Картан®
Инструкция
-
русский
-
қазақша
Саудалық атауы
Картан®
Халықаралық патенттелмеген атауы
Левокарнитин
Дәрілік түрі
Инъекцияға арналған ерітінді, 1г/5 мл
Құрамы
1 мл ерітіндінің құрамында:
белсенді зат – 200 мг левокарнитин,
қосымша заттар: 2М хлорсутек қышқылы, инъекцияға арналған су.
Сипаттамасы
Мөлдір түссіз немесе ақшыл сары түсті ерітінді
Фармакотерапиялық тобы
АІЖ аурулары мен зат алмасу бұзылуларын емдеуге арналған басқа да препараттар. Амин қышқылдары және олардың туындылары.
АТЖ коды А16АА01
Фармакологиялық қасиеттері
Фармакокинетикасы
Парентеральды түрде енгізген кезде барлық тіндерге жақсы енеді, қаңқа бұлшықеттерінде және миокардта жоғары концентрацияларда болады. жасалады. Бүйректермен көбінесе ацильді эфирлер түрінде сыртқа шығарылады, бос карнитин қайта сіңіріледі.
Фармакодинамикасы
L-карнитин – В тобының витаминдеріне туыс табиғи зат. Зат алмасу процесінде цитоплазмадан жасуша мембранасы арқылы митохондрияға май қышқылдарын тасымалдаушы ретінде қатысады, онда бұл қышқылдар бета-тотығуға ұшырап, көп мөлшерде метаболиялық қуат түзеді (АТФ түрінде). Картан – ақуыз бен май алмасуын қалыпқа келтіреді, қанның сілтілік қорын қалыптастырады, кетоқышқыл мен анаэробтық гликолиздің түзілуін басады, лактатацидоздың дәрежесін азайтады, сондай-ақ қозғалыс белсенділігін және дене жүктемесіне төзімділікті арттырады, сонысымен гликогеннің үнемді жұмсалуына және оның бауырдағы қорының ұлғаюына мүмкіндік береді.
Картан - анаболикалық әсер етеді, гипертиреозда жоғарылаған негізгі зат алмасуды қалыпқа келтіреді, тироксиннің ішінара антагонисі бола отырып, асқазан сөлінің секрециясын ынталандырады, ақуыз бен көмірсу молекулаларының ыдырауын бәсеңдетеді. Дененің артық салмағын төмендетеді және бұлшықеттегі майдың мөлшерін азайтады. Нейротрофикалық әсер етеді, апоптоздың дамуын тежейді, зақымдану аймағын шектейді және жүйке тіндерінің құрылымын қалпына келтіреді.
Қолданылуы
-
ересектерде, балаларда, оның ішінде жаңа туған нәрестелерде карнитиннің бастапқы немесе салдарлы тапшылығында
-
бүйрек қызметі жеткіліксіздігінің терминальды сатысындағы гемодиализ жасатушы емделушілерде карнитиннің салдарлы тапшылығында (өйткені мұндайда, әдетте бүйректерде қайта сіңірілетін бос карнитин организмнен шығарылады және сау бүйректерден бөлініп шығатын ацильдік эфирлер жиналады).
-
толық парентеральды түрде тамақтандырылып жүрген шала туған балаларда карнитин жеткіліксіздігінде. Қоректік заттарды көктамырға енгізу олардың ең алдымен ішек қабырғалары және бауыр арқылы өтуін жоққа шығарады. Нәтижесінде қан плазмасында липидтердің артық мөлшері пайда болады, бұл барлық биохимиялық реакциялардың жылдамдығын бәсеңдетеді (атап айтқанда, метиониннің метил топтары утилизациясы бұзылады)
-
карнитин организмде бірден көп жұмсалатын емделушілерде карнитин жеткіліксіз болғанда (мысалы, гипоксияда, дифтерияда, вальпрой қышқылы препараттарын қабылдағанда және т.б.)
-
анорексия, дене салмағының нашар қосылуы және балалардың өсуі кідіруінде
-
ИБС аясында миокард метаболизмінің бұзылуында (тұрақты стенокардия, жедел миокард инфаркті, инфарктіден кейінгі кардиосклероз)
-
созылмалы жүректің созылмалы жеткіліксіздігінде
-
ми қан айналымының жедел және созылмалы бұзылуында (инсульт, шығу тегі әртүрлі энцефалопатия)
-
кардиомиопатияда (миокардта май қышқылдарының қуат көзі ретінде утилизациясы өте қарқынды жүреді, сондықтан ол карнитинді айрықша қажет етеді. Оны енгізгеннен кейін жиырылу күшінің артқаны, бұлшықеттердің дегенерациясына тосқауыл қойылғаны, ЭКГ-нің қалыпқа келгені байқалады)
-
қаңқа бұлшық еттерінің әлсіздігінде және/немесе миопатияда
-
күні жетпей жаңа туылған нәрестелердегі дистресс-синдромында
-
органикалық ацидемияда. Бұл патология органикалық қышқылдардың қалыпты алмасуының іштен туа болатын немесе генетикалық бұзылуының салдары болып табылады. Мұндай науқастарда КоА ацильдік метаболиттері, мысалы, пропионил-КоА, жасушаларға жиналады, карнитиннің ацильді эфиріне айналады және онымен бірге жасушалардан шығарылып, оның жасуша ішіндегі тапшылығына әкеледі. Бауырдағы пропион қышқылының қалдығы тотығу фосфорлануын басып, осынысымен оның қызметін бұзады.
-
анаболиялық дәрілер қолдану көрсетілген ауруларда (кешенді емде).
Қолдану тәсілдері және дозасы
Бұлшықет ішіне, көктамыр ішіне баяу (2-3 минут) немесе инфузия жолымен енгізіледі.
12 жасқа дейінгі балалар:
карнитиннің бастапқы немесе салдарлы тапшылығы. Жедел декомпенсация жағдайында күніне 50-ден 100 мг/кг дейінгі дозаны 3-4 қабылдауға тағайындайды.
бүйрек қызметінің жеткіліксіздігінің терминальді сатысындағы гемодиализ жасатқан емделушілердегі карнитиннің салдарлы тапшылығында: 10-нан 20 мг дейінгі доза гемодиализдің әрбір процедурасы аяқталғанда енгізіледі (аптасына гемодиализдің үш процедурасын жүргізген кезде). Көктамырішілік емдеудің ұзақтығы үш айдан аспауы тиіс. Әдетте емдеудің қайталану курсы тағайындалады.
Ересектер және 12 жастан асқан балалар:
Әдетте тәуліктік дозаны 1 г-нан 3 г-ға дейін 3-4 қабылдауға тағайындайды. Емдеуді күніне 1 г дозадан бастайды. Емделушіні дәрігердің тексеруінен кейін науқастың жағдайына қарай дозаны күніне 3 г дозаға дейін арттыруға болады.
Карнитиннің бастапқы немесе салдарлы тапшылығы. Жедел декомпенсация жағдайында күніне 50-ден 100 мг/кг дейінгі дозаны 3-4 қабылдауға тағайындайды. Қажет болған жағдайда жоғары дозалар болуы мүмкін.
Бүйрек қызметі жеткіліксіздігінің терминальді сатысындағы гемодиализ жасатқан емделушілердегі карнитиннің салдарлы тапшылығында: күніне 20 мг/кг шаққандағы доза гемодиализдің әрбір процедурасы аяқталғанда енгізіледі (аптасына гемодиализдің үш процедурасын жүргізген кезде).
Көктамырішілік емдеудің ұзақтығы және бұлшықеттерде L-карнитин мөлшерінің қалыпты деңгейін қалпына келтіруге қажетті кезең үш айдан аспауы тиіс.
Қайталап емдеу курсының қажеттілігі емделушінің жағдайын бақылаған кезде жүйелі мерзімділікпен жүзеге асатын қан плазмасындағы L-карнитин мөлшерімен анықталады.
Жағымсыз әсерлері
-
урологиялық науқастардағы жеңіл миастениялық бұзылулар
-
эпигастрия аймағының ауыруы
Қолдануға болмайтын жағдайлар
-
препарат компоненттеріне жоғары сезімталдықта
Дәрілермен өзара әрекеттесуі
Препаратты қабылдар алдында дәрігерге басқа препараттарды қабылдағаны жөнінде айтқан жөн.
Глюкокортикоидтар көптеген тіндерде (бауырдан басқасында) карнитин деңгейін арттырады. Холиннің шамадан тыс дозасы карнитиннің синтезін және белсенділігін тежейді. Карнитинді әр түрлі анаболиялық дәрілермен; антиоксиданттық немесе/және антигипоксанттық белсенділігі бар препараттармен қосып қолдануға болады.
Айрықша нұсқаулар
Талапқа сай дозалауды анықтау үшін қан плазмасындағы және несептегі бос және ацилдік L-карнитин деңгейін өлшей отырып, емдеуді бақылау ұсынылады.
Карнитиннің плазмадағы концентрациясы 35-тен 60 моль/Л дейінді құрайды. Ацилдік және бос L-карнитиннің плазмадағы арақатынасы 0.35-тен төмендеу.
L-карнитин дағдылануды тудырмайды, өйткені адам организмі үшін табиғи ерітінді болып табылады. Инсулин немесе гипогликемиялық пероральдық ем қабылдап жүрген диабетке шалдыққан емделушілерге Л-карнитинді енгізу оларда гипогликемияны тудыруы мүмкін. Мұндай емделушілердің плазмасындағы глюкоза деңгейі гипогликемиялық емдеуді реттеу үшін үнемі бақылануы тиіс.
Жүктілік және лактация кезеңі
Жүктілік немесе бала емізу кезінде тек аса қажетті, егер ана үшін пайдасы ұрыққа немесе сәбиге төнетін ықтимал қатерден артық болатын жағдайларда ғана қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозаланғанда
Л-карнитиннің артық дозаланған жағдайындағы уыттылығы туралы деректер жоқ. Препараттың жағымдылығы оны қабылдаудың алғашқы аптасында және қабылданған дозаны әр арттырған сайын бақыланады.
Симптомдары: препараттың жоғары дозалары диареяны туындатады.
Емі: препараттың қабылдайтын дозасын азайтады және орнына алмастырушы ем жүргізеді.
Шығарылу түрі және қаптамасы
Препаратты 5 мл-ден сындыруға арналған белгісі бар күңгірт шыны ампулаға құяды.
5 ампуладан термопластикалық пішінді ұяшықты қаптамаға салынады.
1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Жарықтан қорғалған жерде, 25 оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген сақтау мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
DEMO S.A. Pharmaceutical Industry компаниясы
21 Km National Road Athens-Lamia
14568 Афина, Греция
тел: + 30 210 8161802
факс: + 30 210 8161802
Тіркеу куәлігінің иесі
DEMO S.A. Pharmaceutical Industry,
21 Km National Road Athens-Lamia,
14568 Афина, Греция,
тел: + 30 210 8161802
факс: + 30 210 8161802
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«КФК Медсервис Плюс» ЖШС
ҚР, Алматы қ., Маметова к-сі, 54
тел.: +7 (727) 233 41 54