Кемерувир (400 мг)

• русский
• қазақша

• Скачать инструкцию медикамента

Саудалық атауы

Кемерувир

Халықаралық патенттелмеген атауы

Дарунавир

Дәрілік түрі

Үлбірлі қабықпен қапталған 400 мг, 600 мг таблеткалар

Құрамы

Бір таблетканың құрамында

белсенді зат:

Дарунавир (аморфты) 400 мг, 600 мг

қосымша заттар: төмен орналасқан гипролоза, полисорбат 80, кросповидон, коллоидты кремнийдің қостотығы, PROSOLV ® EASYtab SP

суда ертитін үлбірлі қабықтың құрамы: гипромеллоза Е5, темірдің сары тотығы бояғышы (Е172), макрогол 6000, тальк, титанның қостотығы (E171).

Сипаттамасы

400 мг, 600 мг дозалары үшін: сопақша пішінді, екі беті дөңес ашық-сарыдан қоңыр-сары түске дейінгі үлбірлі қабықпен қапталған таблеткалар.

Көлденең қиындысында таблетка ақ немесе сарғыш реңді ақ түсті.

Фармакотерапиялық тобы

Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. HIV-протеиназа тежегіштері. Дануравир.

АТХ коды J05AE10

Фармакологиялық қасиеттері

Фармакокинетикасы

Ритонавирмен бір мезгілде тағайындалатын дарунавирдің фармакокинетикалық қасиеттеріне дені сау ересек еріктілерде және АИТВ-1 инфекциясы бар пациенттерде баға берілді. Дарунавирдің әсері АИТВ-1 инфекциясы бар пациенттерде дені сау еріктілердегіден жоғары болды.

Дені сау субъектілермен салыстырылған АИТВ-1 инфекциясы бар пациенттердегі дарунавир әсерінің жоғарылауын АИТВ-1 инфекциясы бар пациенттердегі альфа-1-қышқыл гликопротеин концентрациясының жоғарырақ деңгейлерімен түсіндіруге болады, бұл қан плазмасында дарунавирдің альфа-1-қышқыл гликопротеинмен едәуір жоғары байланысуына, соған сәйкес, қан плазмасындағы жоғары концентрацияларына әкелді.

Дарунавир көбінесе CYP3A метаболизденеді. Ритонавир CYP3A-ны тежеп, осылайша, дарунавирдің қан плазмасындағы концентрацияларын едәуір арттырады.

Сіңірілуі

Дарунавир ішке қабылдағаннан кейін жылдам сіңіріледі. Дарунавир қан плазмасындағы ең жоғары концентрациясына төмен дозадағы ритонавирдің қатысуымен, негізінен 2.5-4.0 сағат ішінде жетеді.

600 мг дарунавирдің бір реттік дозасын монотерапия ретінде ішке бір рет қабылдаған кезде толық биожетімділігі 37%-ға жуықты құрады және күніне екі рет қабылданатын 100 мг дозадағы ритонавирдің қатысуымен 82%-ға жуық шамаға дейін артты. Ритонавирдің фармакокинетикалық күшеюінің жалпы әсері күніне екі рет 100 мг ритонавирмен біріктірілген 600 мг дозадағы дарунавирдің бір реттік дозасын тағайындағанда дарунавирдің жүйелік әсерінің шамамен 14 есе жоғарылауын құрады. Препаратты аш қарынға қолданғанда төмен дозадағы ритонавирдің қатысуымен дарунавирдің салыстырмалы биожетімділігі препаратты тамақпен қабылдаумен салыстырғанда төмен болды. Осылайша, Кемерувир препаратының таблеткаларын тамақ ішу кезінде ритонавирмен бірге қабылдау керек.

Таралуы

Дарунавир плазма ақуыздарымен шамамен 95% байланысады. Дарунавир негізінен альфа-1-қышқыл гликопротеинмен байланысады.

Көктамыр ішіне енгізілгеннен кейін, монотерапия түрінде дарунавирдің таралу көлемі 88.1 ± 59.01 (орташа мәні ± стандартты ауытқуы) құрап, күніне екі рет қабылданатын 100 мг ритонавирдің қатысуымен 131 ± 49.91 (орташа мәні ± стандартты ауытқуы) дейін жоғарылады.

Биотрансформациясы

Адамның бауыр микросомаларына жасалған in vitro сынақтары дарунавирдің алдымен тотығу метаболизміне ұшырайтынын көрсетті. Дарунавир бауырдың CYP жүйесімен және тек CYP3A4 изоферментімен айтарлықтай дәрежеде метаболизденеді.

Дені сау еріктілерде 14С-дарунавир қолданумен жүргізілген клиникалық зерттеу 400/100 мг дарунавир мен ритонавирдің бір реттік дозасын қабылдағаннан кейін плазмадағы радиобелсенділіктің үлкен бөлігі бастапқы әсер етуші затпен жүзеге асатындығын көрсетті.

Адамда дарунавирдің кемінде 3 тотықтырғыш метаболиті анықталды; осы барлық метаболиттерінің белсенділігі АИТВ жабайы типіне қатысты дарунавирдің өзінің белсенділігімен салыстырғанда 1/10 төменді құрады.

Шығарылуы

400 мг 14С-дарунавир мен 100 мг ритонавирді бір рет қабылданғаннан кейін радиоактивтілігінің шамамен 79,5%-ы және 13,9%-ы, тиісінше, нәжісте және несепте анықталды. Өзгермеген дарунавир, тиісінше, нәжісте және несепте енгізілген дозаның шамамен 41,2% және 7,7%-ын құрады. Дарунавирдің жартылай шығарылуының ақырғы кезеңі оны ритонавирмен біріктіріп қолданғанда 15 сағатқа жуықты құрады.

Дарунавирдің клиренсі 150 мг көктамыр ішіне енгізгеннен кейін сағатына 32,8 л (ритонавирсіз) және ритонавирдің төмен дозасында сағатына 5,91 л құрады.

Айрықша топтар

Егде жастағы пациенттер

АИТВ-жұқтырған пациенттердегі популяциялық фармакокинетикалық талдау 18 - 75 жастағы жас тобында дарунавирдің фармакокинетикалық параметрлерінің айтарлықтай айырмашылығы жоғын көрсетті (осы талдауға 65 жастағы және одан асқан 12 АИТВ-жұқтырған пациент қамтылды). Дегенмен 65 жастан асқан пациенттерге қатысты деректер жеткіліксіз.

Жыныстық айырмашылықтары

Популяциялық фармакокинетикалық талдау АИТВ-жұқтырған әйелдерде АИТВ-жұқтырған ерлермен салыстырғанда дарунавирдің жоғарырақ (16,8%) концентрациясын анықтады. Бұл айырмашылық клиникалық тұрғыдан маңызды емес.

Бүйрек жеткіліксіздімен пациенттер

14С-дарунавирді ритонавирмен біріктірілімде қолданумен жүргізілген зерттеудің нәтижелері дарунавирдің енгізілген дозасының шамамен

7,7%-ы несеппен бірге өзгермеген күйінде шығатынын көрсетті. Дарунавирдің фармакокинетикасы бүйрек фукнциясы бұзылған пациенттерде зерттелмесе де, популяциялық фармакокинетикалық талдау бүйрек функциясының орташа айқындықпен бұзылуы бар (сарысулық креатинин клиренсі минутына 30-60 мл, n=20) пациенттерде дарунавирдің популяциялық фармакокинетикалық талдауы айтарлықтай өзгермегенін көрсетті.

Бауыр жеткіліксіздімен пациенттер

Дарунавир көбінесе бауырда метаболизденеді және сонымен шығарылады.

Кемерувир препаратын ритонавирмен (600/100 мг) біріктіріп күніне екі рет бірнеше мәрте қабылданған зерттеуде бауыр функциясының жеңіл (Чайлд-Пью бойынша А класы, n=8) және орташа ауыр (Чайлд-Пью бойынша В класы, n=8) бұзылуы бар пациенттердегі дарунавирдің жалпы плазмалық концентрациясының дені сау пациенттердегі осындай параметрлерге ұқсас екенін көрсетті.

Дегенмен, байланыспаған дарунавир концентрациялары, тиісінше, шамамен 55% (Чайлд-Пью бойынша А класы) және 100% (Чайлд-Пью бойынша В класы) жоғары болды. Бауыр функциясының ауыр бұзылуының дарунавир фармакокинетикасына әсері зерттелмеген.

Фармакодинамикасы

Дарунавир АИТВ-1 протеазаларының димеризация және катализдік белсенділігінің тежегіші болып табылады. Препарат толыққанды вирус бөлшектерінің түзілуін болдырмай, вирус жұқтырған жасушаларда Gag-Pol АИТВ полипротеиндерінің ыдырауын іріктеп тежейді. Дарунавир протеаза тежегіштеріне резистенттілік туындататын мутацияларға төзімді. Дарунавир адамның зерттелген 13 жасушалық протеазаларының біреуін де тежемейді.

Қолданылуы

Ересектер мен дене салмағы 40 кг және одан жоғары 12 жастан асқан балаларда АИТВ-инфекциясын емдеуде (ритонавирдің төмен дозасы мен басқа да антиретровирусты препараттардың біріктірілімінде).

Қолдану тәсілі және дозалары

Емдеу АИТВ-инфекциясын емдеу тәжірибесі бар медицина қызметкерінің басшылығымен басталуы тиіс. Кемерувир препаратымен емдеу басталғаннан кейін пациенттерге дәрігердің нұсқауынсыз препараттың дозалануын, дәрілік түрін өзгертпеу немесе қабылдануын тоқтатпау туралы кеңес берген жөн.

Дозалануы

Кемерувир әрдайым ритонавирдің төмен дозасымен фармакокинетикалық күшейткін ретінде және басқа да антиретровирусты дәрілік препараттармен біріктірілімде пероральді қолданылуы керек. Кемерувир препаратымен емді бастар алдында ритонавир дәрілік препаратының медициналық қолданылуы жөніндегі нұсқаулығымен танысу керек.

Бұрын антиретровирусты ем қабылдамаған ересектер мен 12 жастан бастап дене салмағы 40 кг және одан жоғары балалар:

Ұсынылған дозасы 100 мг ритонавирмен біріктірілімде тамақпен бірге тәулігіне бір рет 800 мг құрайды.

Бұрын антиретровирусты ем қабылдаған ересектер мен 12 жастан бастап дене салмағы 40 кг және одан жоғары балалар:

Келесі дозалау режимін қолдану ұсынылады:

- дарунавирге резистенттілікпен астасқан АИТВ-1 штаммдарында мутациясы жоқ (DRV-RAM)* АИТВ-1 РНҚ 100 000 копий/мл кем плазмалық концентрациясымен және CD4+ ≥ 100 х 106/л жасушалар мөлшерімен бұрын антиретровирусты ем қабылдаған пациенттерге қатысты тәулігіне бір рет 800 мг дозада тәулігіне бір рет тамақ қабылдау кезінде 100 мг ритонавирмен бірге қолданылуы мүмкін.

- бұрын антиретровирусты ем қабылдаған барлық басқа пациенттерге қатысты немесе егер АИТВ-1 генотиптеу қол жетімсіз болса, ұсынылған дозасы тәулігіне екі рет тамақ қабылдау кезінде 100 мг ритонавирмен бірге тәулігіне екі рет 600 мг құрайды.

* DRV-RAM: V11I, V32I, L33F, I47V, I50V, I54M, I54L, T74P, L76V, I84V, L89V.

Дозаны өткізіп алғандағы ұсынымдар

Тәулігіне 1 рет Кемерувир/ ритонавир біріктірілімінің Кезектегі 800/100 мг дозасын препаратты қабылдаудың әдеттегі уақытынан 12 сағат ішінде өткізіп алғанда пациенттерге Кемерувир және ритонавир препараттарының тағайындалған дозасын мүмкіндігінше тезірек тамақтану кезінде қабылдау керек. Егер өткізіп алған дозаны қабылдаудың әдеттегі уақытынан 12 сағаттан астам уақыт өтсе, өткізіп алған дозаны қабылдауға болмайды, пациент препаратты қабылдауды стандартты сызба бойынша жаңғыртуы керек. Аталған нұсқау ритонавир болғанда 15 сағат құрайтын және 24 сағатқа жуық ұсынылған қабылдау аралығында дарунавирдің жартылай шығарылу кезеңіне негізделген.

Кемерувир/ ритонавир біріктірілімінің кезектегі 600/100 мг дозасын препаратты қабылдаудың әдеттегі уақытынан 6 сағат ішінде өткізіп алғанда пациенттерге Кемерувир және ритонавир препараттарының тағайындалған дозасын мүмкіндігінше тезірек тамақтану кезінде қабылдау керек. Егер өткізіп алған дозаны қабылдаудың әдеттегі уақытынан 6 сағаттан астам уақыт өтсе, өткізіп алған дозаны қабылдауға болмайды, пациент препаратты қабылдауды стандартты сызба бойынша жаңғыртуы керек. Аталған нұсқау ритонавир болғанда 15 сағат құрайтын және 12 сағатқа жуық ұсынылған қабылдау аралығында дарунавирдің жартылай шығарылу кезеңіне негізделген.

Пациенттердің айрықша тобы

Егде жастағы пациентер

Аталған пациентер тобында ақпарат шектеулі, сондықтан Кемерувир препаратын осы пациенттер категориясында абайлап қолданған жөн.

Бауыр жеткіліксіздігі

Дарунавир бауырда метаболизденеді. Бауыр функциясы жеңіл (Чайлд-Пью бойынша А класы) немесе орташа ауыр (Чайлд-Пью бойынша В класы) бұзылған пациенттерге дозаны түзету қажет емес, дегенмен осы пациенттерге Кемерувир препаратын абайлап қолдану керек.

Бауыр функциясы ауыр бұзылған пациенттерге қатысты қол жетімді фармакокинетикалық деректер жоқ. Бауыр функциясының ауыр бұзылуы дарунавир әсерінің жоғарылауына және препараттың қауіпсіздік бейінінің нашарлауына әкеледі. Сондықтан Кемерувир препаратын бауыр функциясының ауыр жеткіліксіздігі бар (Чайлд-Пью бойынша С класы) пациенттерге қолдануға болмайды.

Бүйрек жеткіліксіздігі

Бүйрек жеткіліксіздігімен пациентерде дозаны түзету қажет емес.

Балалар

Кемерувир 12 жастан асқан дене салмағы 40 кг кем емес балаларға көрсетілімде.

Қолдану тәсілі

Пациенттерге Кемерувир препаратын төмен дозалардағы ритонавирмен тамақтанудан кейін 30 минуттан соң қабылдауға кеңес беріледі. Тамақтың түрі дарунавирдің сіңірілуіне әсерін тигізбейді

Жағымсыз әсерлері

Кездесу жиілігіне қарай жағымсыз реакциялардың келесі жіктемесі қолданылды: өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10,000, <1/1000), өте сирек (<1/10000).

Өте жиі: Диарея. 

Жиі:

- жүрек айнуы, құсу, іштің ауыру, амилазалар белсенділігінің жоғарылауы, диспепсия, іштің кебуі, метеоризм

- аланинаминотрансфераза белсенділігінің жоғарылауы

- бас ауыруы, шеткергі нейропатия, бас айналуы, ұйқысыздық

- бөртпе (макулярлық, макулопапулезді, папулезді, эритематозды және қышытатын), қышыну. Қант диабеті, липодистрофия (оның ішінде липогипертрофия, липодистрофия, липоатрофия), гипертриглицеридемия, гиперхолестеролемия, гиперлипидемия

- астения, шаршағыштық

Жиі емес:

- тромбоцитопения, нейтропения, анемия, лейкопения

- тахикардия, артериялық қысымның жоғарылауы, «ысынулар», стенокардия, QT аралығының ұзаруы, миокард инфарктісі

- ентігу, жөтел, мұрыннан қан кету, тамақтың жыбырлауы

- гепатит, оның ішінде цитолиздік, бауыр артериясы стенозы, гепатомегалия, бауыр стеатозы, трансаминазалар, сілтілі фосфатаза, гаммаглутамилтрансферазалар, аспартатаминотрансферазалар белсенділігінің жоғарылауы, қандағы билирубин құрамының жоғарылауы.

- апатия, парестезия, гипестезия, дисгевзия

- зейінді жұмылдырудың бұзылуы, жадының бұзылуы, мәңгіру, ұйқышылдық

- депрессия, үрейленуді сезіну, дезориентация, ұйқының бұзылуы, әдеттегіден тыс түстер көру, қорқынышты түстер көру, либидоның төмендеуі.

- жедел бүйрек жеткіліксіздігі, нефролитиаз, креатинин концентрациясының артуы, протеинурия, билирубинурия, дизурия, ноктурия, поллакиурия

- конъюнктива гиперемиясы, мөлдір қабықтың және көз конъюнктивасының құрғақтығы

- вертиго, қалпына келтірілген иммунитет синдромы

- гипотиреоз, қандағы тиреотропты гормон концентрациясының жоғарылауы.

- жайылған бөртпе, аллергиялық дерматит, ангионевроздық ісіну, есекжем, экзема, эритема, гипергидроз, түнгі тершеңдік, алопеция, акне, терінің құрғақтығы, тырнақ пигментациясының өзгеруі 

- миалгия, бұлшықет тартылуы, бұлшықет әлсіздігі, артралгия, бұлшықет сіресуі, аяқтардың ауыруы, остеопороз, креатининфосфокиназа белсенділігінің жоғарылауы, остеонекроз

- эректильді дисфункция, гинекомастия

- подагра, анорексия, тәбеттің төмендеуі, дене салмағының азаюы, дене салмағының артуы, гипергликемия, инсулинге резистенттілік, жоғары тығыздықтағы липопротеиндер концентрациясының төмендеуі, тәбеттің жоғарылауы, полидипсия, қанның лактатдегидрогеназасы белсенділігінің жоғарылауы. Дене температурасының жоғарылауы, кеуде тұсының ауыруы, шеткергі ісіну, дімкастықты сезіну, қалтырау, ысынуды сезіну, ашушаңдық, ауырулар, терінің патологиялық құрғақтығы

- герпес инфекциясы

Сирек:

- эозинофилия

- миокард инфарктісі, стенокардия, QT аралығының ұзаруы, синусты брадикардия, жүректің қағуын сезіну

- ринорея

- стоматит, қанмен құсу, хейлит, еріннің шырышты қабатының құрғақтығы, тіл өңезі

- естен тану, құрысулар, ұйқы фазасының бұзылуы, агевзия, сананың шатасуы, көңіл күйдің өзгеруі, мазасыздық

- креатинин клиренсінің төмендеуі

- көрудің бұзылуы

- артрит, буындардағы қимыл шектелуі, қаңқа-бұлшықет құрысуы

- қалтырау, өзін нашар сезіну, тері ксерозы

- эозинофилиямен және жүйелі біліністермен (DRESS-синдром) дәрілік бөртпе, Стивенс-Джонсон синдромы, мультиформалы эритема, терінің зақымдануы, ксеродермия, дерматит, себореялық дерматит. Постмаркетингтік кезеңде анықталған: уытты эпидермальді некролиз, жедел жайылған экзентематозды пустулез

Кейбір жағымсыз әсерлерінің сипаттамасы

Бөртпе

Клиникалық зерттеулерде көбінесе жеңіл немесе орташа дәрежедегі бөртпе байқалды. Бөртпе емнің алғашқы төрт аптасында жиі пайда болды және препарат қолдануды жалғастырғанда басылды. Ауыр дәрежедегі тері реакциялары дамыған жағдайда «Айрықша нұсқаулар» бөлімін қараңыз.

Бұрын ем қабылдаған пациенттер клиникалық зерттеулер барысында бөртпе оның себебіне байланыссыз дарунавир препаратын ралтегравирсіз және ралтегравирді дарунавир препаратынсыз қабылдаумен салыстырғанда құрамында дарунавир мен ралтегравир бар препараттармен емдеу сызбасын қабылдағанда жиірек пайда болды.

Препаратты қабылдаумен байланысты бөртпе, ұқсас жиілікпен пайда болды. Клиникалық зерттеулерде пайда болған бөртпе жеңіл және орташа дәрежеде болды және емді тоқтауға әкелген жоқ.

Липодистрофия

Біріктірілген антиретровирустық ем АИТВ-мен пациенттерде май тінінің қайта таралуын (липодистрофия) туындатады. Липодистрофия шеткергі және бет аумағындағы тері асты шелмайының азаюы, іш қуысындағы және висцеральді май мөлшерінің көбеюі, сүт бездерінің гипертрофиясы және дорсовисцеральді майдың жиналуы («бұқа өркеші») түрінде байқалды.

Зат алмасуы тарапынан бұзылыстар

Біріктірілген антиретровирусты ем гипертриглицеридемия, гиперхолестеринемия, инсулинге резистенттілік, гипергликемия және гиперлактатемия секілді зат алмасуының бұзылыстарын туындатады.

Қаңқа-бұлшықет тіндері тарапынан бұзылулар

Протеаза тежегіштерін, әсіресе, кері транскриптазаның нуклеозидті тежегіштерімен біріктіріп қолданғанда креатинфосфокиназа белсенділігінің жоғарылауы, миалгия, миозит және рабдомиолиз (сирек) білінді. Пациенттергі остеонекроз жағдайлары, атап айтқанда, АИТВ ауруының кең тараған жалпыға мәлім қауіп факторлары бар немесе біріктірілген антиретровирустық ем ұзақ қолданылған пациенттерде байқалды. Остеонекроздың пайда болу жиілігі белгісіз.

Иммунитеттің қалпына келу синдромы

Біріктірілген антиретровирусты емнің басында ауыр дәрежедегі иммунитет тапшылығымен АИТВ-мен пациенттер симптомсыз өтетін қалдық инфекцияларға қабыну реакциялары пайда болуы мүмкін. Сондай-ақ аутоиммунды аурулар байқалды (мысалы, Грейвс ауруы).

Әйтсе де ауру басталғанға дейін уақыт ауытқуы және осындай аурулар емді бастағаннан кейін бір айдан соң басталуы мүмкін.

Гемофилиясы бар науқастардағы қан кетулер

Протеазаның антиретровирустық тежегіштерін қабылдап жүрген гемофилиясы бар пациенттерде кездейсоқ қан кетулердің жоғарылауы байқалды.

В және/немесе С вирусты гепатиттің коинфекциясымен пациенттер

Аталған инфекциялармен пациенттерде қатар жүретін В немесе С вирусты гепатиттерінсіз пациенттерге қарағанда бауыр трансаминазаларының белсенділігінің жоғарылауы жиірек байқалды.

Қолдануға болмайтын жағдайлар

- дарунавирге немесе препараттың кез келген компоненттеріне аса жоғары сезімталдық

- бауырдың ауыр жеткіліксіздігі (Чайлд-Пью бойынша С класы)

- келесі дәрілік препараттардың кез келгенімен бір мезгілде қолдану дарунавир мен ритонавирдің қан плазмасындағы концентрациясының күтілген төмендеуі және емдік әсерін потенциальді жоғалтуға байланысты қарсы көрсетілімді («Дәрілермен өзара әрекеттесуі» бөлімін қара).

- лопинавир/ритонавир препаратын Кемерувир препаратымен бір мезгілде қолдану (оларды бір мезгілде қолдану дарунавир концентрациясының айтарлықтай төмендеуіне әкеледі, ол өз кезегінде дарунавирдің емдік әсерінің клиникалық мәні бар төмендеуіне әкелуі мүмкін).

- құрамында шілтерлі шайқурай бар (Hypericum perforatum) өсімдік тектес препараттарды Кемерувир препаратымен бір мезгілде қолдану (плазмалық концентрациясының төмендеуі және дарунавирдің клиникалық тиімділігінің төмендеуі қаупіне байланысты).

- Кемерувир препаратын басқа препараттармен қатар төмен дозадағы ритонавирмен бір мезгілде қолдану («Дәрілермен өзара әрекеттесуі» бөлімін қара).

Ритонавирмен күшейтілген дарунавир, клиренс үшін CYP3A-дан жоғары дәрежедегі тәуелділікте болып, белсенді әсер ететін заттарының шығарылуын тежейді, ол бір мезгілде қолданылатын дәрілік препараттарыдың әсерінің күшеюіне әкеледі.

Сондықтан, қан плазмасындағы концентрациясының жоғарылауы елеулі және/немесе өмірге қауіп төндіретін жағымсыз құбылыстармен өзара байланысты осындай дәрілік препараттармен бір мезгілде қолдануға болмайды (ритонавирмен күшейтілген дарунавирге қатысты). Аталған белсенді әсер ететін заттар келесілерді қамтиды:

- альфузозин (альфа1-адренорецепторлар блокаторы)

- амиодарон, бепридил, дронедарон, квинидин, ранолазин, жүйелі лидокаин (антиаритмиялық /антиангинальді препараттар)

- астемизол, терфенадин (антигистаминдер)

- бүйрек және/немесе бауыр жеткіліксіздігімен пациенттермен қолданылғанда колхицин (подаграға қарсы препарат) (4.5 бөлімін қара)

- қастауыш туындылары (мысалы, дигидроэрготамин, эргометрин, эрготамин, метилэргоновин)

- цизаприд (АІЖ моторикасына арналған препараттар)

- пимозид, кветиапин, сертиндол (нейролептиктер)

- триазолам, ішке қабылдауға арналған мидазолам (седативті/ұйықтататын препараттар) (мидазоламды парентеральді енгізгенде сақтықпен)

- силденафил –өкпенің артериялық гипертензиясын емдеу үшін, аванафил (PDE-5 тежегіштері)

- симвастатин мен ловастатин (HMG-CoA редуктаза тежегіштері)

- тикагрелор (антитромбоцитарлық препараттар).

Дәрілермен өзара әрекеттесуі

Өзара әрекеттесуіне зерттеулер ересектерге ғана қатысты жүргізілді.

Дарунавир мен ритонавир CYP3A4 изоферментінің тежегіштері болып табылады. Кемерувир/ритонавир біріктірілімін және көбінесе CYP3A4 изоферментімен метаболизденетін дәрілік препараттарды бір мезгілде қолдану осы препараттардың плазмадағы концентрацияларының жоғарылауын туындатуы мүмкін, бұл өз кезегінде осындай дәрілік препараттардың жалпы әсерінің артуына әкелуі мүмкін, бұл емдік әсердің күшеюіне немесе ұзаққа созылуына, сондай-ақ жағымсыз әсерлердің туындауына себеп болады.

Төмен дозадағы ритонавирмен бір мезгілде қолданылатын Кемерувир препаратын клиренсі көбінесе CYP3A4 изоферменті арқылы анықталатын және, плазмадағы жоғары концентрациялары ауыр және/немесе өмірге қауіп төндіретін жағымсыз әсерлерді тудыратын препараттармен біріктіріп қолданбаған жөн (емдік ауқымы тар). Мұндай препараттарға амиодарон, бепридил, квинидин, жүйелік лидокаин, астемизол, алфузозин, терфенадин, силденафил (өкпенің артериялық гипертензиясын емдеу үшін қолданылатын), мидазолам ішке қабылдау үшін, триазолам, цизаприд, примозид, сертиндол, симвастатин, ловастатин және қастауыш алкалоидтары (мысалы, эрготамин, дигидроэрготамин, эргоновин және метилэргометрин) жатады.

Ритонавирдің фармакологиялық күшею қатынасы сияқты осындай әсері, 600 мг құрайтын дарунавирдің бір реттік дозасын тәулігіне екі рет 100 мг дозадағы ритонавирмен біріктіріп пероральді түрде қолданған кезде, дарунавирдің жалпы әсерінің шамамен 14 есе артуы болып табылады. Сондықтан Кемерувир препаратын фармакологиялық қасиеттерінің күшейткіші ретінде пайдаланылатын ритонавирдің төмен дозасымен біріктіріп қана қолданған жөн.

CYP2C9, CYP2C19 және CYP2D6 цитохромдарымен метаболизденетін дәрілік препараттардың қоспасы қолданылатын клиникалық зерттеу, Кемерувир / ритонавир препараттарының қатысуымен CYP2C9 және CYP2C19 белсенділігінің жоғарылауын және CYP2D6 белсенділігінің тежелуін көрсетті, бұл төмен дозадағы ритонавирдің қатысуына жатқызылуы мүмкін. Дарунавир мен ритонавирді және көбінесе CYP2D6 цитохромымен метаболизденетін дәрілік препараттарды (мысалы, флекаинид, пропафенон, метопролол) бір мезгілде қолдану плазмада осы дәрілік препараттрдың емдік әсерінің және жағымсыз реакциялардың жоғарылауына немесе ұзаруына түрткі болуы мүмкін. Дарунавир мен ритонавирді және көбіне CYP2С9 цитохромымен (мысалы, варфарин) және CYP2C19 цитохромымен (мысалы, метадон) метаболизденетін дәрілік препараттармен бір мезгілде қолдану осы дәрілік препараттардың жалпы әсерінің төмендеуіне әкеп соғуы мүмкін, бұл олардың емдік әсерлерін азайтуы немесе қысқартуы мүмкін.

CYP2C8-ге әсері тек in vitro зерттелгеніне қарамастан, дарунавир мен ритонавирді және көбінесе CYP2С8 цитохромымен метаболизденетін (мысалы, паклитаксел, розиглитазон, репаглинид) дәрілік препараттар, осындай дәрілік препараттардың жалпы әсерінің төмендеуіне әкеп соғуы мүмкін, бұл олардың емдік әсерлерін төмендетуі немесе қысқартуы мүмкін.

Дарунавирдің/ритонавирдің әсеріне ықпалын тигізетін дәрілік препараттар

Дарунавир және ритонавир CYP3A ферментімен метаболизденеді. CYP3A ферментінің белсенділігін индукциялайтын дәрілік препараттар дарунавир мен ритонавирдің клиренсін арттырады деп күтіледі, ол өз кезегінде, плазмадағы дарунавир мен ритонавир концентрацияларының төмендеуіне әкеледі (мысалы, рифампицин, шайқурай, лопинавир).

Дарунавир мен ритонавирді және CYP3A ферментін тежейтін басқа да дәрілік препараттарды бір мезгілде қолдану дарунавир мен ритонавирдің клиренсін төмендетуі мүмкін және плазмада дарунавир мен ритонавирдің концентрацияларының жоғарылауына әкелуі мүмкін (мысалы, индинавир, кетоконазолдар және клотримазол секілді жүйелік азолдар). Осы өзара әрекеттесулерді сипаттау келесі кестеде беріледі.

Өзара әрекеттесу кестесі

Дарунавир/ритонавирмен және антиретровирустық және антиретровирустық емес дәрілік препараттар арасындағы өзара әрекеттесу төменде келтірілген кестеде атап көрсетіледі (ND «анықталған жоқ» деп тұспалданады). Әрбір фармакокинетикалық параметр үшін тілді бағыттау геометриялық орташа арақатынастың 90%-дық сенімді аралығына негізделеді: 80-нен 125%-ға дейінгі ауқымдағы шеңберде (↔), төмен (↓) немесе жоғары (↑).

Өзара әрекеттесудің кейбір зерттеулері (төменде берілген кестеде «#» таңбасымен белгіленген) дарунавирдің ұсынылғаннан төмен дозаларымен, немесе басқа дозалау сызбасымен жүргізілді («Қолдану тәсілі және дозалары» бөлімін қараңыз). Осыған байланысты бір мезгілде қолданылатын дәрілік препараттардың әсерлері аяғына дейін бағаланбауы мүмкін, және клиникалық мониторинг қолданылуы мүмкін.

† Кемерувир препаратын 100 мг ритонавирмен және протеазаның кез келген басқа тежегіштерімен бірге (мысалы, (фос) ампренавир, нелфинавир және типранавир) қолданудың тиімділігі және қауіпсіздігі АИТВ инфекциясы бар пациенттерде анықталған жоқ. Емдеудің ағымдағы нұсқауларына сәйкес протеаза тежегіштерімен қосарлы емдеу жалпы алғанда ұсынылмайды.

Айрықша нұсқаулар

Пациенттерді замануи антиретровирустық препараттар АИТВ инфекциясынан айықтырмайтыны және АИТВ жұғуын алдын алмайтыны жөнінде ескерту керек. Пациенттерді тиісті сақтандыру шараларын сақтауды ескерту керек. Белгіленген қол жетімді дозасымен аталған дәрілік түр 12 жасқа дейінгі және дене салмағы 40 кг кем балаларда қолданылмайды. Дарунавир/ритонавир біріктірілімімен 65 жастағы және одан асқан пациенттерді емдеу жөніндегі ақпарат шектеулі.

Оларда бауыр функциясының бұзылуы жиі байқалуына, олар қатар жүретін аурулармен жиі зардап шегуіне байланысты немесе басқа да қатар жүретін ем алатын болғандықтан Дарунавирмен аталған топтағы пациенттерді емдеуде сақтық шараларын сақтау керек.

Дарунавирді 600 мг дозада бір рет қабылдағаннан кейін абсолютті биожетімділігі шамамен 37% құрайды және дарунавирді тәулігіне екі рет 100 мг ритонавирмен біріктірілімде қабылдағаннан кейін 82%-ға дейін артады. 600 мг дозаны ритонавирмен (100 мг тәулігіне 2 рет) біріктірілімде бір рет қабылдағаннан кейін дарунавирдің қан плазмасындағы концентрациясының 14-еселік жоғарылауы байқалады.

Осылайша, дарунавирді фармакокинетикалық күшейткіш ретінде тек ритонавирдің төмен дозасымен (100 мг) біріктірілімде қабылдау керек.

Ритонавирдің аталған дозасының жоғарылауы дарунавирдің плазмадағы концентрациясының айтарлықтай жоғарылауына әкелмейді, сондықтан ритонавирдің дозасын жоғарылату ұсынылмайды.

Ауыр дәрежедегі тері реакциялары

Дарунавирді қабылдауда қызбамен және/немесе бауыр трансаминазалары деңгейінің жоғарылауымен қатар жүретін ауыр дәрежедегі тері реакциялары 0,4% пациенттерде байқалды. Стивенс-Джонсон- синдромы және DRESS-синдромы (эозинофилиясы және жүйелік біліністерімен дәрілік бөртпе) сирек байқалды (< 0,1%).

Постмаркетингтік кезеңде уытты эпидермалық некролиз және жедел экзентематозды пустулез өте сирек байқалды (<0,01%). Ауыр тері реакцияларының белгілері мен симптомдары пайда болғанда (ауыр ағымдағы бөртпемен, немесе қызбамен, жалпы дімкәстанумен, қажумен, бұлшықеттер мен буындардағы ауырумен, күбіреуіктермен, ауыз қуысының зақымдануымен, конъюнктивит, гепатит және/немесе эозинофилиямен қатар жүретін бөртпемен) дарунавир қабылдауды дереу тоқтату керек.

Бөртпе (барлық түрі) дарунавир қабылдайтын 10,3% пациенттерде байқалды. Бөрпе негізінен жеңіл және орташа біліністе болды және жиі емнің алғашқы төрт аптасы ішінде жиі байқалды және емді жалғастырғанда азайды. 0,5% жағдайда бөртпе дарунавир/ритонавир біріктірілімінің тоқтатылуының себебі болды.

Бөртпе ралтегравир және дарунавир/ритонавир біріктірілімін қабылдайтын пациенттермен салыстырғанда ралтегравир мен дарунавир/ритонавир біріктірілімін бір мезгілде қабылдайтын пациенттерде жиі байқалды. Пайда болуы препарат қабылдаумен байланысты бөртпе, барлық үш топта да бірдей жиілікпен пайда болды. Бөрпе жеңіл немесе орташа ауырлық дәрежесінде болды және емді шектеген жоқ.

Бөрпе емді тоқтатудың себебі болған жоқ.

Дарунавирдің құрамында сульфонамидті топ бар. Сульфонамидтерге аллергиясы бар пациенттер дарунавирді сақтықпен қолдануы керек. Дарунавир/ритонавир біріктірілімін клиникалық зерттеулерде бөртпенің пайда болуының дәрежесі мен жиілігі сыртартқысында сульфонамидтерге аллергиямен және онсыз пациенттерде бірдей болды.

Бауыр ауруларымен пациенттер

Препаратты бауыр функциясының жеңіл және орташа дәрежедегі бұзылуымен пациенттерге қолданғанда айрықша сақтық шараларын сақтау талап етіледі. Бауыр функциясының ауыр бұзылуында препаратты қолдануға қатысты деректер жоқ.

Гепатоуыттылығы

Дарунавир/ритонавир біріктірілімін қолданғанда дәрілік препараттарды қолданумен туындаған (мысалы, жедел гепатит, цитолиздік гепатит) гепатит дамуы мүмкін. Гепатит дарунавир/ритонавирдің біріктірілген емін қабылдаған 0,5 % пациенттерде байқалды.

Бауыр функциясының бұзылуымен, оның ішінде созылмалы белсенді В немесе С гепатитімен пациенттерде бауыр тарапынан ауыр жағымсыз әсерлерінің даму қаупі жоғары.

Дарунавир/ритонавир біріктірілімін тағайындар алдында және емдеу кезінде сәйкес зертханалық көрсеткіштердің мониторингін жүргізу керек.

Емді бастар алдында, әсіресе дарунавир/ритонавирмен біріктірілген емнің алғашқы бірнеше айлары ішінде созылмалы гепатитпен, бауыр циррозымен пациенттерде немесе трансаминазалардың жоғары белсенділігі бақыланған пациенттерде АСТ және АЛТ белсенділігі жоғарылауын бақылау мүмкіндігін қарастыру керек.

Бауыр функциясы бұзылуының симптомдары айқындалғанда немесе олардың өршуінде (оның ішінде бауыр ферменттері белсенділігінің клиникалық мәні бар жоғарылауында және/немесе шаршағыштық, анорексия, жүрек айнуы, сарғаю, қоңыр түсті несеп, бауырдың саусақпен пальпацияда ауыруы, гепатомегалия секілді симптомдарда) дарунавир/ритонавир біріктірілімімен емді үзу немесе тоқтату туралы мәселені дереу қарастыру керек.

Бүйрек ауруларымен пациенттер

Бүйректер дарунавир клиренсінде мардымсыз роль атқарады, сондықтан бүйрек ауруларымен пациенттерде дарунавирдің жалпы клиренсі іс жүзінде азаймайды.

Дарунавир мен ритонавир плазма ақуыздарымен едәуір дәрежеде байланысатындықтан, осы препараттарды организмнен шығаруда гемодиализ немесе перитонеальді диализ айтарлықтай мәні жоқ.

Гемофилиясы бар науқастар

Протеаза тежегіштерін қабылдап жүрген А және В типті гемофилиясы бар пациенттерде терінің кездейсоқ гематомалары мен гемартроздарын қоса, қан кетулердің жоғарылағаны жөнінде мәлімделді. Кейбір пациенттерге VIII қан ұю факторы қолданылды. Сипатталған жағдайлардың жартысынан астамында, протеаза тежегіштерімен емдеу үзіліссіз жалғастырылды немесе біраз уақыт тоқтатқаннан кейін жаңғыртылды.

Протеаза тежегіштерімен емдеу және гемофилиямен пациенттерде қан кетудің күшеюі арасында себеп-салдарлық байланыс туралы болжамдалды, әйтсе де осындай байланыстың механизмі анықталған жоқ. Дарунавир/ритонавир біріктірілімін қабылдайтын гемофилиямен науқастарды қан кетудің күшею мүмкіндігі туралы хабарлау керек.

Қант диабеті / гипергликемия

Протеаза тежегіштерін қоса, антиретровирустық ем қабылдап жүрген пациенттерде қант диабетінің алғашқы анықталған жағдайлары, гипергликемия немесе осыған дейін болған қант диабеті ағымының нашарлағаны сипатталды.

Осы пациенттердің кейбіреулерінде гипергликемия ауыр болды, бірқатар жағдайларда кетоацидозбен де қатар жүрді. Көптеген пациенттерде олардың кейбіреуі қант диабеті немесе гипергликемия дамуына ықпал ететін препараттармен емдеу талап ететін қатар жүретін аурулар болды.

Май тінінің қайта таралуы және метаболизмдік бұзылулар

АИТВ жұқтырған пациенттерде біріктірілген антиретровирустық ем май тінінің қайта таралуын (липодистрофия) туындатуы мүмкін.

Липодистрофияның пайда болуының жоғары қаупі егде жас, сондай-ақ антиретровирустық препараттармен ұзақ емдеу және онымен қатар жүретін метаболизмдік бұзылулар секілді факторлармен байланысты болды. Антиретровирусты препараттар қабылдайтын АИТВ жұқтырған пациенттерді клиникалық зерттеулерде майдың қайта таралуының физикалық белгілеріне назар аудару керек.

Ашқарында қан глюкозасының және липидтердің құрамын анықтау ұсынылады. Липидтік метаболизмінің бұзылуын сәйкес препараттармен емдеу керек.

Остеонекроз

Шығу тегі көп факторлы болуына қарамастан (ГКС қолдану, алкоголь тұтыну, иммуносупрессияның ауыр дәрежесі, дене салмағының жоғары индексі), остеонекроз жағдайлары, атап айтқанда, соңғы сатыдағы АИТВ ауруларымен және/немесе біріктірілген антиретровирустық ем ұзақ уақыт қолданылған пациенттерде болды. Пациенттер буындарда ауыру немесе қимыл-қозғалыстың қиындауы пайда болған жағдайда дереу дәрігерге қаралу керектігі туралы ескертілуі керек.

Иммунитет реактивациясы синдромы

Ауыр иммундық тапшылығы бар АИТВ жұқтырған пациенттерде біріктірілген антиретровирустық ем басталған сәтте асимптоматикалық немесе оппортунистік инфекцияға қабыну реакциясы пайда болып, ауыр клиникалық жағдайларды немесе симптомдардың нашарлауын туындатуы мүмкін. Әдетте, осындай реакциялар біріктірілген антиретровирустық ем басталған алғашқы апталарда немесе айларда байқалды.

Цитомегаловирустық ретинит, денеге жайылған және/немесе жергілікті микобактериялық инфекция және Pneumocystis jirovecii әсерінен туындаған пневмония дамуы мүмкін.

Кез келген қабыну симптомдарының ауырлығын анықтау және тиісті ем жүргізу керек. Аутоиммунды аурулар (Грейвс ауруы секілді) сондай-ақ иммунды жүйенің қалпына келуінің қабыну синдромы пайда болғанда байқалды. Алайда алғашқы біліну уақыты құбылмалылау болды және ауру ем басталғаннан кейін бірнеше айдан кейін пайда болуы мүмкін.

Жүктілік және лактация кезеңінде қолдану

Жүкті әйелдерде дарунавирді талапқа сай бақылаған зерттеулер жүргізілген жоқ. Жануарларға жасалған зерттеулер дарунавирде репродуктивті функция мен фертильділікке уытты белсенділік немесе жағымсыз әсерін анықталған жоқ. Дарунавир/ритонавир препаратының біріктірілімін болашақ аналарға егер оны қолданудан күтілетін пайда ұрық үшін потенциалды қауіптен басым болған жағдайда ғана тағайындауға болады.

Дарунавир адамның емшек сүтіне өтетіні белгісіз. АИТВ емшек сүтімен берілу мүмкіндігін, сондай-ақ емшектегі балаларда елеулі жағымсыз реакциялар қаупін ескеріп, оларға дарунавирдің әсерімен байланысты, дарунавир қабылдайтын АИТВ-жұқтырған әйелдерге емшекпен қоректендіруге болмайды. Жануарларға жасалған зерттеулер дарунавирдің репродуктивті функция мен фертильділікке уытты белсенділік немесе жағымсыз әсерін анықталған жоқ. Дарунавирдің лактациямен егеуқұйрықтарда сүтпен бөлінетіні белгілі. Ұрыққа әсер ету категориясы FDA бойынша — B.

Дәрілік заттың көлік құралын жүргізуге немесе қауіпті механизмдерді басқару қабілетіне ықпал ету ерекшеліктері

Дарунавир/ритонавир біріктірілімін қолданудың көлік құралын және қозғалыстағы механизмдерді басқару қабілетіне зерттеулер жүргізілген жоқ.

Әйтсе де, пациенттердің көлік құралын және қозғалыстағы механизмдерді басқару қабілетін қарастырған кезде пациенттің клиникалық жағдайын, сондай-ақ дарунавирдің жағымсыз әсерінің сипатын ескеру керек.

Артық дозалануы

Дарунавирдің ритонавирмен біріктірілімін қабылдағанда адамдарда жедел артық дозалану жөнінде деректер шектеулі. Дені сау еріктілер ритонавирмен біріктірілген ішуге арналған ерітінді түріндегі 3200 мг дейінгі және таблетка түріндегі 1600 мг дейінгі дарунавирді бір рет қабылдады, бұл жағдайларда жағымсыз әсерлердің байқалған жоқ.

Емі: арнайы у қайтарғысы жоқ. Артық дозаланғанда негізгі физиологиялық көрсеткіштерін мониторингілеумен жалпы демеуші ем жүргізу керек. Сіңбеген препараты шығару үшін асқазанды шаю немесе тазарту клизмасын жасау керек. Белсендірілген көмір қолдануға болады.

Дарунавир плазма ақуыздарымен жоғары дәрежеде байланысатын болғандықтан, ол диализ әдісімен айтарлықтай мөлшерде шығарылмайды.

Шығарылу түрі және қаптамасы

10 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамада.

6 немесе 10 пішінді ұяшықты қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге тұтынушы ыдысына арналған картон қорапшаға салынады.

60, 100 таблеткадан алғашқы ашылуы бақыланатын қақпақпен жабылған полимер банкаға салынған. Бос кеңістік медициналық мақтамен толтырылған. Банкаларға заттаңбалық қағаздан немесе полимер материалдан жасалған, өздігінен жабысатын заттаңба жапсырылған.

1 банкадан медициналық қолдануы жөніндегі мемлекеттік және орыс тілдеріндегі нұсқаулықпен бірге тұтынушы ыдысына арналған картон қорапшаға салынады.

Сақтау шарттары

Өндірушінің түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Фармасинтез» ААҚ

664040, Иркутск, Розы Люксембург, 184

Электронды поштасы: info@pharmasyntez.com

Тіркеу куәлігінің иесі

«Фармасинтез» ААҚ

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы:

«СonsultAsia» ЖШС

E-mail: pv@consultingasia.kz

Тел/факс: +77051708825/+77051708876