Кванил (500 мг)

• русский
• қазақша

• Скачать инструкцию медикамента

Саудалық атауы

Кванил

Халықаралық патенттелмеген атауы

Цитиколин

Дәрілік түрі

Үлбірлі қабықпен қапталған таблеткалар, 500 мг

Құрамы

Бір таблетканың құрамында

қосымша заттар: лактоза моногидраты, микрокристалды целлюлоза, повидон, натрий кроскармеллозасы, сусыз коллоидты кремнийдің қостотығы, магний стеараты,

құрамы

Сипаттамасы

Үлбірлі қабықпен қапталған ақ түсті, капсула пішінді таблеткалар.

Фармакотерапиялық тобы

Психоаналептиктер. Психостимуляторлар және басқа да ноотроптар. Цитиколин.

АТХ коды N06B X06

Фармакологиялық қасиеттері

Фармакокинетикасы

Цитиколин пероральді енгізуде толық дерлік сіңеді. Препарат енгізуден соң қан плазмасындағы холин деңгейі жоғарылағаны байқалады. Енгізудің пероральді және парентеральді жолдарындағы биожетімділігі іс жүзінде бірдей.

Препарат холин және цитидин түзе отырып, ішекте және бауырда метаболизденеді. Цитиколин ми тіндеріне таралады, бұл арада холин фосфолипидтерге, цитидин –цитидин нуклеотидтарына және нуклеин қышқылдарына енгізіледі. Цитиколин ми тіндеріне тез жетеді және фосфолипидтер қызметін белсенділендіре отырып, жасуша жарғақшаларында, цитоплазмалық және митохондриальдық жарғақшаларда белсенді сап түзейді.

Цитиколиннің енгізілген дозасының елеусіз мөлшері ғана несеппен және нәжіспен (3% аз) шығарылады. Енгізілген дозаның шамамен 12% тыныс алу жолдары арқылы шығарылады. Препараттың несеппен және тыныс алу жолдары арқылы шығарылуының екі фазасы бар: бірінші фазасы – тез шығарылуы (несеппен – бірінші 36 сағат бойына, тыныс алу жолдары арқылы – бірінші 15 сағат бойына), екінші фаза –баяу шығарылуы. Препарат дозасының негізгі бөлігі метаболизм үдерісіне қосылады.

Фармакодинамикасы

Кванил – ноотропты препарат. Цитиколин жасушалық жарғақшаның маңызды ультрақұрылымдық компоненттерінің ізашары болғандықтан (көбіне фосфолипидтер) әсер ету ауқымы кең: жасушалардың зақымданған жарғақшаларының қалпына келуіне әсер етеді, бос радикалдар түзілуіне кедергі келтіре отырып, фосфолипазалар әсерін тежейді, сондай-ақ апоптоза механизмдеріне әсер ете отырып, жасушалар жойылуының алдын алады. Кванил холин көзі болып табылады, ацетилхолин синтезін ұлғайта отырып, нейрон жарғақшаларында құрылымдық (тіректік) фосфолипидтердің биосинтезін стимуляциялайды.

Холинергиялық нейрондарда жүйке импульстары берілісін жақсартады, нейрональдық жарғақша иілімділігіне және рецепторлар қызметіне оң әсер етеді. Церебральдық қан ағынын жақсартады, мидағы метаболизм үдерістерін күшейтеді, мидың ретикулярлық формациясының құрылымын белсенділендіреді.

Инсульттің жедел кезеңінде зақымданған тіндер көлемін азайтады, холинергиялық берілісті жақсартады.

Кванил есте сақтаудың нашарлауын, эмоционалдық ауытқушылық, әрекетсіздік, күнделікті іс-әрекеттерді орындауда және өзіне-өзі қызмет етудегі қиыншылықтарды қоса, гипоксияда және ми ишемиясында байқалатын симптомдарды жұмсартады.

Ми-бассүйекішілік жарақатында жарақаттанудан кейінгі кома ұзақтығын және неврологиялық симптомдардың айқындығын азайтады.

Кванил ісінуге қарсы қасиеттерге ие және өзінің нейроналдық жарғақшаға тұрақтандырғыш әсеріне байланысты ми ісінуін азайтады.

Сауығуды жеделдетеді және жарақаттанудан кейінгі синдромның ұзақтығын және қарқындылығын азайтады.

Кванил этиологиясы дегенеративті және тамырлық болатын когнитивті, сезімталдық және қозғалыстық неврологиялық бұзылыстарды емдеуде тиімді.

Қолданылуы

- ми қан айналымы бұзылуының асқынуы мен салдарларын емдеуге

- бассүйек-ми жарақаты және оның салдарында

- церебральдық патологиядан туындаған шығу тегі дегенеративті және тамырлық когнитивті, сенситивті, моторлық және неврологиялық бұзылыстарда

Қолдану тәсілі және дозалары

Ұсынылатын доза тәулігіне 500-ден 2000 мг (1–4 таблетка) дейінді құрайды.

Препараттың дозасы және емдеу мерзімі ми зақымдануының ауырлығына байланысты және оны дәрігер анықтайды.

Егде жастағы емделушілер доза түзетуді қажет етпейді.

Жағымсыз әсерлері

Жағымсыз реакциялар бірен-саран жағдайларды қоса, өте сирек туындайды (< 1/10 000).

- елестеулер, қозу, ұйқысыздық

-бас ауыруы, бас айналуы, тремор

- артериялық гипертензия немесе гипотензия

- диспноэ

- гиперсаливация, жүрек айнуы, құсу, асқазан ауыруы, бауыр қызметі көрсеткіштерінің елеусіз өзгерісі, диарея

-тері қызаруы, есекжем, экзантема, тері қышынуы, ісінулер, анафилактикалық шок дамуы мүмкін

Жалпы бұзылулар: дене температурасының жоғарылауы, ысынуды сезіну, діріл, ісіну

Қолдануға болмайтын жағдайлар

- препараттың кез келген компонентіне жоғары сезімталдық

- парасимпатикалық жүйке жүйесінің жоғары тонусы

- тұқым қуалайтын лактоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы

Дәрілермен өзара әрекеттесуі

Кванил L - дигидроксифенилаланин және леводопа тиімділігін күшейтеді.

Құрамында меклофеноксат бар дәрілік заттармен бір мезгілде қолдануға болмайды.

Препарат қабылдау уақытында алкоголь қолдануға болмайды.

Айрықша нұсқаулар

Кванил препаратын триметиламинуриямен, Паркинсон ауруымен, эпилепсиямен ауыратын емделушілерге және сыртартқысында депрессиясы бар емделушілерге сақтықпен қолдану керек.

Педиатриялық тәжірибеде қолданылуы

Цитиколинді балаларға қолдануға қатысты жеткілікті деректер жоқ, сондықтан Кванилді емделушілердің бұл жастағы категориясына тағайындаудың керегі жоқ.

Жүктілік кезеңінде немесе емшек емізу уақытында қолданылуы

Препаратты жүктілік және бала емізу кезеңінде ана денсаулығы үшін болжамды пайдасы ұрыққа немесе сәбиге төнетін зор қауіптен артық болатын жағдайларда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жекелеген жағдайлардағы орталық жүйке жүйесі тарапынан болатын кейбір жағымсыз реакциялар автокөлік басқару немесе күрделі механизмдермен жұмыс істеу қабілетіне әсер етуі мүмкін. Сондықтан емдеу уақытында автокөлік басқаруда немесе басқа да механизмдермен жұмыс істегенде сақ болу керек.

Артық дозалануы

Уыттылығы төмендігіне байланысты тіпті емдік дозадан кездейсоқ асып кеткенде де уыттану ықтималдығы аз.

Дозаның кездейсоқ жоғарылауында симптоматикалық ем жүргізіледі.

Шығарылу түрі және қаптамасы

ПВХ үлбірден және алюминий фольгадан жасалған пішінді ұяшықты қаптамада 10 таблеткадан.

1 немесе 3 пішінді ұяшықты қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд.,Үндістан

СП 289 (А), Риико Индл. Ареа Чопанки, Бхивади (Радж.), Үндістан

Тіркеу куәлігі иесінің атауы мен елі

Кусум Хелткер Пвт. Лтд., Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы «Кусум Хелткер Пвт. Лтд.» Серіктестігінің өкілдігі, Үндістан

Алматы қ., Достық даңғылы, 117/6, «Хан-Тәңірі» БО.  

Телефон: 295-26-50, 295-26-51 (54) , Факс: 295-26-55 

электронды поштасы: Office@kusumhealthcare.kz