КернГистин (8 мг)

КернГистин

Бетагистин

Таблеткалар, 8 мг және 16 мг

Бір таблетканың құрамында

белсенді зат - 8 мг немесе 16 мг бетагистин дигидрохлориді,

қосымша заттар: лактоза моногидраты, микрокристалды целлюлоза, повидон K90, сусыз коллоидты кремнийдің қостотығы, кросповидон, стеарин қышқылы, тальк.

Дөңгелек пішінді, бір жағында сызығы және басқа жағында “К” әрпі бар ақ түсті таблеткалар.

Жүйке жүйесі ауруларын емдеуге арналған басқа да препараттар. Бас айналуын қойдыруға арналған дәрі. Бетагистин.

АТХ коды N07CA01

Фармакокинетикасы

Бетагистин дигидрохлориді ішу арқылы қабылдағаннан кейін жылдам және толық сіңіріледі. Плазма ақуыздарымен байланысуы төмен. Бетагистин дигидрохлориді бауырда белсенді емес басты метаболитке, 2-пиридилсірке қышқылына жылдам метаболизденеді. Жартылай шығарылу кезеңі 3-4 сағатты құрайды. 8-ден 48 мг дейінгі дозаларда бастапқы дозадан шамамен 85% несеппен шығарылады

Фармакодинамикасы

Бетагистин дигидрохлориді – гистаминнің синтетикалық аналогы. Ішкі құлақтың гистаминдік Н1 және Н3-рецепторларына және ОЖЖ вестибулярлық ядросына әсер етеді. Ішкі құлақтың микроқанайналымын және қылтамырлардың өткізгіштігін жақсартады, базиллярлық артерияларда қан ағымын арттырады, лабиринтте және ішкі құлақ иірімінде эндолимфаның қысымын қалпына келтіреді.

- Меньер ауруы немесе Меньер синдромында

- шығу тегі әртүрлі вестибулярлық бас айналуда (жүрек айнытатын және құстыратын бас айналуы, құлақтың шуылдауы, естімей қалу)

Препаратты тек дәрігердің тағайындауы бойынша ғана қолдану керек. Бастапқы ұсынылатын доза күніне 3 рет 16 мг (2 таблетка 8 мг доза үшін немесе 1 таблетка 16 мг доза үшін) құрайды.

Тәуліктік доза әртүрлі уақытта 3 қолдануда қабылданған 48 мг дейін арттырылуы мүмкін.

КернГистинді емдеуші дәрігер ұсынған кезең ішінде қолданған жөн.

Қабылдауды ұмытып кеткен жағдайда, осы қабылдауын ұмытып кеткен дозаның орнын толтыру үшін екі еселенген дозасын қабылдауға болмайды, келесі дозаның уақытын тоса тұрып, қабылдауды әдеттегідей жалғастырған жөн. Емдеу курсы бойы дозаны емдік әсеріне байланысты түзетеді.

Емдеу курсының ұзақтығын емдеуші дәрігер жекелей анықтайды. Емдеуді мерзімінен ерте тоқтату ұсынылмайды, өйткені күтілген нәтижелерге жету мүмкіндігінен айырады.

Жиі (клиникалық зерттеулер деректері бойынша):

• жүрек айну, диспепсия

Жиілігі белгісіз (маркетингтен кейінгі қолдану тәжірибесінің деректері бойынша):

• аса жоғары сезімталдық реакциялары (анафилаксиялық реакциялар),

оның ішінде тері тарапынан (Квинке ісінуі, бөртпе, қышыну, есекжем)

• асқазан тарапынан жеңіл бұзылулар (мысалы, құсу, асқазан мен

ішектегі ауыру, метеоризм). Егер препаратты тамақтану кезінде қабылдаса немесе дозаны азайтса, мұндай симптомдарды жеңілдетуге болады.

- белсенді және/немесе препараттың қосымша компоненттерінің кез келгеніне жоғары сезімталдық

- феохромоцитома

- жүктілік және лактация кезеңі

- 18 жасқа дейінгі балалар мен жасөспірімдер

- галактозаны көтере алмаушылық, Лапп лактаза тапшылығы немесе глюкоза-галактоза мальабсорбциясы

Сақтықпен:

- асқазанның ойық жара ауруы

- бронх демікпесі

- есекжем, бөртпе немесе аллергиялық ринит бар пациенттерде

- ауыр гипотония

Антигистаминдік препараттар (әсіресе Н1-блокатор) сияқты аллергияға қарсы препараттарды бір мезгілде қолдану екі препараттың да тиімділігі төмендеуіне әкелуі мүмкін.

Пептикалық ойық жарасы бар (оның ішінде анамнезде) пациенттерге препаратты тағайындаған кезде, диспепсия даму мүмкіндігіне байланысты сақ болған жөн. Бетагистинді қабылдағанда есекжем, бөртпе, аллергиялық ринит симптомдары нашарлауы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

КернГистин көлік құралын немесе қауіптілігі зор механизмдерді басқару қабілетіне әсер етпейді және елеулі ықпалы жоқ.

Симптомы: бас ауыруы, беттің қызаруы, бас айналуы, тахикардия, артериялық қысымның төмендеуі, тыныс алудың қиындауы және ентігу (бронх түйілуі), тіндерде сұйықтықтың жиналуы (ісіну).

Артық дозалану құрысулар пайда болуына әкелуі мүмкін.

Емі: симптоматикалық емдеу. Арнайы антидоты жоқ.

Шығарылу түрі және қаптамасы

15 таблеткадан поливинилхлорид//поливинилдихлоридті (ПВХ/ПВДХ) мөлдір үлбірден және алюминий фольгадан жасалған пішінді ұяшықты қаптамада. 4 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшада (8 мг доза үшін).

10 таблеткадан поливинилхлорид//поливинилдихлоридті (ПВХ/ПВДХ) мөлдір үлбірден және алюминий фольгадан жасалған пішінді ұяшықты қаптамада. 3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшада (16 мг доза үшін).

25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Керн Фарма С.Л.,

Polígono Ind. Colón II

C/Venus 72

08228 Terrassa (Barcelona) - Испания

Тіркеу куәлігінің ұстаушысы

Керн Фарма С.Л., Испания

Polígono Ind. Colón II

C/Venus 72

08228 Terrassa (Barcelona) – Испания

«Pharma Med» (Фарма Мед) ЖШС,

Қазақстан Республикасы, Астана, 010000,

Есіл ауданы, Тұран даңғылы, 34.

Тел/факс: +7 (7172) 49 05 48

е-mail: safety@globalmed.kz

4