Кетостерил

• русский
• қазақша

• Скачать инструкцию медикамента

Саудалық атауы

Кетостерил

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

1 таблетканың құрамында

белсенді заттар:

изолейцин альфа-кетоаналог (DL-метил-оксо-2-кальций валеринат) 67 мг,

лейцин альфа-кетоаналог (метил-4-оксо-2-кальций валеринат) 101 мг,

фенилаланин альфа-кетоаналог (оксо-2-фенил-3-кальций пропионат)68 мг,

валин альфа-кетоаналог (метил-оксо-2-кальций бутират) 86 мг,

метионин альфа-гидроксианалог (DL-гидрокси-2-кальций метилбутират) 59 мг,

L-лизин ацетаты (L-лизинге шаққанда) 105 мг (75 мг),

L-треонин 53 мг,

L-триптофан 23 мг,

L-гистидин 38 мг,

L-тирозин 30 мг,

қосымша заттар: жүгері крахмалы, кросповидон, тальк, сусыз коллоидты кремнийдің қостотығы, магний стеараты, макрогол 6000, повидон,

үлбірлі қабығы: тальк, макрогол 6000, хинолинді сары (Е104), бутилденген негізді метакрилат сополимері (эудрагит Е 12.5), триацетин, титанның қостотығы (Е171).

Таблеткадағы кальцийдің жалпы мөлшері 50 мг

Сипаттамасы

Ұзынша, екі беті дөңес, жібектей жылтыр сары түсті үлбірлі қабықпен қапталған таблеткалар.

Фармакотерапиялық тобы

Аминқышқылдар, полипептидтермен кешенін қоса.

АТХ коды V06DD

Фармакологиялық қасиеттері

Фармакокинетикасы

Амин қышқылдарының плазмалық китнетикасы мен олардың метаболизмдік жолдарға орналасуы жақсы зерттелген. Дегенмен, амин қышқылдарын қабылдайтын уремиялық пациенттерде сіңірілу үдерісі олардың плазмалық концентрацияларының бұзылуына әкелмейді, яғни сіңірілуі бұзылмайды. Плазмалық концентрацияларының өзгеруі аурудың ерте сатысында анықталуы мүмкін амин қышқылдарының сіңірілуінен кейін туындайды.

Дені сау адамдарда кетоқышқылдардың плазмалық концентрациялары ішке қабылдағаннан кейін 10 минут ішінде жоғарылайды. Кетоқышқылдардың жекелеген концентрациялары бастапқыдан бес есеге дейін артады. Ең жоғарғы плазмалық концентрацияларына 20-60 минут ішінде жетеді және 90 минуттан соң олардың деңгейлері бастапқыға қайта оралады. Сондықтан асқазан-ішек жолынан сіңірілуі өте жылдам. Кетоқышқылдардың және тиісті амин қышқылдарының плазмалық концентрацияларының бір мезгілде жоғарылауы трансаминделуінің жоғары жылдамдығын білдіреді. Организмде кетоқышқылдардың утилизациялануына физиологиялық жолдардың болуына байланысты экзогенді кетоқышқылдар метаболизмдік циклдерде тез таралады. Кетоқышқылдар әдеттегі амин қышқылдары сияқты катаболизмнің жолынан өтеді. Кетоқышқылдардың шығарылуына қатысты жекелеген зерттеулер жүргізілмеген.

Фармакодинамикасы

Біріктірілген препарат. Азоттың ең төменгі енгізілуінде маңызды алмастырылмайтын амин қышқылдарымен жабдықталуды қамтамасыз етеді.

Препаратты ішке қабылдағаннан кейін амин қышқылдарының кето- және гидрокси- аналогтары алмастырылатын амин қышқылдарынан азотты ала отырып, амин топтарын қайта пайдалану арқылы мочевина түзілуін төмендете келе, организмде тиісті L-амин қышқылдарына ферментативті трансаминделеді. Препарат мочевина концентрациясын бір мезгілде төмендеткенде құрамында азот бар алмасу өнімдерін утилизациялауға, ақуыздар анаболизміне ықпал етеді. Азотты алмасуды жақсартады. Қандағы калий, магний және фосфор иондары концентрациясын төмендетеді. Кето- және гидроксиқышқылдар қалған нефрондарда аса жоғары сүзіліс тудырмайды. Құрамында кето бар қоспалар бүйректің гиперфосфатемиясына және салдарлы гиперпаратиреозға оң әсер етеді. Сонымен қатар, остеодистрофия ағымы жақсаруы мүмкін. Препаратты өте төмен протеиндік диетамен бірге қолдану жеткіліксіз тамақтанудың зиянды салдарларын және бұзылуын болдырмау үшін азотты тұтынуды азайтуға мүмкіндік береді.

Қолданылуы

- ақуыздық-энергетикалық жеткіліксіздікте, бүйректің созылмалы жеткіліксіздігі кезінде ақуыз метаболизмінің өзгеруінен туындаған бұзылулардың профилактикасы және емдеу үшін және тамақтану мәзірінде ақуыз шектелген кезде.

Негізінен, бүйректің созылмалы жеткіліксіздігі бар, шумақтық сүзіліс жылдамдығы 25 мл/минуттан төмен пациенттерде қолданылады, бұл шумақтық сүзіліс жылдамдығы 25 мл/минуттан жоғары кезде де қолданылуына шек қоймайды.

Қолдану тәсілі және дозалары

Ішке қабылдауға арналған. Ересектер егер басқаша тағайындалмаса (дене салмағы 70 кг) 4-8 таблетканы күніне 3 рет тамақтану кезінде қабылдайды. Шайнамай жұту керек.

Кетостерилді шумақтық сүзіліс жылдамдығы 25 мл/минуттан төмен кезең бойына тағайындайды, тағамдағы ақуыз мөлшерін бүйректің созылмалы жеткіліксіздігінің дәрежесіне байланысты, күніне 40 г дейін немесе одан азға шектеу ұсынылады.

Жағымсыз әсерлері

Жиі

- бөртпе, экзема, эритема, дерматит (соның ішінде, жанаспалы дерматит), қышыну

Сирек

- буллездік дерматит

Өте сирек

- демікпе, жоғары сезімталдық (соның ішінде, есекжем), ангионевроздық ісіну

- іріңді бөртпе

- фотосезімталдық реакциялары

Жекелеген жағдайларда гиперкальциемия дамуы мүмкін. Бұл кезде Д дәруменін қабылдауды азайту ұсынылады. Егер гиперкальциемия сақталып қалса, Кетостерил препаратының, сондай-ақ басқа кальций көздерінің дозасын азайту керек.

Қолдануға болмайтын жағдайлар

- препарат компоненттеріне жоғары сезімталдық

- гиперкальциемия

- аминқышылдар алмасуының бұзылулары

- тұқым қуалайтын фенилкетонурия

- жүктілік және лактация кезеңі

- балалар мен 18 жасқа дейінгі жасөспірімдер

Дәрілермен өзара әрекеттесуі

Құрамында кальций бар дәрілік заттарды бір мезгілде тағайындау қан сарысуында кальций деңгейінің жоғарылауына әкелуі мүмкін. Кетостерилдің әсерімен уремиялық симптомдардың төмендеу шамасына қарай, бір мезгілде тағайындалған алюминий гидроксидінің дозасы тиісінше азайтылуы тиіс. Қан сарысуындағы фосфаттар деңгейінің төмендеуін қадағалап отыру керек. Ішекте сіңірілуін бұзбау үшін Кетостерилмен бірге кальциймен қиын еритін қосылыстар түзуге қабілетті дәрілерді (мысалы, тетрациклиндер, хинолондар, құрамында темір бар препараттар, фтор және эстрамустин) қабылдауға болмайды. Кетостерил мен ұқсас препараттарды қабылдау аралығы 2 сағаттан кем болмауы тиіс.

Айрықша нұсқаулар

Кетостерил препараты жақсы сіңірілуі және тиісінше аминқышқылдарға айналуы үшін, оны тамақтану кезінде қабылдау керек.

Қан сарысуындағы кальций деңгейін жүйелі түрде қадағалау қажет. Тағамның калориялылығының жеткілікті болуын қамтамасыз ету қажет.

Жекелеген жағдайларда, препарат компоненттеріне аса жоғары сезімталдығы бар науқастарда аллергиялық реакциялар туындауы мүмкін.

Жүктілік және лактация

Жүктілік және лактация кезінде қолданылу тәжірибесі жеткіліксіз.

Дәрілік заттың көлік құралын және қауіптілігі зор басқа механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары анықталған жоқ.

Шығарылу түрі және қаптамасы

20 таблеткадан алюминийден/ПВХ-дан жасалған пішінді ұяшықты қаптамаға салынған.

5 пішінді қаптамадан алюминийден/ПВХ-дан дәнекерленген пакетке салынған.

1 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецепт арқылы

Өндіруші

Лабесфал Лабораториос Алмиро, С.А.

Зона Индастриал до Лагедо, 3465-157, Сантьяго де Бестейрос, Португалия

Тіркеу куәлігінің иесі

Фрезениус Каби Дойчланд ГмбХ, Бад Хомбург, Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның мекенжайы

«MPA Medical Partners» ЖШС,

050000, Алматы қ., Розыбакиев к-сі, Тимирязев к-сі қиылысы, 125-6/76, 33 пәтер

Тел./факс: +7 (727) 380 01 10

Электронды поштасы: reg_kz@mail.ru

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Мусрепбекова Г.Ж.» ЖК, 050050 Алматы қ., Макаренко к-сі, 66-42

Тел./факс: +7 (727) 384 38 05, моб.: +7 (775) 715 94 75

Электронды поштасы: reg_kz@mail.ru