Клавунат BID

Клавунат BID

Жоқ

Дәрілік түрі, дозалануы

Үлбірлі қабықпен қапталған таблеткалар, 875 мг/125 мг

Жүйелі пайдалануға арналған инфекцияға қарсы препараттар. Жүйелі қолданылатын бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндер бета-лактамаза тежегіштерімен біріктірілімде. Амоксициллин және бета-лактамаза тежегіші.

АТХ коды J01CR02

Клавунат BID ересектер мен балалардағы келесі инфекцияларды емдеуге арналған:

- жедел бактериялық синусит (расталған диагноз кезінде)

- жедел ортаңғы отит

- созылмалы бронхиттің өршуі (расталған диагноз кезінде)

- ауруханадан тыс пневмония

- цистит

- пиелонефрит

-тері мен жұмсақ тіндердің инфекциялары, атап айтқанда целлюлит, жануарлардың тістеуі, жақсүйек-бет аймағының жедел абсцестері мен флегмоналары)

- сүйектер мен буындардың инфекциялары: соның ішінде остеомиелит

Бактерияға қарсы дәрілерді тиімді қолдану жөніндегі ресми ұсынымдарды назарға алған жөн.

Қолданудың басталуына дейінгі қажетті мәліметтер тізбесі

- әсер етуші заттарға, пенициллиндерге немесе қосымша заттарының кез келгеніне аса жоғары сезімталдық

- анамнезінде басқа бета-лактамды антибиотиктерге (цефалоспориндерге, карбапенемдерге немесе монобактамдарға) жедел түрдегі аса жоғары сезімталдықтың ауыр реакциясы (мысалы, анафилаксия)

- анамнезінде амоксициллин/клавулан қышқылының біріктірілімін қабылдау аясында дамыған сарғаю немесе бауыр функциясының бұзылуы

Қолдану кезіндегі қажетті сақтандыру шаралары

Клавунат BID препаратымен емді бастар алдында пенициллиндерге, цефалоспориндерге немесе басқа бета-лактамды антибиотиктерге аса жоғары сезімталдықтың алдыңғы реакцияларына қатысты анамнезді мұқият жинау қажет.

Пенициллиндер қабылдайтын пациенттерде аса жоғары сезімталдықтың ауыр және кейде өлімге әкелетін реакциялары (анафилактоидты және терінің ауыр жағымсыз реакцияларын қоса) сипатталған. Бұл реакциялар анамнезінде пенициллинге аса жоғары сезімталдығы бар пациенттерде, сондай-ақ атопиялық жағдайы бар пациенттерде жиі туындайды. Аллергиялық реакция туындаған кезде амоксициллин / клавулан қышқылымен емдеуді тоқтатып, тиісті баламалы ем тағайындау қажет.

Егер инфекция амоксициллинге сезімтал организмдерден туындағаны дәлелденген жағдайда, ресми ұсынымдарға сәйкес амоксициллин/клавулан қышқылынан амоксициллинге ауысу мүмкіндігін қарастыру керек.

Клавунат BID препаратының бұл дәрілік түрі болжамды патогендердің бета-лактамдық препараттарға төзімділігі жоғары қаупі бар кезде қолдануға жарамсыз, яғни клавулан қышқылының тежелуіне сезімтал бета-лактамазалармен байланысты болмайды. Препараттың бұл түрі пенициллинге төзімді S. pneumoniae емдеу үшін қолданылмауы керек.

Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар пайда болуы мүмкін.

Егер инфекциялық мононуклеозға күдік болса, Клавунат BID препаратын қабылдаудан аулақ болу керек, өйткені амоксициллинді қолданғаннан кейін де байқалатын инфекциялық мононуклеоздан туындаған қызылша тәрізді бөртпе пайда болуы мүмкін.

Амоксициллинмен емдеу кезінде аллопуринолды бір мезгілде қабылдау тері тарапынан аллергиялық реакциялардың туындау ықтималдығын арттырады.

Кейбір жағдайларда ұзақ уақыт қолдану сезімтал емес микроорганизмдердің көбеюіне әкелуі мүмкін.

Емдеудің басында пустулалардың пайда болуымен байланысты қызбамен бірге жалпыланған эритеманың пайда болуы жедел жалпыланған экзантематозды пустулездің (AGEP) симптомы болуы мүмкін. Көрсетілген реакция Клавунат BID препаратын қолдануды тоқтатуды талап етеді және амоксициллинді кейіннен қолдануға қарсы көрсетілім болып табылады.

Бауыр функциясының бұзылу белгілері бар пациенттерде амоксициллин/клавулан қышқылын сақтықпен қолданған жөн.

Бауыр тарапынан бұзылулар туралы, негізінен, ерлер мен егде жастағы пациенттерде хабарланды, бұл ұзақ емдеумен байланысты болуы мүмкін. Балаларда аталған бұзылулар туралы өте сирек хабарланды. Пациенттердің барлық топтарында симптомдар әдетте емдеу кезінде немесе одан кейін көп ұзамай пайда болады, алайда сирек жағдайларда емдеу аяқталғаннан кейін бірнеше аптадан соң ғана пайда болуы мүмкін. Мұндай құбылыстар, әдетте, қайтымды болады. Бауыр тарапынан бұзылулар ауыр болуы, өте сирек жағдайларда өлімге әкелуі мүмкін. Мұндай құбылыстар әрдайым дерлік ауыр негізгі ауруы бар немесе бауырға белгілі ықтимал жағымсыз әсері бар препараттарды қабылдаған пациенттерде байқалды.

Ауырлығы жеңілден өмірге қауіптіге дейін өзгеруі мүмкін амоксициллинді қоса алғанда, барлық дерлік бактерияға қарсы дәрілерді қолдану кезінде антибиотикпен терапиямен байланысты колиттің дамуы туралы хабарланды. Сондықтан кез келген антибиотиктерді қабылдау кезінде немесе терапия курсы аяқталғаннан кейін диареяға шалдыққан пациенттерде осы патологияның туындау мүмкіндігін есте ұстаған жөн. Антибиотикпен терапиямен байланысты колит дамыған жағдайда Клавунат BID препаратымен емдеу дереу тоқтатылып, дәрігердің кеңесі ұсынылуы және тиісті емдеу басталуы керек. Бұл жағдайда перистальтиканы басатын препараттарды қолдануға болмайды.

Ұзақ мерзімді терапия кезінде бүйрек, бауыр және қан өндіру функцияларын қоса, ағзалар жүйесінің функцияларын мерзімді бағалау ұсынылады.

Амоксициллин/клавулан қышқылын қабылдаған пациенттерде сирек жағдайларда протромбин уақытының ұлғаюы туралы хабарланды. Антикоагулянттарды бір мезгілде қолданған кезде тиісті бақылау жүргізу керек. Антикоагуляцияның қажетті деңгейін ұстап тұру мақсатында пероральді антикоагулянттардың дозасын түзету қажет болуы мүмкін.

Бүйрек функциясы бұзылған пациенттерде дозаны бұзылу дәрежесіне қарай түзету керек.

Диурезі төмендеген пациенттерде өте сирек, негізінен парентеральді ем кезінде кристаллурия байқалды. Амоксициллиннің жоғары дозаларын қабылдаған кезде амоксициллинмен байланысты кристаллурияның ықтималдығын азайту үшін сұйықтықты жеткілікті мөлшерде қабылдау және диурезді қадағалау керек. Қуыққа катетеризация жасалған пациенттерде катетерлердің өткізгіштігін үнемі тексеріп отыру керек.

Амоксициллинмен емдеу кезінде несепте глюкозаның бар-жоғын зерттеу кезінде глюкооксидазаны анықтаудың ферментативті әдістерін қолданған жөн, өйткені ферментативті емес әдістерді қолдану кезінде жалған оң нәтижелер ықтималдығы бар.

Клавунат BID препаратында клавулан қышқылының болуы IgG мен альбуминді эритроциттер жарғақшаларымен спецификалық емес байланыстыруға әкелуі мүмкін, бұл Кумбс сынамасының жалған оң нәтижелеріне әкелуі мүмкін.

Амоксициллин/клавулан қышқылын қабылдаған және кейіннен Aspergillus тудырған инфекцияның жоқтығы мойындалған пациенттерде Bio-Rad Laboratories өндірген Platelia Aspergillus қолданумен ферменттік иммуноанализдің оң нәтижелері туралы хабарламалар болды. Bio-Rad Laboratories өндірген Platelia Aspergillus пайдалану арқылы ферменттік иммуноанализ жүргізу кезінде Aspergillus жатпайтын полисахаридтермен және полифуранозалармен айқаспалы реакциялар туралы хабарланды. Сондықтан амоксициллин/клавулан қышқылымен ем алатын пациенттердегі талдаулардың оң нәтижелерін сақтықпен түсіндіру және басқа диагностикалық әдістермен растау керек.

Басқа дәрілік  препараттармен өзара әрекеттесуі

Пероральді антикоагулянттар

Пероральді антикоагулянттар мен пенициллин қатарының антибиотиктері практикада өзара әрекеттесу туралы хабарламаларсыз кеңінен қолданылды. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыпқа келтірілген қатынастардың арту жағдайлары сипатталған. Егер осы препараттарды бір мезгілде қолдану қажет болса, амоксициллинді қосу немесе қабылдауды тоқтату кезінде протромбин уақытын немесе халықаралық қалыпқа келтірілген қатынасты мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін.

Метотрексат.

Пенициллиндер метотрексаттың шығарылуын төмендетуі мүмкін, бұл уыттылықтың ықтимал артуына әкеледі.

Пробенецид

Пробеницидті бір мезгілде қолдану ұсынылмайды. Пробенецид амоксициллиннің бүйректік өзекшелік секрециясын азайтады. Пробенецидті бір мезгілде қолдану амоксициллин (бірақ клавулан қышқылы емес) деңгейінің жоғарылауына және қанда болу ұзақтығының артуына әкелуі мүмкін.

Микофенолат мофетил.

Микофенолат мофетилмен ем алатын пациенттерде клавулан қышқылымен пероральді амоксициллинді қолдану басталғаннан кейін микофенол қышқылының белсенді метаболитінің дозаға дейінгі концентрациясы шамамен 50% төмендеуі мүмкін. Доза алдындағы деңгейдің бұл өзгерісі микофенол қышқылының жалпы экспозициясының өзгеруіне толық сәйкес келмеуі мүмкін. Демек, егер трансплантат дисфункциясы клиникалық расталмаса, микофенолат мофетилінің дозасын өзгерту әдетте талап етілмейді. Дегенмен, біріктірілімді қолдану кезінде және антибиотиктермен емдеуден кейін көп ұзамай мұқият мониторинг жүргізу керек.

Арнайы сақтандырулар

Педиатрияда қолдану

Таблетканы бөлудің мүмкін болмауына байланысты Клавунат BID препаратын дене салмағы 25 кг кем балаларға қолдануға болмайды.

Дене салмағы 25 кг-дан кем балаларды емдеу үшін флакондардағы немесе педиатриялық пакетиктердегі ішке қабылдау үшін суспензия дайындауға арналған ұнтақ түріндегі Клавунат препаратын қолданған дұрыс.

2 жастан кіші балаларда тәулігіне дене салмағының кг-на 45 мг / 6.4 мг астам дозаларда 7:1 қатынасында амоксициллин/клавулан қышқылының дозаларын қолдану туралы деректер жоқ.

2 айға дейінгі балаларда 7:1 қатынасында амоксициллин / клавулан қышқылын қолдану туралы клиникалық деректер жоқ. Осыған байланысты пациенттердің осы тобында дозалау бойынша ұсынымдар беру мүмкін емес.

Жүктілік немесе лактация кезеңінде

Жүктілік

Амоксициллин/клавулан қышқылын жүктілік кезінде қолдану туралы шектеулі деректер препараттың жүктілік барысына немесе шарананың/жаңа туған нәрестенің дамуына жағымсыз әсерін анықтаған жоқ.

Шарана қабығының мерзімінен бұрын жарылуы (pPROM) бар әйелдердің қатысуымен жүргізілген жалғыз зерттеуде амоксициллин/клавулан қышқылын профилактикалық қолдану жаңа туған нәрестелерде некротикалық энтероколиттің даму қаупінің жоғарылауымен байланысты болуы мүмкін екендігі хабарланды. Басқа дәрілік препараттармен сияқты, дәрігер қажет деп санайтын жағдайларды қоспағанда, жүктілік кезінде қолданудан аулақ болу керек.

Бала емізу

Препараттың екі белсенді заты да емшек сүтімен шығарылады(клавулан қышқылының емшек еметін балаларға әсері туралы деректер жоқ). Сондықтан, емшек емізу кезінде диарея және шырышты қабықтың зең инфекциясы сияқты симптомдар пайда болуы мүмкін, мұндай жағдайларда бала емізуді тоқтату керек. Амоксициллин/клавулан қышқылын бала емізу кезінде емдеуші дәрігер пайда - қауіп арақатынасын бағалағаннан кейін ғана қолдану керек.

Қосымша заттар туралы ерекше ақпарат

Бұл препараттың құрамында бір дозаға 1 ммоль аз натрий (23 мг) бар, яғни құрамында натрий жоқ деуге болады.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Клавунат препаратының көлік құралдарын басқару және механизмдермен жұмыс істеу қабілетіне әсеріне зерттеулер жүргізілген жоқ. Дегенмен, пациенттер қызметтің осы түрлеріне әсер етуі мүмкін ықтимал жағымсыз құбылыстар (мысалы, аллергиялық реакциялар, бас айналу, құрысулар) туралы хабардар етілуі тиіс.

Қолдану жөніндегі нұсқаулар

Дозалау режимі

Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшерлік бірліктерінде көрсетіледі.

Клавунат BID препаратының дозасын таңдау кезінде келесі факторларды ескеру керек:

- ықтимал патогендер және олардың бактерияға қарсы препараттарға күтілетін сезімталдығы

- инфекцияның ауырлық дәрежесі және орналасуы

- пациенттің жасы, дене салмағы және бүйрек функциясының жағдайы.

Қажет болған жағдайда Клавунат препаратының баламалы дәрілік түрлерін (мысалы, амоксициллиннің неғұрлым жоғары дозаларын және/немесе амоксициллин мен клавулан қышқылының әртүрлі арақатынасын қамтамасыз ететін) қолдануды қарастыру керек.

Ересектер мен салмағы > 40 кг балалар үшін Клавунат BID препаратының осы құрамы тәулігіне 2 рет қабылдаған кезде 1750 мг амоксициллин/250 мг клавулан қышқылының және төмендегі ұсынымдарға сәйкес тәулігіне 3 рет қабылдаған кезде 2625 мг амоксициллин/375 мг клавулан қышқылының жиынтық тәуліктік дозасын қамтамасыз етеді.

Салмағы 40 кг-дан аз балалар үшін Клавунат BID препаратының осы құрамы төмендегі ұсынымдарға сәйкес қолданған кезде 1000-2800 мг амоксициллин/143-400 мг клавулан қышқылының ең жоғары тәуліктік дозасын қамтамасыз етеді.

Егер амоксициллиннің неғұрлым жоғары тәуліктік дозасын қабылдау туралы шешім қабылданса, клавулан қышқылының артық жоғары тәуліктік дозаларын енгізбеу үшін басқа Клавунат препаратын таңдау ұсынылады.

Емнің ұзақтығы пациенттің жүргізілген емге реакциясымен анықталуы тиіс. Кейбір инфекциялар (мысалы, остеомиелит) ұзақ емдеуді қажет етеді. Емдеу клиникалық жағдайды қайта қараусыз 14 күннен артық жалғаспауы тиіс (ұзартылған терапияға қатысты «Қолдану кезіндегі қажетті сақтандыру шаралары» бөлімін қараңыз).

Ересектер мен салмағы >40 кг балалар

Ұсынылатын дозалау режимі:

- стандартты доза (барлық көрсетімдер үшін): тәулігіне 2 рет 875 мг / 125 мг;

- жоғары доза (әсіресе ортаңғы отит, синусит, төменгі тыныс жолдарының инфекциясы және несеп шығару жолдарының инфекциясы сияқты инфекцияларда): тәулігіне 3 рет 875 мг / 125 мг.

Пациенттердің ерекше топтары

Балалар

Салмағы <40 кг балалар

Балаларды емдеу үшін Клавунат таблетка түрінде, құтыларда немесе педиатриялық пакетиктерде ішуге арналған суспензия түрінде қолданылуы мүмкін.

Балаларға ұсынылатын дозалау режимі:

- 2 қабылдауда тәулігіне 25 мг / 3,6 мг/кг-дан 45 мг/6,4 мг/кг-ға дейін;

- бірқатар инфекцияларды емдеу үшін (жіті ортаңғы отит, синусит, төменгі тыныс жолдарының инфекциясы) тәулігіне 2 рет 70 мг/10 мг/кг дейін доза қолданылуы мүмкін.

Таблетканы бөлудің мүмкін болмауына байланысты Клавунат BID препаратын дене салмағы 25 кг кем балаларға қолдануға болмайды.

Төмендегі кестеде дене салмағы 25 кг-дан 40 кг-ға дейінгі балалар үшін 875 мг / 125 мг бір таблетканы қабылдағаннан кейін алынатын доза (мг / кг дене салмағына) берілген.

Дене салмағы 25 кг-дан кем балаларды емдеу үшін флакондардағы немесе педиатриялық пакетиктердегі ішке қабылдау үшін суспензия дайындауға арналған ұнтақ түріндегі Клавунат препаратын қолданған дұрыс.

2 жастан кіші балаларда тәулігіне дене салмағының кг-на 45 мг / 6.4 мг астам дозаларда 7:1 қатынасында амоксициллин/клавулан қышқылының дозаларын қолдану туралы деректер жоқ.

2 айға дейінгі балаларда 7:1 қатынасында амоксициллин / клавулан қышқылын қолдану туралы клиникалық деректер жоқ. Осыған байланысты пациенттердің осы тобында дозалау бойынша ұсынымдар беру мүмкін емес.

Егде жастағы пациенттер

Егде жастағы пациенттерге дозаны түзету талап етілмейді.

Бауыр  функциясының жеткіліксіздігі бар пациенттер

Бауыр жеткіліксіздігі бар пациенттерге сақ болу керек, сондай-ақ бауыр функциясына тұрақты мониторинг жүргізу қажет.

Бүйрек  функциясының жеткіліксіздігі бар пациенттер

Креатинин клиренсі (CrCl) 30 мл / мин астам пациенттерде дозаны түзету талап етілмейді.

Креатинин клиренсі 30 мл / мин кем пациенттерде дозаны түзету жөніндегі ұсынымдардың болмауына байланысты 7:1 қатынасында амоксициллин / клавулан қышқылын қолдану ұсынылмайды.

Енгізу әдісі мен жолы

Ішке қабылдау үшін.

Таблеткаларды шайнамай тұтас жұту керек.

Қажет болса, жұтуды жеңілдету үшін таблеткаларды екіге бөлуге болады. Екі жартысын біртіндеп, кідіріссіз және шайнамай жұту керек.

Препаратты ықтимал асқазан-ішек бұзылыстарын барынша азайту және амоксициллин/клавулан қышқылының сіңуін арттыру үшін тамақтану кезінде қабылдау керек.

Қабылдау уақыты көрсетілген қолдану жиілігі

Қолдану жиілігін емдеуші дәрігер анықтайды.

Емдеу ұзақтығы

Емдеу ұзақтығы 14 күннен аспауы тиіс.

Артық дозалану жағдайында қабылдау қажет болатын шаралар

Симптомдары: асқазан-ішек бұзылулары және су-электролит теңгерімінің бұзылуы мүмкін. Амоксициллинді қабылдаумен байланысты кристаллурия байқалды, бұл жекелеген жағдайларда бүйрек жеткіліксіздігінің дамуына әкелді.

Бүйрек функциясы бұзылған пациенттерде және жоғары дозаларды қабылдайтын пациенттерде құрысулар пайда болуы мүмкін.

Амоксициллиннің қуықтың катетерлерінде, негізінен препараттың жоғары дозаларын вена ішіне енгізгеннен кейін шөгуі мүмкін.

Емі: симптоматикалық ем жүргізу, су-электролит теңгерімін түзету. Амоксициллин/клавулан қышқылы гемодиализ арқылы қанағымынан шығарылады.

Дәрілік препараттың бір немесе бірнеше дозасын өткізіп алған кезде қажетті шаралар

Дозаны қабылдауды өткізіп алған кезде, пациент есіне түсіргеннен кейін дереу препаратты қабылдау керек. Егер келесі дозаны қабылдау уақыты келген жағдайда, өткізіп алған дозаны толықтыру үшін қос дозаны қабылдауға болмайды.

Тоқтату симптомдары қаупінің болуын көрсету

Клавунат BID емдеуші дәрігер көрсеткен уақыт ішінде қабылдауды жалғастыру керек. Өзіңізді жақсы сезінген жағдайда да препаратты қабылдауды тоқтатпауыңыз керек.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Егер осы препаратты қолдану туралы қосымша сұрақтар туындаса, емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі (≥ 1/10)

- диарея

Жиі (≥ 1/100-ден < 1/10-ға дейін)

• тері және шырышты жабындардың кандидозы

• жүректің айнуы, құсу. Жүрек айнуы жоғары пероральді дозаларды қабылдау кезінде жиі туындайды (жалпы популяция). Асқазан-ішек бұзылыстарын азайту үшін препаратты тамақтану кезінде қабылдау керек.

Жиі емес (≥ 1/1000-нан < 1/100-ге дейін)

• бас айналу, бас ауыру

• асқорытудың бұзылуы

• АЛТ/АСТ бауыр ферменттері деңгейінің орташа жоғарылауы

• тері бөртпесі, қышыну, есекжем

Сирек (≥1/10000 < 1/1000 дейін)

• қайтымды лейкопения (нейтропенияны қоса), тромбоцитопения

• мультиформалы эритема

Белгісіз (қолда бар деректер негізінде бағалау мүмкін емес)

• сезімтал емес микроорганизмдердің өсуі

• қайтымды агранулоцитоз, гемолиздік анемия, қан кету уақытының және протромбин уақытының ұлғаюы

• ангионевроздық ісіну, анафилаксия, сарысу құю ауруы, аллергиялық васкулит

- қайтымды жоғары белсенділік, бүйрек функциясы бұзылған пациенттерде немесе жоғары доза алатын пациенттерде туындауы мүмкін құрысулар

- асептикалық менингит

• антибиотиктерді қолдану нәтижесінде колит (жалған жарғақшалы және геморрагиялық колитті қоса), қара «түкті» тіл

гепатит, холестаздық сарғаю, осы құбылыстар басқа пенициллиндер мен цефалоспориндерді қолдану кезінде де байқалған.

Ерлер мен егде жастағы пациенттерде бауыр тарапынан бұзылулардың дамуы туралы хабарланды, бұл препаратты ұзақ уақыт қолданумен байланысты болуы мүмкін. Бұл құбылыстар балаларда сирек байқалды. Белгілер мен симптомдар, әдетте, емді тоқтату кезінде немесе одан кейін көп ұзамай пайда болады, бірақ кейбір жағдайларда ем аяқталғаннан кейін бірнеше апта ішінде білінуі мүмкін. Әдетте олар қайтымды. Бауырдың бұзылуы ауыр болуы мүмкін және өте сирек жағдайларда өлім туралы хабарланды. Олар әрдайым дерлік ауыр аурулары бар пациенттерде немесе бауыр тарапынан жағымсыз реакциялар тудыратын препараттарды бір мезгілде қабылдаған пациенттерде тіркелді.

- Стивенс-Джонсон синдромы, уытты эпидермальді некролиз, буллезді эксфолиативті дерматит, жедел жайылған экзантематозды пустулез (AGEP)

• интерстициальді нефрит, кристаллурия

- эозинофилиямен және жүйелі симптомдармен дәрілік реакция (DRESS синдром). Аса жоғары сезімталдық реакциясы және дерматит дамыған жағдайда емдеуді тоқтату керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар: амоксициллин тригидраты 1054.647 мг (875 мг амоксициллинге баламалы),

калий клавуланаты:авицел (1:1) 312.561 мг (125 мг клавулан қышқылына баламалы),

қосымша заттар: кросповидон, натрий кроскармеллозасы, авицел pH 102, магний стеараты, аэросил 200

үлбірлі қабық (опадрай ақ): метилгидроксипропилцеллюлоза, полиэтиленгликоль 4000, титанның қостотығы.

Сыртқы түрінің, иісінің, дәмінің сипаттамасы

Үлбірлі қабықпен қапталған, ақ дерлік түсті, бір жағында сындыру сызығы бар ұзынша пішінді таблеткалар.

Шығарылу түрі және қаптамасы

5 немесе 7 таблеткадан алюминий фольгадан жасалған пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл.

Жарамдылық мерзімі өткеннен кейін қолдануға болмайды!

Құрғақ жерде 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

АТАБАЙ КИМЬЯ САН. ВЕ ТИДЖ. А.С

Dilovası Organize Sanayi Bölgesi

4.kısım, Sakarya Caddesi No:28

Gebze, Коджаэли, Түркия

тел.: + 90 262 724 85 41

факс: + 90 262 724 85 43

info@atabay.com

Тіркеу куәлігінің ұстаушысы

АТАБАЙ КИМЬЯ САН. ВЕ ТИДЖ. А.С

Acibadem, Koftuncu sok. No:1

34718 Kadıkoy, Стамбул,Түркия

тел: +90 (216) 326 69 65

факс: +90 (216) 340 13 77

info@atabay.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«WHITE SAIL басқарушы компаниясы» ЖШС

Қазақстан Республикасы, Алматы қ., 1 ш. а., 61/1 үй

тел: +7 777 727 27 07

Электронды пошта: whitesail20@mail.ru