КЛАБЕЛ® (250 мг, Нобел)

КЛАБЕЛ®

Кларитромицин

Дәрілік түрі, дозасы

Ішке қабылдау үшін суспензия дайындауға арналған ұнтақ 250 мг/5 мл, 70 мл

Фармакотерапиялық тобы - Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Кларитромицин.

Код АТХ J01FA09

КЛАБЕЛ® 6 айдан 12 жасқа дейінгі балалардағы сезімтал микроорганизмдерден туындаған инфекцияларды емдеуге арналған.

Мұндай инфекцияларға:

- төменгі тыныс алу жолдарының инфекциясы (мысалы, бронхит, пневмония)

- жоғарғы тыныс алу жолдарының инфекциясы (мысалы, синусит, фарингит)

- тері және жұмсақ тіндердің инфекциясы (мысалы, фолликулит, целлюлит/флегмона, тілмелі қабыну)

- ортаңғы жедел отит

- Mycobacterium avium немесе Mycobacterium intracellulare туындаған диссеминацияланған немесе жергілікті орналасқан микобактериялық инфекциялар. Mycobacterium chelonae, Mycobacterium fortuitum немесе Mycobacterium kansasii туындаған жергілікті инфекциялар жатады.

Бактерияға қарсы препараттарды тиісті түрде қолдану жөніндегі ресми ұлттық нұсқаулықтарды ескерген дұрыс.

Қолданудың басталуына дейін қажетті мәліметтер тізбесі

- макролидтер тобындағы антибиотиктерге немесе кез-келген қосымша заттарға жоғары сезімталдық

- келесі препараттармен бірлесіп қабылдау:

• астемизол, цизаприд, пимозид, терфенадин

• қастауыш алкалоидтары (мысалы, эрготамин немесе дигидроэрготамин)

• ішке қабылданатын мидазолам

• CYP3A4 (ловастатин немесе симвастатин) арқылы кеңінен метаболизденетін ГМГ-КоА-редуктаза тежегіштері (статиндер)

• колхицин

• тикагрелор немесе ранолазин.

- анамнезде QT аралығының ұзаруы (туа біткен немесе QT аралығының белгіленген ұзаруы), қарыншалық жүрек аритмиясы (қос бағытты тахикардияны қоса).

- гипокалиемия (QT аралығының ұзару қаупі).

- бауырдың ауыр және/немесе бүйрек жеткіліксіздігі (креатинин клиренсі минутына 30 мл аз).

Қолдану кезіндегі қажетті сақтандыру шаралары

КЛАБЕЛ® препаратын жүкті әйелдерге, әсіресе жүктіліктің алғашқы үш айында пайда мен қауіптің арақатынасын мұқият бағаламай тағайындауға болмайды. Басқа антибиотиктер жағдайындағыдай, ұзақ мерзімді қолдану, препаратқа сезімтал бактериялар мен зеңдердің шамадан тыс көбеюіне әкелуі мүмкін. Суперинфекция туындаған кезде тиісті терапияны бастау керек. КЛАБЕЛ® негізінен бауыр арқылы шығарылады. Сондықтан, бауыр функциясы бұзылған пациенттерде, сондай-ақ орташа немесе ауыр дәрежедегі бүйрек функциясы бұзылған пациенттерде препаратты қолданған кезде сақ болу керек.

Бүйрек функциясының ауыр жеткіліксіздігі бар пациенттерде сақ болу керек. КЛАБЕЛ® қабылдаған кезде бауыр функциясының бұзылғандығы, оның ішінде бауыр ферменттері деңгейінің жоғарылауы, гепатоцеллюлярлық және/немесе сарғаюы бар немесе сарғаю белгісі жоқ холестаздық гепатит туралы айтылды. Бауырдың функциясының мұндай бұзылуы ауыр және әдетте қайтымды болуы мүмкін. Бауыр жеткіліксіздігінің өліммен аяқталатын ауыр жағдайлары, сонымен қатар, ілеспе ауру және/немесе дәрі-дәрмектерді бір мезгілде қолданумен байланысты болды. Гепатит белгілері, мысалы, анорексия, сарғаю, несептің күңгірттенуі, қышыну немесе іштің сезімталдығы болса, KЛAБEL® препаратын қолдануды дереу тоқтатыңыз. Жеңіл дәрежеден өмірге қауіп төндіретін ауыр дәрежедегі жалғанжарғақшалы колит туралы мәлімдемелер макролидтерді қоса, барлық дерлік бактерияға қарсы препараттарды қабылдаған кезде түсіп жатты. Барлық дерлік бактерияға қарсы препараттарды, соның ішінде КЛАБЕЛ® қолданған кезде, Clostridium difficile (CDAD) туындаған және жеңіл дәрежелі диареядан өліммен аяқталатын колитке дейінгі диареяның дамуы туралы айтылды. Бактерияға қарсы препараттарды қабылдау қалыпты ішек флорасын өзгертеді, бұл Clostridium difficile жоғары өсуіне әкеледі. Антибиотиктерді қабылдағаннан кейін диареямен ауыратын барлық пациенттерде CDAD туындау мүмкіндігін ескеру керек. Анамнезді мұқият жинау керек, өйткені CDAD пайда болу жағдайлары бактерияға қарсы препараттарды қабылдағаннан кейін екі айдан кейін болған жағдайлар тіркелген.

Колхицин. Маркетингтен кейінгі есептерде кларитромицин мен колхицинді қабылдау кезінде колхициннің уыттылығы туралы айтылған, әсіресе егде жастағы науқастарда, олардың кейбіреулері бүйрек қызметі бұзылған пациенттерде кездеседі. Осындай пациенттердің кейбірінде өліммен аяқталған жағдайлары тіркелген («Дәрілермен өзара әрекеттесуі» бөлімін қараңыз). КЛАБЕЛ® және колхицинді бір мезгілде қолдану қарсы көрсетілімді («Қолдануға болмайтын жағдайлар» бөлімін қараңыз).

КЛАБЕЛ® триазолобензодиазепиндермен, мысалы, триазолам және мидазоламмен вена ішіне немесе оромукозалды енгізуді сақтықпен тағайындаған дұрыс.

Жүрек-қантамыр аурулары.

Макролидтермен, оның ішінде кларитромицинмен емдеу кезінде жүрек аритмиясының және «пируэт» (torsades de pointes) түріндегі қарыншалық тахикардияның даму қаупімен байланысты миокардтың реполяризациясының жоғарылауы және QT аралығы байқалды («Жағымсыз әсерлері» бөлімін қараңыз). Келесі жағдайлар вентрикулярлы аритмия қаупінің жоғарылауына әкелуі мүмкін («пируэт» түріндегі қарыншалық тахикардияны қоса) болғандықтан, келесі пациенттерде КЛАБЕЛ ® сақтықпен қолданылуы керек:

- жүректің ишемиялық ауруы, жүректің ауыр жеткіліксіздігі, өткізгіштік қабілетінің бұзылуы немесе клиникалық маңызды брадикардиямен ауыратын пациенттерде; гипомагнемия сияқты электролит теңгерімсіздігі бар пациенттерде. КЛАБЕЛ® препаратын гипокалиемиямен ауыратын («Қолдануға болмайтын жағдайлар» бөлімін қараңыз); QT жоғарылауына әкелуі мүмкін басқа дәрілік препараттарды бір уақытта қабылдаған пациенттерде қолдануға болмайды («Дәрілермен өзара әрекеттесу» бөлімін қараңыз); КЛАБЕЛ® астемизолмен, цизапридпен, пимозидпен және терфенадинмен бір мезгілде қабылдауға болмайды («Қолдануға болмайтын жағдайлар» бөлімін қараңыз). КЛАБЕЛ® анамнезде туа біткен немесе жүре пайда болған белгіленген QT аралығының ұзаруы немесе қарыншалық аритмиясы бар пациенттерде қолдануға болмайды («Қолдануға болмайтын жағдайлар» бөлімін қараңыз).

Макролидтерді қолдану салдарынан қолайсыз жүрек-қантамыр нәтижелерінің даму қаупін зерттейтін эпидемиологиялық зерттеулер өзгермелі нәтижелер көрсетті. Кейбір эксперименттік емес зерттеулер макролидтерді, соның ішінде кларитромицинді қолдану салдарынан аритмия, миокард инфарктісі және жүрек-қантамыр ауруларынан болатын өлімнің сирек қысқа мерзімді даму қаупін анықтады. Осы нәтижелерді қарастыру кларитромицинмен емдеудің артықшылықтарымен теңдестірілуі керек.

Пневмония. Макролидтерге Streptococcus pneumoniae дамып келе жатқан төзімділігіне байланысты, КЛАБЕЛ ® препаратын ауруханалық емес пневмонияны емдеуге тағайындау кезінде сезімталдыққа тест жүргізу маңызды. Ауруханалық пневмония жағдайында КЛАБЕЛ ® препаратын басқа сәйкес антибиотиктермен бірге қолдану керек.

Терінің және жұмсақ тіндердің жеңіл және орташа дәрежедегі инфекциялары. Мұндай инфекциялардың ең көп тараған қоздырғышы – Staphylococcus aureus және Streptococcus pyogenes, олар да макролидтерге төзімді болуы мүмкін. Сондықтан сезімталдыққа зерттеу жүргізу қажет. Бета-лактамдық антибиотиктерді қолдану мүмкін болмаған жағдайда (мысалы, аллергияға байланысты), клиндамицин сияқты басқа антибиотиктер бірінші таңдалуы мүмкін. Қазіргі уақытта макролидтер терінің және жұмсақ тіндердің кейбір инфекцияларының, мысалы, Corynebacterium minutissimum, кәдімгі безеу және тілмелі қабыну тудыратын инфекцияларды емдеу үшін және пенициллинмен емдеу мүмкін емес жағдайларда қолданылады. Егер анафилаксия, Стивенс-Джонсон синдромы, уытты эпидермалық некролиз немесе эозинофилиямен және жүйелік көріністермен қатар жүретін дәрілік тері реакциялары сияқты күрделі жедел аса жоғары сезімталдық реакциялары байқалса, КЛАБЕЛ ® препаратын дереу тоқтатып, тиісті емді дереу бастау керек. КЛАБЕЛ® CYP3A4 цитохромы ферментінің индукторларымен бір уақытта сақтықпен қолдану керек («Дәрілермен өзара әрекеттесу» бөлімін қараңыз). Кларитромицин мен басқа макролидті препараттардың, сондай-ақ линкомицин мен клиндамицин арасындағы мүмкін болатын айқаспалы төзімділікті ескеру керек.

ГМГ-КоА-редуктаза тежегіштері (статиндер). КЛАБЕЛ® ловастатин немесе симвастатинмен бір мезгілде қолдану қарсы көрсетілімді («Қолдануға болмайтын жағдайлар» бөлімін қараңыз). КЛАБЕЛ® препаратын басқа статиндермен бірге тағайындағанда сақ болу керек. Бір мезгілде КЛАБЕЛ® және статиндерді қабылдаған пациенттерде рабдомиолиздің пайда болуының дәлелдері бар. Миопатияның белгілері мен симптомдарын анықтау үшін пациенттердің жағдайын мониторингілеу қажет. Егер кларитромицин мен статиндерді бір мезгілде қолданбау мүмкін болмаса, статиннің тіркелген ең төменгі дозасын тағайындау ұсынылады. Флувастатин сияқты CYP3A метаболизміне тәуелсіз статинді тағайындауды қарастыру керек. («Дәрілермен өзара әрекеттесу» бөлімін қараңыз).

Пероральді гипогликемиялық дәрілер/инсулин. КЛАБЕЛ® және пероральді гипогликемиялық дәрілерді (сульфонилмочевина туындылары сияқты) және / немесе инсулинді бір мезгілде қолданғанда айтарлықтай гипогликемия пайда болуы мүмкін. Глюкоза деңгейін мұқият бақылау ұсынылады.

Пероральді антикоагулянттар. Варфаринмен бірге КЛАБЕЛ® препаратын бір мезгілде қолданғанда, күрделі қан кету және ХҚҚ (халықаралық қалыптасқан қатынас) көрсеткішінің және протромбин уақытының едәуір арту қаупі бар. КЛАБЕЛ® және пероральді антикоагулянттарды бір мезгілде қолданғанда, көбінесе ХҚҚ жылдамдығы мен протромбин уақытын жиі бақылау қажет.

Қосымша заттар. Ішуге арналған суспензия КЛАБЕЛ® түйіршіктері құрамында сахароза бар.

Фруктозаға жақпаушылығы, глюкоза-галактоза мальабсорбциясы немесе сахароза-изомалтаза жеткіліксіздігінің сирек кездесетін тұқым қуалайтын проблемалары бар пациенттерге бұл препаратты қабылдауға болмайды. Сахарозаның мөлшерін қант диабетімен ауыратын пациенттерге қолданған кезде ескеру қажет.

Басқа дәрілік препараттармен өзара әрекеттесуі

Төмендегі препараттарды қолдану өзара әрекеттесудің ауыр салдарының ықтимал дамуына байланысты қатаң түрде қарсы көрсетілімді

Цизаприд, пимозид, астемизол және терфенадин.

Бір мезгілде КЛАБЕЛ® және цисапридті қабылдаған пациенттерде цизаприд деңгейінің жоғарылағаны байқалды. Бұл QT аралығының ұзаруына және аритмияның, оның ішінде қарыншалық тахикардияның, қарыншалық фибрилляцияның және «пируэт» (torsades de pointes) типтіі қарыншалық тахикардияның пайда болуына әкелуі мүмкін. Осыған ұқсас әсерлер КЛАБЕЛ ® және пимозидті бір мезгілде қабылдаған пациенттерде байқалды.

Макролидтер терфенадиннің қандағы деңгейінің жоғарылауына әкеле отырып, терфенадиннің метаболизміне әсер етеді, кейде QT аралығының жоғарылауы, қарыншалық тахикардия, «пируэт» (torsades de pointes) типті қарыншалық тахикардия сияқты аритмиялармен қатар жүреді («Қолдануға болмайтын жағдайлар» бөлімін қараңыз).

Ұқсас әсерлер астемизолды және басқа макролидтерді бір мезгілде қолданғанда байқалды.

Қастауыш алкалоидтары. Кларитромицин мен эрготаминді немесе дигидроэрготаминді бір мезгілде қолдану, орталық жүйке жүйесін қоса, қантамырлардың тарылуы, аяқ-қолдардың және басқа тіндердің ишемиясы түрінде білінетін қастауыштардың уытты әсеріне әкеледі. КЛАБЕЛ® мен қастауыш алкалоидтарын бір мезгілде тағайындау қарсы көрсетілімді.

Пероральді қабылдауға арналған мидазолам

Таблетка түріндегі мидазолам мен кларитромицинді бір мезгілде қолдану кезінде (тәулігіне екі рет 500 мг), мидазоламды пероральді қабылдағаннан кейін мидазолам AUC 7 есе ұлғайды. Мидазолам мен кларитромицинді бір мезгілде пероральді қабылдау қарсы көрсетілімді.

ГМГ-КоА-редуктаза тежегіштері (статиндер). КЛАБЕЛ® ловастатинмен немесе симвастатинмен бір мезгілде қолдануға болмайды, өйткені олар айтарлықтай дәрежеде CYP3A4 метаболизденеді, ал кларитромициннің болуы олардың плазмадағы концентрациясының жоғарылауын туындатады, осының нәтижесінде миопатия және рабдомиолиздің даму қаупі артады. Кларитромицинді аталған статиндермен бір мезгілде қолданған емделушілерде рабдомиолиздің пайда болу жағдайлары туралы деректер бар. Егер КЛАБЕЛ® препаратын міндетті түрде қолдану керек болса, ловастатинді немесе симвастатинді қабылдауды КЛАБЕЛ® қолдану кезінде тоқтатады. КЛАБЕЛ® препаратын статиндермен бір мезгілде қолдануды сақтықпен тағайындау керек. Егер КЛАБЕЛ® және статиндерді бір мезгілде қолдану мүмкін болмаса, статиннің ең төменгі тіркелген дозасын тағайындау ұсынылады. Флувастатин сияқты CYP3A-мен метаболизденбеген статинді тағайындау мүмкіндігін қарастырған дұрыс. Миопатияның белгілері мен симптомдарын анықтау үшін пациенттердің жағдайын бақылау қажет.

Басқа дәрілік препараттардың КЛАБЕЛГЕ® әсері

CYP3A индукциялайтын препараттар (мысалы, рифампицин, фенитоин, карбамазепин, фенобарбитал, шайқурай) кларитромициннің метаболизмін жеделдетуі мүмкін. Бұл кларитромициннің субтерапиялық деңгейіне және оның тиімділігінің төмендеуіне әкелуі мүмкін. Бұдан басқа, кларитромициннің CYP3A-ны тежейтін әсерінің салдарынан жоғарылауы мүмкін (сондай-ақ CYP3A4 сәйкес тежегішінің медицинада қолданылуы жөніндегі нұсқаулығын қара) CYP3A индукциялайтын басқа дәрілік заттардың деңгейін байқап отыру қажет болуы мүмкін.

Рифабутин мен КЛАБЕЛ ®бір мезгілде қолданылуы рифабутиннің деңгейінің жоғарылауына және кларитромициннің қан сарысуындағы концентрациясының төмендеуіне, сондай-ақ увеит қаупінің артуына әкеледі.

Келесі препараттардың қан сарысуында кларитромициннің концентрациясының өзгеруін туындатуы, немесе іс жүзінде туындатуы мүмкіндігі белгілі. КЛАБЕЛ® дозасын түзету немесе емдеудің балама нұсқаларын қарастыру қажет болуы мүмкін

Эфавиренц, невирапин, рифампицин, рифабутин және рифапентин. P450 цитохромының метаболикалық жүйесінің күшті индукторы ретінде, бір мезгілде оның белсенді метаболитінің (14-OH-кларитромицина) концентрациясын жоғарылатып олар кларитромициннің метаболизмін жеделдетуі мүмкін, осылайша оның қан плазмасындағы концентрациясын төмендетеді. Кларитромицин мен 14-OH-кларитромициннің әртүрлі бактерияларға микробиологиялық әсерінің айырмашылығы болғандықтан, онда Р450 цитохрома ферменттерінің индукторлары бір мезгілде қабылдау қажетті емдік әсерге қол жеткізуге кедергі етуі мүмкін.

Этравирин. Этравиринді қабылдағанда, кларитромициннің экспозициясы төмендейді, ал оның белсенді метаболиті 14-OH-кларитромициннің концентрациясы жоғарылайды. Өйткені 14-OH-кларитромицин микобактериялық кешенге (MAC) қарсы тиімділігі төмен дәрі болып табылатындықтан, аталған патогенге қатысты препараттың жалпы тиімділігі өзгеруі мүмкін. Осы себепті, MAC емдеу үшін емнің баламалы нұсқаларын қарастыру керек.

Флуконазол. 21 дені сау еріктілерде күніне бір рет 200 мг флуконазол мен күніне екі рет 500 мг кларитромицинді бір мезгілде қолдану кларитромициннің (Cmin) тепе-тең ең төменгі концентрациясының және қисық астындағы ауданының (AUC) сәйкесінше 33% және 18% өсуіне әкелді. Флуконазолды бір мезгілде қолдану кезінде 14-OH-кларитромициннің белсенді метаболитінің тепе-теңдік концентрациясы айтарлықтай өзгерген жоқ. КЛАБЕЛ® дозасын түзету қажет емес.

Ритонавир. 200 мг ритонавирді әрбір сегіз сағатта және 500 мг КЛАБЕЛДІ® әрбір 12 сағатта бір мезгілде қолдану фармакокинетикасын зерттеулер көрсеткендей, кларитромициннің метаболизмінің айтарлықтай төмендеуіне әкеледі. Бұл кезде кларитромициннің Cmax 31%-ға, Cmin 182%-ға жоғарыласа, AUC 77%-ға жоғарылады. 14-OH-кларитромициннің түзілуінің іс жүзінде толық тежелуі байқалды. Бүйрек функциясы қалыпты емделушілерде кең емдік диапазонына байланысты КЛАБЕЛ® дозасын азайту қажет етілмейді. Бүйрек жеткіліксіздігі бар пациенттерде дозаны түзету керек: креатинин клиренсі (КК) 30–60 мл/мин болғанда КЛАБЕЛ® дозасын 50 %-ға төмендету, КК < 30 мл/мин болғанда –75 %-ға төмендету керек. КЛАБЕЛ® күніне 1 гр асатын дозаларын ритонавирмен бірге қолдануға болмайды.

Атазанавир мен саквинавирді қоса, басқа да АИВ-протеаза тежегіштерімен («Дәрілік препараттармен екібағытты өзара әрекеттесуі» бөлімін қара) бірге ритонавирді фармакокинетикалық күшейткіш ретінде қолданғанда бүйрек функциясының бұзылуымен емделушілерде дозаны осылайша түзету жүргізу керек.

КЛАБЕЛДІҢ® басқа дәрілік препараттарға әсері

Аритмияға қарсы препараттар. Маркетингтен кейінгі тәжірибеде кларитромицинді хинидинмен немесе дизопирамидпен бір мезгілде қолданғанда «пируэт» (torsades de pointes) типті қарыншалық тахикардияның жағдайлары анықталған.

КЛАБЕЛДІ® аталған препараттармен бір мезгілде қолданғанда QT аралығының ұзаруын уақытылы анықтау үшін, ЭКГ-мониторинг жүргізу ұсынылады. КЛАБЕЛМЕН® емдеу кезінде аталған препараттардың қан сарысуындағы концентрациясын бақылап отыру керек. Кларитромицин мен дизопирамидті бір мезгілде қолданғанда гипогликемия жағдайлары туралы да хабарлар бар. КЛАБЕЛ® пен дизопирамидті бір мезгілде қолданғанда қандағы глюкоза деңгейін бақылау керек.

Пероральді гипогликемиялық дәрілер мен инсулин. КЛАБЕЛДІ® натеглинид пен репаглинид секілді белгілі гипогликемиялық дәрілермен бір мезгілде қолданғанда CYP3A энзимінің тежелуі байқалуы мүмкін, ол гипогликемияны туындатуы мүмкін. Глюкоза деңгейін мұқият мониторингілеу ұсынылады.

CYP3A-байланысты өзара әрекеттесу. CYP3A ферментінің тежегіші ретінде белгілі КЛАБЕЛ® және CYP3A алғашқы метаболизденетін кез келген басқа препаратты бір мезгілде қолдану соңғысының қан плазмасындағы концентрациясының жоғарылауына әкелуі мүмкін, ол, өз кезегінде, оның емдік әсерін және жағымсыз реакцияларын күшейтуі немесе ұзартуы мүмкін.

Дәрілік заттар – CYP3A субстраттарын қабылдайтын емделушілерде, КЛАБЕЛ®қабылдағанда әсіресе егер соңғыларының емдік диапазоны тар болса (мысалы, карбамазепин) және/немесе осы энзиммен экстенсивті метаболизденсе сақтық шараларын сақтау керек. КЛАБЕЛ®бір мезгілде қабылдайтын емделушілерде CYP3A метаболизденетін дәрілік заттардың сарысулық концентрациясын мониторингілеу және дозасын өзгерту қажет болуы мүмкін.

Келесі дәрілік препараттар немесе препараттар тобы сол бір CYP3A изоферменттерімен метаболизденетіні белгілі: альпразолам, астемизол, карбамазепин, цилостазол, цизаприд, циклоспорин, дизопирамид, қастауыш алкалоидтары, ловастатин, метилпреднизолон, мидазолам, омепразол, пероральді антикоагулянттар (мысалы, варфарин), пимозид, хинидин, рифабутин, силденафил, симвастатин, такролимус, терфенадин, триазолам мен винбластин, бірақ бұл тізім толық емес. Осындай өзара әрекеттесу механизмі Р450 цитохромы жүйесінің басқа изоферментімен метаболизденетін фенитоинді, теофиллин және вальпроатты қолданғанда, байқалған.

Омепразол. Дені сау ересек еріктілерді КЛАБЕЛДІ® (500 мг әрбір 8 сағатта) және омепразолды (40 мг күнделікті) бір мезгілде қолданғанда зерттеу нәтижелері бар. КЛАБЕЛ® препаратымен бір мезгілде қолданғанда омепразолдың плазмадағы (сәйкесінше Cmax, AUC0-24 және t1/2 30%, 89% және 34%-ға жоғарылауы) тепе тең концентрациясының жоғарылауы байқалды. Асқазандағы pH көрсеткішінің орташа мәні омепразолды жеке қабылдағанда 5,2 және омепразолды КЛАБЕЛ® препаратымен бір мезгілде қабылдағанда 5,7 құрады.

Силденафил, тадалафил және варденафил. Осы фосфодиэстераза тежегіштерінің әрқайсысы CYP3A қатысуымен ең болмағанда ішінара метаболизденеді, ал CYP3A кларитромицинді қатар қолдану арқылы тежелуі мүмкін. КЛАБЕЛ® және силденафил, тадалафил немесе варденафилді қатар қолдану фосфодиэтераза тежегіші әсерінің жоғарылауына әкелуі мүмкін. Оларды КЛАБЕЛМЕН® бір мезгілде қолданғанда силденафил, тадалафил және варденафил дозасын азайту туралы мәселені қарастырған дұрыс.

Теофиллин, карбамазепин. Клиникалық зерттеулер нәтижелері, КЛАБЕЛМЕН® аталған препараттардың кез келгенін бір мезгілде қабылдағанда теофиллин мен карбамазепиннің айналымдағы концентрациясының статистикалық мәнді (p≤0,05) жоғарылауының орны алғандығын көрсетеді.

Толтеродин негізінен Р450 цитохромының (CYP2D6) 2D6-изоформасымен метаболизденеді. Алайда CYP2D6-сыз емделушілерде метаболизм CYP3A арқылы жүреді. Аталған популяцияда CYP3A бәсеңдеуі толтеродиннің плазмалық концентрациясының айтарлықтай жоғарылауына әкеледі. Осындай пациенттер үшін толтеродиннің дозасын төмендету оны КЛАБЕЛ® секілді CYP3A тежегіштерімен қолданғанда қажет болуы мүмкін.

Триазолобензодиазепиндер (мысалы, алпразолам, мидазолам, триазолам).

Мидазолам мен кларитромицин таблеткаларын бір мезгілде қабылдаумен (тәулігіне екі рет 500 мг) мидазоламның AUC мөлшері мидазоламның вена ішіне енгізілуімен 2,7 есе артты. Мидазоламды КЛАБЕЛМЕН® вена ішілік қолданғанда дозаны уақытылы түзету үшін, пациенттің жағдайын мұқият мониторингілеу керек.

Мидазоламды қабылдаудың оромукозалды жолымен препаратты жүйеалды элиминациясын жоққа шығаруға болады, бұл, мүмкін, мидазоламның пероральды емес, вена ішіне енгізілуімен байқалатындай өзара әрекеттесуіне әкелуі мүмкін.

Триазолам мен альпразоламды қоса, CYP3A метаболизденетін басқа бензодиазепиндерді қолданғандағыдай сақтық шараларын сақтау керек. Элиминациясы CYP3A-ға (темазепам, нитразепам, лоразепам) байланысты емес, бензодиазепиндер үшін КЛАБЕЛМЕН® клиникалық мәні бар өзара әрекеттесудің даму мүмкіндігі төмен.

Кларигет пен триазоламды бір мезгілде қолданғанда орталық жүйке жүйесі тарапынан дәрілік өзара әрекеттесу мен жағымсыз құбылыстардың дамуы (ұйқышылдық және сананың шатасуы секілді) туралы постмаркетингтік хабарлар бар. ОЖЖ тарапынан фармакологиялық әсерлердің жоғарылау мүмкіндігін ескеріп, емделушіні бақылауға алу керек.

Басқа дәрілік препараттармен өзара әрекеттесуі

Колхицин. Колхицин CYP3A үшін де және сондай-ақ p-гликопротеиннің (Pgp) эффлюксті тасымалдаушысы үшін субстрат болып табылады. КЛАБЕЛ® мен басқа макролидтер CYP3A және p-гликопротеиннің тежегіштері болып табылатыны белгілі. КЛАБЕЛ® мен колхицинді бір мезгілде қолданған жағдайда, p-гликопротеин мен CYP3A-ны кларитромицинмен тежелуі колхициннің экспозициясының артуына әкелуі мүмкін. КЛАБЕЛ®мен колхицинді бір мезгілде қабылдау қарсы көрсетілімді.

Дигоксин. Дигоксин P-гликопротеиннің (Pgp) эффлюксті тасымалдаушысы субстраты болып саналады. Кларитромициннің Pgp бәсеңдетуге қабілеті бары белгілі. Кларитромицин мен дигоксинді бір мезгілде қолданғанда, Pgp бәсеңдеуі дигоксиннің экспозициясының жоғарылауына әкелуі мүмкін. Постмаркетингтік бақылауда КЛАБЕЛ® дигоксинмен бір мезгілде қабылдайтын емделушілердің қан сарысуында дигоксин концентрациясының жоғарылауы анықталды. Кейбір пациенттерде дигиталисті уыттану белгілері, оның ішінде әлеуетті фатальді аритмиялар дамыды. Оны КЛАБЕЛ® қолданғанда дигоксиннің емделушілердің қан сарысуындағы концентрациясын мұқият бақылау керек.

Зидовудин. Ересек АИВ-жұқтырған емделушілермен КЛАБЕЛ® таблеткасын және зидовудинді бір мезгілде пероральді қабылдау зидовудиннің тепе-тең концентрациясының төмендеуіне әкелуі мүмкін. КЛАБЕЛ® оларды бір мезгілде пероральді қабылдаған жағдайда зидовудиннің сіңірілуіне әсер етуі мүмкін, одан КЛАБЕЛ® пен зидовудинді 4-сағаттың қабылдау интервалын сақтау жолымен айтарлықтай дәрежеде аулақ болуға болады. Аталған өзара әрекеттесу зидовудинмен және дидеоксиинозинмен бір мезгілде КЛАБЕЛ® суспензиясын қабылдаған жағдайда АИВ жұқтырған емделуші-балаларда байқалмайды. Кларитромицинді вена ішіне инфузия түрінде тағайындаған жағдайда мұндай өзара әрекеттесудің болу ықтималдығы аз.

Фенитоин мен вальпроат. Кларитромицинді қоса, CYP3A тежегіштері мен CYP3A метаболизміне іс жүзінде қатыспайтын препараттар (мысалы, фенитоин және вальпроат) арасында өзара әрекеттесулер туралы өздігінен келіп түскен немесе жарияланған хабарламалар болды. Осындай препараттарды КЛАБЕЛМЕН® бір мезгілде тағайындағанда олардың қан сарысуындағы деңгейіне талдау жүргізу ұсынылады. Осы препараттардың қан сарысуындағы концентрациясының жоғарылауы туралы деректер бар.

Дәрілік препараттармен екібағыттағы өзара әрекеттесуі

Атазанавир мен кларитромицин CYP3A-ның субстраты және тежегіштері болып табылады. Осы препараттар арасында екібағыттағы өзара әрекеттесу дәлелденген. КЛАБЕЛ® (500 мг күніне екі рет) пен атазанавирді (400 мг күніне бір рет) бір мезгілде қолдану кларитромициннің экспозициясының екі есе жоғарылауына, 14-OH-кларитромициннің экспозициясының 70%-ға төмендеуіне және атазанавирдің AUC 28%-ға жоғарылауына әкеледі. Кларитромицин айтарлықтай емдік ауқымымен сипатталатындықтан, бүйректің қалыпты функциясымен пациенттерде КЛАБЕЛ® дозасын төмендету талап етілмейді. Орташа дәрежедегі бүйрек жеткіліксіздігімен (КК от 30 до 60 мл/мин) емделушілер үшін, КЛАБЕЛ® дозасы 50%-ға төмендетілуі керек. КК 30 мл/минуттан төмен емделушілер үшін КЛАБЕЛ® дозасы сәйкес дәрілік түрін қолдану жолымен 75%-ға төмендетілуі керек. Тәулігіне 1000 мг-ден жоғары КЛАБЕЛ® дозасын протеаза тежегіштерімен бір мезгілде қабылдамаған жөн.

Кальций өзекшелерінің блокаторлары. Артериялық гипотензияның даму қаупіне байланысты КЛАБЕЛ® CYP3A4 метаболизденетін (мысалы, верапамил, амлодипин, дилтиазем) кальций өзекшелерінің блокаторларымен бір мезгілде сақтықпен қолдану керек. Өзара әрекеттескенде кларитромициннің де, сондай-ақ кальций өзекшелерінің блокаторларының плазмалық концентрациясы жоғарылауы мүмкін. Кларитромицинді верапамилмен бірге қабылдаған емделушілерде артериялық гипотензия, брадиаритмия және лактоацидоз байқалды.

Итраконазол. Итраконазол мен кларитромицин CYP3A-ның субстраттары және тежегіштері болғандықтан, екі бағытты өзара әрекеттесуге алып келеді. Кларитромицин итраконазолдың плазмалық деңгейін жоғарылатуы мүмкін, бұл кезде итраконазол да плазмада кларитромицин деңгейін жоғарылатуы мүмкін. Итраконазолды және КЛАБЕЛ бірге қолданылғанда емделушілер күшейтілген немесе ұзартылған фармакологиялық әсердің білінулері мен симптомдарын анықтау үшін дәрігердің мұқият бақылануында болуы керек.

Саквинавир. Саквинавир мен кларитромицин CYP3A субстраттары мен тежегіштері болып табылады, және осы препараттар арасында екібағытты өзара әрекеттесу дәлелденген. 12 дені сау еріктілерді зерттеулер көрсеткендей, КЛАБЕЛ® (500 мг күніне екі рет) пен саквинавирді (1200 мг күніне үш рет жұмсақ желатинді қапсулаларда) бір мезгілде қолдану саквинавирді жеке қолданумен салыстырғанда саквинавирдің тепе-тең көрсеткіштері AUC және Cmax 177% және 187%-ға жоғарылауын туындатады. Кларитромициннің AUC және Cmax көрсеткіштері КЛАБЕЛДІ® жеке қабылдаумен салыстырғанда шамамен 40%-ға жоғарылады. Егер екі дәрілік зат бір мезгілде шектеулі уақыт аралығында және зерттелген дозаларда/ дәрілік түрлерде қолданылса, дозаларды түзетудің қажеті жоқ. Жұмсақ желатинді капсулаларды қолданумен дәрілік өзара әрекеттесуді зерттеу нәтижелері саквинавирді қатты желатинді капсулалар түрінде қолданған кезде байқалатын әсерлерге сәйкес келмеуі мүмкін. Тек саквинавирді қолданумен дәрілік өзара әрекеттесуді зерттеу нәтижелері саквинавир/ритонавирмен емдеу кезінде байқалған әсерлерге сәйкес келмеуі мүмкін. Саквинавирді ритонавирмен бірге қабылдағанда ритонавирдің кларитромицинге болуы мүмкін өзара әсерін ескеру қажет.

Үйлесімсіздігі бойынша ақпарат жоқ.

Қолдану бойынша ұсыныстар

Дозалау режимі

Балаларға арналған 250 мг/5 мл-ден тұратын КЛАБЕЛ® балалар суспензиясының ұсынылатын тәуліктік дозасы микобактериялық емес инфекцияларды емдеу үшін күніне екі рет 7,5 мг/кг ең жоғары күніне екі рет 500 мг дозасына дейінді құрайды. Емдеу ұзақтығы, әдетте, қоздырғыштың түріне және жағдайдың ауырлығына байланысты 5-10 күнді құрайды. Суспензияны ас ішуге байланыссыз қолданады (сүтпен қабылдауға болады).

Кестеде баланың дене салмағына және суспензия концентрациясына негізделген дозаныы анықтау бойынша нұсқаулық бар.

*Дене салмағы 8 кг дейін балаларға доза дене салмағының килограммына есептеледі: (шамамен 7.5 мг/кг тәулігіне екі рет).

Микобактериялық инфекциялармен пациенттерде дозалау. Диссеминацияланған немесе жергілікті орналасқан микобактериялық инфекциясы бар (Mycobacterium avium, Mycobacterium intracellulare, Mycobacterium chelonae, Mycobacterium fortuitum, Mycobacterium kansasii) балаларда суспензия түрінде Клацид ұсынылатын дозасы пациенттің жағдайын және аурудың ауырлығына дәрігердің жеке клиникалық бағасын ескере отырып, ең жоғарғы тәулігіне екі рет 500 мг дозадан асырмай, дене салмағына тәулігіне 2 рет 7.5-тен 15 мг/кг құрайды.

Емдеу препаратты қолданудың клиникалық тиімділігі байқалғанға дейін жалғасады (микобактерияға қарсы басқа препараттарды қабылдау қажет болуы мүмкін).

* Дене салмағы 8 кг дейін балаларға доза дене салмағының килограммына есептеледі: (шамамен 7.5-15 мг/кг тәулігіне 2 рет).

Бүйрек жеткіліксіздігі. Креатинин клиренсі 30 мл/мин 1.73 м2 төмен балаларға КЛАБЕЛ® дозасы жартысына төмендетілуі қажет, яғни күніне бір рет 250 мг дейін немесе ауыр инфекциялар кезінде күніне екі рет 250 мг. Мұндай пациенттерде емнің ұзақтығы 14 күннен аспауы керек.

Суспензия дайындау тәртібі.

Суспензия дайындау үшін судың тиісті мөлшерін құтыдағы белгіге дейін құйып, сілку керек. Әрбір қабылдау алдында суспензия қалпына келу үшін құтыны сілку керек. Дайындалған суспензиядағы кларитромициннің концентрациясы 250 мг/5 мл құрайды. Суспензияны дайындағаннан кейін бөлме температурасында (15°-25°C) сақтау және 14 күн ішінде қолдану керек. Тоңазытқышта сақтауға болмайды.

Дәрілік препараттарды стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар

Ересектер мен балаларға КЛАБЕЛ® препаратымен емдеу кезіндегі ең көп таралған және жиі кездесетін жағымсыз реакциялар іштің ауыруы, диарея, жүрек айнуы, құсу және дәмнің бұзылуы. Бұл жағымсыз реакциялар әдетте айқындығы мардымсыз және макролидті антибиотиктердің белгілі қауіпсіздік бейініне сәйкес келеді. Клиникалық зерттеулер барысында микобактериялық инфекцияларға шалдыққан немесе шалдықпаған пациенттер тобының арасында бұл гастроинтестинальді жағымсыз реакцияларының жиілігінде айтарлықтай айырмашылықтар байқалған жоқ. Төменде клиникалық зерттеулер кезінде және КЛАБЕЛ® әртүрлі дәрілік түрлері мен дозаларын маркетингтен кейінгі пайдалану кезінде пайда болған жағымсыз реакциялар келтірілген.

Кем дегенде кларитромицинмен байланысты жағымсыз реакциялар ағзалар жүйесі бойынша және пайда болу жиілігіне қарай бқлінген: өте жиі (> 1/10), жиі (> 1/100 ден <1/10 дейін), жиі емес (> 1/1000 -ден <1/100 дейін), сирек ( > 1/10 000 -ден <1/1000 дейін), өте сирек (<1/10 000), белгісіз жиілікпен (маркетингтен кейінгі бақылау кезінде анықталған жағымсыз реакциялар, қолда бар деректерден жиілігін анықтау мүмкін емес). Әр топтың шегінде жағымсыз реакциялардың жиілігі, ауырлық дәрежесі бағаланған жағдайда көріністердің ауырлық дәрежесінің төмендеу тәртібімен ұсынылған.

Жиі

Психика тарапынан бұзылулар:

- ұйқысыздық

Орталық жүйке жүйесі тарапынан бұзылулар:

– дисгевзия, бас ауыру

Қантамырлық бұзылулар:

– вазодилатация1

Ас қорыту жүйесі тарапынан бұзылулар:

- диарея, құсу, диспепсия, жүрек айну, іштің ауыруы

Гепатобилиарлық жүйе тарапынан бұзылулар:

- бауыр функционалдық тестісінің қалыптан ауытқушылығы

Тері және тері асты тіндері тарапынан бұзылулар:

- бөртпе, гипергидроз

Жиі емес

Инфекция және инвазия:

- целлюлит1, кандидоз, гастроэнтерит2, инфекция3, қынаптық инфекция

Қан және лимфа жүйесі тарапынан бұзылулар:

-лейкопения, нейтропения4, тромбоцитемия3, эозинофилия4

Иммундық жүйе тарапынан бұзылулар:

- анафилактоидты реакциялар1, жоғары сезімталдық

Метаболизм және тамақтану тарапынан:

-анорексия, тәбеттің төмендеуі

Психика тарапынан бұзылулар:

- үрейлену, мазасыздық және қозу

Орталық жүйке жүйесі тарапынан бұзылулар:

- естен тану1, дискинезия1, бас айналу, ұйқышылдық, тремор

Есту мүшелері тарапынан және лабиринттің бұзылуы:

- вертиго, есту қабілетінің нашарлауы, құлақтағы шуыл

Кардиальды бұзылулар:

- жүректің тоқтауы1, жүрекшенің фибрилляциясы1, QT аралығының ұзаруы, экстрасистолалар1, жүрек қағуын сезіну

Тыныс алу жүйесі, кеуде қуысы ағзалары және көкірек ортасы тарапынан бұзылулар:

- демікпе1, мұрыннан қан кету2, өкпе қантамырларының эмболиясы1

Асқорыту тарапынан бұзылулар:

- эзофагит1, гастроэзофагеальды рефлюкс ауруы2, гастрит, прокталгия2, стоматит, глоссит, іштің кебуі4, іш қатуы, ауыздың құрғауы, кекіру, метеоризм

Гепатобилиарлық жүйенің бұзылыстары:

- холестаз4, гепатит4, АЛТ, АСТ, ГГТ4 деңгейінің артуы

Тері және тері астындағы тіндердің бұзылуы:

- буллездік дерматит1, қышыну, есекжем, макуло-папулездік бөртпе3

Тірек-қимыл жүйесі мен дәнекер тіні тарапынан бұзылулар:

- бұлшықет түйілулері3, қаңқа-бұлшықет сіресуі1, миалгия2

Бүйрек пен несеп шығару жүйесі тарапынан бұзылулар:

- қанда креатининнің артуы1, қандағы мочевина артуы1

Жалпы және ине салу орнындағы бұзылулар:

- әлсіздену4, қызба3, астения, кеудедегі ауырсыну4, қалтырау4, жоғары шаршаңқылық4

Зертханалық зерттеулер:

-  альбумин-глобулин арақатынасының өзгеруі1, қандағы сілтілік фосфатаза деңгейінің жоғарылауы4, қандағы лактатдегидрогеназа деңгейінің жоғарылауы4.

Жиілігі белгісіз*

(қолда бар деректерден жиілігін анықтау мүмкін емес)

Инфекциялар мен инвазиялар:

- жалғанжарғақшалық колит, тілме қабынуы

Қан және лимфа жүйесі тарапынан бұзылулар:

- агранулоцитоз, тромбоцитопения

Имунды жүйе тарапынан бұзылулар:

- анафилаксиялық реакциялар, ангионевроздық ісіну;

Психика тарапынан бұзылулар:

- психоздар, сананың шатасуы, өзін-өзі танымау, депрессия, бағдардан айрылу, елестеулер, шым-шытырық түс көрулер, мания

Орталық жүйке жүйесі тарапынан бұзылулар:

- құрысулар, агевзия , паросмия, аносмия, парестезия;

Есту мүшелері тарапынан және лабиринттің бұзылуы:

- естімей қалу

Кардиальды бұзылулар:

- «пируэт» типті қарыншалық тахикардия (torsades de pointes), қарыншалық тахикардия, қарыншалар фибриляциясы

Қантамырлық бұзылулар:

- қан құйылу;

Ас қорыту жүйесі тарапынан бұзылулар:

- жедел панкреатит, тіл түсінің өзгеруі, тіс түсінің өзгеруі

Гепатобилиарлық жүйе тарапынан бұзылулар:

- бауыр жеткіліксіздігі, холестаздық сарғаю, гепатоцеллюлярлы сарғаю

Тері және тері астындағы тіндер тарапынан бұзылулар:

- терінің ауыр жағымсыз реакциялары (СКАР) (мысалы, жедел жайылған экзантематозды пустулез (AGEP)), Стивенс-Джонсон синдромы, уытты эпидермальді некролиз, эозинофилия және жүйелік біліністермен (DRESS) қатар жүретін дәрі-дәрмектік тері реакциясы, акне

Тірек-қимыл жүйесі мен дәнекер тіні тарапынан бұзылулар

-рабдомиолиз2**, миопатия

Бүйрек пен несеп шығару жүйесі тарапынан бұзылулар:

- бүйрек жеткіліксіздігі, интерстициальді нефрит

Зертханалық зерттеулер:

- халықаралық қалыптасқан қатынастың жоғарылауы, протромбин уақытының ұлғаюы, несеп түсінің өзгеруі. Жиілігі белгісіз, өйткені бұл реакциялар пациенттер популяциясынан белгісіз мөлшерде ерікті түрде хабарланды. Олардың жиілігін немесе препаратпен себептік байланысын дәл анықтау әрдайым мүмкін емес. Кларитромицинді пайдаланудың жалпы тәжірибесі 1 миллиард пациент-күннен** асады. Рабдомиолиз туралы кейбір хабарларда, кларитромицин рабдомиолизбен астасатыны белгілі басқа дәрілермен (статиндер, фибраттар, колхицин немесе аллопуринол сияқты) бір мезгілде тағайындалды.

1. Жағымсыз реакциялар туралы хабарлама тек инфузия үшін ерітінді дайындауға арналған ұнтақтың шығарылу түріне арналды.

2. Жағымсыз реакциялар туралы хабарлама ұзақ әсер ететін таблеткалар шығарылу түріне арналды.

3. Жағымсыз реакциялар ішке қабылдау үшін суспензия дайындауға арналған түйіршік шығарылу түріне арналды.

4. Жағымсыз реакциялар дереу босап шығуы жылдам таблеткалар шығарылу түріне арналды.

Балалардағы жағымсыз реакциялардың жиілігі, түрі және ауырлығы ересектердегідей болады деп күтілуде.

Иммундық жүйе бұзылуымен пациенттер. ЖИТС-пен ауыратын және иммундық жүйесі бұзылған басқа пациенттерде кларитромициннің жоғары дозаларын ұзақ уақыт бойы микобактериялық инфекциялармен емдеу кезінде қолданған кезде, препаратты қолданумен байланысты жағымсыз реакциялар мен негізгі немесе қатар жүретін аурулардың белгілерін ажырату әрдайым мүмкін емес. КЛАБЕЛ® препаратын тәуліктік 1000 мг дозада қабылдаған ересек пациенттерде жиі кездесетін жағымсыз әсерлер: жүрек айну, құсу, дәмнің бұзылуы, іштің ауыруы, диарея, бөртпе, ентігу, бас ауруы, іш қату, есту қабілетінің нашарлауы, қан сарысуында АСТ және AЛT жоғарылауы.

Жиі емес: диспноэ, ұйқысыздық және ауыздың құрғауы. Иммундық жүйесі бұзылған осы пациенттерде зертханалық көрсеткіштер нақты сынақтарға арналған нормативті көрсеткіштерден (яғни, ең жоғарғы немесе төменгі шектен) айтарлықтай ауытқуларды талдау арқылы бағаланды. Осы критерий бойынша күніне 1000 мг кларитромицин қабылдаған пациенттердің 2-3% -ында AСT және AЛT деңгейінің жоғарылауы және қандағы лейкоциттер мен тромбоциттер санының едәуір төмендеуі байқалды. Науқастардың аз пайызында қандағы мочевина деңгейінің жоғарылауы байқалды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

«Дәрілік заттарды, медициналық мақсаттағы бұйымдарды және медицина техникасын сараптау ұлттық орталығы» ШЖҚ РМК 

http://www.ndda.kz

Қосымша ақпарат

Дәрілік препараттың құрамы

Бір құтының ішінде, граммен

белсенді зат – кларитромицин түйіршіктері* 11.136

(кларитромицин) (3.675)

қосымша заттар: мальтодекстрин, коллоидты кремнийдің қостотығы (Аэросил 200), ксантан шайыры, калий сорбаты, сусыз лимон қышқылы, титанның қостотығы (E 171), қант (ұнтақ қант) **, құлпынай хош иістендіргіші, ваниль хош иістендіргіші.

* кларитромицин түйіршіктері 5% -дан артық қосылады

** қант ұнтағының мөлшері түйіршіктегі кларитормицин мөлшеріне сәйкес түзетіледі.

5 мл суспензия құрамында : белсенді зат – кларитромицин түйіршіктері 250 мг.

Сыртқы түрінің, иісінің, дәмінің сипаттамасы

Құлпынай мен ванильге тән иісі бар крем реңдес - ақ түсті түйіршікті ұнтақ.

Шығарылу түрі және қаптамасы

Алғашқы ашылуы бақыланатын бұрандалы полипропилен қақпағымен тығындалған, белгісі бар күңгірт шыныдан жасалған құтыға 49,35 г ұнтақтан салынған.

1 құты өлшеуіш қасығымен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Жарамдылық мерзімі 2 жыл

Дайын суспензияны сақтау мерзімі – 14 күн

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Пайдалануға жарамсыздық белгілері туралы ескертулер (қажет болған жағдайда)

Қолдану үшін жарамсыздықтың көрінетін белгілерін байқаған жағдайда препаратты қолдануға болмайды: жарамдылық мерзімінің өтіп кетуі, түсі мен консистенциясының өзгеруі.

Препаратты кәрізге немесе тұрмыстық қоқысқа тастамаңыз. Дәріхана қызметкерінен енді қажет емес дәрі-дәрмектерден қалай құтылуға болатындығын сұраңыз. Бұл шаралар қоршаған ортаны қорғауға көмектеседі.

Өндіруші туралы мәлімет

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ, Шевченко көшесі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ, Шевченко көшесі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ, Шевченко көшесі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz