Кванил

КВАНИЛ

Халықаралық патенттелмеген атауы

Цитиколин

Түйіршіктер, 500 мг

Бір сашенің ішінде

белсенді зат: 500 мг цитиколинге баламалы натрий цитиколині,

қосымша заттар: сорбитол, повидон, сусыз лимон қышқылы, аспартам, лимон хош иістендіргіші, полиэтиленгликоль 6000, натрий стеарил фумараты, лаурил натрий сульфаты, изопропил спирті

Лимон дәмімен, ақтан ақ дерлік түске дейінгі түйіршіктер.

Фармакотерапиялық тобы

Психоаналептиктер. Психостимуляторлар мен ноотроптар. Басқа да психостимуляторлар мен ноотроптар. Цитиколин.

АТХ коды N06BX06

Фармакологиялық қасиеттері

Фармакокинетикасы

Ішке қабылдаған кезде цитиколин асқазан-ішек жолынан іс жүзінде толық сіңеді. Цитиколин пероральді енгізгенде 90%-дан асатын биожетімділігімен суда еритін зат болып табылады. Фармацевтикалық өнім ішекте және бауырда холин мен цитидин түзумен метаболизденеді. Цитиколин ми тіндеріне жылдам жетеді және фосфолипидтер қызметін белсендіріп, жасушалар жарғақшасына, цитоплазмаға және митохондрияларға белсенді тізіледі.

Препарат өте баяу шығарылады, дозаның тек аз мөлшері (3%-дан кем) несеппен (өзгермеген түрінде және метаболиттер түрінде) және нәжіспен шығарылады. Дозаның шамамен 12% тыныс алу жолдары арқылы шығарылады.

Фармакодинамикасы

Кванил – ноотропты препарат. Цитиколин, жасушалық жарғақшаның негізгі ультрақұрылымдық компоненттері ізашары бола отырып (негізінен фосфолипидтер), кең ауқымды әсерге ие: жасушалардың зақымданған жарғақшаларының қалпына келуіне ықпал етеді, фосфолипаза әсерін тежейді, бос радикалдар түзілуіне кедергі етіп, сондай-ақ апоптоз механизміне әсер етіп жасушалардың қырылуының алдын алады.

Кванил ацетилхолин синтезін арттырып, холиннің көзі болып табылады және жарғақшалар нейрондарында құрылымдық фосфолипидтердің биосинтезін (тіректік) стимуляциялайды.

Холинергиялық нейрондарда жүйке импульстарының берілуін жақсартады, нейрональді жарғақшалардың иілгіштігіне және рецепторлар функциясына оң әсер етеді.

Церебральді қанайналымын жақсартады, мидағы метаболизмдік үдерістерді күшейтеді, мидың ретикулярлық формациясының құрылымын белсендіреді.

Инсульттің жедел кезеңінде зақымданған тін көлемін азайтады, холинергиялық берілісті жақсартады.

Кванил жадының жақсаруын, көңіл-күйдің құбылуын, жігерсіздік, күнделікті әрекеттер жасаудағы қиындықтар және өзін-өзі қызметпен қамти алмауды қоса, гипоксия мен ми ишемиясында байқалатын симптомдарды жеңілдетеді.

Бас сүйек-ми жарақатында жарақаттан кейінгі команың ұзақтығын және неврологиялық симптомдар айқындығын азайтады.

Кванилдің ісінуге қарсы әсері бар және нейрональді жарғақшаны тұрақтандыратын әсерінің арқасында мидың ісінуін азайтады.

- инсультте және оның салдарында

- бас-сүйек ми жарақаттарында және оның салдарында

- дегенерациялық өзгерістерден және қан тамырларының бұзылуынан туындаған когнитивті, сезімталдық және қозғалыстың неврологиялық бұзылуларында

Ұсынылатын доза: жай-күйдің ауырлығына байланысты күніне цитиколинді 500-ден 1000 мг-ге дейін.

Цитиколин түйіршіктерін жарты стақан суда сұйылту керек. Асқазанның бұзылуын болдырмау үшін тағаммен бірге қолданылуы мүмкін. Цитиколинді қабылдау кезінде дәрігердің рецептісі арқылы тағайындалатын басқа да препараттар сияқты нұсқаулықта көрсетілген ұсыныстарды қадағалау маңызды. Цитиколинді дәрігердің нұсқаулығына сай қолдану керек.

Емдеу курсының ұзақтығын емдеуші дәрігер анықтайды.

Өте сирек (<1/10,000) (жекелей реакцияны қоса).

- аллергиялық реакциялар, есекжем, экзантема, терінің күреңқызылға дейін боялуы, терінің қышынуы, ісінулер, анафилаксиялық шоктың дамуы мүмкін

- бас ауыруы, бас айналуы, елестеулер, қозу, ұйқысыздық, температураның көтерілуі, ысынуды сезіну, тремор

- диспноэ

- жүрек айнуы, құсу, диарея

- артериялық қысымның жоғарылауы немесе қысқа мерзімді төмендеуі

- препарат компоненттеріне жоғары сезімталдық

- парасимпатикалық жүйке жүйесінің тонусы жоғары пациенттер (кезбе жүйкесі);

- туа біткен лактоза көтере алмаушылығы, Lapp-лактаза ферментінің тапшылығы, глюкоза-галактоза мальабсорбциясы.

Цитиколин леводопа әсерін күшейтеді. Құрамында меклофеноксат бар дәрілік заттарды бір мезгілде қолдануға болмайды.

Препаратты қабылдағанда алкогольді пайдалануға болмайды.

Құрамында Понсо 4-R, метилпарагидроксибензоат, пропилпарагидроксибензоат болуына байланысты аллергиялық реакциялар дамуы мүмкін.

Препарат құрамында сорбитол бар, сондықтан фруктозаны көтере алмайтын сирек тұқым қуалайтын күрделі мәселелері бар пациенттер қолданбау керек.

Әсіресе ацетилсалицил қышқылына аллергиясы бар пациенттерде бронх демікпесін туындатуы мүмкін.

Балалар

Балаларда қауіпсіздігі мен тиімділігі анықталмаған.

Жүктілік және лактация кезеңі

Жүкті әйелдерге Цитиколинді пайдалану жөнінде қандай да бір тиісті деректер жоқ. Егер нақты қолдану қажеттілігі болмаса, препаратты жүктілік кезінде пайдаланудың қажеті жоқ. Күтілетін оң әсер болуы мүмкін қауіптен артқан жағдайда ғана препарат қолданылуы мүмкін.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Әсер етпейді.

Симптомдары: препарат уыттылығының төмендігін назарға ала отырып, тіпті байқаусызда емдік дозадан арттырған жағдайдың өзінде де улану мүмкіндігі төмен.

Емі: Симптоматикалық ем. Арнайы антидоты жоқ.

Шығарылу түрі және қаптамасы

Ламинацияланған фольгадан жасалған сашеде 1.5 г түйіршіктер. 10 немесе 30 саше медициналық қолдану жөніндегі мемлекеттік және орыс тілдеріндегі нұсқаулықпен бірге картон қаптамаға салынған.

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін пайдалануға болмайды!

Рецепт арқылы

Өндіруші

«Кусум Хелткер Пвт. Лтд.», СП 289 (А), Риико Индл. Ареа Чопанки, Бхивади (Радж.), Үндістан

«Кусум Хелткер Пвт. Лтд.», Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Дәрі-Фарм» ЖШС, Қазақстан, Алматы қ., Достық даңғ., 117/6, «Хан-Тенгри» БО, тел/факс: 295-26-50; 295-26-55

E-mail: Office@kusumhealthcare.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан-Тенгри» БО, Телефон: 295-26-50, 295-26-51 (54), Факс: 295-26-55 

Электронды пошта: mtt@kusumhealthcare.kz