Келтикан® (Порошок в ампуле)
Инструкция
-
русский
-
қазақша
Саудалық атауы
Келтикан®
Халықаралық патенттелмеген атауы
Жоқ
Дәрілік түрі
Инъекция үшін ерітінді дайындауға арналған лиофилизацияланған ұнтақ еріткішімен жиынтықта
Құрамы
Бір ампуланың құрамында
белсенді заттар: цитидин -5´-динатрий монофосфаты 10 мг
уридин 5´-тринатрий трифосфаты,
уридин 5´-динатрий дифосфаты, уридин
5´-динатрий монофосфаты (барлығы) 6 мг
(уридинге баламалы) 2.66 мг,
қосымша зат – маннитол.
Еріткіштің құрамы: натрий хлориді, инъекцияға арналған су.
Сипаттамасы
Диск түріндегі лиофилизацияланған гигроскопиялы ақ түсті ұнтақ. Еріткіш – иісі жоқ мөлдір түссіз сұйықтық.
Фармакотерапиялық тобы
Тірек-қимыл аппаратының ауруларын емдеуге арналған басқа да препараттар. Тірек-қимыл аппаратының ауруларын емдеуге арналған өзге препараттар.
ATХ коды М09АХ
Фармакологиялық қасиеттері
Фармакокинетикасы
Келтикан® екі нуклеотид – цитидин монофосфаттың және уридинмонофосфаттың біріктірілімі болып табылады. Бұл нуклеотидтер организмде болады, сондықтан типтік фармакокинетикалық зерттеулер жүргізу мүмкін емес.
Фармакодинамикасы
Келтикан® миелинді қабықтың негізгі компоненттері - сфингомиелин және глицерофосфолипидтерді құрайтын фосфатидті қышқылдың және жүйке қабықшаларының қалыптасуы үшін кераминмен моносахаридтерді біріктіруге қажетті организмді фосфатты топтармен қамтамасыз етеді. Осылайша, аксондық жүйке талшықтары толық жетілуі және регенерациясы, төзімді трофикалық әсер қамтамасыз етіледі. Осының салдарынан аксонның зақымданған жерінің қабынуы азаяды және сезімталдығы қалпына келеді, ол аксондық тасымалданудың қалпына келуіне ықпал етеді.
Қолданылуы
-
радикулиттерде (люмбаго, люмбалгия, люмбоишиалгия)
-
диабеттік полиневропатияда
-
алкогольдік полиневриттерде
-
белдемелі теміреткіде, ганглионитте
-
үшкіл жүйке невралгиясында
-
беттік және қабырға аралық жүйкелер невропатияда (невралгияда)
-
плекситтерде
Қолдану тәсілі және дозалары
Келтикан® инъекциялары бұлшықет ішіне енгізіледі.
Еріткіші бар ампуланың ішіндегісін ұнтағы бар ампулаға қосу қажет, толық ерігенге дейін араластырады.
Ересектер: 1 инъекция (2 мл) күніне 1 рет.
Балаларға 2 жастан бастап: 1 мл ерітінді (1/2 ампула) күніне 1 рет немесе 1 инъекция (2 мл) 2 күнде 1 рет.
Емдеу ұзақтығын емделушінің жай-күйіне және емдеуге реакциясына байланысты дәрігер белгілейді.
Жағымсыз әсерлері
Сипатталған жоқ.
Аллергиялық реакциялар пайда болуы мүмкін, қандай да бір жағымсыз құбылыстар пайда болған кезде қабылдауды тоқтату және міндетті түрде дәрігерге көріну керек.
Қолдануға болмайтын жағдайлар
-
препаратқа жоғары сезімталдық
-
2 жасқа дейінгі балалар
Дәрілермен өзара әрекеттесуі
Анықталмаған
Айрықша нұсқаулар
Жүктілік және лактация кезеңі
Жүктілік және лактация кезеңінде препараттың қолданылуы анықталмаған.
Жүкті әйелдерге және лактация кезеңінде әйелдерге, егер ана үшін күтілетін пайдасы ұрыққа/ балаға төнетін ықтимал қауіптен асып түсетін жағдайда ғана, препаратты тағайындаған жөн.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Өнім уыттылығының аздығын ескере отырып, емдік дозалар кездейсоқ асып кеткен жағдайда да, препаратпен уыттану ықтималдығы аз.
Кездейсоқ артық дозаланғанда, симптоматикалық емдеуді бастау қажет.
Шығарылу түрі және қаптамасы
Лиофилизацияланған ұнтақ жиек түріндегі кертігі бар күңгірт-сары түсті шыны ампулаға салынады. 2 мл еріткіштен жиек түріндегі кертігі бар мөлдір шыны ампулаға құйылады.
Препараты бар 3 ампула мен еріткіші бар 3 ампуланы пішінді ұяшықты қаптамаға салады.
1 пішінді қаптама медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Феррер Интернасьональ, С.А., Барселона, Испания
Тіркеу куәлігінің иесі
Феррер Интернасьональ, С.А., Испания
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:
«Takeda Osteuropa Holding GmbH» (Австрия) компаниясының Қазақстандағы өкілдігі
Алматы қ., Бегалин к-сі 136 а
Телефон нөмірі (727) 2444004
Факс нөмірі (727) 2444005
Электронды поштасы DSO-KZ@takeda.com