplasma pneumoniаe қарсы тиімділігі жоғары. Enterobacteriaceae және Pseudomonas штамдары, лактоза өндірмейтін грамтеріс бактериялар сияқты, Кларантаға сезімтал емес.

Препарат келесі микроорганизмдер өрісіне қатысты бактерияға қарсы белсенділік танытады (клиникалық тәжірибеде):

Аэробты грамоң микроорганизмдер: Staphylococcus aureus, Streptococcus pneumoniae, Streptococcus pyogenes, Listeria monocytogenes.

Аэробты грамтеріс микроорганизмдер: Haemophilus influenzae,

Haemophilus parainfluenzae, Moraxella catarrhаlis, Neisseria gonorrhоeae,

Legionella pneumophila.

Басқа да микроорганизмдер: Mycoplasma pneumoniae, Chlamydia pneumoniae (TWAR).

Микобактериялар: Mycobacterium leprae, Mycobacterium kansasii, Mycobacterium chelonae, Mycobacterium fortuitum, Mycobacterium avium complex (MAC), cоның ішінде Mycobacterium avium, Mycobacterium intracellulare.

Микроорганизмдердің бета-лактамазалары Кларанта тиімділігіне әсер етпейді.

Стафилококтардың метициллинге және оксациллинге төзімді штамдарының көпшілігі Кларантаға сезімтал емес.

Кларанта төменде тізбеленген микроорганизмдердің көптеген штамдарына қатысты in vitro белсенді, алайда оны қолданудың клиникалық тиімділігі мен қауіпсіздігі анықталмаған.

Аэробты грамоң микроорганизмдер: Streptococcus agalactiae, Streptococci (C,F,G топтары), Viridans group streptococci.

Аэробты грамтеріс микроорганизмдер: Bordetella pertussis, Pasteurella multocida.

Анаэробты грамоң микроорганизмдер: Clostridium perfringens,

Peptococcus niger, Propionibacterium acnes.

Анаэробты грамтеріс микроорганизмдер: Bacteriodes melaninogenicus.

Спирохеттер: Borrelia burgdorferi, Treponema pallidum.

Кампилобактериялар: Campylobacter jejuni.

Кларанта бактериялардың бірнеше штамдарына қарсы бактерицидті әсер көрсетеді: Haemophilus influenzae, Streptococcus pneumoniae, Streptococcus pyogenes, Streptococcus agalactiae, Moraxella (Branhamella) catarrhalis, Neisseria gonorrhoeae, H. Pylori, Campylobacter spp.

Қолданылуы

- тыныс жолдарының төменгі бөлімінің жұқпаларында (бронхит, пневмония және т.б.)

- тыныс жолдарының жоғарғы бөлімінің жұқпаларында (синусит, фарингит және т.б.)

- терінің және жұмсақ тіндердің жұқпаларында (фолликулиттер, целлюлиттер, эризипелоид және т.б.)

- Mycobacterium avium немесе Mycobacterium intracellulare туғызған диссеминацияланған немесе шоғырланған микобактериялық жұқпаларда, Mycobacterium сhelonae, Mycobacterium fortuitum, Mycobacterium kansasii туғызған шоғырланған жұқпаларда

Қолдану тәсілі және дозалары

Тыныс жолдарының төменгі бөлімінің, тыныс жолдарының жоғарғы бөлімінің жұқпаларында, терінің және жұмсақ тіндердің жұқпаларында ересектер үшін ұсынылатын Кларанта препаратының дозасы күніне екі рет 250 мг құрайды, аса ауыр жұқпаларда дозаны күніне екі рет 500 мг дейін арттырады. Әдеттегі емдеу ұзақтығы 5-14 күнді құрайды (ауруханадан тыс пневмония мен синуситтер үшін курс 6-14 күнді құрайды).

Кларантаны ас ішуге байланыссыз қолдануға болады.

Микобактериялық жұқпасы бар емделушілерді емдеу және алдын алу: ересектерге ұсынылған дозасы күніне екі рет 500 мг құрайды.

Туберкулездік емес микобактериялық жұқпаларды емдеу ұзақтығын дәрігер әркімге жеке белгілейді.

Жағымсыз әсерлері

Кларитромицинмен емдеу кезіндегі ең жиі және жалпы жағымсыз реакциялар іштің ауыруы, диарея, жүрек айну, құсу және дәм сезудің бұрмалануы болып табылады. Бұл жағымсыз реакциялар, әдетте, жеңіл көрініс береді және макролидті антибиотиктер қауіпсіздігінің белгілі бейінімен сәйкестікте болады.

- диарея, құсу, іштің ауыруы, жүрек айну, дәм сезудің өзгеруі, иіс сезу және дәм сезу бұзылыстары

- есекжем, анафилактикалық шок және Стивенс-Джонсон синдромына дейінгі ауырлығы орташа тері бөртпесі, уытты эпидермалық некролиз, эозинофилиямен және жүйелі көріністермен қатар жүретін дәрі-дәрмектік тері реакциясы (DRESS), акне, Шенлейн-Генох ауруы

- тілдің қабынуы, стоматит және ауыз қуысының ашытқылы микозы, анорексия, панкреатит, тілдің және тістің түсінің өзгеруі

- тромбоцитопения, лейкопения, нейтропения, эозинофилия, агранулоцитоз

- бас айналу, бас ауыру, үрейлену, жүйкенің тозуы

- мазасыздық, ұйқысыздық, түнгі шым-шытырық түстер, сананың көмескіленуі, елестеулер және психоз болуы мүмкін

- сарғаюмен немесе онсыз бауыр-жасушалық және/немесе холестаздық бауыр дисфункциясы және бауыр ферменттерінің жоғарылауы, бауыр жеткіліксіздігі

- гипогликемия

- естімей қалу, құлақтың шыңылдауы

- қарыншалық экстрасистолия, QT аралығының кеңеюі, қарыншалық тахикардия, «пируэт» типті полиморфты қарыншалық тахикардияны қоса

- жұқпа, қынаптық жұқпалар

- астма, мұрыннан қан кету, өкпе тамырларының эмболиясы

- эзофагит, гастроэзофагеальді рефлюкс ауруы, гастрит, прокталгия, стоматит, глоссит, іштің кебуі, ауыздың құрғауы, кекіру, метеоризм

- бұлшықеттердің түйілуі, қаңқа-бұлшықет сіресуі, миалгия

- қан креатинині мен мочевинасының жоғарылауы

- дімкәстану, қызба, астения, кеуденің ауыруы, қалтырау, қатты қажу

- альбумин-глобулин арақатынасының өзгеруі, қан сарысуындағы сілтілік фосфатаза және лактатдегидрогеназа деңгейінің жоғарылауы

- жалған жарғақшалы колит, тілмелі қабыну, эритразма

- рабдомиолиз (кларитромицин статиндермен, фибраттармен, колхицинмен немесе алопуринолмен бір мезгілде қолданылған кезде рабдомиолиздің пайда болуы туралы кейбір хабарламаларда), миопатия

- бүйрек жеткіліксіздігі, интерстициальді нефрит

- протромбин уақытының ұзаруы, несеп түсінің өзгеруі

Иммундық жүйесінің бұзылуы бар емделушілер. ЖИТС-ке шалдыққан науқастарда және иммундық жүйесі бұзылған, кларитромициннің жоғары дозаларын, микобактериялық жұқпаларды емдеу үшін ұсынылған дозаларға қарағанда, ұзағырақ қолданған басқа емделушілерде препаратты қолданумен байланысты болатын жағымсыз реакцияларды және негізгі немесе қатарлас аурулардың белгілерін үнемі айыру мүмкін бола бермейді.

Қолдануға болмайтын жағдайлар

- макролидті антибиотиктерге немесе препараттың басқа компоненттеріне жоғары сезімталдық- кларитромицинді және келесі препараттардың қандай да бірін бір мезгілде қолдану: астемизол, цизаприд, пимозид, терфенадин (бұл QT аралығының ұзаруына және қарыншалық тахикардияны, жүрекшелер фибрилляциясын және пируэтті қарыншалық тахикардияны (torsade de pointes) қоса, жүрек аритмияларының дамуына әкелуі мүмкін), эрготамин немесе дигидроэрготамин (бұл эргоуыттануға әкелетіндіктен), ловастатин, симвастатин (рабдомиолизді қоса, миопатияның пайда болу қаупіне орай) - сыртартқысында QT аралығының ұзаруы немесе пируэтті қарыншалық тахикардияны (torsade de pointes) қоса, қарыншалық жүрек аритмиялары бар емделушілер - бүйрек немесе бауыр жеткіліксіздігі бар емделушілерге колхицин мен Р-гликопротеинді немесе CYP3A4 күшті тежегішін бір мезгілде қолдану- бүйрек функциясының айқын бұзылуы (креатинин клиренсі минутына 30 мл аз емделушілерге) - макролидтер тобының антибиотиктеріне жоғары сезімталдық - порфирия - жүктілік және лактация кезеңі - бауыр функциясының ауыр сипатты бұзылуы - 18 жасқа дейінгі балалар мен жасөспірімдерге

Дәрілермен өзара әрекеттесуі

Кларитромицин ішу арқылы қабылданатын контрацептивтермен өзара әрекеттесуге түспейді. Өзара әрекеттесуден ауыр зардаптардың дамуы мүмкін екендіктен, келесі препараттарды қолдану қатаң қарсы көрсетілімді. Кларитромицинмен цизаприд, пимозид, терфенадин, астемизолды қатарлас қолдану жүрек ырғағының бұзылуына (QT аралығының ұзаруы, қарыншалық тахикардия, қарыншалар фибрилляциясы және torsade de pointes) әкелуі мүмкін. Кларитромицин мен эрготамин немесе дигидроэрготаминді бір мезгілде қолдану жедел эрготизм белгілерімен астасады, бұл орталық жүйке жүйесін қоса, тамырлардың түйілуімен және аяқ-қолдар мен басқа тіндердің ишемиясымен сипатталады.Кларитромицин фармакокинетикасына басқа дәрілік заттардың әсері. CYP3A индукторлары болып табылатын дәрілік заттар (мысалы, рифампицин, фенитоин, карбамазепин, фенобарбитал, шайқурай препараттары) кларитромицин метаболизмін индукциялауы мүмкін. Бұл кларитромициннің субтерапиялық деңгейлеріне және оның тиімділігінің төмендеуіне әкеледі. Бұдан басқа, кларитромициннің CYP3A тежеуі салдарынан жоғарылауы мүмкін CYP3A индукторының плазмалық деңгейлеріне мониторинг жасау талап етіледі (тиісті CYP3A4 индукторын медицинада қолдануға арналған нұсқаулықты да қараңыз). Рифабутин мен кларитромицинді бір мезгілде қолдану, увеиттің пайда болу қаупінің бір мезгілде артуымен, қан сарысуындағы рифабутин деңгейлерінің жоғарылауына және кларитромицин деңгейлерінің төмендеуіне әкелді.Эфавиренц, невирапин, рифампицин, рифабутин және рифапентин кларитромицин метаболизмін жеделдетумен оның қан плазмасындағы концентрациясын азайтады, бірақ 14-ОН-кларитромицин концентрациясын арттырғанда – күтілген емдік әсері болмауы мүмкін.Этравирин Кларитромициннің әсері этравиринмен әлсірейді; дегенмен, белсенді метаболит 14-ОН-кларитромицин концентрациялары жоғарылаған. 14-ОН-кларитромициннің Mycobacterium avium complex (MAC) қарсы белсенділігі төмен болғандықтан, осы патогенге қарсы жалпы белсенділік өзгеруі мүмкін. Сондықтан МАС емдеу үшін кларитромицинге баламалы дәрілік заттарды қолдану жағын қарастыру керек. Флюконазол - кларитромицин дозасын өзгерту қажет емес.Ритонавир. Ритонавир мен кларитромицинді қолдану кларитромицин метаболизмінің едәуір бәсеңдеуіне әкеледі. Кларитромициндік Cmax 31%, Cmin 182% және AUC 77% жоғарылайды. 14-ОН-кларитромицин түзілуінің толық бәсеңдеуі білінді. Бүйрек функциясы бұзылған емделушілерде ритонавирді атазанавир мен саквинавир қамтылатын АИВ протеазасының басқа тежегіштерімен бірге фармакокинетикалық күшейткіш ретінде қолданғанда дозаға дәл осындай реттеулер жүргізген жөн. Кларитромициннің басқа дәрілік заттар фармакокинетикасына әсері. Аритмияға қарсы дәрілер. Кларитромицинді хинидинмен немесе дизопирамидпен бір мезгілде қолданған кезде туындаған пируэтті қарыншалық тахикардияның дамуы жөнінде хабарламалар бар. QT аралығының ұзаруын дер мезгілінде анықтау үшін ЭКГ-мониторинг жасау ұсынылады. Кларанта емі кезінде қан сарысуындағы осы препараттардың концентрацияларын қадағалау керек. CYP3A Кларитромицин CYP3A ферментінің тежегіші болып табылады, бұл осы ферментпен метаболизденетін препараттың қан плазмасындағы концентрациясының жоғарылауына әкелуі мүмкін. Бұл оның емдік әсерін күшейтуі немесе ұзартуы және жағымсыз реакциялардың туындау қаупін жоғарылатуы ықтимал. Төменде тізбеленген препараттармен (CYP3A субстраттары) ем алатын науқастарда кларитромицин қолданғанда сақтық шарасын қадағалау керек: альпразолам, астемизол, карбамазепин, цилостазол, цизаприд, циклоспорин, дизопирамид, қастауыш алкалоидтары, метилпреднизолон, мидазолам, омепразол, ішу арқылы қабылданатын антикоагулянттар (мысалы, варфарин), пимозид, хинидин, рифабутин, сильденафил, такролимус, терфенадин, триазолам және винбластин, фенитоин, теофиллин, вальпроат. Фосфодиэстераза тежегіштерін (сильденафил, тадалафил және варденафил) кларитромицинмен бірге қолданған кезде олардың плазмалық концентрацияларының жоғарылау ықтималдығы бар, бұл фосфодиэстераза тежегіштерінің дозасын азайтуды талап етеді. Кларитромицинмен бір мезгілде қолданғанда қан плазмасында теофиллин немесе карбамазепин концентрацияларының мардымсыз артуы болады. Кларитромицинмен бірге қолданғанда толтеродин дозасын азайту қажет Триазолбензодиазепиндер (мысалы, альпразолам, мидазолам, триазолам) мен кларитромицин таблеткаларын бірге қолданғанда дозаны дер кезінде түзету үшін емделушіге мұқият мониторинг жасаған жөн. Клацид СР ішу арқылы қабылданатын мидазоламмен біріктіріп қолданудан аулақ болу керек. Шығарылуы CYP3A байланысты емес бензодиазепиндер (темазепам, нитразепам, лоразепам) үшін кларитромицинмен клиникалық елеулі өзара әрекеттесудің даму ықтималдығы аз. Өзара әрекеттесудің басқа түрлеріКолхицин: кларитромицин мен колхицинді бір мезгілде қолданғанда колхицин экспозициясы ұлғаюы мүмкін. Колхицинмен уыттанудың клиникалық белгілерін анықтау үшін емделушілердің жай-күйін қадағалау қажет. Дигоксин: кларитромицинді дигоксинмен бірге алатын емделушілердің қан сарысуында дигоксин концентрациясы жоғарылауы мүмкін. Кейбір емделушілерде дигиталистік уыттылық нышандары, соның ішінде өлімге ұшыратуы зор аритмиялар дамыды. Кларитромицинмен бірге қолданғанда емделушілердің қан сарысуындағы дигоксин концентрациясын мұқият бақылау керек.Зидовудин: Қан сарысуында зидовудиннің тепе-тең концентрациялары төмендеуі мүмкін. Фенитоин және вальпроат Кларитромицинді қоса, CYP3A тежегіштерінің CYP3A-мен метаболизденген болып саналмайтын дәрілік заттармен (мысалы, фенитоин және вальпроат) өзара әрекеттесуі жөнінде күтілмеген немесе жарияланған хабарламалар болды. Кларитромицинмен бір мезгілде тағайындалғанда қан сарысуындағы осы дәрілік заттардың деңгейлерін анықтау ұсынылады. Олардың қан сарысуындағы деңгейлерінің жоғарылауы жөнінде хабарланған.Клацид пен атазановир, интраконазол, саквинавир арасында екі бағытты дәрілік өзара әрекеттесу болуы да мүмкін.Верапамил: кларитромицин мен верапамилді бірге қолданғанда артериялық гипотензия, брадиаритмия және лактоацидоз дамуы жөнінде хабарланған.

Айрықша нұсқаулар

Антибиотиктерді ұзақ уақыт немесе қайталап қолдану сезімтал емес бактериялар мен зеңдердің шамадан тыс өсуін туғызуы мүмкін. Асқын жұқпа пайда болғанда кларитромицин қолдануды тоқтатып, тиісті емді бастаған жөн.Бүйрек жеткіліксіздігі ауыр емделушілерде препаратты абайлап қолдану керек. Кларитромицин қолданғанда, бауыр ферменттері деңгейінің жоғарылауын қоса, бауыр функциясының бұзылуы жөнінде, сарғаюы бар және онсыз гепатоцеллюлярлы және/немесе холестатикалық гепатит жөнінде хабарланды. Бауыр функциясының бұзылуы ауыр дәрежелі, әдетте қайтымды сипатта болады. Кейбір жағдайларда, негізінен, негізгі күрделі аурулармен және/немесе қатарлас дәрі-дәрмектік емдеумен астасып, өліммен аяқталған бауыр жеткіліксіздігі жөнінде хабарланды. Анорексия, сарғаю, несептің күңгірттенуі, қышыну немесе іштің ауыруы сияқты гепатит көріністері мен белгілері пайда болғанда кларитромицин қолдануды дереу тоқтату қажет.Препарат бауыр жеткіліксіздігі ауыр және/немесе бүйрек жеткіліксіздігі ауыр емделушілерге сақтықпен тағайындалуы тиіс. Мұндай жағдайларда дозаны 50% азайтуға немесе препаратты қабылдаулар арасындағы аралықты ұзартуға болады.Clostridium difficile (CDAD) туғызған ауырлығы жеңіл дәрежеден өліммен аяқталатын колитке дейінгі диареяның дамуы жөнінде бактерияға қарсы барлық дерлік препараттарды, соның ішінде кларитромицинді қолданған кезде хабарланған. Кларитромицин алатын емделушілерде myasthenia gravis белгілерінің күшеюі мүмкін. Бауыр функциясының жеткіліксіздігі бар емделушілерде препаратты қолданған кезде сақ болу керек. Кларитромицин мен колхицинді бірге қолданғанда, әсіресе, егде жастағы емделушілерде, соның ішінде бүйрек жеткіліксіздігі аясында колхицинмен уыттанудың дамуы жөнінде (соның ішінде өліммен аяқталған) хабарланды. Кларитромицин мен триазолбензодиазепиндерді, мысалы, триазолам, мидазоламды бір мезгілде сақтықпен қолдану керек («Басқа дәрілік заттармен өзара әрекеттесу және өзара әрекеттесудің басқа түрлерін» қараңыз). QT аралығының ұзару қаупіне орай, кларитромицинді torsades de pointes және QT аралығы ұзаруының дамуына жоғары бейімділікке байланысты денсаулық ахуалы бар емделушілерде абайлап қолдану керек. Пневмония Streptococcus pneumoniae макролидтерге төзімді болуы мүмкін екендіктен, кларитромицинді ауруханалық емес пневмонияны емдеу үшін тағайындағанда сезімталдыққа тест жүргізу маңызды. Ауруханалық пневмония жағдайында кларитромицинді басқа тиісті антибиотиктермен біріктіріп қолдану керек. Ауырлығы жеңіл және орташа дәрежедегі терінің және жұмсақ тіндердің жұқпаларыБұл жұқпалар көбінесе әрқайсысы макролидтерге төзімді болуы мүмкін Staphylococcus aureus және Streptococcus pyogenes микроорганизмдерінен туындаған. Сондықтан сезімталдыққа тест жүргізу маңызды. Бета-лактамды антибиотиктер қолдану мүмкін емес жағдайларда (мысалы, аллергия) алғашқы таңдалатын препараттар ретінде басқа антибиотиктерді, мысалы, клиндамицинді қолдануға болады. Қазіргі уақытта макролидтер тек терінің және жұмсақ тіндердің кейбір жұқпаларын емдеуде рөл атқарады, мысалы: Corynebacterium minutissimum туғызған жұқпалар (эритразма), acne vulgaris, тілмелі қабыну; және пенициллиндермен емдеуді қолдануға болмайтын жағдайларда. Анафилаксия, Стивенс-Джонсон синдромы, уытты эпидермалық некролиз, DRESS, Шенлейн-Генох ауруы сияқты асқын сезімталдықтың ауыр жедел реакциялары дамығанда кларитромицинмен емдеуді дереу тоқтатып, бірден тиісті емді бастау керек. Кларитромицинді СYP3A4 цитохромы ферментінің индукторларымен бір мезгілде тағайындағанда абайлап қолдану керек («Басқа дәрілік заттармен өзара әрекеттесу және өзара әрекеттесудің басқа түрлерін» қараңыз). Кларитромицин мен басқа макролидтер, сондай-ақ линкомицин мен клиндамицин арасындағы айқаспалы төзімділік болуы мүмкін екеніне назар аударған дұрыс.Микробқа қарсы кез келген емді, соның ішінде кларитромицинді H. pylori жұқпасын емдеу үшін қолдану микробтық төзімділіктің дамуына әкелуі мүмкін. Ішу арқылы қабылданатын гипогликемиялық препараттар/инсулинКларитромицин мен ішу арқылы қабылданатын гипогликемиялық препараттар және/немесе инсулинді біріктіріп қолдану айқын гипогликемияны туғызуы мүмкін. Натеглинид, пиоглитазон, репаглинид, розиглитазон сияқты гипогликемиялық препараттармен бір мезгілде қолданғанда кларитромициннің СҮР3А ферментін тежеуі салдарынан гипогликемия туындайды. Қандағы глюкоза деңгейіне мұқият мониторинг ұсынылады.Ішу арқылы қабылданатын антикоагулянттар. Кларитромицин мен варфаринді бір мезгілде қолданғанда күрделі қан кету және протромбин уақытының едәуір жоғарылау қаупі бар. Кларитромицин мен ішу арқылы қабылданатын антикоагулянттарды біріктіріп қолданғанда протромбин уақытын тиянақты бақылау керек.ГМГ-КоА-редуктаза тежегіштері.Кларитромицинді және ловастатин мен симвастатинді бір мезгілде қолдануға болмайды, өйткені статиндер СҮР3А4 арқылы қарқынды метаболизденеді және кларитромицинмен бірге емдеу олардың плазмадағы концентрациясын арттырады, бұл рабдомиолизді қоса миопатия қаупін арттырады. Осы статиндермен кларитромицин қабылдап жүрген емделушілерде рабдомиолиз болғаны жөнінде хабарлар алынған. Егер кларитромицинсіз емдеу мүмкін болмаса, онда кларитромицинмен емдеу кезінде ловастатинмен немесе симвастатинмен емдеу курсын тоқтата тұру керек. Кларитомицинмен бірге статинді тағайындағанда сақтық таныту керек. Кларитромицинмен статинді бір мезгілде тағайындамаудан басқа мүмкіндік болмаса, онда статиннің тіркелген ең аз дозасын тағайындау ұсынылады. Метаболизмі СҮР3А ферментіне тәуелді емес статиндер пайдалануды қарастыруға болады (мысалы, флувастатин).Жүктілік және лактация кезеңі Кларитромицинді жүктілік және бала емізу кезеңінде қолдану қауіпсіздігі анықталмаған. Сондықтан препаратты, пайда/қауіп арақатынасының мұқият бағалануынсыз, осы санаттағы әйелдерде қолдану ұсынылмайды. Кларитромицин емшек сүтімен бөлініп шығады.Педиатрияда қолданылуыКларанта препараты, құрамында «Хинолинді сары» бояғышының болуына байланысты, 18 жасқа толмаған емделушілерде қолданылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етуі жөнінде деректер жоқ. Дегенмен автокөлікті және басқа механизмдерді басқару алдында құрысулар, бас айналу, вертиго, елестеулер, сананың шатасуы, бағдардан жаңылу және т.б. сияқты жағымсыз реакциялардың болуы мүмкін екенін назарға алу қажет.

Артық дозалануы

Симптомдары: жүрек айну, құсу.Емі: асқазанды шаю және демеуші ем.

Шығарылу түрі мен қаптамасы

14 таблеткадан поливинилхлоридті үлбірден және баспалы лакталған алюминийлі фольгадан жасалған пішінді қаптамаға салады. 1 пішінді қаптамамен бірге медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.Сақтау шартыЖарықтан қорғалған жерде, 15°С ден 30°С-ге дейінгі температурада сақтау керек.Балалардың қолы жетпейтін жерде сақтау керек!

Сақтау мерзімі

3 жыл Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылыӨндіруші «Аджанта Фарма Лимитед», ҮндістанАджанта Хаус, Чаркоп, Кандивли (3) Мумбай, 400067Тел.: 91-22-66061000, e-mail: Shailesh.singh@ajantapharma.com Тіркеу куәлігі иесінің атауы және елі «Аджанта Фарма Лимитед», ҮндістанҚазақстан Республикасы аумағында тұтынушылардан өнім сапасына қатысты шағымдары қабылдайтын ұйымның мекенжайы: Қазақстан Республикасы, 050009, Алматы қ., Аносов к., 54/28 (Төле би қиылысы) тел/факс: + 7(727) 241-45-73, 277-51-46E-mail: puneet.kapur@ajantapharma.com; aplkazak@mail.ru